لعنات العشق "الجزء الرابع من سلسلة العشق"

الفصل الرابع

نوفيلا
لعنات العشق
الحلقه الرابعه
.................
رحت عشق ناحيه منطقه الخيول الملكيه ووقفت قصاد الحصان بتاعها اللي افتقدته جداً .. اول ما شافها هلل بصوت عالي وكأنه بيرحب بصاحبته وهي حطت ايدها عليه واتكلمت  :
_وحشتني جدا .
مسحت دموعها وهي بتقرب راسها بتسندها علي راسه وهي بتتكلم بحزن  :
_مبقاش ليا غيرك انت.
_انا اسف.
قالها مراد اللي كان واقف وراها ومسعها ودي اول حاجه جت علي باله انه يقولها .. سكت عشق وهي بتلف ناحيته واتكلمت بهدوء:
_انت مغلطش.
_لا انا غلطت .. وغلطت غلط كبير اوي واستحق العقاب منك .. اسف اني خليتك تعيطي بسببي انا يا امي وانك تباني ضعيفه قصاد حد حتي لو الحد ده انا .
قرب منها وهو بيمسك ايدها وهي غمضت عينها بألم شديد واتكلم بدموع :
_صدقيني انا مش هسامح نفسي طول عمري علي اللي قولته .. انا بس موتها وجعني .. هي مكنتش تستحق تموت بالطريقه ديه لانها اتغيرت .. ذمكنش قصدي اوجعك والله العظيم ما كان قصدي يا ماما .. انا مكنتش هستحمل لو انتي اللي حصلك حاجه والله ما كنت هستحمل ابداً .. عاقبيني زي ماانتي عايزه علي اللي قولته بس متبعديش عني .. متكرهنيش.
بصتله بدهشه وهي بتمسح دموعه واتكلمت بنبرة حنونه:
_انا عمري ما اكرهك يا مراد ابداً .. يمكن انت وجعتني اوي بس انا عمري ما اكرهك .. انت ابني .. انت اول فرحتي .. انت ابن غيث .. استحاله اكرهك مفيش ام بتكره ابنها اصلا .. انا اه سيئه بس مش للدرجه ديه.
_انتي مش سيئه ابداً .. انتي اعظمام في الدنيا .. دايما شايله مسؤليه كل شئ علي كتافك انتي .. بس ليه خبيتي عليا اني انا اللي متهم في نظر الشعب بجرايم الاطفال ديه .
_لأني عارفه انك متهور يا مراد وكنت هتعمل حاجه هنندم فعلا عليها كلنا .. فـ كان لازم انا اتصرف حتي لو كان النتيجه انك تبعد عني للأبد .
قالتها عشق بألم .. هي اه سامحته بس لسه كلامه واجعها حتي لو هي عارفه ان ده كان في لحظه غضب توهان .. كانت هتتكلم تاني بس لمحت حد من بعيد واقف وبيبص ناحيه مراد وماسك في ايده سهم .. بصت عشق ناحيته بغضب شديد ونزلت هي ومراد فجأه علي الارض وساعتها السهم عدا من فوق راسهم بص مراد علي الموقف برعب وهو شايف انه كان هيخسر امه للحظه ...
وقفت عشق وهي بتسحب السهم ده وبتبص عليه بغضب ونطت فوق حصانها فجأه وهي بتخبطه برجلها .. جري الحصان بسرعه لـ برا والشخص ده كمان جري وهو بينط علي حصانه وبيهرب بيه بعيد .. نادي مراد علي عشق بصوته بس هي مسمعتوش .. نط علي حصانه بسرعه وقبل ما يطلع كان غيث وليث بيجروا علي  جوا بعد ما شافوا عشق واتكلم غيث بسرعه :
_حصل ايه يا مراد؟
_المره ديه كانوا هيقتلوا عشق .
قالها مراد وهو فوق الحصان .. برق غيث بصدمه من اللي قاله ومن غير ما يتكلم طلع علي الحصان بتاعه وليث كمان وطلعوا التلاته ورا عشق وكل واحد فيهم عرف انهم قرربوا علي النهايه لأن اللعب بقي علي المكشوف بينهم ...
كان بيجري علي الحصان بسرعه وهي بتجري وراه بنفس السرعه اللي هو بيجري بيها وبتحاول توقعه وهو كمان لحد ما سبقها وبقي قصادها .. وقفت الحصان ومسكت السهم اللي كان هيقتل بيه ابنها كويس .. ركزت اوي عليه وفي لحظه حدفت  السهم ناحيته وجيه ف كتفه اللي ماسك بيه لجام الحصان اللي خلاه يسيب اللجام وملحقش يمسكه بالايد التانيه لان الحصان اختل توازنه وبالتالي وقع ع الارض ...
نزلت عشق من علي حصانها بسرعه وهي بتجري عليه بسرعه رهيبه وسمعت صوت احصنه تانيه بس كان كل تركيزها مع اللي مرمي ع الارض ده ...
وقفت قصاده وهو بيبصلها برعب .. اتكلمت عشق بشر :
_محدش بيهرب من موته .. انت بقي عايز تهرب .. تيجي ازاي؟ كنت عايز تقتل ابني!
_عشق .. جلاله الملكه
سمعت صوت غيث وابنها مراد وابنها ليث من وراها بس هي حتي ملفتش .. اتكلم راضي اللي مرمي علي الارض بشر : مش هسمحلك .
طلع خنجر من ورا ضهره وف ثانيه كان معور رجلها .. جحظت عين عشق بألم قبل ما تمسك سهم في ايدها وبدون مقدمات غرزته في ايده .. صرخ من الالم وجري غيث عليها بصدمه وواقف بيبص عليها وهو حاسس انه شايف حد جديد عليه .. دي مش عشق !
صرخت عشق في وشه وهي بتبصله جامد :
_ ليه قتلت الاطفال دول ليه ؟ ذنبهم ايه تقتلهم يا كلب انت واللي تبعك !
ضحك في وسط وجعه واتكلم :
_ انا محدش تبعي .. وغي كده انا قتلتهم عشان عايز اعمل فوضي في الممالك ويتكسر اتحادهم .
سحبت عشق السهم من ايده جامد .. صرخ من قوه السحبه بس ملحقش وصرخ اكتر وهي بتضربه بالسهم في ايده التانيه ...
اتكلمت عشق بعصبيه وهي في دماغها موقف قديم اتجسد قصادها بس حاولت انها تتجاهله:
_تعمل فوضي .. اتحاد المملكتين عمره ما يتفرق بسبب كلب زيك .. مين اللي قالك تعمل كده ؟
سكت راضي وهو بيبصلها ببسمه مستفزه ممزوجه بألم واتكلم باستفزاز :
_قولتلك بمزاجي .
اتعصبت عشق من ابتسامته في سحبت سهمها وبدون مقدمات ضربته في رجله اليمين .. واتكلمت بنبره فيها تحذير :
_لاخر مره هسألك مين اللي قالك تقتل الاطفال وقالك تقتل الامير .
داست علي السهم اكتر فـ صرخ فيها بألأم شديد :
_ شفيق .. شفيق اللي قالي اقتل الاطفال دول بأسم الجيش.
ابتسمت عشق بانتصار بأنه عرفته .. وكان غيث وليث ومراد واقفين بيتفرجوا عليها ومش قادرين يقربوا لانهم لو عارفين حاجه .. فـ ان دي مش عشق !
سحبت عشق السهم من رجله وهو صرخ وبعدت لورا وهي بتبص علي الارض .. وفـ لحظه كانت قصاده تاني وضربت السهم فيه بكل قوتها وصرخت :
_مينفعش اللي زيك يعيش .. لازم تموت زي ما موت الاطفال دي .. زي ما موت كارمن .. زي ما كنت عايز تموت ابني .. لازم تموت.
شدت السهم منه جامد وهو جحظت عينه بصدمه وضربته تاني بالسهم وعينها اتحولت خالص وفضلت تشيل في السهم وتضربه تاني بكل غل .. جري ولادها عليها وغيث وهما بيشدوها بعيد ...
حضنها غيث جامد وهي بتتحرك بقوه بين ايدها وصرخ فيها : عشق اهدي بقي مات خلاص .
سكتت عشق فجأه وعينها بدأت ترجع لـ طبيعتها .. بصت علي الموقف بجمود شديد قبل ما تزوق غيث جامد وبصت لـ غيث ومراد بنظره مفهموهاش وبعدين بصت لـ ليث اللي بصلها بأسف ...
اتكلم ليث بصدمه وكأنه فاق : ماما رجليها مجروحه .
برق غيث بصدمه بعد ما افتكر رجلها .. وهي بصت لي رجلها بسرعه ونزلت علي الارض وهي بتقطع قماشه من هدومها وبتربط بيها رجلها .. اتكلم غيث بقلق :
_انتي كويسه يا عشق؟
_كويسه يا جلالة الملك.
_انا عايز افهم ايه اللي بيحصل.
قالها ليث وهو بيبص عليهم وعشق بصتله ومراد اللي اتكلم وبدأ يشرحله كل حاجه .. بعد ما خلص ليث بصلهم بزهول :
_بقي كل ده حصل ومحدش فكر يقولي حاجه؟ وطلاقك من الملكه جلالتك كان بردو خطه.
اتكلم غيث وهو بيبص لـ العشق اللي بتبص علي اللي واقع في الارض جامد واتكلم :
_ده الحاجه الوحيده اللي حقيقيه.
لاحظ ان عشق حتي متأثرتش واتأكد انها فعلا بتفكر في حاجه .. حط ايده علي دراعها وهي لفت وبصتله اتكلم بتساؤل :
_بتفكري في ايه يا عشق؟
ابتسمت عشق بغموض شديد :
_الحرب ابتدت واللعبه بتنتهي.
_الحرب ابتدت ازاي؟
قالها مراد باستغراب وهو مش فاهم حاجه وبص لاخوه باستغراب :
_الحرب ابتدت من عندنا احنا .. احنا اللي هنبدأ الحرب وبكده شفيق هيجي.
بصت ناحيه غيث جامد وهو ابتسم لانه فهم ان عشق رسمت كل حاجه في دماغها واتكلم بهدوء:
_ايه خطتك يا عشق؟؟
ابتسمت عشق علي غيث اللي فاهمها دايما وبدأت تحكيلهم علي خططتها بهدوء شديد وهي بتشرح كل واحد هيكون دوره ايه بالظبط.
........................................
فتحت عينها بتعب وهي بتتعود علي الضوء .. بصت وواليها وهي شايفه نفسها في الزنزانه لوحدها وبدأت تفتكر اللي حصل .. افتكرت اول ما اعلنوا الحرب علي مملكه شفيق قصصا بروح كارمن اللي اتقتلت ظلم .. افتكرت وهما في الحرب والاسهم اللي انضربت فيهم وكانت بتحتوي علي نسبة  مخدر ...
حست بوجع في كتفها مكان السهم ده بس ابتسمت لان خططتها نجحت فعلا .. نادت بصوتها كله :
_انتوا يا شويه بهايم ياللي موجودين .
دخل اثنين من الحراس عليها واتكلموا اول ما شافوها مفتحه :
_انتي فوقتي .. الملك كان مستنيكي .. هاتها .
قربوا منها بتوتر لانهم سمعوا عنها كتير بس استغربوا انها مقاومتش حتي معاهم وفكوها واخدوها لحد الزنزانه اللي فيها شفيق .. دخلوا جوا وعشق في ايدهم .. شافت غيث ومراد اللي متكتفين وايدهم فيها حديد وبيبصوا عليها وعلي شعرها اللي قصوه ...
قرب شفيق منها وهو بيمسكها واتكلم بشماته :
_جلالة الملكه عشق .. اخيرا فوقتي .. مقولتليش ايه رأيك في شعرك شيلته عنك لاني حسيته مضايقك.
بصتله عشق بهدوء وهي بتتكلم بنبره مستفزه :
_خير ما عملت لانه فعلا كان مضايقني.
بصلها كتير وهو شايف نظره الثابت اللي في عينها .. زقها جامد ع الارض تحت عيون ابنها وجوزها المصدومين وبيبصوا ناحيه شفيق بغضب .. رفعت راسها وبصتلهم بنظره غريبه محدش فيهم شافها قبل كده .. وقفت وهي بتبص لـ شفيق باستهانه شديده واتكلمت :
_ بجد !! هو ده اللي عندك يعني؟
اتكلم شفيق بسخريه وهو بيبصلها :
_كبريائك وغرورك بالحركه دي اتكسروا يا ملكه
ضحكت جامد علي كلامه بطريقة استفزته واتكلمت :
_ اتكسروا .. عشان وقعت تحت رجل جوزي يبقي كسرت كبريائي امال فين طاعه الزوج ؟
_جوزك؟ ماانا عارف  انكم اتطلقتوا !
قالها شفيق وهو بيبصلها فهزت عشق راسها بنفي :
_ولو .. مسمعتش قبل كده ان حتي لو اتطلقت مادام في بينا عيال وانا لسه متجوزتش بعده يفضل جوزي بالنسبالي ولا ايه؟
اتعصب شفيق جامد منها ومسكها من خصلات شعرها القصيره اللي خلا غيث يصرخ فيه بغضب :
_ سيبها يا بن ال****
اتكلم مراد بحده وهو بيتحرك بس السلاسل مقيداه :
_ صدقني هخلص عليك بايدي مش الملكه عشق اللي يحصل فيها كده يا كلب
بصلهم شفيق بغضب شديد بالرغم من كل ده الا انه لسه حاسس بقوتها وجبروتهم :
_انتوا هنا مجرد اسراء فاهمين!! غروركم ده مش هينفعكم .. وكمان شوية هكسر غروركم كله
اتكلمت عشق بضحكه ساخره :
_وده ازاي بقي ؟
بصلها شفيق وهو بيرد عليها ببساطه :
_المملكه مفهاش حد وزمان جنودي احتلوها وبكده انا كسرتكم .
ضحكت عشق تاني واتكلمت :
_ ممممم تفتكر؟!
بصلها شفيق واتكلم بحده :
_ قصدك اي؟
بصتله جامد وبعدين رفعت ايدها قصاده واتكلمت :
_ يعني مثلا انا ايدي ومفيش عليها اي حاجه تمنعني احركها وكذالك رجلي يعني اقدر اوقفك عند حدك .. بس سؤال هو انت اي اسيره بتتعامل معاها بالطريقه دي ولا انا حاله خاصه
نهت كلامها بغمزه مستفزه اللي خلاه صرخ بصوته كله وهو بينادي علي الحراس اللي جم بسرعه واتكلم وهو بيشاور عليها  :
_اربطوها
قربوا منها ومسكوها وربطوه وهي مستسلمه تماما مبتتحركش وغيث ومراد مصدومين من اللي هي بتعمله ومحدش فاهم عشق بتفكر في ايه ؟
مال مراد ناحية غيث  وساعده كمان القرب بينهم في انه يوصله كلامه :
_ هي مدفعتش عن نفسها لي؟
اتكلم غيث وهو مراقب عشق اللي بتبص علي شفيق بنظره مشفهاش غير من سنين طويله اوي :
_ مش عارف هي في دماغها ابداً .
سكت مراد هو كمان وهو بيراقب اللي بيحصل وبيتمني لو يجيب رقبة شفيق في ايده .. بعد ما قيدوها بالسلاسل حطوها جنبهم وهي بصتلهم بابتسامه مميته وبعدين بصت ناحية شفيق من تاني لما اتكلم :
_ متجمعين ف جهنم ان شاء الله
ردت عليه عشق ببرود :
_حجزتلك هناك متقلقش
قرب منها ورفع ايده وكان هيضربها بالقلم بس هي بصتله بحده خلته يقف مكانه واتكلمت بتحذير :
_اوعي ايدك تترفع عليا عشان وعزه جلاله الله ميغركش شويه السلاسل اللي في ايدي ديه وانا مبهزرش
اتكلم غيث هو كمان بحده وتوعد :
_صدقني لو لمستها هخليك تتمني الموت ومطولهوش ياكلب!
بص ليهم  بغضب  وخصوصا ليها هي بسبب غيظه من قوتها واللي المفروض تكون ضعف وخوف ومسمعش لتهديدها وضربها بالقلم وغيث اتحرك من مكانه بقوه ورفع رجله فجأه ناحيه شفيق وخبطه برجله .. رجع شفيق لورا خطوات من الضربه وبصله بغضب شديد وصرخ غيث فيه بغل :
_ ايدك ديه هقطعهالك يابن ال****
اتكلم مراد بحده وهو حاسس بنار جواه علي اللي حصل في عشق :
_قسما بالله ما هرحمك.
كانت عشق ساكته بعد ما ضربها وبعدين ابتسمت بخفوت واتحول لضحك ضحك جامد والكل استغرب منها ومن رده فعلها وسكتوا كلهم وبدون انذار كانت ماسكها في رقبه شفيق بغضب وهو بيبص ليها برعب واتكلمت بنبره غريبه :
_ انا قولتلك متمدش ايدك عليا .
اتكلم شفيق برعب وهو بيبصلها :
_ انتي انتي ازااي؟
ردت عليه بنبره بسخريه :
_انت ربطني بس مفتشتنيش وده غباء منك.
وضربته جامد ف دماغه والجنود اتلموا عليها وهي حدفت الاداه اللي فتحت بيها الاقفال لـ غيث وهو فعلا فتح الاقفال وراح لمراد بسرعه بس الجنود اتلموا عليه فاضطر يبعد عنه .. بس ساب معاه الاداه وقدر مراد يحرر نفسه هو كمان ونزلوا كلهم تحت ووقفوا جمب عشق .. بص الثلاثه لبعض و فهموا هيعملوا ايه .. واتحولت لـ معركه بين الموجودين وكان شفيق واقف بيتفرج وعلي وشه ابتسامة شماته .. قتلوا عدد من الجنود واخدوا سيوفهم وكملوا حرب .. بالرغم من عدد الجنود الا ان كل واحد فيهم كان جواه طاقه غريبه بتخليه يقتل من غير ماي حيس ...
اتحولت نظرات شفيق الواثقه الي نظرات تانيه مرعوبه وهو بيوشف نوده عددهم بدأ يقل وحاول انه يهرب من وسطهم بس عشق لاحظته وهو بيهرب .. جريت عليه وهي بتقتل اللي بيقف قدامها بدون رحمه وهو بيجري منها .. جريت وراه بسرعه لحد ما قربت منه ورمت السيف ناحيته بقوه .. وقع علي الارض بفزع وهي قربت منه وضربته جامد برجلها .. مسك شويه تراب في ايده وحدفهم في وشها وقام يجري ...
مسحت عينها بعنف وغضب شديد واخدت السيف اللي كان علي الارض واستغبته انه بدل ما يحاربها بيه هرب .. جريت وراه وحدفته بالسيف تاني بس المره دي كانت ف رجله اللي خلاه يقع علي الارض وهو بيتألم .. قربت منه وشالت السيف بحده من رجله وبعدين حطته تاني بقوه اكبر وهو بيصرخ من الالم وشالتها من رجله تاني بس غرزت السيف المره ديه في ايده بالتحديد كف ايده اللي ضربها بيه وهو صرخ بـ ألم شديد ...
اتكلمت عشق بغل شديد وعيونها تحولت كلها للون اسود من الغضب :
_ قولتلك متمدش ايدك عليا بس انت كنت شجاع ودلوقتي حصل ايه ؟؟ كلب تحت ايدي .. كنت بتقول ايه ان احنا اسري عندك صح ؟ أسري عندك انت يا كلب!
شالت السيف بغل من كف ايده وحطته في كف ايده التاني والدم بينزل منه بغزاره وهو صرخ بصوته كله من الالم وهي بتبصله بحقد وكأن صوت صراخه ده مش مأثر فيها ولا منظر الدم ..وصل غيث ومراد بعد ما قتلوا كل الجنود اللي موجودين بس وقفوا مكانهم واتصدموا لما شافوا المنظر اللي عشق واقفه قصاده  ...
اتكلمت عشق بنبره مرعبه كان ليها اثر عليهم كلهم :
_انت بدأت اللعبه ديه من زمان اوي من اكتر من عشرين سنه وانت عارف ده.
غمض غيث عينيه وهو اتأكد من اللي كان حاسس بيه .. عشق منسيتش بالرغم من كل ده وكل المده اللي عدت ديه .. اتكلمت عشق تاني بنفس النبره :
_ساعتها انا اقسمت بالله اني مش هسيب حق الطفل اللي انت اجرت ناس تقتله ده يروح هدر .. وانت مكتفتش بكده رجعت تاني بعد كل السنين ديه تقتل في الاطفال بدون وجه حق واخرتهم قتلت كارمن لانها كشفتك وكنت بتحاول تقتل ابني .. انت لازم تموت زي اللي قتلتهم لازم.
رفعت السيف من ايده وهي هتنزل بيه في قلبه بس غيث مسك ايدها وهو بيتكلم بسرعه :
_ عشق اهدي انتي ملكه وعارفه قوانين المملكه ده لازم يتعدم قدام الشعب كله عشان يبقي عبره.
بصتله عشق وهو اتصدم من عيونها واتكلمت بغضب :
_لا يا جلاله الملك لا انا مش ملكه .. انا ام اتحرق قلبها علي ابنها وهو بيموت من غير سبب ذنبه بس انه اتولد .. انا ام ابنها كان هيضيع منها وهي واقفه جمبه .. انا كل ام قلبها محروق علي ابنها تتحرق قوانين الممالك كلها حتي لو انا اللي هتحاسب بس ده لازم يموت!
اتكلم مراد وهو بيقرب منها وعينه التمعت بشر :
_ انا معاكي يا جلاله الملكه
غيث بص لـ ابنه اللي بص ليه بشر وشجاعه وعرف انه بقي في صف عشق ..بصلهم غيث وساب ايد عشق وكلهم مسكوا سيوفهم وهو مش قادر يتكلم من الالم بس بيبص عليهم بخوف لا رعب مش قادر يتحمله ...
بص غيث في عيونه وهو بيتكلم بحده ونبرة شر :
_انت غدرت بينا ف ارض المعركه وهاجمتنا من الضهر وده عادتك بس اللي مش هغفرهولك انك ذليت مراتي ورميتها تحت رجلينا ورفعت ايدك الوسخه دي عليها فـ صدقني مش هرحمك!
بالرغم من خوفه الشديد الا انه حاول يتكلم تاني واتكلم بوجع :
_ زمان جنودي احتلوا المملكه
ردت عليه عشق بغضب وضحكه سخريه :
_غبي .. انت اسرت واحد بس من امراء المملكه بس التاني حر طليق وغير كده مملكه النصر والفرس مع ممكله الفوارس يعني انت ف كميه الغباء انك مفكرتش ف نقطه زي دي وزمان جنودك بيتشوا ف المكان المظبوط ليهم ف جهنم .. كنت فاكر اني هسيبلك المملكه عشان تحتلها بسهوله ده غباء منك مش اكتر
بص ليها غيث باعجاب واضح لأنها فعلا اللي خططت لكل حاجه وبدون مقدمات حرك السيف علي وش شفيق بقوه سببله جرح طويل ف وشه صرخ علي اثره بالم وكرر حركته باتجاه تاني في وشه وكل مره صوت شفيق بيعلي لحد ما اغمي عليه .. بص غيث ناحية مراد وهو بيتكلم :
_ مراد .. جيب حاجه نفوق بيها الكلب ده
بص مراد حواليه وشاف بير بعيد راح عليه بسرعه وهو بيسحب مايه من البير  وقطع الحبل اللي رابطه وراح ناحية شفيق وحدف المايه في وشه اللي فاق وهو بيأن و بيتألم .. اتكلم غيث بكره :
_ فوق كده لسه المشوار طويل.
اتكلم مراد بعصبيه وهو بيقرب منه :
_ انت قتلت كارمن بدون ذنب .. وقتلت اطفال كتير وحولت تطلعني انا الجاني .. وانت فكرت تنزل من غرورنا وتكسر كبرياء جلاله الملك والملكه ودي غلطه استحاله اسامحك عليها  .. لازم كل واحد وسخ زيك يعرف مين هم ملوك وامراء ممكله الفوارس.
ومسك السيف وحكره ع جسمه بشكل طولي وفضل يعمل نفس الحركه مرات عديده ع جسمه لحد ما الدم بقي مغرقه كله وهو فقد الوعي مره كمان حدفوه بالمايه وفاق .. فضلت عشق واقفه تتفرج بس لحد ما غيث ومراد بعدوا وهي قربت منه ونزلت لمستواه ومسكته من راسه جامد وهي بتتكلم بنبره شبه فحيح الافاعي :
_ اتمني امنيتك الاخيره!
بصلها شفيق من بين عيونه اللي بدأت تقفل واتكلم بانفاس متقطعه :
_ اا.. اقت .. لك
ابتسمت ابتسامه مُميته وهي بتتكلم :
_ لا دي مهمتي انا !
وبدون مقدمات قطعت راسه ومراد بص علي ابوه بصدمه  من اللي حصل دلوقتي .. بس غيث كانا بيبص علي عشق بجمود وغضب مش منها من اللي كان بيتمني من لحظات يقتل مراته وهو اخد جزاءه كويس .. اتعدلت عشق وجسمها بقي كله دم من دمه ودم الجنود بس كانت وقفتها غريبه .. حس غيث ان فيه حاجه مش مظبوطه .. قرب عليها بتردد وهي بصتله  جامد وابتسمت بحبور وهمست وهي بتغمض عينها :
_غيثي!
ووقعت من طولها وهو شالها بسرعه وبيبص عليها برعب من هيئتها ومراد جري عليهم بقلق واتكلم :
_الملكه مالها ؟
اتكلم غيث برعب وهو بيبص علي بشرتها اللي بدأت تصفر :
_ مش عارف مش عارف
ولقوا الجنود الخاصيين بمملكتهم  بيقربوا منهم .. كل حاجه تمت زي ا عشق خطتت بالظبط والجنود جم بقيادة شادي .. نزلوا من علي الاحصنه وبصوا لـ الجثه اللي قصادهم اللي ملهاش ملامح بصدمه وقرف .. اتكلم شادي بسرعه او ما شاف عشق :
_جلالة الملكه حصلها ايه؟
بس غيث مردش عليه وشال عشق علي كتفه وطلع علي حصان شادي لانه كان اول واحد قدامه ومشي بسرعه بيه ومراد بص ناحيه شادي اللي اتكلم بهدوء :
_روح وراهم وانا هفضل هنا !
بصله مراد بشكر وبعدين اخد حصان من احصنة الجنود وطلع ورا غيث وعشق وشادي بص للجنود و امرهم يشيلوا الجثه ديه ويلفوا بيها علي الممالك كلها عشان يكون عبره لكل حد يفكر يقرب من الملك او الملكه او حتي الامراء .
.......................................
.... يتبع
#Nemo