✨ تانى يوم الصبح ملك راحت الكليه ومصطفى راح المستشفى و اسير جهزت ونزلت مع طارق وهما فى العربيه
" طارق " ههههه بس ليلة امبارح دى كانت ايه ههههه الجيران اتخانقو مع مصطفى وجميله ههههههه
" اسير " هههههههه مش ده كله بسببك انت هههههه اكيد صوتك معجبهمش ، وجميله قالتلهم ايه بقا ؟؟
" طارق " هههههه قالتلهم كنا بنزف عروسة هههههه هتكون قالت ايه يعنى ؟ قالتلهم اى حاجة وخلاص
" اسير " طب شغل اى اغنيه كده
" طارق " حاضر يا ستى
طارق شغل اغنية ( بنت اكابر ) وقعدو يغنو معاها لحد ما وصلو المستشفى وكان صوت الاغانى على جدا وهما مقضينها ضحك ومش هاممهم حد، دخلو المستشفى وهما بيغنو وكل اللى فى المستشفى فكروهم مجانين
دخلو عند مصطفى
" اسير " ( عمال يعادى ويتكابر ... ويسوق فى عنده ومش صابر.. وانا من عيله وبنت اكابر وفى وسط ناسى يا ناس ايه .... سبحان ما زاد حسنه ورسمه ده الناس بيتغنو بإسمه ورد وطرح قبل مواسمه ... من غير لا زرع ولا سقايه ) طبعاً طارق ميتوصاش فى الضحك وقعد على الكرسى و قعد يسقف ويطبل على المكتب باطراف اصابعه
" مصطفى " ايه انت وهيا داخلين فرح .... ايه اللى بتعملوه ده ؟؟ بس يا مجانين هطفشو المرضى
" اسير " ايه يا خالو ده حتى الاغنيه حلوه
" طارق " اسير بتحيي ذكرى امبارح هههههههههه
" مصطفى " طب يلا روحى اطمنى على احمد وشوفى شغلك وليا تصرف معاكو لما نروح .... يلا يا طارق انت كمان فى حالات كتير جيالك انهارده
بعد ما مشيو طارق راح مكتبه ومنه على اوضة الكشف واسير طبعاً راحت لاحمد واول ما دخلت " اسير " ( عمال يعادى ويتكابر .... ويسوق فى عنده ومش صابر ... وانا من عيله وبنت اكابر وفى وسط ناسى يا ناس ايه ) وراحت لاحمد مسكت ايده ورقصت معاه وهو قاعد ع السرير وهى بتغنى وبعدين لفت لملك وفريده ووقفو يرقصو ع الاغنيه واحمد مبسوط ولما خلصو راحت اسير " وحشتنى "
" احمد " وحضنها :-وانتى اكتر بس ايه الروقان ده
طبعاً قعدو يهزرو ويغنو
✨✨✨✨✨✨
فى نفس الوقت كان فى ( امنا الغوله ) احلام بتخطط تخلص من اسير
" احلام " ها عرفت هتعمل ايه ؟؟
" حسام " على فكرة انتى خنقتينى سألتينى السؤال ده ميت مرة لحد دلوقتي
" احلام " معلش يا روح خالتك استحملنى ، ما انت الفلوس اللى هتلهفها مش شويه
" حسام " يا دى النيله بصى اقفلى ع الموضوع علشان انا اتخنقت وماتخافيش هخليها تيجى تبوس ايدك
" احلام " اما نشوف يا خويا
" حسام " هتشوفى وقريب اوى كمان
🔱 🔱🔱🔱🔱🔱
عند طارق
الممرضة :- فى واحده عاوزة حضرتك بره
" طارق " مقالتلكيش هى مين ؟؟؟؟؟
" الممرضة " لا والله يا دكتور
" طارق " طب دخليها
" الممرضة " حاضر يا دكتور
الباب خبط
" طارق " ادخل
" سها " ازيك يا طارق
" طارق " انتى ؟ مش معقول !!؟
" سها " وحشتنى
" طارق " جايه ليه دلوقتي يا سها ؟؟؟
" سها " وحشتنى اوى يا طارق
" طارق " ياااااااه بعد ده كله جايه بكل بساطة تقولى وحشتنى
" سها " لو عرفت انا سبتك ليه هتعزرنى
" طارق " ها .. اشجينى قوليلى سيبتينى ليه ... لقيتى حد يحبك اكتر منى ولا ايه اللى حصل ؟؟
" سها " ببكاء :- متظلمنيش يا طارق انا عمرى ما حبيت حد غيرك
" طارق " بعصبيه :- امال سيبتينى ليه ؟ اختفيتى ليه ؟ انا قلبت عليكى الدنيا وملقتكيش ؟ سيبتينى ليه ؟ انا عملتلك ايه ؟
" سها ببكاء زياده " كنت عيانه عندى كانسر ( سرطان )
طبعاً طارق اتصدم وكأن الزمن وقف بيه
" طارق " بصدمه :- سرطان ازاى
" سها " اكتشفت ان عندى السرطان وكان لازم اتعالج بعيد علشان متزعلش عليا وسافرت المانيا اتعالجت هناك وبعد ما خلصت العلاج علطول دورت عليك لحد ما عرفت انك رجعت مصر جيتلك على هنا انا بحبك اوى يا طارق مقدرش اعيش من غيرك
" طارق " ليه مقولتيليش انتى عارفه الفترة اللى بعدتى عنى فيها كنت عامل ازاى كنت بموت من غيرك ، وحشتيني اوى يا سها ، يلا بينا دلوقتي
" سها " على فين ؟؟؟؟؟
" طارق " هنروح عند جميله فى البيت هتقعدى هناك ليوم الفرح
" سها " فرح ؟؟ فرح مين !!!!؟
" طارق " فرحنا يا حبيبتي .... اعملى حسابك انه اخر الاسبوع يعنى بعد 3 ايام
" سها " وجاى على نفسك كده ليه ؟ متيجى نقوم نتجوز
" طارق " كان نفسى والله .... بس لازم نكلم اهلك الاول نقولهم على معاد الفرح وانتى تشتري الفستان ونشوف هنتجوز فين مع جميله ولا لاء ونشوف هنعمل الفرح فين
" سها " والله !!!! ده كله فى 3 ايام ؟؟ انت بتهزر يا طارق
" طارق " ما البت اسير وجميله هيساعدوكى ... يلا بقى يا ساااتر بتموتى فى الرغى
" سها " هههههههههههه استنى يا مجنون
( سها خطيبة طارق هى مصريه وسافرت هى واهلها علشان تكمل دراستها فى لندن وكانت ساكنه فى الشقه اللى جنب شقة طارق وجميله ومصطفى فى نفس العماره اتصاحبت على جميله وكانو بيقعدو مع بعض كتير وطبعاً طارق كان بيشوفها فأعجب بيها وحبها وخطبها كان عنده 27 سنه وهى 24 سنه الكلام ده قبل 3 سنين ولما هى اختفت هما رجعو مصر بس مكانوش فسخو الخطوبه هى راحت تتعالج )
♥️♥️♥️♥️♥️♥️
عند اسير فى المكتب الباب خبط
" اسير " ادخل ، اتفضل يا باش مهندس
" سيف " اهلا يا دكتورة
" اسير " بص احنا نشيل التكليف انا اسير وانت سيف تمام ؟
" سيف " تمام ، انا كنت جاى اسألك على حالة عمى
" اسير " هو بقى كويس ممكن يخرج كمان يومين
"سيف " طب الحمد لله والحمد لله كمان انكو رجعتو لبعض
" اسير " اه رجعنا لبعض ..... انت متأكد انك جاى علشان كده بس
" سيف " اه طبعاً استأذن انا بقى
جه يخرج رجع تانى وقالها :- بصى بقى انا اصلا مش جاى اطمن على عمى ولا حاجة انا جاى اشوفك انتى وحشتينى ... يووه بصى انا مش قصدى ... لالالا قصدى .. لا مش قصدى ..... بصى بقى انا من امبارح وانا مش عارف انام بسببك ومابفكرش فى حد غيرك .... يعنى من الاخر انا بحبك و عايز اتجوزك
" اسير " مش ملاحظ يا سيف انك مستعجل شويه .... لا شوية ايه انت مستعجل اوى
"سيف" انا عارف انا دايما بعمل حساب لكل خطوة بعملها بس معاكى انتى مش عارف ايه اللى حصلى انتى دلوقتي اهم حاجة فى حياتى
" اسير " بس لسه بدرى ع الكلام ده اوى ده احنا لسه عارفين بعض امبارح
" سيف " اول امبارح وبعدين الحب مش بالوقت ولا بالساعات انا حبيتك وخلاص
اسير لسه هترد لقت الباب خبط واتفتح من غير ما تقول ادخل وده طبعاً طارق لان دى عادته
" طارق " اسير شوفتى مين جه ؟!!!
" اسير " سها !! مش معقول انتى كنتىفين كل ده ؟؟؟
" سها " يووه انتى وخالك اسألتكو غريبه مفيش حمد الله ع السلامة ؟؟
" اسير " حضنتها :- حمد الله ع السلامة يا قلبي واحشانى اوى
" طارق " مش وقت سلامات دلوقتي احنا عاوزينك ضرورى
" سيف " طب استأذن انا بقا
" طارق " سيف معلش مخدتش بالى عامل ايه؟؟
" سيف " الحمد لله اخبارك ايه " طارق " الحمد لله بقيت كويس .... انت معزوم على فرحى آخر الاسبوع
" اسير " انهى اسبوع ؟؟
" طارق " الاسبوع ده يعنى بعد 3 ايام
" اسير " يا راااجل متخليها انهارده بالليل احسن
" طارق " لا ما انا قلت اديها فرصه تجهز ... المهم خلينا نشوف مصطفى فين
" اسير " يلا
✨✨✨⚡✨✨✨
مصطفى كان ماشى فى المستشفى وقابل فريده
" مصطفى " ازيك يا فريده ؟
" فريده " الحمد لله انت اللى عامل ايه يا مصطفى ؟
" مصطفى " اهى ايام وبنعشها
" فريده " ليه بتتكلم كده ؟
" مصطفى " مش هينفع وقفتنا دى تعالى اعزمك على قهوة فى مكتبى
"فريده " خليها عصير ليمون
" مصطفى " ايه ده انتى لسه ما بطلتيهوش ؟
" فريده " ولا عمرى هبطله وانت كمان هتشرب لمون
" مصطفى " طب اتفضلى معايا
وصلو المكتب وطلبو العصير
" فريده عامل ايه فى شغلك يا مصطفى ؟
" مصطفى " تمام الحمد لله الشغل كويس بس انا اللى مش كويس
" فريده " فى ايه احكيلى مالك ؟
" مصطفى " انتى متجوزتيش ليه لغاية دلوقتي؟؟
" فريده " بارتباك :- عادى يعنى
مصطفى بصلها نظرة طويله ولف قعد قصادها واتنهد وقال :- تتجوزينى يا فريده ؟؟؟؟؟؟
" فريده سكتت شويه وبعدين قالت :- لا طبعاً يا مصطفى
" مصطفى " بصدمه :- ليه يا فريده بعد العمر ده كله عايزه تحرمينى منك ؟؟!!!
" فريده " مينفعش ابنى سعادتى على حساب ناس تانيه
" مصطفى " اسير وسامحت احمد والامور بقت كويسه ... اظن انا لو كلمته وطلبت ايدك منه هو مش هيرفض
" فريده " انا اللى هرفض يا مصطفى
" مصطفى بعصبيه " ليه يا فريده ؟ هترفضى ليه ؟؟؟
" فريده ببكاء " علشان مراتك مظلمهاش معايا وولادك كمان
" مصطفى بدهشه " مرات مين وولاد مين ؟؟؟!!!!!
" فريده " مراتك يا مصطفى وولادك
" مصطفى " مين ضحك عليكى وقالك كده ؟ انا متجوزتش اصلا .... كنت مستنيكى وعايش على ذكرى حبنا القديم
" فريده " امال الدبله دى بتاعت مين ؟ انت لابس دبله !!!!
" مصطفى خلع الدبله وادهالها :- خدى يا فريده اقرى اللى مكتوب
فريده لفت الدبله لقت مكتوب اسمها وتاريخ اول يوم شافو بعض فيه
" فريده " يعنى انت متجوزتش يا مصطفى ؟؟!!!!!!!؟؟؟!!
" مصطفى " طبعاً عمر ما حد دخل قلبى غيرك ... ها هتجوزينى ولا اروح ارمى روحى فى البحر وابقى مجنون فريده ؟؟
"فريده ضحكت على كلامه :- اوعى تعمل كده هحصلك علطول .... وبعدين انا عندى اخويا الكبير روح اطلبنى منه
" مصطفى " طب انتى لسه قاعده ؟ يلا بينا
" فريده " استنى يا مجنون رايح فين ؟؟؟؟
" مصطفى " انا استنيت 25 سنه استنى ايه تانى
" فريده " هتعمل ايه يا مصطفى ؟؟؟
" مصطفى " هروح لاحمد اطلبك منه حالا
مصطفى لسه هيقوم لقى اسير ومعاها طارق وسها
مصطفى من الدهشة متحركش من مكانه
" مصطفى " سها !!!!!!!!
قام بسرعه وحضنها وسلم عليها
" سها " هو كل الناس بتندهش ليه اما تشوفنى
" مصطفى " لا أبداً بس انتى كنتى فين كل الفترة دى ؟؟؟؟؟
" طارق " مش وقت اسألة انا عايز اجازة جواز
" مصطفى " اجازة مين ؟؟؟؟؟؟
" جواااااز ايه صعبه ؟ اصل انا فرحى اخر الاسبوع وقبل ما تسأل بعد 3 ايام
" مصطفى " وانا كمان هتجوز
" الكل " نعم !!!! مين ؟؟؟؟؟
" مصطفى بص لفريده "- حبيبة قلبى اللى استنتها سنين
" اسير " راحت لخالها وحضنته :- مبرووك يا خالو يا حبيبي
" مصطفى " الله يبارك فيك يا حبيبتي عقبالك
اسير سابت خالها وراحت لفريده وحضنتها :- مبرووك يا عمتو
" فريده " الله يبارك فيكى يا حبيبتي عقبالك
" طارق " طب وانا مفيش مبرووك يا تيكو
" اسير جريت عليه وحضنته ودمعت " مكنتش عايزة افتكر انك هتسيبنى وتمشى
" طارق " اسير يا حبيبتي انا مش هسيبك انا معاكى علطول وقت ما تعوزينى هتلاقينى جنبك وهنبقى طول النهار مع بعض هنا فى المستشفى
" اسير عيطت و هو حضنها اكتر
" طارق " بس يا حبيبتي كفايه بقى ..... خلاص ياسيله يا حبيبتي ... خلى شوية دموع للفرح .. هتخلصيهم دلوقتى
" كلهم ضحكو واسير ضربت طارق على كتفه :- مبروك يا حبيبي
طارق " طب نغنى بقا هنفضل نعيط كتير
" طارق غنى اغنية ( نفسى ابقى جنبه ) ( "طارق " فات ... قرب عليا وخد تلات اربع حاجات ... " اسير " خد قلبى منى خد عقلى بالساعات ....." طارق " وانا مفتكرتش فى كده مهما كان ... دى حكايه تتعمل مسلسلات
" اسير " احساس كده قالو بيعمل معجزات .... خلانى اجمع واسمع معلومات
طارق " ده قمر يجنن وعاملى قلبان ... وده اللى من زمان
" اسير " نفسى ابقى جنبه ...... الخ الاغنيه )
واسير بدأت تغنى معاه وهما يسقفو
راحو عند احمد الاوضه
" احمد " مالكو كلكو كده شبه اللى هيعمل مصيبه ... خير
" اسير " استنو استنو ... انا نفسى اقول كده من زمان
" الكل " اتفضلى
" اسير " وهى تعدل ياقة البالطو الطبى :- يسعدنا ويشرفنا ان نطلب ايد اختك صاحبة الصون والعفاف السيده فريده الوكيل على كتاب الله وسنة رسوله
ها ؟ موافق صح ؟ اصل انا خالى ميتاعبش الصراحه وهما الاتنين بيحبو بعض من زمان ف انا بقول نجوزهم ونخلص منهم اهو الجواز ليهم سترة
ضحك الجميع على طريقه اسير
" احمد " هههههههههههه تنفعى خاطبه
" اسير " يعنى موافق ؟
" احمد " سيبينى اسأل عليه شويه
" اسير " نعم نعم !! انا خالى اصلا كل البنات هتموت عليه ... اى نعم هو كبير بس يعنى 52 سنه مش كبير اوى
المهم احنا اصلا حددنا معاد الفرح واحنا بنبلغك واعتبرنا موافقتك موجودة ... الفرح يا باش مهندس هيبقى بعد 3 ايام مع فرح طارق
" احمد وهو ينظر الى فريده " اهى بنتى بقت حماتك .. خلاص ماشى موافق
" طارق " طب سمعونى زغروطه بقى
اسير بصت ل سها : لولولولولولولولولوى
" صوتهم كان عالى وكلهم حطو ايدهم على ودانهم
" الكل " كفايه
" طارق " ايه انتى وهيا انتو فى عزا .... انا قلت زغرطى مش صوتى
" اسير " طب استنى اجرب واحده تانيه
" الكل " لا
" اسير " ههههههههههههههههه ماشى خلاص لمانروح لجميله هى هتزغرط ،نكلم جد بقا ... طارق
" طارق " نعم
" اسير " (عشنا وشفنا اليوم اللى اشتقناله ... )
" طارق " ( واحضنى قصاد الناس يا حبيبي وماله )
" اسير " (ما بقينا لبعض خلاص)
" طارق " ( زادو العشاق اتنين اكتب اسامينا ...)
" اسير " ( كان حلم سنين وسنين نبقى لبعضينا ...)
" طارق /اسير" ( الله على ده الاحساس )
" اسير " ( انا قلبى خلاص هتنام على صوت دقاته ..)
" طارق " (هيعيش وياك علطول اجمل اوقاته ...)
" اسير " ( حبك ولا يوم هنسااااه )
" طارق " ( انا قد القول ومعااك وفيت بوعودى ... وانت استنيت ..وبقيت محتاج لوجودى)
" اسير " (واهو ربنا جمعنا )
بعد ما خلصو
" مصطفى " طب يلا نروح نعرف جميله ونجهز للفرح اللى بعد 3 ايام ده
اسير راحت عند ابوها حضنته وباست راسه وهو ماسك ايدها باسها وفجأه دخل عليهم ظابط
" الظابط " انتى الدكتورة اسير الوكيل ؟؟
" اسير " ايوة انا .. خير ؟!!
" الظابط " مطلوب القبض عليكى
" الكل " ايه ؟!!!!!!
" اسير " انت متأكد ؟؟؟؟
" الظابط " ايوة انتى ويا ريت حضرتك تيجى معايا بهدوء
" اسير " طب حضرتك انا مقبوض عليا ليه ؟؟
" الظابط " اما حضرتك تيجى هتعرفى
" طارق " متقول فى ايه
" اسير " خلاص يا طارق انا هروح معاه
" مصطفى " استنى بس يا اسير نفهم فى ايه
" طارق راح مسك ايد اسير :- مش هتيجى معاك الا لما تقول فى ايه الاول
" اسير " خلاص يا طارق .. انا هروح اعرف فى ايه
" طارق " بس ...
" اسير " طارق علشان خاطرى كفايه انا هروح واعرف بنفسى فى ايه
" طارق " انا جاى معاكى
" اسير " لاء روحو انتو علشان جميله وشوفو لو هتجيب محامى
" طارق حضن اسير وهى كانت خايف ومسكت فى جامد
وجريت على مصطفى واحمد حضنتهم
" احمد " ماتخافيش
"هزت اسير راسها بمعنى ماشى
" اسير " يلا يا حضرة الظابط
اسير مشيت معاه
" احمد " روح وراها يا مصطفى
مصطفى وطارق وسها راحو وراها وفريده فضلت مع احمد
" احمد " فريده اتصلى بالمحامى بسرعه
" فريده " حاضر
لما وصلو القسم اسير دخلت التحقيق لوحدها
" اسير " ممكن اعرف انا هنا ليه ؟
" الظابط " ( آدم ) :- حضرتك متهمه بالتحريض على قتل السيده احلام الاسيوطى
" اسير " قتل !!!!!!!!!!!!!!! ومين أحلام الاسيوطى دى اصلا؟؟
" الظابط " ( آدم ) :- احلام الاسيوطى هى مرات الباش مهندس احمد الوكيل
" اسير " بس انا معملتش كده اصلا ...... انا لسه شايفاها من يومين اقتلها ليه ؟؟؟؟
" الظابط "(آدم ) :- فى واحد جه وقال ان انتى ادتيله فلوس علشان يقتلها
" اسير " واحد مين ؟ انا مااديتش لحد فلوس
" الظابط " ( آدم ) :- واحد مسجل خطر واظن مش من مصلحته انه يتهمك
" اسير " انا معرفش مسجلين خطر ، انا دكتورة محترمه اعمل كده ليه ؟؟؟؟؟
طبعاً ده كله وطارق واقف بيغلى بره ومصطفى عمال يفكر مين له مصلحه انه يأذى اسير ، مصطفى ضغطه على وداخ سها قعدته على الكرسى وطارق قعد جنبه وسها راحت تجيب الدوا من العربيه ؛ جابت الدوا وكوباية مياه ومطفى اخد الدوا
" طارق " مصطفى انت كويس ؟
" سها " ابيه مصطفى انتى حاسس بإيه ؟ لو تعبان تعالى اروحك وطارق يفضل معاها هنا
" طارق " روحيه يا سها وانا هفضل هنا معاها
" مصطفى " لا انا هفضل هنا ... بنتى هنا محبوسه ...... انا لايمكن ارتاح الا لما اعرف مين عمل كده فيها
" طارق متعصب ومصطفى تعبان وسها قاعده مش عارفه تعمل حاجة بتهدى فى طارق اللى بقى يغلى ومتعصب ع الكل وبتهتم بمصطفى اللى مبقاش قادر يقف على رجله
واسير جوه مع الظابط فى التحقيق
" اسير " انا ايه اللى يخلينى اقتلها ؟؟؟؟
" الظابط "(آدم ) :- ماهو ده اللى عايز اعرفه
" اسير " يعنى انت مقتنع انى عملت كده ؟؟؟؟؟؟
" الظابط " عمتن انتى هتباتى هنا والصبح هتتعرضى على النيابه
" اسير " ايه !!!!!! ابات مع الحراميه والمجرمين !!!!!
" الظابط " ماانتى بقيتى منهم
" اسير بعصبيه " انت بتقول ايه انا بقيت مجرمه ! انت ازاى تقول كده ؟
" الظابط " بنرفزة :- ما هى دى الحقيقه
" اسير بنرفزه اكبر " حقيقة ايه ؟ انتى شايفنى ايه ؟
" الظابط " انتى فاكرة علشان انتى بنت احمد الوكيل تمشى تقتلى فى الناس ؟
" اسير " انت عارف انت بتتكلم عن ايه ؟
" الظابط " انك بنت مدلعه و معندكيش تحمل للمسؤليه
" اسير " انا مش هرد عليك علشان انت اللى فى دماغك مصدقه
شويه وجه المحامى اللى احمد بعته ودخل عند الظابط وعرف الحكايه وعرف انها هتبات فى القسم ، المحامى طلب من الظابط انها تبات فى مكتبه بس الظابط مرديش
اسير طلعت من المكتب مع الظابط علشان تروح الحجز واول ما شافوها جريو عليها
" طارق " اسير طمنينى يا حبيبتي فى ايه ؟؟؟؟
اسير حضنته وعيطت
" طارق " اسير فى ايه ؟ قوليلى مالك .... اسير ردى عليا
" مصطفى مشى ايده على ضهرها وهى فى حضن طارق ":- اهدى يا حبيبتي وقوليلنا فى ايه بس
" اسير " مفيش حاجة انا هبات هنا فى الحجز
" الكل " الحجز !!!!!
" اسير " طارق متقولش لجميله حاجة علشان متتعبش
" مصطفى " حبيبتى اهدى كده واحنا هنتصرف متخافيش
" طارق " اهدى يا حبيبتي انا معاكى اهو لا يمكن اسيبك تباتى مع المجرمين دول ... اهدى يا اسير وانا هتصرف
العسكرى اخد اسير ع الحجز
" مصطفى " للمحامى :- فى ايه ؟ متفهمنا
" المحامى " حكالهم كل حاجة
" مصطفى " يا حبيبتي ...... مين له استفاده من انه يأذيكى
" طارق " ايه موضوع احلام ده يا حضرة المحامى ؟ ويعنى ايه اسير هتبات فى الحجز ؟
" المحامى " مفيش فى ايدينا حاجة غير اننا نستنى هنا للصبح والظابط مش راضى يبيتها فى المكتب ومصر ينزلها الحجز
" مصطفى " انا اعرف مدير الامن هكلمه
فى مكتب الظابط تليفونه رن وكان مدير الأمن
" الظابط " الو
" مدير الامن " انا اللواء ..... مدير الأمن
" الظابط " تمام يا فندم ... خير فى حاجه ؟
" مدير الأمن " الدكتورة اللى فى الحجز تخرج فورا وتبات فى مكتبك وانت بنفسك بعربيتك الخاصه توصلها للنيابه بكرة الصبح من غير حرس ولا كلبشات ..... كلامى مفهوم ؟
" الظابط " مفهوم يا فندم
عند جميله تليفونها رن
" جميله " الو
" مجهول " بنتك الدكتورة المحترمه بايته فى القسم ..... مع المجرمين والسفاحين
وقفل السكه
" جميله " الو ..الو... مين انت ... الو.
جميله بسرعه اتصلت باسير تليفونها مغلق اتصلت بطارق ومردش اتصلت بمصطفى وبردو مردش اتصلت بالمستشفي وعرفت من الممرضة ان اسير اتقبض عليها
جميله اول ما عرفت وقعت اغمى عليها
طبعاً احمد اتصل بسيف وطلب منه يروح معاهم القسم وهما فى القسم
" مصطفى " لازم نروح علشان جميله
" طارق " انا مش هقدر اروح
" مصطفى " وجودك ملهوش لازمه يا طارق ، وكمان علشان سها تروح
" سها " متقلقوش عليا انا هروح الفندق لوحدى
" طارق " انتى هتيجى تقعدى معانا فى الشقه وكمان علشان جميله
" مصطفى طب يلا نروح وانت كمان ياسيف روح
"سيف " حاضر ونتقابل بكرة فى النيابه
عند اسير :-
" الظابط " ادخلى انتى هتباتى هنا ...... وده طبعاً علشان الواسطه ما انتو مبتمشوش من غيرها
" اسير " على فكرة انا ممكن ابات فى الحجز لو ده هيضايقك
" الظابط " لا دا امر من مدير الأمن شخصيا انك تباتى هنا
" اسير " عمتن شكراً
اسير " هو انا ممكن اسألك سؤال ؟
" الظابط " اتفضلى
" اسير " انت اسمك اي ؟
" الظابط " آدم اسمى آدم
" اسير " حلو اسم آدم ..... طب ممكن كمان سؤال ؟
" آدم " اتفضلى
" اسير " انت ليه مش طايقنى .... انا حتى معرفكش ليه بقى مش طايقنى ؟؟؟
" آدم " علشان انتى متخيله ان بفلوس ابوكى هتخرجى من هنا والدليل اهو ... قاعده ولا هامك ..... ولا كأنك عامله حاجة
" اسير " لان فعلاً معملتش حاجة
"آدم " ده بقى اللى هتقرره النيابه
" اسير " طب ليه انا اقتلها اصلا ؟ يعنى هستفاد ايه لو قتلتها ؟؟
" آدم " ما هو ده اللى مش فاهمه
" اسير" بص اصلا انا قابلتها من يومين يعنى ملحقتش اكرهها ولا احرض على قتلها ، لو ممكن تكون بتفكر في الفلوس انا عمرى ماهستفاد حاجة كنت قتلت ابويا ع الاقل كنت هورثه ومكنش حد عرف اى حاجة لان هو اصلا كان عيان وكان تحت ايدى فى العمليات وانقذته بمعجزه
آدم حس ان كلام اسير منطقى وان هى ممكن تكون بريئه
"آدم " طب مين ممكن يعمل كده وهيستفاد ايه
" اسير " مش عارفه حاجة خالص ، هو انا ممكن آخد ورقه وقلم ؟
" آدم " اتفضلى
ادم اداها ورقه وقلم
" آدم " هو انتى بتعملى ايه ؟
" اسير " برسم
" ادم " انتى بتعرفى ترسمى ؟؟؟
" اسير " اه وهعمل معرض قريب
اسير غمضت عينيها وبدأت ترسم آدم وبعد نص ساعه فتحت عينيها وادته الورقه
" آدم " ايه ده دا نسخه منى
" اسير " بعرف ارسم يعنى ؟
" آدم " طبعاً ..... بس انتى رسمتى وانتى مغمضه عنيكى ازاى ؟
"اسير " لما بحب ارسم حد برسمه كده ...... بس دهسر محدش يعرفه
" آدم " ماتخافيش هههههه مش هقول لحد
🍃🍂🍃🍂🍃🍂
مصطفى وطارق اول ما روحو
" طارق " جميله انتى فين ؟
فجأة طارق شافها مرميه ع الارض
راح عنده بسرعه وقعد ع الارض :- جميله .. جميله حبيبتي فوقى ... جميلة قومى متخوفينيش عليكى
" مصطفى وسها كانو لسه داخلين من الباب سمعو صوت طارق جريو على جوه
" مصطفى " شيلها يا طارق وهاتها على اوضتها
" طارق " سها هاتى مياه بسرررررعه
" سها " حاضر
طارق شال جميله ودخلها الاوضه
" طارق " جميله .... حبيبتى فوقى ........ جميله من عمل فيكى كده ...جميله انتى اللى ليا متعمليش فيا كدة
" مصطفى " اهدى يا طارق
" طارق " اهدى ازاى ..... اهدى ازاى بس قولى .... اسير مرميه فى القسم وجميله مغمى عليها ومش راضيه تفوق
قعدو يفوقو فى جميله لحد ما فاقت بصعوبه وكانت دايخه
" طارق " جميله انتى كويسه ؟ ايه اللى حصل ؟
" جميله مسكت ايد طارق :- بنتى فين ؟ فين بنتى يا طارق
." طارق " بايته فى المستشفى
" جميلة " كداب .... اسير فى القسم صح ؟
كلهم بصو لبعض
" طارق " ايوة يا جميله ...... اسير في القسم
" جميله " يعنى هيا بايته فى القسم
" طارق " ايوة
جميله اغمى عليها تانى
" طارق " جميله .... جميله فوقى
بعد شويه فوقوها
" جميله " بنتى رجعولى بنتى اااااااااااه
جميله فتحت فى العياط واترمت فى حضن طارق
" مصطفى " اهدى يا جميله بس ... بكره ان شاء الله هتطلع وتبقى كويسه
" طارق " انتى عرفتى منين ؟
" جميله " فى واحد اتصل عليا وقالى انها اتقبض عليها واتصلت عليكو مرديتوش واتصلت ع المستشفى وقالو ان الظابط جه وخدها ..... ااااااااااااه يا حبيبتي يا بنتى ... هاتلى بنتى يا طارق ....... رجعهالى ..... عايزة بنتى ......
فجأة جميله قامت من حضن طارق ونزلت من على السرير وقامت جرى
" جميله " انا هروح اجيب بنتى
" مصطفى " استنى يا جميله هتروحى فين دلوقتي بس
⚜️ " طارق" استنى يا جميله بس
مصطفى مسك جميله وهى انهارت من العياط وخدوها على اوضتها
" جميله " اااااااااااه يا حبيبتي مين بيكرهك علشان يعمل معاكى كده .... انتى عمرك ما اذيتى حد
" مصطفى " استهدى بالله يا جميله مش كده ...... هى كويسه واحنا اطمنا عليها قبل ما نيجى
" جميله " اااااااااه يا بنتى ..... يا حبيبتي ..... يا ترى عامله ايه دلوقتي
" طارق " اهدى يا جميلة متعمليش فى نفسك كده ان شاء الله هتبقى كويسه وهتخرج بكره
" جميله " بنتى يا طارق ..... بنتى ضاعت منى ...... ااااااااااه
" مصطفى " ادعيلها بس يا جميله
" طارق " هى عمرها ما زعلتك ولا ضايقتك وان شاء الله ربنا هيفرحها
" جميله " يااا رب يا طارق ... ياا رب .....
جميله مسكت راسها :- ااااااااه
" مصطفى " مالك يا جميله ... فيكى ايه
" طارق " انتى ما اخدتيش الدوا ؟
" سها " انا هروح اجيب الدوا
بعد ما جابت الدوا والمياه
" سها " خدى يا جميله الدوا اهو
" جميله " معلش يا سها معرفتش ارحب بيكى ....
" سها " ربنا يخليكى لينا يا جميله .... اهم حاجة انى معاكو وان شاء الله اسير هتبقى كويسه وتخرج بكرة
" جميله " ياااارب ..... ااااااه شوفلى مسكن يا طارق ..... حاسه ان دماغى هتنفجر .
" طارق " حاضر .... مصطفى انت مش دكتور .... ايه نوع المسكن
" مصطفى " هكتبهولك
"سها " انا هنزل اجيبه
" طارق / مصطفى " لا متنزليش
" طارق " الوقت اتأخر مستحيل انزلك كده
" مصطفى " خليكى معايا علشان لو جميله عازت حاجة انتو بنات مع بعض
"سها " حاضر
طارق جاب الدوا وجه وسها ادته لجميله
" سها " هى نامت ليه ؟!
" مصطفى " الدوا جاب مفعول
سها قعدت على الكنبه اللى فى الاوضه لحد ماتعبت ونامت وهى قاعده ؛ وطارق قاعد جنب جميله على السرير ، ومصطفى قاعد على كرسى جنب السرير
" مصطفى " طارق .... طارق
" طارق " هه ... فى ايه
" مصطفى " سها نامت خدها على اوضتى او اوضة اسير وروح انت كمان ارتاح شويه
" طارق " راح عند سها وهز كتفها براحه :- سها ... سها حبيبتي قومى
" سها " فى ايه يا طارق جميله تعبت تانى
" طارق " لاء جميله كويسه
"سها " ابيه مصطفى جراله حاجة
" مصطفى " انا كويس يا سها ... قومى يا حبيبتي نامى فى الاوضه انتى شكلك تعبانه من السفر
" سها " لا خلينى هنا علشان جميله
" طارق " لا قومى لو احتجنا حاجة هبقى اجيلك ..... تعالى اوديكى الاوضه
طارق ودى سها اوضه اسير وراح هو كمان اوضته واتوضى وصلى ونام
فى اوضة جميله
" جميله فاقت لقت مصطفى قاعد جنبها :- مصطفى
" مصطفى " ايوة يا حبيبتي انا هنا اهو ..... عايزة ايه ؟ .... اندهلك سها ؟
" جميله " عايزة اتوضى علشان اصلى الفجر
" مصطفى " حاضر يا حبيبتي استنى بس ...
طارق فى اللحظه دى دخل علشان يطمن عليها
" طارق " ايه يا جميلة عايزة حاجة يا حبيبتي ؟
" مصطفى " صحى سها تاخدها تتوضى
" جميلة " لا سيبها نايمه ..... واحد فيكو ياخدنى انا هتوضى بس
" طارق " طب تعالى
اخدها طارق ومصطفى راح اوضته يتوضى هو كمان وسها كانت صاحيه بتصلى وكانت رايحه المكتبه تجيب مصحف ودخلت عند جميله الاوضه شافت طارق بيسندها لحد الحمام
" سها " سيبها يا طارق انا هدخل معاها
" جميله " حبيبتي انتى تعبانه من السفر ايه بس اللى صحاكى
"سها " انا كنت بصلى يا جميله .... تعالى
سها اخدت جميله علشان تتوضى وساعدتها تغير هدومها وصلت ورجعت تانى نامت . مصطفى نام هو كمان وطارق وسها فضلو صاحيين يقرأو قرآن جنب جميله وكل شويه طارق يروح يطمن على مصطفى
⚜️⚜️⚜️⚜️⚜️⚜️⚜️
عند احمد
" احمد " يا بنتى بطلى عياط شويه حرام عليكى نفسك
" ملك " يعنى اختى بايته فى القسم وانت يابابا عايزنى افرح .... اختى هتروح منى يابابا
" احمد " مش هتروح منك ان شاء الله
" فريده " يا حبيبتي انا كلمت المحامى وهو طمنى
" ملك " ياا رب يا عمتو
✨✨✨✨✨✨✨
فى مكان آخر
" مجهول "1:- برافو عليك ... عملت اللى قلتلك عليه
" مجهول 2:- كله تمام يا باشا، بس شكل الدكتورة دى مضيقاك فى حاجة
" مجهول 1": مضيقانى اوى
🔥🔥🔥🔥🔥🔥🔥
عند اسير وآدم
دخل العسكرى المكتب :- فى واحد عاوز حضرتك يا فندم
" آدم " مين ؟؟
العسكري لسه هيرد دخل مراد
" آدم " مراد حبيبي ... فينك يا راجل
" مراد " فى الدنيا
ادم شاور للعسكرى يخرج وبص لمراد لقاه بيبص على اسير
" آدم " اعرفك ...
قاطعه مراد ":- الدكتورة اسير الوكيل
" اسير باستغراب " هو انت تعرفنى ؟؟؟؟؟
" مراد " طبعاً
" آدم " تعرفها منين ؟؟؟؟
" مراد قعد على الكرسى :- ما هى الدكتورة سبب انى اجيلك انهارده
" آدم " ازاى ؟؟؟؟؟؟
" مراد " طبعاً انتى يا دكتورة عايزة تعرفى مين اللى جابك هنا وظبطلك القضيه
" اسير " ايوة
" ادم" مين ؟؟
" مراد " عمتن دكتورة اسير هتخرج بكرة من النيابه لعدم كفاية الادله بس مطلوب منها اننا نقبض على شخص من اكبر تجار المخدرات فى مصر
" اسير " انا ؟! طب ازاى ؟ ومين اللى جابنى هنا ؟؟
" مراد " ما هو الشخص اللى جابك هنا هو نفس الشخص اللى عاوزينك تساعدينا اننا نقبض عليه
" اسير " مين ؟؟؟؟؟
" مراد " سيف ...... سيف الوكيل ابن عمك
" اسير " ايه !!!!!!!
" آدم " مراد انت متأكد ؟؟؟؟
" مراد " سيف بيتاجر في المخدرات من خلال شركة والدك ، وبما ان والدك بيثق فيه ثقه عمياء هو استغل الثقه دى .... ظهورك بقى هيعمله مشاكل وهو فى نفس الوقت عايز يخلص من احلام فقال اضرب عصفورين بحجر ، كده يضمن انك تبعدى عن طريقه ويوصل لوالدك ان احلام هى السبب فى حبسك وفى الاخر يبان انه وقف جنبك وقت شدتك
" اسير بذهول " طب وانا عملتله ايه ؟؟؟
" مراد " انتى جيتى فى طريقه قال يستفاد والدليل انه طلب ايدك الصبح ..... لو وافقتى يبقى كده الخطه نجحت وهو يقدر يتحكم فيكى ... ولو والدك عرف بموضوع انه بيتاجر فى المخدرات يبقى يهدده بيكى
" اسير " وانت عرفت ازاى انه طلب ايدى ؟؟؟
" مراد " لان سيف تحت المراقبة24 ساعه ولما انتى ظهرتى فى الصورة وهو حاول يقربلك احنا كان لازم نتدخل ونراقبك ... وده لحماية حضرتك طبعاً .... وعلى فكرة هو اللى ضرب على والدك نار واتنرفز جدا لما انتى عملتى العمليه وانقذتيه
" اسير " ولما انت عارف كل ده مقبضتش عليه ليه ؟؟؟؟
" مراد " معندناش دليل ولازم نمسكه متلبس فى قضية المخدرات
" اسير " ماشى هساعدك ... قولى ايه المطلوب وانا هنفذ
" آدم " انتى اتجننتى انتى عارفه انتى هتعملى ايه ؟؟؟؟؟
" مراد " ما تهمد يا ابنى
" اسير " ايوة عارفه انا بعمل ايه ..... وهعمل اللى هقدر عليه علشان نقبض ع الحيوان ده
" آدم " هما يقدرو يقبضو عليه من غيرك
" مراد " بس وجودها هيسرع الحكايه .... اركن انت يا آدم على جنب دلوقتي
" اسير " موافقه .... ايه المطلوب منى اعمله
" مراد " بكرة وكيل النيابة هيدينا اذن تسجيل ... وانتى مبدئياً هتوافقى على طلبه علشان انتو لسه هتتعرفو وتطلبى ان مفيش اى حاجة تبقى رسمى علشان انتى لسه ماتعرفيهوش .... وشويه شويه تعملى بتحبيه .. وانتى عارفه الباقى .. لما تحبى تكلمينا يبقى من الشريحه دى واحنا هنكلمك عليها ولو عاوزين نشوفه هنقولك قبلها ..تمام ؟
" اسير " تمام
" آدم " برضه هتعملى اللى فى دماغك ؟
" اسير " ايوة
" مراد " آدم انت كمان هتبقى معانا
" آدم " ازاى ؟؟؟؟
" مراد " فى قرار هيتمضى بكره الصبح انك تقفل مباحث المخدرات وهتبقى معانا فى القضية
" آدم " امرى لله ....... تمام
🍃🍂🍃🍂🍃🍂🍃
تانى يوم الصبح سها من كتر التعب نامت جنب جميله وهى مش حاسه وطارق نام ع الكنبه اللى جنب السرير ، جميله فاقت لقت سها نايمه جنبها هزتها براحه
" جميله " سها .... سها اصحى
" سها " ها ..... فى حاجة ؟ حاسه بحاجة ؟.... استنى هاجيب المسكن
" جميله " يا بنتى اهدى انا بصحيكى علشان نروح لاسير
" سها " طب استنى هصحى طارق
سها راحت وقفت قدام طارق وهزت كتفه :- طارق ..... طارق قوم
طارق مصحيش
" جميله " يا طارق اصحى بقى
" طارق " مفزوع :- فى ايه ؟ ..... انتى كويسه ؟
" جميله " انا كويسه ... قوم اجهز وشوف مصطفى علشان نروح لاسير
" طارق " حاضر حاضر
" جميله " تعالى يا سها ساعدينى
" سها " حاضر
بعد ما خلصو
" جميله " يلا بسرعه يا مصطفى
" مصطفى بعد ما ركب العربية :- مش عارف انتى جيتى معانا ليه
" جميله " يعنى عايزنى اسيب بنتى لوحدها ؟
" طارق " ما هى كده هتزعل
" جميله " لا لا اهم حاجة اشوفها واطمن عليها
" طارق / مصطفى " انتى حره
لما وصلو جميله كانت حاسه بدوخه بسيطه و كانت هتقع طارق لحقها
" طارق " انتى كويسه ؟
" جميله " ايوة انا كويسه ..... اسندنى بس لحد جوه
طارق سندها ودخلو جوه
اول ما اسير دخلت كلهم جريو عليها
" جميله " بنتى حبيبتي انتى كويسه ؟
" اسير بصت لطارق " بردو قالولك
" طارق " انا مقولتلهاش حاجة
" جميله " حاولت تتماسك علشان اسير :- مقالوليش حاجة
" اسير " ان شاء الله هخرج متقلقيش
" مصطفى " راح حضنها " انتى كويسه ؟
" اسير " ايوه يا خالو انا كويسه
" طارق " حضنها واخده بعيد عنهم :- عامله ايه ؟ حد عملك حاجة ؟ اوعى يكون الظابط ده اطاول عليكى ولا لمسك ... هيبقى نهاره اسود معايا
" اسير " متخافش يا طارق انا كويسه ..... ماما مالها ؟ كنت ساندها ليه ؟
" طارق " اقولك بس ما تقلقيش نفسك ...... امبارح ....
طارق حكالها كل حاجه وهى من خوفها على جميله كانت هتقع
" طارق " مسك دراعها : تماسكى شويه ...... انا غلطان انى قلتلك هى خلاص بقت كويسه
" اسير " وبابا عامل ايه يا طارق
" طارق " مصطفى كلم فريده من شويه واطمن عليها وعليه
" اسير" طب يلا ...... وخد بالك من ماما
بعد كده اسير دخلت لوكيل النيابه و اخلى سبيلها لعدم كفاية الادله
