فرقة غزالة
(شمس /قمر/نجوم/غيوم)
اضل عالي ابعلات النجم ... منزل
واصيرن للصديج التاه ... منزل
عدل نحجي مع الطيبين ... مانزل
عوج نحجي مع الناس الرديه //زمن
زمن/بسرعه وجها نكلب
معن/هاااا شكوو احجي يمعود شبيك
معاذ/ابويه لاكينه مكتول هو والسايق جاي لبزيبز ومكتول
زمن/بلكوه يله يحجي ويبجي مريم وكع منها الكلاص وضلت تصرخ
معن لكف التليفون وضل يصيح نكلب البيت كلاب
معن ومعاذ طلعو بالتراكات ويخابرون بكرايبهم اني متت من البجي عليه ليش الزين الله ياخذه والعارت يعوفها
شبكت مريم وهدي بيها
شويه واجتي ام معاذ وبناتها 2ولطمو لمه الله كللهم بس يكسرون الكلب وام معاذ تخربطت
ولتمت العالم ماعرف ولا واحد بس لزمنه البيت اني ود خطيه البنات منهارات واني كلبي نمرد عليه لان صارلي اكثر من شهرين اعرفه وماسمعني كلمه مو زينه ولا غثني ابد وماشفت منه غير كل الخير صدك ما يستاهل
الولد ماكو لصبح ساعه 6جابو للبيت زوره بيته نكلبت عليه العالم هيج جانو يحبو اخواته وكرايبه كومه
راحو دفنو بلمقبره مالتهم
وللضهر نصبو الجادر
والبيت ع ما هو جببر بس يغص ويبلع ناس جابو طباخين يعني احنه علينه بس التنضيف وكلساعه وحده سائله عليه ومريم تكللهم صديقتي وبت صديق ابويه وسكرتيره معاذ
همه من طبعهم ما يلبسون اسود نيلي او جوزي اني ماعرف لازم اسود ع الميت لبست بنطرون وقميص طويل
وضليت وي البنات هاي وام معاذ كلساعه وتحمد بيه الله ينطيج والله يوفقج
لليل وطبو الولد ع امهم واول مره اشوف زلم تبجي معن ومعاذ يبجون ع ابوهم حقهم هو ابوهم يتعوض ذكرت من صار انفجار ومات فارس ولا اتاثرنه ولا شي اصلا جان كاتم ع انفاسنه يله منعوله صفحته وين ما نام
اخذت من خاطرهم
معاذ/ انتي وصيه ابويه قبل لا يموت بساعات ويوصي بيج
زمن/الله يرحمه ويجعل مثوه الجنه
ام معاذ/واني هم والله كالي يتيمه مثل بتي لا ضوجين سوتلي شي ونقذت حياتي قبل لا يروح والله لو ادري بيه بعد مايرجع جان فديته بروحي مثل ما سويتي ونقذتي حياته
زمن/هذا يومه بعد خاله وكلشي بيد ربج
معن/شنو مافتهمت
معاذ/اني افهمك بعدين
ثلاثه ايام الفاتحه وناس تزيد ما تنقص
خلصت الفاتحه الاوضاع دهورت حيل بلمناطق الغربيه وسمعنه دواعش ذهو جان اكو بس قليل مو هيج بكثره فجاه
صار الدمار يمهم اني من خلصت الفاتحه رجعت البيتي بس معاذ سبوعين ورجع فتح العياده وكام يداوم
اجتي اوامر من داعش لازم الكل تتستر وتلبس حجاب اني من يمي خفت وكمت البس
بس الوضع ماكو كل ما زال يسوء اكثر واكثر والضرب بشارع واكثر البيوت ناسها هاجرت وعافته للدواعش
والسوك فلشوه ومن ضمنهم سدو العياده مال معاذ وكعدت وسكتت والحصار صار
كمت اخاف اطلع من البيت متت من الخوف
يلحون عليه مريم ومعاذ تعالي يمنه بس اخاف اروح خاف احتك وي معن واني وياه اخر شي تعاركنه عركه محترمه علمود البيت
معن/ منو يكول صدك ابويه مسجله بسمج
