فرقه غزالة
البارت 39
(شمس/قمر/نجوم/غيوم)
زغيـرة أُولايتـي ..
و'كبـرت علـىٰ إرسـومــك ..
بعيـدة ألسِمــة ..
و'مـن حطيـت يـم روحـي ..
تدنت يـم ضــوة إنجومـك ..
ألحـلاة ألبيـة مــا تنــلام ..
ليـش ألـوادم إتلومـك ..
تدري طولي لغير طولك مايلوگ
راح الملم كلشي بيه وراح اجيك
عندي شوگ لشوفتك ماينحزر
لاتخاف النار والناس شتگول
ليش هو العاشگ يخاف الجمر
ولايهمك قال والقيل شيصير
اني احبك راح اصرح بالامر
خلي كلشي يصير صدگ مااخاف
اگلب الدنيه عله مودك وانتصر
/////////////////
معن/زمن شعدج راجعه لهناك ضلي هين يمنه
زمن/اشتحجي انت صارلي بسنه هناك استقريت بعد شي رجعني وعليمن ارجع هناك اني مرتاحه
معن/ضلي هنا واوفرلج كلشي
زمن/ههههههه بصفتك شنو بالله
معن/ تردين صفه???
زمن /يي
معن/عجل اقبلي بيه ك زوج وراح اوفرلج كلشي تحتاجي
زمن/انت صدك تحجي لا لا اكيد تشاقه
زين بسر لو عرفي ههههههههههه ع كولتك هذا مستوايه
زمن/يروح ويجي واني واكفه كباله اني اليوم شورطني يامن يطلعنه منا سحب جكارته ودخن
وتقرب ونفخ دخانه بجهي هفيت وكحيت خنكتني
معن/كتلج زواج عادي مثل كل اثنين يزوجون عاجبج كان بها ما عاجبج غصب
عادي يمشي وياي ههههههههههه
زمن/يحجي وياشر بصبعه نهايه حاجبي
واخر شي عض شفته وضحك ماعرف ليش ادهور من يطخني بلعت ريكي اريد ابين اله اني قويه
شوف اكيد تشاقه واني هل مره ما راح اخذ كلامك محمل جد فافتح الباب وجن ما صار شي
معن/لا صدك احجي واريدج مو بس تاخذي على محمل جد اريدج تخلي ترجيه بذنج عاجلا ام اجلا راح اخذج اليه وما راح تكونين الغيري
زمن/شنووو هل انانيه الخاطر ربك ماكافي الوصخات الداير ما دايرك لا عبالك اني منهن لا حبيبي غلطان اني زلم مشوربه ومشبعه بلحرام فريتهم فر وهاي اني واكفه كدامك احجي وتعبت من الحذاء شمرتها
معن/انتي عادي عدج ابي مكان تشلحي
زمن/لا تغير الموضوع معن
يروح ويجي يمي يريد يحجي،بس احسه يخاف ما افهمه لازم نفسه كوه ما يطك العده بوجهي يريد يصير لطيف بس مايكدر جر نفس وزفره وعدل شعره واجهه عليه
معن/ باعي زمن اني ما راح انكر مشيت وي بنات عدد شعر راسي هاي وحده" والثاني من شفتج لليوم داخلتي براسي ول يابه مو بس براسي بكلبي هم وكلت نزوه او عجاب باجر انساها وراحت سنه وكل ما نتراسل او نتخابر ترجعين تسكين الزرعتي اول نوبه " واروح وي بنات واجذب نفسي بس كلهن ما نسني طولج كمت اركز وياهن وحده وحده
