فرقة غزالة
البارت(12)
(شمس /قمر/نجوم/غيوم)
اي علاقه تدخل بيها علاقه حب ، صداقة ، اي شي اهم شي بيها شخص يطمنك شخص ترتاح لما تگون ويا تگدر تحجي ويا وتفضفض اله بدون خوف ، شخص يفهمك ..يفهمك عدل..
بدون لايحكم عليك او يقلل من مشاعرك يتقبلك مثل ماانت !
هنا فعلا راح ينطبق ؏ـليك مقولة
"أطمئن مدام اني وياك "🤍 امل
.🌹🌹🌹🌹🌹🌹🌹🌹🌹🌹
🌹🌹🌹
امل/اتصلت فاتن بي نص ساعه وهو يمنه ما صعد رمش علينه ونزلنه رحنه كلنه للسوك
طارق/ بويه راح اخذجن وفتر بيجن هيچ
فاتن/اكعد بسيارتك احنه نسوي سوك سحاب هواي عدنه غراض
امل/رحنه ماخلينه شي ماشترينا وخطيه فاتن حيل تعبت ويانه لان جهاز عروس كامل واحنه هم شترينه النه للعرس
متنه من تعب
زمن/تعالوو نستراح نشرب عصير عاد
امل/اطلبو من هذا الكبال القيصريه بين ما اروح اودي هاي الغراض للسياره خاف يروحن وبعد مابينه حيل نفتر بيهن
فاتن/زين سوين روحي وتعاي
امل/رحت للمكان لعفنا بي لكيته يشرب ببسي
اسفه تعبناك
طارق/تعبج راحه عيب تكولين هيج ايام اختي
امل/ماطول اختك اطلب منك طلب اذا تكدر عليه اكون ممنونه الك طول عمري
طارق/انتي تامرين وانه عليه اكول لبيه
امل/ضحكت ع لهجته حلو يكول الكلام بلهجتهم يجر الانه واخر الكلمه يخلي الحجايه الها طعم
طارق/راح ضلين هيج صافنه ادري بنفسي حلو
امل/هههههههه بس لا تنغر
اريدك اليوم العصر لان العقد مال ايام وماعدنا وتعرف ما عدنا احد دنكت ولو ابو علي يكدر يجي جان ماقصر
طارق/بس هيج
امل/رفعت راسي اباوع عليه هزيته معنى يي
طارق/ تامرين اجي وسبق وكلتلج انه هنا ازفها بيدي لرجلها لا شيلين هم شي
امل/اشكر منك بس اذا سئلوك كول اني اقربائهم من الام
طارق/ماشي صار بعد تردين شي
امل/لا سلامتك
طارق/سلامتي بشوفت هاي العيون الحلوه
امل/هاا شنو ماسمعت
طارق/ لا ماكو شي سلامتج شوكت اتخلصون
امل/ما ضل شي رايحه عليهم من رخصتك
من خلصنه رجعت فاتن وي البنات واخذت ايام للصالون
خصلتلها وحف وتنضيف بشره ما طلعنه منها اله لل5بعد ما خابر محمد خطيبها
وقبل لا نطلع كتلها خليلها مكياج ناعم وشسوري شعرها
