العروس في الثوب الاسود

البارت الثالث عشر

البارت الثالث عشر
جميعنا لدينا نقاط ضعف.
أعلم أنك مُرهق وأنكَ تشعر بالضعف لا بأس في ذلك.فهو أمر طبيعي.
فقد أخبرنا الله بذالك منذ زمن طويل .
عليك أن تتقبل فكرة أن الأنسان قد خلق ضعيفآَ .
إذن لا يمكننا أن نكون أقوياء طوال الوقت.
أحياناً ستشعر بالضعف في بعض المواقف.
منهزماً.
جاثياً على ركبتيك.
تعتصر قبضة يديك وتسأل نفسك: ؛ لماذا أنا بهذا الضعف؟
لابأس. ففي بعض الأحيان نكون ضعفاء.
فخذ وقتك لتقبل ضعفك.
لا تنكر هذا الضعف.
ومع ذلك ، ضع في أعتبارك أنه بينما يُسمح لك بالشعور بالضعف، لا يسمح لك بالاستسلام لضعفك .
أنهض وأستمر بالتقدم الى الامام .
أجعل من ضعفك قوة.
________
الكل مترقب شنو راح يكول جواب ريناد
ريناد : موافقة خالو.
هز راسه خالو محمد ، سألني خالو علاء ...
علاء: وانتي بابا رسيل شنو رأيج ..
باوعت على بابا وانداريت على خالو كتله بكيفكم .
علاء: نريد موافقتج مو بعدين صادق يكول جبرتوهن
رسيل : هذا هو موافقة ...
صار هدوء ومنتضرين قرار بابا ...
محمد: ها صادق نتوكل هاهيه...
بابا جان منصي راسه رفعه بأتجاه خالو محمد وكال
صادق: شلون قنعت ريناد شنو كلت الها
محمد: لا قنعتها ولا شي ذيج بنتك وأسألها مجرد كتلها بالموضوع وافقت....
صادق: يعني حاوطتوني من كل جهة وخليتوني بالزاويا مو ...
علاء : ادري اللي يسمعك يكول ذابيك أبلوة جبيرة وحاوطناك بابا هذا زواج يعني انت ترتاح واحنى نرتاح .
صادق: أني ما ارتاح بس انتو ترتاحون اي ..
محمد: أحنة أنت ماكو فرق يلا نروح نشوفها ..
صادق: وانت شكو تشوفها هو منو اللي يتزوج أني لو أنت ؟
محمد: مو ادري بيك متباوع زين ...
صادق: ها وانت راح تشوفها وتقتنع وتعجبك احتمال اني متعجبني شلون بهيج حالة ..
محمد: شوف أني اذا يعجبني شي راح يعجبك أكيد لان أني عيونك الثالثة.
صادق: اي بس حولة مع الاسف .
طبعا بابا يحجي  بأستهزاء وخالو كلبها تحشيش حتى يلطف الجو المتكهرب .
علاء: هسه شكلت شنو قرارك ؟؟
صادق: اروح بس بشرط..
علاء: وهو .
صادق: احجي وياها وحدنة
محمد: هاهيه خربت لعد ..
صادق: لو احجي وياها لو ما اروح
محمد: احجي بس بحضور زهرة ..
صادق: كلت وحدنه
محمد: اعرفك تريد تطفش البنيه شو شنو تكول الها وتخيلها تشرد من الموضوع كله
كام بابا وكال ..
صادق: هذا العندي من تحددون موعد بلغوني
التفت لخالو علاء . أبو أحمد ساعة بيش طيارتكم باجر
علاء: ساعة عشرة الصبح ولازم قبل ساعتين أحنى بالمطار
صادق: تمام اجي الصبح ونوصلكم اني ومحمد سيارتين نطلع ..
علاء : لا يابه تكسي من راس الشارع وفضت راحت
صادق: وعليمن هالتكسي وسيارتين طابكة بالباب ..
علاء: براحتكم .
صادق : اني رايح بشغله ام حسام اجيب شي وياي من ارجع
زهرة: بس كيلوين طماطة وخضرة خلصت
صادق: من عيني تدللي
اودعناكم
رد الكل . الله وياك
..
ثاني يوم كعدنه الصبح ورحنة لبيت جدو حتى نودع خالو وعائلتة
نبراس: ماما راح أشتاقلج كلش هواي
زهرة: اني هم والله يا امي مشبعت منج
علاء : نجي منطول هواي
أم أحمد: والله لو لا شغل أبو أحمد جان ضلينه فترة يمكم على الاقل نعينكم شويه...
محمد: رحم الله والديج متقصرين
صادق: أم احمد كول وفعل
علاء: يلا يابه اودعناكم
زهرة: الله وياكم توصلون بالسلامة
علاء : الله يسلمج
سلمنة عليهم بوسناهم وراحو..
دخلنة لبيت جدو سوينة عمل شعبي ويه عمة زهرة
من فوك ليجوة .
كاعدين بالمطبخ نحضر للغدة دخلو بابا وخالو ..
محمد وصادق: السلام عليكم .
زهرة: وعليكم السلام ها وصلتو الجماعة .
محمد: اي وطارو يلا رجعنة .
زهرة: يوصلون بالسلامة والله تعودنة عليهم البيت فرغ علينه ..
محمد: شبدينة عليهم هناك حياتهم مرتبيها ومستقرين. مكيدرون يرجعون بعد ،حسام وينه ماشفته اليوم..
زهرة: طلع اول الصبح ..
محمد: وين راح  متقصد ميودعهم اني اعرف بسوالفه شكد عيب من علاء هسه شيكول ..
صادق: ميكول شي لتخلي ابالك انت بس اطلع منها هيه تصفى ...
محمد: ها اطلع منها موو،  لعد حضر نفسك العصر نروح لبيت البنية ..
صادق: الله كريم ...
حجاها ودار وجها ضايج ....
تغدينة وصار العصر راحو بابا وخالو محمد وعمة زهرة وحسام واحنة بقينة يم بيبي وخاله سهاد باوعت على ريناد شقاها هيه وثائر ثكيل يعني مو بس بالكلام لا ضرب واحد يضرب الثاني يملخها من شعرها وهيه تعضة .ضجت كلش عطت بيها...
رسيل : ريناد شنو هذا الشقى مو عيب والله بس بابا يرجع اكوله اذا متجوزين ...
ريناد: اني وثائر نتشاقة مو صدك نتضارب مو صح ثأوري
ثائر : اصلا ضربتي متأذي ..
ريناد: ولا اني
سهاد: عيب تتصارعين انتي بنية مو ولد صيري ثكيله
ريناد: هاهيه بطلنة منتشاقة،،،،
كلبت خلقتها وطلعت من الغرفه ولحكها ثائر  رسيل : مصيبة ريناد شايله خشم يابس حسرة عليه احجي وياها حجاية ترد بعشرة.
سهاد: من زود الدلال كله صوج ابوج كل ما حجينة حجايه وياجن وصاح بناتي خط احمر ..
رسيل: ليش اني شمسويه ..
سهاد: ممسوية شي بس دا اكلج على ابوج .
سكتت محجيت...
ورة شوية طبو بابا وخالو وعمة ..
فرحانين اله بابا وجها يريد يطك محتقن
سهاد: ها بشرو نطوها ..
صادق: قصدج هدوها ..
محمد: شنو هالحجي لو لان خوش ناس وميتطلبون هيج تحجي ....
صادق: كول ممصدكين كبل كبع واخذ شعدنه غير اعزز بنتي اسويلهة قيمة وقدر مو اشيل وانطي فوكاها متزوج وعنده جهال شون ناس ...
زهرة: والله ذهب والبنية درة مال الله فقيرة وعلى ايدك شتريدها تصيرلك ...
صادق: نشوف الايام تبين هو مو بس حجي ..
زهرة : الله يريح كلبك ياخوية وينطيك على كد نيتك..
صادق: منيلي كلب حتى يرتاح كلبي دفنتة ويه سوسن..
زهرة: تصدكون مرات احسدها لسوسن ..
محمد: ليش بله ..
زهرة : شوف زوجها شلون وفي الها هاي لو اني ميتة جان على الأربعين تزوجت علية ...
صادق: اسم الله عمرج طويل الله لايكولها...
محمد: شدعوة للأربعين والله هواي أنتي بس توكلي اني ثاني يوم خاطب ...
باوعتله عمه وكامت تبجي..
زهرة: هاي تالي التعب هيج جزاتي روح يامحمد كلبي فلا ينظف عليك بعد ...
كام خالو باس راسها وحضنها ...
محمد: ليش اني الكه اضفرج واروح اتزوج والله اتشاقة وياج موتي وشوفي شلون انصب مناحه يومية اطلع ابجي عليج وجه الفجر...
صادق: خوش تبسمر هسه ارتاحيت من بجيتها لام حسام والله صدك حرامات بيك التعب اني لو منها كلاص مي ما أناوشك .
محمد: شوف شوف هاي كدامي وهيج تحرضها عليه ورايه شتسوي ...
صادق: لتخاف اني يايوم جاي وانت ماكو اذا حضرتك لازكلي لزك اكدر احجي .
محمد: اي والنعم مني...
صادق: بضحكة والله انت فلا تكبر هذا ثائر عقله اكبر منك ...
محمد: اني شاب واكف عندي العمر هاي هم نعمة ...
صادق: والعقل هم نعمة وانت ماعندك ...
زهرة: صلو على محمد يمعودين هسه خلينه نحجي باالاهم ...
الناس يردون يكملون كلشي هذا الاسبوع ويردون كلشي سكتة لان عمهم ميت مصارله كم شهر ...
صادق: همزين خلصت من الهوسه بلكت يبطلون
محمد: هاهيه بعد براسك براسك ..
سكتوا...
...
ورة يومين طب بابا العصر وصاح سووو طريق
صعدنة اني وريناد فوك وطبو عمال شالو غراض الاستقبال وصعدوهن بالمخزن .
سألت ريناد بأستغراب..
ريناد: هاي ليش بابا فرغ الاستقبال ...
رسيل : ما اعرف هسه يطلعون ونسأله ...
راحو العمال وصاح بابا تعالو بنات نضفو الاستقبال بسرعه،،،،
بين ما نزلنه لكيناه طالع  رحت جبت سطل مي وبيه زاهي ومسحت الكاع هيه نظيفه بس يرادلها مسح مال احذيه العمال .
ورة نص ساعه اجه بابا كال بنات صعدو فوك صعدنه
وهم طبو عمال ورة ٣ ساعات يلا راحو ..
نزلنة شفنه بابا يضب براغي مال كنتور جايب غرفه جديدة ...
كمت اكل باضافري وسألته ..
رسيل: بابا هاي الغرفة المن؟؟؟
جر نفس وكال ......
يتبع.....