#فرقه غزالة
البارت(5)
(شمس/قمر/نجوم/غيوم)
اضحك ضحك بطران من تلفي شمات
وانه ادري من اسنين بيه الضحك مات
#زمن
امل / اخذني الشرطي للحجيه واخذتنه البيتها وضلينه حوالي اسبوع الحد ما اجت غزالة اخذتنه وزمن وليالي يبجن ع الحجيه حيل اتعلقنه بيها
من اخذتنه بالسياره بعيد عن بيتنه بيت منطقه عشوائيه
اول ما طبينه غرفه بطن غرفه وساحه جبيره وبالاخير غرفه ومطبخ
اخذت اخواتي وكعدت بركن
بس سمعنه صوت كحه قويه
عرفتها الفارس اموت منه اخاف من شكله وهمه سبب بموت امي
وضل تحقيق شهر كامل بالكتل مال المختار
والشرطه اجتنه وضلو يسئلون بس غزالة هددتنه منحجي واذا حجينه ماتنطي اخواتي اكل
وكتلهم اني بالمدرسه جنت كلشي ما اعرف
وبدت حياتنه بالغرفه الاخيره بس الحجيه لهنا وماعافتنه دورت علينه
ونقلتنه بالمدرسه بس ماكدرت اداوم اني
خليت بس ايام لان اخاف ع زمن وليالي
كمت اني اعتمد ع نفسي الاكل غزاله جيبه جاهز بس اني الانضف وغسل المواعين و اسبح وامشط للبنات وهنه هم حبابات بس دائما يسئلون ع امي وماعرف شنو اجاوبهم بس راحت يم رب العالمين
وغزالة اهم شي عدها ترجع تلكه البيت نضيف اني انضفه واعوف الغرفه النه
وابد ما اخليهن يوصلن يم فارس
ولا يعرفنه وبدت علاقتهم وحفلاتهم للصبح بس اني من المغرب اقفل ع البنات الباب وسويلهم جاي وخبز يتعشون بي لو الي يضل من الغده الي جابته غزالة
وادرس ايام ،ومشت الايام وسنين وخليت البنات كلهن يدرسن وعركه وي غزاله وكطعت منه المصرف بس الحجيه ضلت ويانه كل سنه تجيبلنه مال احفادها ملابس والكتب وشرط فارس الصف السادس وتبطل وهو ولا ربع دافع
وصدك يا هيه توصل للسادس يحاربها ويمنعها من الطلعه
بس الشي الوحيد الزين ما يخلينه نتقرب ع كعداتهم شكد لحت غزالة طلعني اخدمهم بالكعده وتعاركت وياها وما رضيت وهو كللها عفيهم ورا الكعده عليهم تنضيف وهيه گومت الدينا وما كعدتها
بس اني ضليت مصره ع طبتنه للغرفه من المغرب وكبرنه ع هذا الشي افوتهم للحمام الي محتاجه وندخل نقفل الباب المسؤوليه حيل جبيره بس اذكر امي شلون جانت تقنعنه استخدم وياهم سياسه واني بأمس الحاجه الشخص يحسسني بطفولتي لان صرت ام من وكت واخت ومربيه وجانت من الضربات القويه انه خسرنه الحجيه الله يرحمها ، ومنها ونكطع كلشي ماكو واحد ذكرنه غيرها واذا اريد شي ملابس لو شغلات بيت لان احنه مانشوف شارع من عهد المدرسه وهاي الحبسه نسوي اضراب ع تنضيف تنطر غزالة تسوي النريده
//////////////////////////////////////////////
زمن/ياااااا بنات نتبهووو لياليييي
امل/ياااا ليالي شبيج ليالي شوووو بنيتي حاجيني
