العروس في الثوب الاسود

تكمله البارت الأول

رسيل: محد مضوجها متعرفها من تكعد الصبح شون تكلب خلقتها ههههه..
باوعتلي صفح وكالت ..
ريناد: انتي يايوم محجيتي عليه متصدكين خالو يحجي وصفكتيلة...
محمد : بضحكة ولج ام لسان شلون بيج منين تجيبين هذا الحجي سمعي رسيل هاي اختج راح تطلعج فاول شوفي من هسه مسيطرة ..
Does Giving Ultimatums In A Relationship Ever Work Out?
رسيل: ههه خالو بعدها صغيرة تكبر وتتغير .
محمد: يلا حبيباتي نزلو وصلنه ..
نزلنه واشرناله وراح دخلنه للمدرسة نركض أني وريناد وثائر لان جانت المدرسة مختلطة ثائر صف رابع أبتدائي ..
وصلنه للساحة واكفين الطلاب كلهم اصطفاف احنه هم وكفنه وراها دك الجرص للصفوف اندارينة ومتسطرين واحد وره الثاني ودخلنة للصفوف بدت الدروس واجتي الفرصه ريناد تجيني تاخذ اللفه مالتها ومرات تاخذ فلوس تشتري من الحانوت .
خلص الدوام رجعنه خالو لبيت بيبي لان ماما وبابا بعدهم ما راجعين من الدوام..
اول ما دخلنة نزعنه الجنط ورحنه نركض ع بيبي جانت كاعده باب المطبخ دتلكط خضورات لان متشوف اله على ضوء الشمس نضرها ضعيف شوية...
رسيل : هلو بيبي حبيبتي اشتاقيتلج وبوستها..
البيبي : هلا رسوله هلا بنيتي شوكت لحكتي تشتاقيلي البارحه شفتج ...
حضنتها حيل وكتلها
رسيل : بيبي ليش اني اتحمل ما اشوفج حتى لو ساعه هم اشوفها هووواي عليه ..
ريناد : والله بيبي اني هم اشتاقلج ..
البيبي : تعالي ولج ام لسان تعاي ابوسج
اشرت على ريناد اجتي يمها باستها ودخلنة للمطبخ جانت مرة خالو محمد  زهرة واكفه تسوي غده ،،كلش تحبنه وهيه وماما صديقات وكلش مداريتنه ابد ماحسينه بيها جنه بهذا البيت ...
بيت جدو كلش يحبونه ومتعلقين بينه حتى ملابسنه يمهم من نرجع وماما تتاخر نبدل ونتغده ومرات نام ونبلش ندرس واجبات يلا تجي ماما ..
ومن عدها سفر نضل بيت جدو واذا بابا ماعنده رحله يرجع يمنه بيت جدو  وبس بليل يروح ليتنه يبات  ...
حياتنه كلش حلوة ومرتاحين من عدهم عطله بابا وماما نطلع منضل بلبيت ياخذنه بابا ارقه الاماكن واحسن المطاعم يفوتنه...
جنه كلش مدللين ما اذكر يوم من الايام طلبت شي ومشتروه الي ..
وحتى غرفتنه اني وريناد من ارقى الغرف جانت وكلشي بيها وكنتورنه متروس ملابس وبدلات وكلشي البنية تتمناه موجود عدنه..
ماما عدها اخوان ثنين خالو محمد عايش ويه بيبي وخالو علاء مسافر بعمان هو وعائلته ..
وعندي خاله وحده بس مريضة مقعده .
كاعدين نقره بالهول فات حسام ...
Does Giving Ultimatums In A Relationship Ever Work Out?
حسام : ياهله بالحلوات شلونكم ..
جاوبنه اني وريناد بصوت واحد زينين ..
حسام : تحتاجون مساعده عدكم درس صعب اقريكم ..
حسام صف رابع اعدادي كلش حباب ومؤدب ومرات يدرسنه لان هو كلش شاطر بالمدرسة وعلى طول يطلع اعفاء ..
رسيل : لا منحتاج من نشوف شي صعب احنه نجي عليك بدون متكول ..
حسام : عفيه بنات عمتي سباعيات..
ريناد : حباب من تطلع اريد اجي وياك اشتري ..
حسام : بعيني تدللي ..
ثائر : اني هم اجي وياكم ..
ريناد : اهووو هم نبص روحه انت شكو ..
ثائر : شعليج قابل راح تشيليني على ضهرج ..
رسيل : اسكتو ثنينكم تروحون واللي يسوي هوسه اكول لبيبي بعد متنطيه فلوس ...
حسام : يلا كملو واجباتكم واخذكم اللي ميكمل ما اخذه ..
ريناد : اني راح اكمل ع السريع ...
ثائر : اني هم
استمرينه ندرس صارت تقريبا ساعه سته ونص سمعت صوت بابا برة بالطرمة يصيح وينهن بناتي الحلوات ..
طلعنه نركض كنبص بالكاع وحضنه اني وريناد وبوسنه..
صادق : يايابه هسه يلا ردتلي روحي ..
سوسن : واني ماكو بوسه لماما .
دخلت ماما وره بابا ركضنه عليها بوسناها ..
صح  يوميه نشوفهم بس وقت دوامهم طويل مانشبع منهم هوواي ..
اخذنه جنطنه مال مدرسه والملابس ورجعنه لبيتنه اللي هو بصف بيت جدو حايط على حايط....
يتبع ..