فرقة غزالة
بارت 16
(شمس/قمر/نجوم/غيوم)
كافي يادنيا تعبت
كافي ماضل بيه حيل
كافي جبت العمر سجه
والقدر فوكايه ريل ....!!
امل
امل/يبس كلبي واني انتضر الدكتوره شنو دكول
دكتوره/ماما انتي مو حامل عندج خربطه لان مزوجه جديد ولتهابات
اذا حابه اطيج ابره تنزلها الج واذا لا بكيفج بس هيه ما ضر ضل تخربط عدج ع حمل
امل/اخذت نفس براحه جن جبل ع ضهري ونزاح
مسحت بسرعه وكمت الها دكتوره يصير اصيح زوجي شرحيله الحاله
/يي ماما عادي صيحي
امل/طلعت كلتله دكتوره تريدك
علمود يصدك
وحجتله الكالته اليه ماعرف شنو افسر شكله بس ضاج ماعرف ليش المهم اني اخلص
كتبت ع ابر وخذتهن وطلعت ولا حجيت وياه
رحت ع سياره فتحها صعدت
ساكته طول الطريق وصلت للبيت كبل ع غرفتي اخذت غراضي سلمت ع هيمه بس هيه تستاهل ونزلت لكيته كاعد هو وام علي
امل/لهنا وخلص مشواري بهذا البيت طلكني خلي اروح
ابو علي/اكعدي نتفاهم
امل /ماكو شي نتفاهم عليه طلكني اريد اروح لخواتي
راد يحجي جان ام علي تصيح
حيدررر طلكها يله كبالي
ابو علي/انتي طالك طالك طالك
امل/جن حبل رابطي بركبتي وتحررت
لكفت الشارع وطلعت ما خليتهم يحجون وياي اصلا
دورت بجنطه ماعندي المبلغ ال يوصلني لبغداد مالي غير فاتن ماطول سياره طارق ماموجوده اروح اخذ منها فلوس وخليها تتصلي بلبنات
دكيت الباب طلعت امه
مره جبيره بس من نسوان قبل وشكلها عطوف وبجها كل الرحمه اول ما كلتلي بنيتي تمنيت عندي الحق احظنها وابجي وشكيلها من هم الدنيه
خاله فاتن هنا
ام طارق/يي يمه فوتي جاي تركب النه غده
طبت من يم المطبخ
فاتن/هااا ولج امل بذاته كلبي طاك عليج
امل/شبكتها وبجيت
فاتن/ولج شبيج البنات بيهن شي احجي منو وياج امل ولج كولي شبيج يمه
امل/فاتن متت والله تعبت بس اني حظي هيج
فاتن/يمه عينج من جدر اخذ امل للغرفه وياي
ام طارق/روحن يمه خذو راحتكم
امل/اخذتني للغرفه جنت محتاجه احجي الواحد عن البكلبي لان اذا اضل هيج انفجر
حجيتلها من الالف للياء عن كلشي عنه لحد صار بيه ابيت ابو علي
فاتن/كل هذا وساكته
امل/ماريد واحد يدري حتى طارق لان استحي منه شنو اكله بعت نفسي علمود فلوس علاج لاختي
