العروس في الثوب الاسود

البارت السادس عشر

البارت السادس عشر
دخلت أم شجن تدك وتلطم وتعيط يبو الحكولي
ركضو كلهم عليها يريدون يلزموها ماكو ملخت نفسها تملخ عمة زهرة تحضن بيها وتهدي وماكو مستمرة الى أن عاطت شجن من مكانها  ابد متقربت يم امها  الوحيدة ضلت كاعدة...
شجن: كافي عاد خلي نفتهم شبيج ثبرتينة ...
ام شجن: ولج اخوانج راحو،، راحو عزوتج ..
شجن : غير تحجي وين راحو فهمينة كافي بجي ...
ام شجن متربعه بالكاع و تناشغ بالبجي وتحجي
ام شجن : ولج اليوم صعدو بالتريلة( شاحنة _ لوري) وراحو يجيبون حصو ورمل وطالعلهم رتل مال امريكان ورمو عليهم ....
محمد: منو بلغكم حجية خاف الخبر اللي وصلكم كذب
ام شجن: لا يمة لا متأكدين جماعتهم بغير تريلة همة اللي كلولنة...
صادق: لااله الا الله كومي حجية غسلي وارتاحي وهسه نروح اني ومحمد نسال جماعتهم ونتأكد ...
ام شجن : اي يمه فدوة لطولك اروح..
اللي خبلنة وخله عقلنة يوكف شجن مابدر منها اي رده
فعل لا بجت لا عيطت عادي وتتصرف طبيعي احنه بجينة وتأثرنة وهيه لا...
دخلن هيه وامها بالهول وبابا وخالو محمد وحسام طلعو يشوفون شنو الموضوع وعمة زهرة طلعت بالحديقة شالت المواعين واستكاين الجاي..
اني وريناد بالمطبخ بس اللي يحجي بالهول نسمعة.
ام شجن: ولج ادري بيج فرحانة بموتت اخوتج بس  بالجذب ابجي نزلي دمعه كدام عيالج شيكولون عليج.
شجن :شيكولون خلي يكولون ميهمني وعلى شنو ابجي عليهم خلي ابجي على روحي شمروني لواحد متعقد من الدنيا وراح يعقدني وياه شكد كتلهم ما اريده اني صغيرة ما ناقصني شي لا اله تتزوجيه خوش رجال وانتي كبرتي منو ياخذج بعد ونريد نخفف حمل حتى نتزوج احنة. عبالك جنت عاله عليهم وبس يريدون يخلصون مني وعبالج ناسية سوالف الضرب مالتهم الي ومن زينو شعري بالموس قبل اربع سنين ومن فشلتج تكولين للكرايب طلعت براسها ثعلبه وزينتها.
ام شجن: شتريدين اكول للعالم لكفوها اخوتها عدها علاقة بواحد وطالعه وياه لو تردين اخوتج يطبطبون على ضهرج ويكولون عفية استمري بتلويث سمعتنة بالوحل.
شجن: مامسوية غلط حبيت قابل كفرت والولد راد يتزوجني
ام شجن: اي طبعا كفرتي من تسوين علاقات من ورانه كفرتي وهو وينه شو ما تزوجج ضحك عليج وعافج.
أرخص حارق للدهون، لخسارة 17 كجم وأكثر
شجن: ليش همة ولدج نطوه مجال يخطب شو جنزوه تجنز خلوه يصيح التوبة بعد اذا اتقرب لبتكم.
انصدمت من اللي سمعتة مكدرت استوعب الكلام معقوله هاي هيج قذرة طلعت اندرايت واشوف عمة زهرة ورايه تخرمش بخدودها .
زهرة: يايمة تعزينة وتصخمنة عزة بعيني شلون  بصادق اذا عرف يمة رسوله لا تحجين شي اروحلج فدوة والله اذا عرف ابوج يروح بيها .
نحجي همس علمود ليسمعونة جرتني عمة للطرمة .
رسيل: اول مايجي بابا اكوله ما اسكت على شنو تبقة هنا ترجع منين ما اجتي اصلا بابا مطايقها...
زهرة: يمة مو وكتها والله اني اصرف وعد بس انطيني مجال لاتحجين اي شي جوز كذب الحجي تريد تحرك كلب امها.
رسيل: شبيج عمة اكو وحده تحجي هيج شي على نفسها وهيه مامسويته.
زهرة: لخاطري بس هاي المرة ...
رسيل: عمة الج كم يوم اذا متتصرفين اروح لبابا واكوله شنو ذنبة يعيش ويه هيج وحده وفوكاها تحجي عليه وتكول معقد.
زهرة: اي كم يوم ونخلص منها ان شاءالله ..
رجعو بابا وخالو وحسام كالو للاسف الخبر طلع صحيح
خوات شجن سدو بيتهم واجوي يمنة.
طبعا هنه اتعس من اختهن وخفيفات حيل شلون عمة زهرة أنخدعت بيهن ما ادري سوتهن هنة وبس ولو الواحد شمدريه الانسان مينعرف اله يتعاشر واصلا هذا الحجي جان معرفناه لو ما سمعناها من كاعد  تحجي
هي و امها ..
مرت الايام بين بجي ولوعه ام شجن وبين القصف والخوف من المستقبل..
مرة كلنا نايمين بالسطح وبس حسام ينزل بالحديقة جان عدنه راديو صغير يسمع بيه.باوعت على زينه اخت شجن تلوب كلساع وتريد تنزل وتعيط امها وين
زينة : انزل للحمام .
ام شجن: مو توج صعدتي ..
زينة: احتاجيت حمام شلون يعني ..
نزلت ونزلت وراها اريد اشوف شنو تسوي
تتلفت منا ومنا خاف احد يشوفها طبت لغرفة حسام غرفتة جانت جوة فتحت الباب ماموجود دورت بلبيت ماكو اخر شي طلعت للحديقة شافته كاعد .
أرخص حارق للدهون، لخسارة 17 كجم وأكثر
زينة: هلووو ..
حسام : هلة شوو كاعدة ...
زينة: والله ماجاني نوم وكلت اجي اكعد يمك ..
حسام : لو جاية قبل شوية لان  كلش نعست واريد انام تصبحين على خير...
عافها وصعد نام و هيه كامت تكمز تشيل بروحها وتركعها اني اباوع عليها واضحك حسام من طب مشافني لان كهرباء طافية .
ثاني يوم بلشنة تنظيف كلنا البنات وحتى خوات شجن
صاحت زينه ...
زينة: أني انظف غرفة حسام...وركضت للغرفه..
عمة زهرة تأشرلي يعني لتحجين.
كمت افور ذني شنو من بنات ولا عبالك اخوتهن متوفين مصار كم يوم خو شجن سوالفها والضحك عبالك عيد عدها وامهن بس تدير بعينها مبينة فقيرة ومتكدر عليهن  اجة حسام جان طالع ويه خالو تغدينة وصار العصر بابا ماكو ضل بالنة عليه
محمد: ماكللكم وين رايح أتاخر لا...
حسام: أني راح اطلع ادور عليه قابل وين اكيد بالمنطقة قريب.
طب لغرفتة يبدل وطلع صاير نار ويصيح هاي منو داخل لغرفتي . الكل ساكت
حسام : مو كاعد احجي منو داخل للغرفة يوم ما تحجين..
زهرة: شبيها الغرفة غير يحجي...
حسام: تعالي وشوفي شبيها انتي مو تعرفين بيه ما اقبل يتغير شي من مكانة كايلج بس الكاع تتنظف وهاهيه كايل لو ماكايل..
زهرة: كايل يمة هسه اني ارجع كلشي لمكانة بس لتصير عصبي ..
حسام: ما اريد اي احد يدخل وراح اقفلها منا وجاي
يصيح ومخبوص اني كلت شبيه هيج تخبل ردت اشوف شنو صاير بالغرفة ودخلت محد انتبه علية واباوع دفاتر عندة وصور على الميز اجيت تقربت شفت  صوري شجابهن يمة مديت ايدي اخذت الدفتر و فتحته  مبين دفتر ذكريات قريت اول سطر  وجان ينجر الدفتر مني......
يتبع.....