🖤 "اسير " يخرب بيتك انت سبت المستشفى وجيت !
" طارق " لا دكتور عصام هناك وكمان مصطفى ساعه كده وهيروح
" البنت اللى فى المحل " ها يا انسه اختارتى ايه ؟
" سها " اه هو ده اللى عاجبنى
" طارق " انا قلت لاء يا سها ده عريان اوى
" سها " ده عريان ؟ العرايس كلها بتلبس كده
" طارق " استغفر الله العظيم ... ده يا حبيبتي تلبسيه فى البيت مش فى الفرح قدام الناس
" سها " بس ده اللى عاجبنى
" طارق " يا بنت الناس متعصبينيش ....
" جميله " فى ايه بس يا طارق ما هو حلو اهو
" طارق" حلو ايه يا جميله .... انتى مش شايفه منظره
" سها " فى ايه يا طارق .... انت عايزنى البس فستان شكله ايه يعنى ؟ ما ده الموجود
" طارق " سها متخرجينيش عن مشاعرى انا قلت لا يعنى لا .... نقى حاجة تانيه واسمعى الكلام بدل ما احلف لافى فرح ولا فى فستان ونكتب الكتاب وخلاص على كده
" ملك " راحت لاسير وشوشتها :- طارق شكله اتعصب جامد الحقيه بدل ما يعمل حاجة
اسير راحت لطارق ومسكت ايده :- خلاص يا طارق اهدى شويه هتفرج الناس علينا
" جميله " تعالى يا سها معايا ننقى حاجة تانيه
جميله مشيت وخدت سها وملك وفريده وفضل طارق واسير
" اسير " كده تزعلها ؟
" طارق " هى اللى مبتسمعش الكلام ، المفروض انى جوزها وكلمتى تمشى
" اسير " طب اهدى علشان خاطرى ..... بقولك ايه انت لسه ما جبتش البدله تعالى نجيبها وبالمره تنقى معايا الفستان
اسير وطارق راحو يجيبو البدله ونقو واحده وطارق دخل يقيسها ولما طلع
" طارق " ها ؟ حلوه ؟
اسير بصت له ودمعت :- قمر ما شاء الله ....
راحت مسكت وشه :- الف مبروك يا حبيبي ......
طارق حضنها :- الله يبارك فيكى يا قلبي ..... عقبالك
" اسير " عايزاه نسخه منك يا تيكو
" طارق " ان شاء الله هيبقى احسن يا حبيبتي انتى تستاهلى احسن منى ... مش يلا بقى علشان نلحق الجماعه
" اسير " اه يلا علشان لسه هجيب فستانى
" طارق " يعنى خلاص هاخد دى ؟
" اسير" اه دى جميله
بعد ماخلص وطلع وهما فى العربيه
" طارق " هنروح فين ؟
" اسير " فاكر المحل اللى شفناه واحنا رايحين شقتك ؟
" طارق " اه فاكره .... عايزه تروحيه
" اسير " اه شوفت فستان عجبنى بس يا رب الاقيه
" طارق " اممممم ويا رب يكون محترم
💞💞💞💞💞💞
بعد ما اسير وطارق نقو الفستان رجعو لنفس المحل كانت سها اشترت الفستان وفريده جابت فستان اوف وايت وجميله جابت واحد كحلى وملك احمر ، جميله خدت طارق وروحو و اسير اخدت سها وملك وفريده واشترو حاجات الفرح بتاع فريده وسها وراحو كافيه بعد ما خلصو
" اسير " ها يا ملك مالك بقى ؟
" ملك " معرفش ..... بصوا انا بحب واحد وهو كمان طلع بيحبنى وعاوز يتقدم لبابا
" اسير " طب ده شيئ كويس ... مين بقا ؟
" ملك " المعيد بتاعى اسمه " مراد " وقالى انهارده
فلاش باااااااااك
" د / مراد " انسه ملك
" ملك " خير يا دكتور ؟
" مراد " كنت عايز اتكلم معاكى شويه
" ملك " خير فى حاجة ؟
" مراد " طب ممكن نروح نقعد فى اى كافيه ؟
" ملك " انا آسفه مش هينفع حضرتك قولى عايز ايه
" مراد " طيب .... انا معجب بيكى جدا وعايز اتقدملك ... ف ممكن اخد منك رقم الباش مهندس
ملك فضلت باصاله كتير وبعدين فاقت وادتله رقم والدها ومشيت
باااااااااك
" ملك " كده انا عملت حاجة غلط ؟
" فريده " لا يا حبيبتي بالعكس انتى مغلطيش خالص
" اسير " فعلاً انتى اتصرفتى صح
" سها " يعنى هنفرح بيكى قريب ؟
" ملك اتكسفت جدا
" اسير" اسكتى كسفتى البت
" سها " ليه هو انا لسه قولت حاجة ؟
"الكل " هههههههههههههههههههه
" اسير " لا انتى بتعيدى الشريط بتاع الصبح
" ملك " شريط ايه
" سها " يا دى الفضايح
قعدو يضحكو ويهزرو لحد ما طارق اتصل على اسير
" اسير " ايه وحشتك
" طارق " لا طبعاً مش انتى
" اسير " امال مين
" طارق " حبيبة قلبى ... بقولك انتو خلصتو ولا لسه
" اسير " اه خلصنا وكنا بنتغدى
" طارق " جيبتو الشفتشى والمفتشى
" اسير " يا طارق بطل سفاله انت والله لو قدامى دلوقتي كنت خنقتك
" طارق " اهون عليكى يا سيله ؟
" اسير " اصل بصراحه انت بقيت منحرف جدا .... الله يكون في عون سها .... انا متأكده انها.....
" طارق " خلاص خلاص ارجعو بس بسرعه علشان جميله ومصطفى عاوزينك
" اسير " فى حاجة
" طارق " لا متخافيش عاوزينك تساعدينا فى الديكورات والالوان .... ارجعى بس وانتى تعرفى
" اسير " حاضر .... يلا مش هتأخر
" طارق " اسير خدى بالك وانتى بتسوقى ... الطريق زحمه دلوقتي متسرعيش اوى وكمان .....
" اسير " خلاص يا طارق هو انا اول مره اسوق
" طارق " لا اصلى عارف انك متخلفه فى السواقه .... نفسى اعرف مين الحمار اللى علمك السواقه
" اسير " هو فى غيره ؟
" طارق " مين ؟
" اسير " ههههه انت
" طارق " ماشى يا اسير ...بس اما ترجعى
