✨ بعد ما اسير خرجت
" جميله " ها عملتى ايه ؟
" اسير " هروح معاكو
" جميله " حضنتها جامد :- الحمد لله ..... الحمد لله
" مصطفى " وحضنها :- حمد الله ع سلامتك يا سيله
اسير بصت لطارق وجريت عليه وحضنته
" طارق " حمد الله ع سلامتك يا حبيبتي
" اسير " الله يسلمك يا طارق
" طارق " مش يلا بقى ولا انتى حابه القاعده هنا ، بصراحة انتى وحشتينى وعاوز اقعد اتكلم معاكى
" اسير " طب يلا نروح واتكلم براحتك
اسير لفت لقت سيف واقف مبتسم
" اسير " سيف ازيك ...... تعبت نفسك ليه بس
" سيف " لا تعب ولا حاجة ....المهم انك خرجتى بالسلامة
" اسير " انا متشكرة اوى
" طارق " يلا بقى ولا ناويين تباتوا
اسير وهى خارجه لمحت آدم كان مبتسم ليها وكأنه بيقولها متمشيش وتسيبينى وهى كمان ابتسمتله وشاورتله بإيديها بمعنى هكلمك لما اروح
🍀♥️🍀♥️🍀♥️🍀
عند احمد
" فريده " اهدى يا احمد ... المحامى راح ع النيابه
" احمد " انا عايز اخرج مينفعش تبقى بنتى بتدبهدل كده وانا قاعد اتفرج
" فريده " انت لسه تعبان .... وبعدين ماهو سيف معاهم وهيطمنا
" احمد " ربنا يستر
" فريده " يا رب
وبعد ساعه تليفون احمد رن وكان المحامى اللى قال لاحمد ان اسير خرجت
" احمد " بجد يعنى هيا خرجت
" المحامى " اه لسه خارجه دلوقتي
" احمد " انا متشكر اوى .... مش عارف اقولك ايه
" المحامى " عيب كده دى اسير زى بنتى
"احمد " اه طبعاً
احمد قفل مع المحامى واتصل على اسير
اسير كانت فى العربيه وتليفونها رن ولما لقته احمد ابتسمت ولما افتكرت حكاية سيف وانه حاول يقتل احمد قبل كده قلقت عليه وردت علطول
" اسير " الو
" احمد " حبيبة بابا ... عامله ايه يا سيله ؟
" اسير " الحمد لله يا بابا .... وحشتنى اوى
" احمد " الحمد لله انك خرجتى يا حبيبتي .... وانتى كمان وحشانى اوى .... مش هتيجى اشوفك ؟
" اسير " على بالليل يا بابا ... معلش اصلى منمتش طول الليل وتعبانه اوى
" احمد " ماشي يا قلبي خدى بالك من نفسك
" اسير " حاضر يا بابا ربنا يخليك ليا .... بحبك اوى يا بابا
" احمد " وانا اكتر يا روح بابا ..... لا اله الا الله
" اسير " محمد رسول الله
وقفلو
دخلت عليه فريده وحكالها اللى حصل وهى فرحت اوى وكانت عايزة تتصل عليها وتباركلها
" احمد " سيبيها يا فريده هى تعبانه شويه .... سيبيها ترتاح هى هتيجى بالليل
🍁🍁🍁🍁🍁🍁
اسير اول ما روحت
" جميله " ثواني ويكون الاكل جاهز
" اسير " اكل ايه بس انا جعانه نوم ... هموت وانام
" مصطفى / طارق " بعد الشر عليكى
" طارق " كلى وبعدين نامى
" اسير " لا مش جعانه هنام وآكل لما اصحى
ودخلت على اوضتها
" مصطفى " محدش يغصب عليها ...... سيبوها براحتها .... هى تعبانه ومحتاجه ترتاح
" طارق " انا كمان تعبان اوى ... منمتش غير تلات ساعات بس هنام شويه ومحدش يصحينى
" مصطفى " والمستشفى ؟ انت بقالك يومين منزلتش
" جميله " مش مهم بقا يا مصطفى ..... سيبهم انهارده علشان خاطرى
" طارق " باس ايد جميله :- حبيبتي يا جوجو ...... انتى اللى فيهم والله
" مصطفى " مش عارف هتفضلى تدلعى فيهم لحد امتى....... ده عنده 30 سنه وخلاص هيجوز بعد يومين المفروض يشيل المسؤوليه
🌼🌼🌼🌼🌼🌼
اسير بعد ما دخلت اوضتها طلعت تليفونها من شنطتها واتصلت بآدم من الشريحه اللى ادهالها مراد
" اسير " ازيك يا آدم
" آدم " الله يسلمك .... ها عملتى ايه
" اسير " لسه واصله البيت حالا
" آدم " طب نامى بقا علشان انتى منمتيش خالص امبارح
" اسير " يعنى انت اللى نمت ... ما انت كمان فضلت صاحى
" آدم " بقولك انتى هتكلمى سيف امتى
" اسير " لما اصحى علشان ميحسش بحاجة
" آدم " تمام ..... خلى بالك من نفسك ولو حسيتى انه عرف حاجة ابعدى عنه واتصلى بينا
" اسير " حاضر
" آدم " لا اله الا الله
" اسير " محمد رسول الله
اسير نامت و لما صحيت قررت تكلم سيف
" اسير " الو
" سيف " اهلا بالقمر
"اسير " عامل ايه
" سيف " بقيت كويس اما سمعت صوتك
" اسير " ها يا سيف ايه فى ايه اهدى شويه ..... المهم انا كنت بكلمك عايزه اشكرك
" سيف " تشكرينى على ايه ؟
" اسير " هما حكولى على اللى انت عملته فى القسم
"سيف " انا كده هزعل ... هو احنا فى بينا كده ؟ ده انا حتى كنت مضايق اوى علشانك وكان نفسى ياخدونى بدالك
" اسير " بعد الشر عليك
" سيف " خايفه عليا ؟
" اسير " فى نفسها :- ربنا ياخدك يا شيخ ويريحنا من قرفك
" اسير " اه طبعاً مش ابن عمى
" سيف " ابن عمك ونفسى ابقى اكتر
" اسير " فى نفسها :- ابقى احلم انك تلمس شعره منى يا سيف
" اسير " سيبنى بس اتعود عليك
" سيف " طب انا عايز اشوفك انهارده
" اسير " نتقابل عند بابا بقى
" سيف " طب نتقابل عند عمى ونتعشى سوا
" اسير " فى نفسها :- مش بالسهوله دى ده انا ابعد من نجوم السما
" اسير " افكر ..... يلا كفاية كده اما اقوم اشوف الناس اللى فرحهم بعد بكره دول نظامهم ايه
" سيف " هو فعلاً الفرح بعد بكره ؟
" اسير " بضحك :- معرفش والله .... هشوف واقولك .... بص قبل ما انزل هاكلمك
" سيف " تمام بااي
" اسير " بااااى
بعد ما اسير قفلت السكه
"اسير " فى داهيه تاخدك ..... يا رب انا مضطره استحمل الانسان القذر ده لحد ما مهمتى تخلص ويقبضو عليه
اسير قامت خدت شاور و جهزت و نزلت تحت لقت جميله عامله وليمه
" اسير " ايه ده ؟ لمين الاكل ده كله ؟ انت بتحتفل بفرحك ولا ايه يا طارق ؟
" طارق " لا والله ابدا ..... دى جميله ... من ساعت ما دخلتى تنامى وهى اعلنت حالة الطوارئ في المطبخ وعملت كل الاكل ده
" اسير " ليه تتعبى نفسك بس؟
" طارق " يعنى هيا تعبت نفسها ف ايه ده انا قلت ادخل انام مكملتش نص ساعه ولاقيتها داخله .... قوم يا طارق هاتلى الطلبات دى من تحت وادتنى لسته قد كده .... ولما جيت مريحتنيش دخلتنى المطبخ علشان اساعدها ... بقيت الشيف الشيربينى بهدلتنى انهارده
" جميله " انا يا طارق ده انت معملتش حاجة .... دخلت المطبخ علشان تدوق .... يعنى دخلت كلت وطلعت معملتش حاجة ، بعدين هو انا عندى اغلى من اسير ؟
" اسير " ربنا يخليكى ليا يا رب
" طارق " ايه الحب ده ... الحب ولع الدره ... يلا يا ماما انتى وهيا جعانين عاوزين ناكل
" اسير " طول عمرك مفجوع
التفتت اسير الى سها التى خرجت من غرفتها على صوتهم
" اسير " يا بنتى ده ممكن ياكلك بعد الجواز
" طارق " ملكيش دعوه انا وهيا حرين مع بعض
" اسير " يعن اطلع انا منها ؟
" طارق " اه اطلعى
" اسير " ماشى يا طارق انا هوريك
" طارق " احترمى نفسك انا خالك بردو وبعدين ياستى ناكل الاول وابقى استحلفى بعدين
وهما ع الاكل
" اسير " ها ناويين الفرح امتى ؟
" طارق " المفروض كان آخر الاسبوع بس كده مش هنلحق خالص ... خليها الأسبوع الجاى
"سها " المفروض اكلم ماما وبابا علشان تطلبنى منهم رسمى
" طارق " نعم يا اختى ... هو انا مش طلبتك منهم مره وعملنا خطوبه كمان ؟ ولا هى حكايه يعنى ؟
" سها " بس المفروض نبلغهم
" جميله " طبعاً يا قلبى بس هاتى الرقم وانتى ملكيش دعوه
" اسير " وانا وانتى هننزل نشترى الفستان
" طارق " وانا هشوف الفندق
" جميله " وانا هشوف الدعاوى والناس
" مصطفى " الله انتو ناسينى فى القاعده دى بقى
" جميلة" لا يا حبيبي اسير وملك هينزلو مع سها وفريده علشان الفساتين و انت شقتك جاهزه
" طارق " ماتخافش اوى كده انت عندك مهمه اكبر بكتير
" مصطفى " اللى هيا ايه ؟
" طارق / اسير " المستشفى
" اسير " تمام انا رايحه لبابا دلوقتي ... وانتى يا ست سها عايزين نشاط الاسبوع ده الشقه موجودة بس ناقص الفرش تنزلو تنقو الفرش وانا وانتى ننزل نجيب الحاجه اللى انتى عايزاها
" طارق " حاجة ايه ؟
" اسير " وانت مالك دى حاجات بنات لما تتجوزو تبقى تعرف
" طارق " اااااااه خلاص فهمت
" الكل " فهمت ايه
" طارق " هتنزلو تجيبو الشفتشى والمفتشى صح ؟
" مصطفى " اه يا حيوان
" جميله " ايه ده يا طارق ... هو انا ربيتك على كده
" اسير " انت انحرفت امتى يا حبيبي ؟؟
" طارق " لا ماتخديش فى بالك ده من زمان
ثم نظر لسها وغمز لها :- صح يا سها ؟
" اسير " طارق اتلم البت بقت شبه الطماطم
" طارق " هههههههه لا ما لازم تتعود امال هتعمل ايه بعد كده
" مصطفى " طب اقوم الطشه قلمين ده ولا اربيه من الاول
" طارق " لا يا عم وعلى ايه انا ماشى لوحدى
ثم مشى خطوتين ورجع :- بقولك يا جميله انتى اتجوزتى قبل كده نصحيها بقا بدل ما اطلقها تانى يوم
" جميله / مصطفى " اه يا سافل ....
اسير مسكت السكينه وكانت هتحدفه بيها " امشى يا منحرف من هنا
" طارق " حرام عليكى .... ذنبها ايه بس القمر دى لما تترمل
" سها " انا اول مره اعرف ان الجواز بيخلى الواحد يجنن وينحرف كده
" الكل " ده جوزك ده الجنان بعينه
" سها " لا خلاص انا مش عايزه اتجوز ..... غيرت رأيي
" اسير " طارق مجنون استحاله يسيبك غير لما تبقى مراته شرعا وقانونا
🌷🌷🌷🌷🌷🌷
اسير راحت لاحمد المستشفى
" اسير " بابا حبيبي
" احمد " حبيبتي عامله ايه
اسير راحت حضنته :- الحمد لله يا حبيبي ...وحشتنى اوى
" احمد " وانتى اكتر يا قلبي
" اسير " امال عمتو فريده فين ؟
" احمد " فريده راحت الكافتيريا وجايه دلوقتي .. وكمان ملك فى الطريق ... دى هتفرح اوى بيكى كانت بتعيط علشانك جامد
" اسير " ربنا يخليها ليا ....... بص يا بابا عايزه اتكلم معاك شويه
" احمد " خير يا حبيبتي
" اسير " قعدت جنبه ع السرير ومسكت ايده :- خالو مصطفى وعمتو فريده مش لازم يجوزو بقا ؟ دول استنو كتير
" احمد " اطلع من هنا ونتكلم
" اسير " يا بابا انت كلها يومين وتخرج من هنا وبعدين احنا تفقنا انهم هيتجوزو معى طارق وسها وطارق حدد معاد الفرح الاسبوع الجاى ، كل حاجه جاهزه والشقه جاهزه من 25 سنه وهما لو حبو يجددو حاجة مش هتاخد منهم اسبوع واحنا معانا 10 ايام قبل الفرح ، الفندق هيتحجز والقاعه و الدعوات هتخلص والفستان هيتجاب ولو فى حاجة ناقصه هننزل نجيبها .....بابا وافق بقا علشان خاطرة نفسنا نفرح
" احمد " امرى لله .... ماشى يا حبيبتي موافق قولى بقا لعمتك واتفقو مع بعض
اسير حضنته وباسته :- ربنا يخليك ليا يا احسن اب فى الدنيا
" احمد " ويخليكى يا حبيبتي
فى اللحظه دى دخلت احلام
" احلام " ازيك يا احمد ازيك يا اسير
احمد بطريقه ناشفه :- كويس
" اسير استغربت طريقه احمد :- الحمد لله ياطنت
" احمد " روحي يا اسير يا حبيبتي لعمتك وقوليلها ع اللى اتفقنا عليه
" اسير " حاضر يا بابا
ثم التفتت لاحلام :- طنت عمتو وخالو هيتجوزو مع طارق وسها الخميس الجاى
" احلام " الف مبروك يا حبيبتي عقبالك ... لو احتاجتو حاجة قولولى
اسير وهيا مستغربه طريقتها :- اكيد يا طنت
ومشيت
🔥 بعد ما اسير مشيت
" احلام " انا عارفه انك زعلان منى
" احمد " يعنى انتى عارفه عملتى ايه ؟؟
" احلام " عمرك ما شوفت يوم عدل معايا وطول عمرى مورياك الويل
" احمد " كل ده كوم واللى انتى عملتيه فى بنتى كوم
" احلام " والله ما عملت حاجة صحيح انا كنت ناويه بس رجعت في كلامي
" احمد " لما انتى معملتيش حاجة مين اللى عمل ؟
" احلام " وحياة بنتى عندى ما انا اللى عملت كده ... انا صحيح كلمت حسام وقولتله يشاغلها ويوقعها فى حبه بس اما اتقبض عليها قلت مش هعملها حاجة ...... انا الشيطان كان عامينى .... والله اما هى اتحبست انا مانمت اليوم ده طول الليل صاحيه ادعى ... اول مره ادعى لحد دعيتلها والله..... حسام قالى يمكن عملت مصيبه قولتله دى تربية جميله ابو الوفا واخوها مصطفى ابو الوفا متعملش الغلط ... انا راجعت نفسى وقولت اكيد لو عملت حاجة فيها هتتردلى فى بنتى ..وانا اموت لو جرا حاجة لملك ... انا والله يا احمد هتغير علشانك وعلشان ملك وعلشان نفسى تسامحنى .... لو عايز ترجع لجميله ارجعلها ....ولو عايز تطلقنى طلقنى بس متحرمنيش من بنتى والله مش هتعبك وهفضل اخدمك بس انت تسامحنى
اسير فى الوقت ده كانت راجعه الاوضه وسمعت الحوار كله
" احمد " تفتكرى هقدر اسامحك بسهوله ؟؟؟؟؟
" اسير في الوقت ده دخلت :- اه يا بابا لازم تسامحها .... زى ما سامحتك هى كمان ندمت زيك بالظبط .... كفاية بقى كره وخلينا نحب بعض شويه نفسى الفرح يدخل العيله دى ... انا عن نفسى مسامحاها على اللى كانت ناويه تعمله وانت كمان سامح
ثم اتفتت لاحلام :- وانتى يا طنت البيت مش بيته هو علشان تسيبيه البيت بيتك انتى ... انتى اللى استحملتى معاه وربيتي بنته وكبرتيها وماتخافيش جميله عمرها ماهترجعله جميله ذكرى مش اكتر
" احمد " خلاص يا احلام مسامحك .... بس تتغيرى بجد
" احلام " والله هتغير
" اسير " كفايه نكد بقا ..... يلا انا رايحه لعمتو وانتى يا طنت ليكى نصيب من الشغل كل واحد هيعمل حاجة
" احلام " من عينيا
" اسير " تسلم عيون القمر .... يلا عايزين حاجة
" احمد / احلام " عايزين سلامتك
" احلام " مغلطش لما قلت ان جميله واخواتها عرفو يربوها
" احمد " اهو طارق ومصطفى عوضوهها عنى
" احلام " اه صحيح هو مين الشاب اللى كان معاها ده ... مش هى مش مخطوبه ؟
" احمد " ده طارق ابو الوفا ..... اخو جميله ومصطفى
" احلام " ماشاء الله يعنى ده خالها ! ...... انا كنت مفكراه خطيبها او زميلها
" احمد " هى بتحبه اوى لانه اهتم بيها لما مصطفى انشغل بالمستشفى وجميله طبعاً كانت نفسيتها تعبانه ...... المهم قومى اعدليلى المخده دى لحسن مش قادر
" احلام " حاضر
🍃🍃🍃🍃🍃🍃
اسير لما نزلت لفريده
" اسير " ازيك يا عمتو
" فريده " حبيبة قلب عمتو .... عامله ايه يا روحى
" اسير " حضنتها :- الحمد لله يا عمتو ..... يلا بقى عاوزاكى فى مشوار مهم
" فريده " خير يا حبيبتي
" اسير " خير يا عمتو ان شاء الله ... تعالى معايا بس
اسير اخدت فريده وهما خارجين قابلو ملك نازله من العربيه
" ملك " اسير حبيبتي
" اسير " وحضنتها :- ملوكه حبيبتى عامله ايه واحشانى
" ملك " انتى اكتر يا قلبى
" اسير " تعالى معانا يلا
" ملك " هنروح فين ؟؟؟؟
" اسير " ايه يا جماعة اسئلتكو كتير ليه مش هخطفكو يعنى انا وخداكو هنشترى شويه حاجات
" ملك " طب يلا انا كمان كنت عاوزاكى
" فريده " طب انا مليش لازمه بقى ...... هروح اقعد مع احمد
" اسير " لا لا لا لا لا انتى لازم تيجى
" فريده " خدى اختك معاكى بقا انا مش جايه
" اسير " انتى غاويه تتعبينى ليه
" فريده " بس......
" اسير / ملك " خلاص بقى يا عمتو
وهم خارجين شافو سيف
" سيف " ازيكو يا جماعة
" الكل " الحمد لله
" سيف " ها رايحيين فين كده
" اسير " هنشترى شويه حاجات
" سيف " كلكم !!!!
" اسير " اه كلنا
" سيف " طب ربنا معاكم .... معلش يا اسير عايزك ثوانى
" اسير " طب عن ازنكو يا جماعة
سيف خد اسير بعيد عنهم شويه
" سيف " ايه يا حبيبي انتى مش كنت هتخرجى معايا
" اسير " فى نفسها :- حبك برص يا اخى لو تعرف انا بكهرك ازاى
" اسير " معلش بقا يا سيف اصل طارق حدد معاد الفرح وكنا رايحين دلوقتي نجيب الفستان
" سيف " طب هتروحو فين ؟
" اسير " اعرف مكان كويس هنروحه بس انا لسه مقولتش لعمتو
" سيف " بس انا كنت عاوز اتكلم معاكى
" اسير " فى نفسها :- كلمتك جنابك يا بعيد
" اسير " معلش بقى يا سيف لما اروح هكلمك ...... متزعلش بقا
" سيف " اصلا انا مقدرش ازعل منك
" اسير " ماشى همشى انا دلوقتي مش عاوز منى حاجة
" سيف " ربنا يخليكى ليا .... بس خدى بالك من نفسك
" اسير " حاضر وانت كمان يلا بااى
فى العربيه
" اسير " يا عمتو خلاص مفيش نقاش فى الموضوع ده
" فريده " ايه يعنى فى سنى ده هعمل فرح ! ده انا عندى 47 سنه من دور جميله
" اسير " 47 ! ايه ده يا عمتو ده انا فكرت عندك 30 سنه
" ملك " طبعاً يا بنتى ده عمتو قمر ... ابيه مصطفى محظوظ انه هيتجوز قمر زيها
" اسير " ايه يا ستى ما انا خالو كمان قمر صح يا عمتو ؟
" فريده " اه طبعاً كفايه عينيه العسلى اللى بتدوبنى دى
" اسير / ملك " هههههههه لا ده انتى واقعه خالص
" فريده " بس يا بت انتى وهيا عيب ده انا عمتكو
" اسير " خلاص سكتنا اهو
" فريده " نفسى اشوفكو عرايس بالفستان الابيض انتى وهيا قبل ما اموت
" اسير / ملك " بعد الشر عنك يا عمتو
" اسير " المهم انا كلمت سها وهتقابلنا هناك
" ملك " طب انا جايه ليه
" اسير " يا بنتى متجنينيش انا وانتى هنجيب فساتين ولا هنحضر ازاى ؟
" ملك " تمام
" اسير " عمتو هو انتى فاكره الشقه مكانها فين ؟
" فريده " اه طبعاً هو انا اقدر انساها ؟
" اسير " تمام طب فى حاجة عايزه تغيريها ؟
" فريده " لا اوعو انا عمرى ما هغير فيها حاجة
" ملك / اسير" ليه يا عمتو ؟
" فريده " كل حاجة فى الشقه دى زوقى انا ومصطفى عمرى ما هغيرها
" اسير " يا سلام ع الرومانسية ...... يا رب اوعدنا
لاحظت اسير شرود ملك
" اسير " ملك مالك ؟
" ملك " ها ؟ لا أبداً مفيش حاجة
" اسير " طب يلا وصلنا
بعد ما وصلو
" اسير " يلا سها هناك اهى
" سها " اتأخرتى كده ليه ؟
" اسير " معلش بقى .... بصى دى عمتو فريده ودى ملك اختى ودى يا جماعة سها اعز صحبات ماما وخطيبة طارق
المهم بعد السلامات دخلو المحل وسها عجبها فستان
" سها " الله يا سيله ! بصى انا هاخد ده
سمعت صوت من وراها :- لا ده عريان اوى
بصو كلهم " اسير / سها " طارق !!!!!
" طارق " معلش يا انسه دكتور طارق ومعايا المدام جميله
