البارت الثاني عشر
هل تشعر بأنكَ مقيد ؟
مقيد بالمسؤوليات .
مقيد بالوعود.
مقيد بمحيطك.
مقيد ببيئتك.
هذه القيود لايمكنك رؤيتها ولكنك تشعر بها داخل نفسك.
ماهو المقيد
هل هو قلبك ؟
أم عقلك؟
أم أنت كلك؟
...
الملايين من الناس في جميع أنحاء العالم محطمون من الداخل _ مكسوري القلب والروح.
وهؤلاء المكسورين يرتدون الأقنعة كل يوم لمجرد الأستمرار في الحياة .
هم مكسورين من الداخل .
بعضهم محطم الى قطع وبعضهم مكسور تمامآ.
ومع ذلك ، فهم يتحلون بالشجاعة للأستمرار .وعدم الاستسلام.عاجلآ أو آجلا ، سوف تنقضي الأوقات الصعبة .فهي لن تدوم الى الأبد.
إذا كنتَ واحدآ من المكسورين ،فأعلم أنني فخور بك.
فأنت الشخص الذي يحاول دائما أصلاح الأخرين
لأنك تعرف تمامآ كم هو مؤلم شعور الكسر.
لا تيأس .ثق بأن الله معك.
____________________
رسيل: صبيت الجاي ورجعت للهول خليت الصينيه بالنص وكتلهم يلا تعالوا كعدنة نشرب جاي وراها جبت حب شمس نكرز ونسولف وكلمن عنده موقف يحجيه ونضحك وصل السرة ألي لازم اني هم احجي موقف صار ويايه .
رسيل : يعني مصرين ..
كالو بصوت واحد اي...
رسيل : ورة وفاة ماما ب ٣ اشهر ،،، بداية السنة الدراسية أني جنت متعلمة على ماما هيه تكعدني الصبح وتسوي النة ريوك ولفات ،،
كعدت ونزلت جوة المطبخ فارغ مابيه امي ولفاتني ماكو على الميز نقهرت وطلعت برة صعدت بالسيارة خالو كلي، هاي لفاتكم سوتهن عمتكم اخذنه كل واحد لفته ورحنه للدوام بس نمشي بلا روحي ،،، ومن خلص الدوام رجعنه اول مدخلت للبيت نسيت ماما ماموجود طبيت بلهفة اريد ابوسها واحضنها لان كلش مشتاقتلها اول ماشفت باب المطبخ مفتوح ركضت حسيتها بالمطبخ والله ريحتها أجتي بخشمي طبيت صحت ماما حبيبتي أني رجعت ومن ادخل جوة الكة بابا وعمة زهرة كاعد يطلعون بملابسها حتى ينطوهن للفقير ما اوصفلكم الحسرة والقهر اللي حسيته بوقتها اكو مثل يكول.
لن تفهم ألم شخص ما حتى تجرب نفس الألم بنفسك
يعني هسه أني من كاعد احجيلكم جوز انقهرتو صح وبجيتو بس متحسون الاحساس اللي حسيته بيومها .
كلهم عيونهم دمعت وحسيتهم انقهرو ،،،كمت اريد اروح للبيت لان اختنكت شفت بابا واكف ودموعه عشرة عشرة ينزلن سوة أثاري جان واكف وما ادري بيه وسامعني ركضت لحضنة وابجي وهو يبجي بيومها
بدينة السهرة بسالوفة وضحكة وختمناها بجية وقهر.
ثاني يوم على الريوك بابا كال ...
صادق: رسيل اريدج تخففيين شقاج ويه زيد والبقية
هذا خفيف كلش وتصرفاته ما محسوبه ما اريد اسوي مشكلة من وراه خلي تكضي هاي الكم يوم و يسافرون بدون مشاكل الله يخليج اني اعرف اخلاقج شنو وعندي ثقة بيج بس بزيد ماعندي ثقة هذا تربة برة منعرفه شنو ماشنو اللي اريده منكم انتي واختج تروحون ساعة زمان وترجعون ما أريد تبقون لليل .
رسيل: هذا هو بابا اللي تريدة يصير.
ضليت يومين ما أروح لبيت جدو كلش انقهرت من موقف حسام أني ممسوية شي بس هو ما اعرف شنو حاجيله لبابا وهسه بابا اخذ نضرة عني محلوة بسببه كلش ضجت وقررت ما احجي وياه ابد حته سلام ما اسلم عليه والمكان الكاعد بيه اكوم منة .
صار العصر وطلعت للطرمة ارش بالزرع منصية و أغسل بالكراج سمعت واحد يصيح رسيل رفعت راسي واشوف زيد ماد راسة من فوك الباب .
الأطباء يخفون الحقيقة! طريقة سهلة للتخلص من التجاعيد بالمنزل!
يغني وين الحلو غايب صار يومين ماشايفة ..
رسيل: والله فزيت هاي شصعدك ههههه
زيد : ليش يابه مكاعد تجين مو راح نسافر بعد اسبوع تعالي اليوم مو مت ...
بعده يحجي وانجر من الباب ما اسمع بس العياط شمرت الصوندة من أيدي وطلعت فتحت الباب واشوف حسام وزيد متلازمين واحد يعيط على الثاني....
حسام: شلون هيج تباوع من فوك الباب مثل الحرامي متستحي ماكلت العالم شتكول اذا شافوك وبيت بيه بنات طايح الحظ .
زيد: ما مسوي شي غلط ومحد يحجي بعدين اني ابن خالها مو غريب .
حسام: ومنو يدري انت ابن قندرتها..
حجاها و ضربه بوكس على خشمة كام يطلع دم.
على الهوسة طلع خالو علاء ومحمد وبابا فاككوهم ..صاح خالو بنتر..
علاء: لكم هاي شنو شصاير واحد مدمي الثاني مو عيب ماتستحون تتعاركون بالشارع ..
خالو محمد جر حسام ودخلة تدفع للبيت وبابا دخل زيد
محمد : احجو شصاير وهيج فضحتونه كدام العالم
زيد: والله خالو.. بعدة ديحجي وعاط حسام
حسام: سد حلكك لا اكسرك ادبسز هم الك عين وتحجي
دفعه خالو محمد حيل
محمد: لك شو انت متستحي خاف عبالك كبرت وما اكدر اضربك احترم نفسك وخلي نشوف شنو السالفه بلا غلط وتهديد.
زيد: خالو دكيت الباب على رسيل حته تجي يمنه لان صار يومين ماكو عبالي مريضه شو هذا بعدني ادك الجرص جرني وضربني وحته سبني .
حسام: لك انت شكد جذاب ايا ناقص غيرة لك وين دكيت الباب مو جنت صاعد وتباوع من فوك الباب وتسولف مثل الحرامية واني اجيت من بعيد وشفت شباب يباوعون على بيت عمو صادق وتخبلت والله زين مني ما موتك صادق: رسيل تعالي بابا احجي شنو الصار ومنو الحجي مالتة صحيح ..
الأطباء يخفون الحقيقة! طريقة سهلة للتخلص من التجاعيد بالمنزل!
ارتبكت واستحيت موقف اللي نحطيت بيه ابد محلو اباوع الكل عينة عليه ومنتضرني احجي زيد عيونه تتوسل حته اكول هو صح وحسام نضراته تتوعد اذا كذبت وحرت شنو احجي جان يعيط حسام.
حسام: متحجين اخرسيتي لو بس من اني احجي وياج تنطين لسان متر...
صادق: على كيفك بعدني ما متت وتصيح عليها ما اسمحلك لا تحاسبها ولا تعلي صوتك بناتي خط احمر وهذا الحجي للكل مو بس الك .
بابا صار دم يفور من الاعصاب التفت عليه وكال..
صادق : احجي بابا لتخافين منو الحجي مالته صحيح..
رسيل: حسام
من كلت حسام كام خالو علاء وضربه لزيد ،،،ترزل من خالو محمد ومن بابا صار هالكدوته وكلوله منا لحد متسافرون ما الك دخل بالبنات واذا شفناك تحجي ويه وحده نطيح حضك.
ورة هاي الحادثه الصارت اني بعد مرحت لبيت جدو ابد هية ضلت يومين ويسافرون اكضيها شلون مجان علمود متصير مشاكل .
قبل ليسافر خالو بيوم رحت لبيت جدو بابا كال عيب باجر يسافرون من الصبح تعالي ويايه ونرجع سوة رحنة لبيت جدو كلهم كاعدين جان يكول خالو علاء تحجون لو اني احجي .
صادق: خير ان شاءالله احجي شكو...
علاء: يابه هاي البنية اهلها لحد الان منتضرين خبر من عدنة واليوم امها شايفة ام حسام بالسوك وتكول نطيت خبر لعمامها ولابوها واخوانها واني صرت بموقف محلو اذا بيكم جية اهلا وسهلا ما بيكم جية نكول لابوها صار عدهم ضرف وانلغت السالفة...
صادق: وهاي مامعولين واحد يخطب يجلبون بيه واني مو كلت ينسد الموضوع ليش فاتحيه يومية ،، يعني ما اريد اتزوج هيه كوة .
صار حجي خالو محمد وخالو علاء وعمة زهرة والولد وناس ترفع وناس تكبس خلوه لبابا بموقف حيل صعب ضغطو عليه هلكد ما حجة وياهم ويريد يقنعهم بوجهة نضرة تعب وعبالك يحجي ويه الهوة اخر شي كال ...
صادق : ريناد متقبل واني اهم شي عندي بناتي اذا وافقن اني اوافق .
كام خالو محمد ورة شوية اجة لازم ريناد بأيدة سألها كدامنة...
محمد : ريناد خالو تقبلين بابا يتزوج لو لا.
الكل يباوع ومترقب شنو يكون جوابها ....
ريناد :اي خالو موافقة .....
يتبع....
أنت تقرأ
العروس في الثوب الاسود
Ficción Generalلم يكن يومآ الحُزن قضيتي ! بل قضيتي كيف اتخلص منه ! الحزن هو شعور بالعجز يشعر به المرء لكنه لايدوم . احيانا يغرقنا الحزن حتى نعتاد عليه وننسى أن في الحياة أشياء جميلة ممكن أن تسعدنا . عادة ما يشعر الناس بالحزن لا يفعلون شيئا أكثر من البكاء على حالهم...
