فرقه غزالة
البارت35
(شمس/قمر/نجوم/غيوم)
يذاك انت
يطير الحب..
يماا احبك واحب تحط
على سطوحي..!
يـ بس انت وتظل وحدك
عزيز منين ميعجبك تطب روحي ..!!
هذاااااك انته
شمعزتك من تمر سكته
مدري شماني من اشتاك
اشوف الناس كله انته❤️
احسه الليل كله انته
مشابك بالحضن جبته
المايشبك حضن محبوب
ليمرلي ويكول بشوكي عاشكته
حلاتك من تضل يمي
وتزيح وي العشك همي
واصيح افيش ياشمته
///////////////////
ايام/رددت ورا وهلهلن البنات وشويه وسمعت صوته هو يردد ورا المؤمن عبالك اول مره انحط بهذا الموقف بس شي حلو وين ما اني مجبوره وي شخص ما اعرفه وين ما اني صرت المعاذ شويه وام معاذ راحت ع صاله ورجعت
ام معاذ/ كومي يمه ماكو حد هين بس رجلج وحماج وزوج اخيتج
خليت شيله ع جتافي وطلعت وياها
سلام عليكم
معن /هلا بعروستنه الف مبروك شايفه كل الخير
معاذ/هلا وجثير الهلا
ايام/كام وكف من قربت عليه باس راسي
وكعدني يمه
ود/الف مبروك ابو حلا
معاذ/يبارك بيج يا طيبه
ود/لبس عروستك نيشانها
زمن/مبروك ابو حلا
معاذ/يبارك بيج زمونه مشتاقيلج
زمن/احنه الاشوق
زمن/شلونك معن
معن/بخير انتي شلونج شخبارج
زمن/الحمد الله بخير
ام معاذ/يمه هاي اختهم جبيره
امل/اهلا وسهلا بيكم والف مبروك شايفين كل الخير
ايام/لبسني ذهب وزمن ساعدته ماحجه شي ابد بس من لبسني الكلاده
صار قريب ع اذاني
معاذ/ايومه حبيبتي اني اتصل بيج بليل
ايام/افتهمته لان ود هنا
واني هم دنيت منه وعدلت شيلتي وهيه تحاول تبين فرحانه بس حاسه بيها شما يكون يضل زوجها وحبيبها
كمت بوستها وجبتها يمنه وهيه خطيه تهلهل كسرت كلبي
فاتن/زمون يله خلي نقدم كيك وعصير
زمن/يي صدك نسيته
فاتن/لا انتي اليوم بالج مو ويانه ابد
زمن/ههههه لا والله مانايمه وتعبانه
فاتن/يي صدكتج يله ولج امشي اخذي صينيه بس مو توكعيها بحضنه
