العروس في الثوب الاسود

البارت العشرون

 
البارت العشرون
زهرة: خير ان شاءالله شصار الولد بيهم شي حسام ثائر ..
محمد: لالا مابيهم...
يحجي ويرجف
زهرة: لعد شكو احجي مو دمي نشف ..
عمة كعدت بالكاع من الهبطة .
زهرة: يايمه رجليه متعيني بعد احجي يارجال ...
فاتحه عيوني كلها واباوع على خالو اريده بس يحجي عبالك الوكت صار شطولة .
محمد: جنة كاعدين  باب المحل اني وصادق وحسام ...
وبدة خالو يحجي التفاصيل
_
صادق: حسام بلكت تجيبلنه لفات من ابو رافد شو جعت محمد تريد .
محمد: اي والله ياريت ..
حسام: اجيب اربعه كافيات ...
صادق: شدعوة على لفة لفة  حرامات تضل..
حسام : صار عمي تدلل ...
  كاعد احجي ويه صادق واشوف  وحده واكفه يم محل يبيع حلويات ليغاد عن محلنه بشويه والشعر طالع وذاك اللبس اللي يخزي استحي اباوع عليها هلكد ما لبسها فاضح كتله لصادق..
صادق : والله هاي الدنيا صايرة مدري شلونها شوف الناس بدال متتعض تعصي ربها قاطات .
صادق: شكو شبيك المن تقصد .
محمد : شوف ذيج البنيه شلابسه ماعدهة اهل هذا الي وياها ما شافها من طلعت .
صادق: وينها ؟؟؟
Interesting Facts You Need To Know About A Vibrant Actress/Model
محمد: ذيج كبالك ...
صادق: هاي ام شعر الاصفر .
محمد: اي هيه ..
صادق: شعلينه بالعالم ...
محمد: لايابه شعلينه بس اول مرة اشوف وحده هيج لبس وتفتر عادي بنص الزلم ..
صادق: اني شايف اشكال مثل هاي وبعد اضرب ...
محمد: اي عيني انت كله سفر ودول طبعا تشوف اشكال مثل حضي حدي للسوك وارجع...
باوعتله صفن على البنيه، شو هذا كوم واخذلك بوري من المحل واركض ركضت وراه واشوفه لازم واحد ودك بالبوري على راسه وعلى ضهره والبنيه الجانت وياه انهزمت  كوة فكيناه من ايده جان مات الولد ،،،
كعدت يم الولد اشوفه بيه روح لو مات  رفعت راسي ادور على صادق ماكو ركضت مثل المخبل جماعه كالو لحك هاي البنيه اللي جانت هنا كمت اضرب على راسي شلون بيه هذا وين راح وكفت تكسي وكلت ارجع للبيت اشوفه خاف رجع  بعدني بدايه الفرع واشوف سياره شرطه اباب بيت مرته واخذوه وراحو من اركز زين الكه نفسها البنيه اللي جانت ويه هذا الولد بس مدميها و كاعده بالكاع ويمها هوسه نسوان ..
زهرة: يايمة تعزينة وتصخمنة يعني شنو راح صادق انسجن .
محمد: والله ما اخليه ينام ليله وحده بالسجن اوكل احسن محامي واطلعه .
اريد استوعب الحجي اللي يحجيه  خالو ماكاعد يدخل بعقلي  كمت ابجي بقهر عفيه بابا شوكت ترتاح جبت عمرك تعب بتعب .
ورة شويه دخل حسام صاير دم كام خالو من الكاع وكف يمه...
محمد : ها شصار احجي عمك منو بلغ عليه .
حسام: هيه البربو.....بلغت اول ما رجعت للبيت
بس عاشت ايده عمي شلون خابزها يضرب بيها واكله بعد اريد يبرد كلبي بنت الكلب ليش تخاف صلفه ترادد الكلمه تردها بعشرة صدك لو كالو عين الكح..... كوية .
محمد: والولد مات لو بيه روح...
حسام: عساه ميت والله عمي قصر ما فلع راسه نصين
اخ لو ملحك عليه اله اشوف نفسه انكطع يلا اكوم منه ..
زهرة: اي عفيه اي ضيع نفسك هيج اريدك سبع ...
تبجي عمة وتضرب على رجلها ..
حسام: شتريدين لعد اباوع على عرضنه تفرفر ويه الزلم واسكت متكليلي منين هاي الزباله جبتيها لعمي شكد كلج ما اريد اتزوج لا اله تتزوج اله تتصخم دعوفوه للرجال هيج احسن انفضح بالمنطقه وهسه اخذته الشرطه.
Interesting Facts You Need To Know About A Vibrant Actress/Model
كمت ابجي بصوت عالي واصيح اريد بابا معليه واضرب برجلي بالكاع .
تقرب عليه حسام وخله ايده على حلكي ..
حسام: سدي حلكج شنو هذا  العياط مالتج منا الناس طفله خوما طفله ...
رسيل: وخر عني اني بيا حال وانتي تكلي صوتج ومنا العالم بابا راح بعد ميرجعلي .
حسام: لتتفاولين هسه نروحله للمركز وان شاءالله ماكو شي كافي يلا سكتي...
اخذني لحضنه وضليت ابجي واشهك ضل يمسد على شعري ويحجي بصوت ناصي..
حسام : كافي والله اليوم ينام يمج هنا بالزايد باجر الصبح .
محمد: حسام اذاها هواي ..
عافني واندار على خالو .
حسام : المن ...
محمد: شجن ...
حسام: والله طبلها بالبوري وانت اتخيل الوضع كسرها تكسر بحيث امها وكعت على رجله  باستها علمود يعوفها وهو فاقد ميحس اني اللي خبلني هذا عمي الهادئ منين اجته هاي الاعصاب ما ادري ولو اللي ينحط بهيج موقف اكيد ردة الفعل تكون هيج واقوة بعد...
زهرة:  شنو راح تسوون...
محمد: اروح اسال على محامي زين وبلكت الله نطلعه بسرعه .
حسام: يابه ترة اهل الولد نفس المنطقة مالتنه وناس زايعتهم الكاع وعدهم الكتل بفلس لازم نطلع عمي منا .
زهرة : يبو يبو هاهيه راح بيها الرجال كله صوجي اني رحت وجبرته عليها هو اعتمد عليه شمعرفه بالناس سودة عليه .
همة يحجون واني اباوع عليهم واسمع اريد اوكف بعد ما اكدر رجلي متعيني وكعت بالكاع وما حسيت غير نايمه على القنفة بالهول وعمة تغسل بوجهي وكلهم واكفين على راسي ويباوعولي بقلق  حسام: ها جبانه ليش هيج مابيج خير بسرعه توكعين بس اذا منا وجاي اي شي يصير وهيج توكعين واني اشيل ضعفيها لروحج عوفي التشاريب حتى اكدر اشيلج مو هديتي حيلي .
زهرة: اسكت حسام وكت شقاك هسه خلي نشوف البنيه شبيها .شبيج ماما احجي ليش هيج خربتي ...
كمت  احجي وابجي..
رسيل : خاف يكتلون بابا والله ما اتحمل غير اموت روحي اذا صار بيه شي...
Interesting Facts You Need To Know About A Vibrant Actress/Model
محمد: شحدة اللي يمس منه شعرايه والله اقتله خلاص ...
زهرة: هاهيه صار كاتل ومكتول وكامت تضرب على راسها.
حسام: شبيجن وحده توكع والخ تلطم ترة الرجال محبوس ما مات شو يابه كوم نروح نشوف حل لعمي احسن منكابل النسوان كعدتهم تكصر العمر .
محمد: امشي يلا...
راحو خالو وحسام واحنه نفتر بين الهول والطرمه صار الوكت شطوله ميمشي مرات من الخوف والقلق نحس الوقت ثكيل اثكل من المصيبه نفسهة صارت ساعه ١٢ ومحد بين
بالوحدة ونص اندك الجرس كمزنه نتسابق على الباب فتحناها دخلو خالو وحسام.
زهرة : ها بشرو شصار وصادق وين ليش ما اجه وياكم.
محمد: انطي صبر يامرة خلي اجر نفس.
دخلو جوة ركضت جبتلهم مي .
محمد: رحت لمحامي دلوني عليه كالو كلش زين وحجيتله الوضع كله ،طمني وكال القضيه بجانبكم وان شاءالله ربحانه ،رحنة للمركز حاولنه نشوفه ماسمحولنه
المحامي كال باجر اني اروح واخذ اذن اقابله  ويصير خير .
زهرة: ياربي خير ...
ضلينه الليل كله ننتظر بقلق شوكت يجي الصبح
صار الصبح واحنه كاعدين وبس صوت البجي مالتي مسموع الكل ساكت اباوع على ريناد هادئة من سمعت بالحادثه محجت اي شي سكتت وهو هذا طبعها متنطي ردة فعل بس سكوت حتى من ماتت ماما تبجي من تختلي بنفسها متبجي كدام احد .
صارت ساعه عشرة الصبح وراحو خالو وحسام للمركز حسب الموعد الحدده المحامي ورة اقل الربع ساعه اندكت الباب رحت فتحتها واشوف بابا حبيبي ركضت حضنته وابجي طلعت عمة تهلهل وتهوس بالطرمة ..
زهرة: حمد لله على سلامتك والله متنة خوف عليك
صادق : الله يسلمج ام حسام رحم الله والديج
زهرة: لعد وين الجماعه ..
صادق: منو
زهرة: محمد وحسام اجوك للمركز ..
صادق: ماشفتهم
زهرة: لعد شلون طلعت اجوك للمركز وياهم المحامي..
صادق: حجيت الحادثة كلهة للضابط وتعاطف ويايه حتى كلي حرامات لو كاتلهم .
بعدنة نحجي وسمعنه   صوت سيارات باب بيتنه ورمي قوي على البيت .....
يتبع
............