اسير بعد ما روحت فرجت جميله والباقيين على الحاجه ودخلت تكلم سيف
" اسير " الو
" سيف " حبيبى ..... ها عملتى ايه
" اسير " مفيش روحنا اشترينا الحاجات وبعدين روحنا اتغدينا وبعدين كملنا شرى بس فى واحد خبطنى لسه دراعى واجعنى لحد دلوقتي
" سيف " اعمى ده ولا ايه
" اسير " مش مهم .... اااه انا تعبانه جدا ولسه هبدأ شغل فى الدعاوى
" سيف " متتعبيش نفسك يا حبيبتي مش لازم انهارده
" اسير " لا انا لازم ابدأ ده المدعوين كتير اوى ..... بقولك تيجى نخرج بكره ؟...ولا مش فاضى
" سيف " يا سلام ؟ ده انا افضى نفسى علشانك
" اسير " ماشى وانا هستناك .... هقفل دلوقتي علشان ابدأ شغل
" سيف " ماشى بااى
اسير بعد ماقفلت كلمت آدم
" اسير " الو
" آدم " اسير عامله ايه ؟
" اسير " ايه يا عم الخبطه دى ؟ ده انا دراعى لسه واجعنى
" آدم " معلش مكنتش اقصد والله
" اسير " خلاص انا بهزر بس لما تحب تخبطنى ابقى خليك حنين شويه
" آدم " هههههه حاضر
" اسير " المهم انا بكره هركب معاه العربيه و هحط البتاع ده فيها
" آدم " البتاع ده ؟ انا مش عارف انتى دخلتى طب ازاى ؟ لاء وسافرتى لندن كمان وقعدتى هناك 24 سنه
" اسير " ايه مالى طبيعيه جدا
" آدم " اه فعلاً طبيعيه ..... خدى بالك من نفسك وانتى معاه
" اسير " طارق التانى ده ولا ايه
" آدم " اسمعى الكلام سيف خطير ومجنون وممكن يعمل فيكى حاجة حاولى تكونى فى مكان عام طول ما انتى معاه
" اسير " والله نفس الاسطوانه بتاع طارق...... ع العموم حاضر
اسير قفلت مع آدم وبدأت شغل فى الدعوات
" اسير " اوووف الشغل كتير اوى انت ايه اللى خلاك تتجوز بس يا طارق ...... ااه هتوحشنى اوى ...... يلا استعنا ع الشقا بالله
طبعاً اسير سهرت طول الليل فى الدعوات وخلصت جزء كبير منهم وتانى يوم صحيت لاقتهم شاغالين فى العفش سابتهم ونزلت المستشفى وطبعاً كلمت سيف
" اسير " الو
" سيف " وحشتينى
اسير متصنعة التعب :- ازيك يا سيف
" سيف بقلق " مالك شكلك تعبانه
" اسير " لا أبداً مفيش حاجة
" سيف" لا طبعاً مالك ؟
" اسير " تعبانه شويه عامل ايه ؟
" سيف " انا مش كويس طول ما انتى تعبانه
" اسير " لا متقلقش انا كويسه بس عندى عمليه دلوقتي ..... هستناك ع الساعه 5 نروح مع بعض
" سيف " ماشى سلام
قفلو وطول النهار كل واحد مشغول باللى بيعموله
********************
فى الجامعه
" مراد " ازيك يا ملك ؟
" ملك " الحمد لله انت عامل ايه ؟
" مراد " الحمد لله ..... على فكرة انا كلمت باباكى وحددت معاه معاد وهروحله انهارده
" ملك " اه طب عاوز حاجة ؟
مراد ابتسم لما شافها مكسوفه
" مراد " لا مش عاوز حاجة حبيت بس اسلم عليكى
" ملك " الله يسلمك همشى انا دلوقتي عاوز حاجة
" مراد " عاوز سلامتك ..... خدى بالك من نفسك
" ملك " حاضر يلا سلام
مراد كان فرحان جدا انه اخيرا هيتقدم لملك
*********************
عند العرسان بقى
طارق وسها واقفين فى المطار مستنين اهل سها واول ما وصلو
" فتحى " ابو سها :- ازيك طارق عامل ايه ؟
" طارق " الحمد لله يا عمى ازيك انت ازيك يا طنت
" سعاد " ام سها :- الحمد لله يا حبيبي ..... اخيرا هتتجوزو
" سها " اه يا ماما اخيرا
" طارق " طب يلا نروح البيت علشان ترتاحو
" فتحى " احنا هنروح بيتنا يا طارق وسها هتيجى معانا
" طارق " هى كانت قاعده معانا ياعمى علشان متقعدش لوحدها
" فتحى " وانا واثق فيك يا ابنى
" سعاد " حجزتو الفندق ؟
" سها " اه يا ماما ده حلو اوى وهيعجبكو
" فتحى " فاضل اسبوع
" طارق " يا رب الاسبوع ده يعدى على خير لحسن انا مش قادر
" سها " هههههه يا رب يا حبيبي
" سعاد " ربنا يتمملكو على خير
" سها وطارق " ياا رب
~~~~~~~~~~~~~~
ملك اول ما روحت احمد نده عليها
" احمد" تعالى يا ملك عايزك
" ملك " خير يا بابا فى حاجة
" احمد " انتى تعرفى دكتور عندكو فى الجامعة اسمه مراد ؟
" ملك " اه يا بابا ده بيدينى
" احمد " تمام تعرفى ايه عنه ؟
" ملك " اعرف انه دكتور فى الجامعة وبيحضر ماجستير بس
" احمد " بس هو قالى انه خد رقمى منك
" ملك " والله يا بابا انا مبتكلمش معاه خالص هو نده عليا وطلب رقمك وقالى انه عاوز يتقدملى بس انا اديته الرقم ومشيت ومتكلمتش معاه تانى
" احمد بابتسامه حضن ملك :- يا حبيبتي انا واثق فيكى المهم انتى موافقه ؟
" ملك " انت رأى حضرتك ايه ؟
" احمد " انا لسه هسأل عليه بس انا حاسس انه كويس ومحترم ويقدر يحافظ عليكى
" ملك " انا مش عارفه يا بابا
" احمد " طب فكرى وردى عليا
" ملك " حاضر يا بابا
ملك طلعت تفكر فى مراد هتوافق ولا لاء
*********************
" اسير خلصت شغل وطلعت لقت سيف مستنيها
" اسير " ازيك يا سيف
" سيف " مش كويس ... انتى لسه تعبانه ؟
" اسير " لا بيتهيألك
" سيف " بجد
" اسير " بجد يلا بقى
" سيف " يلا
ركبو العربيه ومشيو بيها شويه واسير عملت نفسها دايخه
" سيف " مالك يا حبيبتي
" اسير " مش عارفة حاسه انى دايخه اوى
"سيف " طب انتى اكلتى حاجة ؟
" اسير " لا
" سيف " ده كلام يعنى ؟..... هنروح نتغدى دلوقتي
" اسير " مسكت ايده :- اقف بس على جنب هاتلى اى عصير
" سيف " حاضر
سيف نزل من العربيه واسير استغلت الفرصه وحطت الميكروفون ولما شافته جاى من بعيد عملت نفسها دايخه تانى سيف ركب واداها العصير وهيا شربت شويه
"سيف " لا اشربيه كله
" اسير " لا كفايه انا مش قادره ..... لو سمحت يا سيف روحنى
"سيف " طب انتى كويسه ؟
" اسير " اه اه روحنى بس
"سيف " حاضر
