فرقة غزالة
البارت18
(شمس /قمر/نجوم/غيوم)
الوكت خلة النحبهم مانراهم
شمرنه بدرب مظلم مانراهم
صدك تره بدونكم ماني راهم
وانا بدونكم تاهت الدنيا عليها /امل
الوكت وجر علي ضيمه بعدناي
طفل. وبعيد عن أهلي بعدناي
ماينفع فرد واحد بعد ناي
طبك وعزف نهار وليل بيه /زمن
الدمع من راحو احبابي ،، لهم سال
وكلبي الهــايم بحـبهم ،، لهم سل
انا يا ضعن الشــوفنــه ،، لهم سال
واكلهم بالجرالي وصار بيه/ايام
زمن/ البيت كامل مكمل بس تاكلني الحيطان تمنيت اخواتي وياي تمنيتهن يشوفن هذا العز ويدلل بي جان امل سكنت المطبخ هذا اليرد الروح وليالي بطرمه تلعب لعبتها المفضله
مريم/يراد مسواك وملابس الج بيت ودوام
زمن/اني من اشتغل اجيب
مريم/عجل ابو معاذووو شنو شغله غير يورق واحنه نصرف
زمن/يي كولي هيج هههههههه تردين صرفين ع روحج
معاذ/اني طالع عدي دوام الباجر امر عليج ساعه 2 اخدج وياي ع عياده
زمن/شكرا الك تعبتك وياي
معاذ/افاا انت توصايه الوالد عيوني ترخصلج
زمن/سالمات عيونك خويه
مريم/هسه نروح للبيت مالنه من يرجع الوالد ننزل للسوك ورويج ديرتنه احلا لو بغدادج
زمن/ههههههه لا لا ديرتكم اكيد بغدادنه ماشفنه منها غير وجع الكلب
رجعنه للبيت مالهم فرتني بالحديقه مالتهم قطعه من جنه ع ارض تفتح النفس اذكرت ايام تحب هيج اماكن وين صفه بيج دهر وسوه بيج محمد الكلب اخخ لو الزمك اله انسيك يوم من الايام صرت بي رجال ع هاي المسكينه
امل/رجعت وياهم وامهم كيفت ونسوان اخوته زينات وفاتن شرحتلهم الوضع
كعدت بغرفه فاتن ابد ما اطلع بس للحمام
وصيح فاتن وياي لليل سمعت صوت رساله
فتحتها
(سلام تردين شي من المحل اني بره وشوفي تونه هم)
شكد افرح بهتمامه لان اني فاقده هذا شي من زمان
(شكرا سلامتك )
طارق(مشكلتج بعد احسن خلي افلوسي ع كلبي اكون نفسي بيهن رجال ع وجه زواج)
امل(ههههههه يي عفيه عليك)
طارق(روحي هذا هم رصيد طارن وحداتي يفدني اخابر المره)
(بخيل)
طارق(هههههههه كلش)
عفته جاي تفرش فاتن هستوها شغلت التلفزيون ع المسلسل هندي
جان نسمع طارق يصيح
تونه تونه
فاتن/بدت رحمه الله عشه يريد
طلعت شويه وجت
فاتن/لا جني راح اشبع دلال من وراج
