لعنات العشق "الجزء الرابع من سلسلة العشق"

الفصل الاول

نوفيلا

لعنات العشق

الحلقه الاولي

..................

دخلت المجلس بخطوات بطيئه جدا وهي عينها متركزه مع شخص واحد بس .. معاه هو ! هو وبس! بتحاول توصل للي جواه .. للي هو مخبيه عنها بس مش عارفه!

وقفت قصاده والكل كان واقف حواليهم في حالة تحفز للي هيحصل .. اتكلمت بوجع :

_ ليه ؟؟ ليه يا مراد؟؟

بصلها جامد بس متكلمش مجرد انه مش عارف يقولها ايه .. نبره صوتها وجعاه يمكن اكتر منها بس هو مش عارف يقولها ايه ! يعتذر؟؟ بس محدش غصبه انه يعمل كده هو عمل كده بكامل قواه العقليه !

صرخت في وشه بوجع :

_ ليه تتجوز عليا يا مراد .. ليه يا سمو الامير ليه؟؟

سكتت عن كلامها وبعدين اتكلمت بتردد :

_ مين اللي خلتك تتجوز عليا يا مراد .. مين اللي دخلت قلبك يا سمو الامير ؟؟

كان هيرد عليها بس صوت تاني خلاها اتصنمت في مكانها وهي بتحاول تنكر الصوت ده :

_ انا يا سمو الاميره .. انا !

لفت ببطء شديد وهي بتتمني ان عقلها يكون بس بيرهبها .. بس مش كل حاجه هي بتتمناها .. بصت لـ صاحبه الصوت بصدمه كبيره والكل بيبصلها بترقب لخطواتها الجايه لـ الزوجه الجديده للأمير اللي مكنتش غير كارمن !

سكتت ريحانه وهي باصه عليها من غير كلام وقربت منها جامد وبقي مش فاصل بينهم غير حاجه بسيطه خالص وكل واحده بتبص للثانيه بس النظرات تختلف ...

قرب مراد منهم وهو بيبص علي ريحانه اللي ما زالت باصه لـ كارمن واتكلم بحذر :

_ريحانه!

رفعت وشها ناحيته وعينها مكنتش اكتر من لون احمر وبص نتيجه للدموع اللي هي بتقاومها .. اتكلمت بوجع :

_ ليه يا مراد .. ليه ديه؟؟

غمض مراد عينه بهدوء قبل ما يفتحهم ببطء وهو بيبصلها واتكلم بهدوء :

_كارمن اتغيرت .. حسيت اني ظلمتها !

بصتله ريحانه بزهول وهي بتتكلم:

_ ظلمتها .. كارمن !! دي كانت هتقتل الملكه !؟ بتقولي ظلمتها !

قربت منها عشق بحزن عليها بس هي متقدرش تعمل حاجه .. اتكلمت عشق بتروِ :

_ سمو الاميره .. دي حياته !

بصتلها ريحانه بسرعه وهي بتتكلم بعدم تصديق :

_ انتي اللي بتقولي كده يا جلاله الملكه .. حياته!! .. بيقولي ظلمتها !! طب وانا .. انا مظلمتنيش كده يا مراد .. رد عليا يا سمو الامير .. انا متظلمتش كده .. انت مظلمتنيش؟؟