العروس في الثوب الاسود

البارت الرابع عشر

البارت الرابع عشر
بعدها الروح الك تشتاك
وتبوس بذكرياتك ذكرة ذكرة💔
____
مدري شمالي من أشتاك
أحس يعكوب سوايته شويه
آنا لو حنيت موش النظر مني يروح
أحسن عيون مابيه
_____
صادق : جر نفس وكال لشجن ..
رسيل: وليش هنا بالاستقبال وغرفتك ..
صادق: غرفتي تبقة مثل ماهيه وهذا الاستقبال محد يفوت بيه كلت استغله ..
رسيل: مو اصدقائك يجون وتكعدون هنا ..
صادق: اكعدهم بالهول هسه همة بالسنة مرة لو يجي واحد لو ميجي..
رسيل: زين تريد اساعدك بشي ..
صادق: راح تجي عمتج زهرة وانتي وياها نظفو وعلكو البردات بين ما اجيب كم شغله وصتني عمتج عليهن ..
رسيل: ماشي...
طلع بابا واجتي عمة زهرة حيل فرحانة لان راح يتزوج بابا هيه على نياتها من اهل قبل وعبالهة بابا راح يفرح اذا تزوج وتتغير نفسيته لان كاعد يشوفوه شلون يعاني من فقدان ماما ...
رتبنة الغرفة جانت جاهزة جابوها من الاسواق المركزية بابا وخالو محمد موديل أيطالي لونها صاجي كلش راقية
. غرفة بابا وماما القديمة لونها ابيض  هم حلوة بس هاي احدث وحتى البردات مناك جابوهن ...
كملنة كلشي وأجة بابا جايب علاليك كومة ونطاهن لعمة فتحناهن كلها ملابس وسيتات نوم ودشاديش واحذية مبين جهاز العروس الجديد كعدنه نسفط بيهن بالكنتور وطب بابا شايل علاكة طلع منها فلوس وكلها لعمة هاج هاي فلوس اشترو ذهب بيهن واذا مكفت كليلي .
زهرة: يااا غير انت تجي ويانه...
صادق: واني شكو جاي انتن نسوان طلعن سوة اشترن ورجعن ...
زهرة: يمة مايصير والله عيب...
صادق: يصير ام حسام يصير أنتي بس سهليها هيه تسهل .
اخذت الفلوس منه وسكتت بس مراضيه..
مشت الكم يوم وقرب موعد زواج بابا احنة بهاي الفترة داومنة اني ثالث وريناد اول وثائر ثاني بس غير مدرسة
مال ولد وحسام اول كلية .
بيوم الخميس رجعنة من الدوام لبيت جدو فتحنة الباب دخلنه لكينه بس خالو محمد يم بيبي وخاله سهاد .
من شفتهم ابتسمت ...
رسيل : هلوووو...
محمد: هلوو شكبرج تصيرين متعرفين تكولين السلام عليكم ..
رسيل : يلا السلام عليكم وين الباقين ..
حجيتها وادور بعيوني عليهم...
محمد: اليوم ابوج يتزوج وراحو للمحكمة ويرجعون كبل للبيت راح اجيب غدة من برة ويه اللي سوته عمتج لان اهل البنيه هنا يتغدون وانتي رتبي البيت  على ما اجي وابقي هنا يم بيبتج .
اختنكت احس شي نام على صدري شلون راح اتحمل الوضع الجديد ما اعرف كتله..
رسيل : ماشي بس ابدل ملابسي واجي .
محمد:يلا انتضرج ..
رحت للبيت بدلت ورجعت لبيت جدو جانت اكو مواعين مال ريوك على السنك غسلتهن ومسحت الكاونترات وكنست البيت ومسحته لان عمة مملحكة تنظف بس طابخة ورايحة باقي على تنظيف البارحة مسحت الاثاث وطلعت اغسل بالكراج وطبت بنية لابسة عباية مال راس وراها مرة كبيرة وعمة زهرة وبابا ...
زهرة : يمة رسوله تعاي سلمي وباركي لابوج ...
خليت الصوندة على صفحة وسديت البوري ورحت بوست المرة الكبيرة وبوست البنية ...
شجن: هلوو حبيبتي انتي اكيد رسيلة ..
رسيل: رسيل اسمي مو رسيلة ...
شجن: ادلعج حبيبتي وبوستني...
كلت بكلبي بدينة ...
رحت على بابا بوسته  وكتله مبروك ...
صادق: الله يبارك بيج بنيتي وباسني ...
بس عيونه تباوعلي بقلق يشوف ردة فعلي شنو اني اتصرفت طبيعي حتى ليضوج خطيه هو انجبر مثلنه ..
طبو جوة كعدو بالهول ورة شوية طب خالو جايب اكل اشكال سمج ودجاج وتمن وكباب مشوي .
وعمة مسوية فاصوليا وتمن.
بدينة نصب الاكل .
صاحت عمه..
زهرة: رسيلة هاج فرشي السفرة بالهول ..
رسيل: لزمت السفرة بيدي وكلت لعمة ما احب هذا الاسم لتصيحيني بيه ...
زهرة : يلا امم ما احجي بعد وخلت ايدها على حلكها .
ضاجت عمة  خلي تضوج بعد ماصار ساعة من اجتي  ست شجن كامو يصيحوني باللقب اللي طلعته اليه .
رحت للهول وفرشت السفرة طب حسام .
حسام: السلام عليكم اليوم عدنة خطار...
محمد: اي هاي مرت عمك سلم عليها ...
حسام : مبروك شايفين كل الخير..
شجن: الله يبارك بيك ...
صادق: الله يبارك بيك وتباوسوا...
والله  هذا طالع حلو بالزي الجامعي وعبالك كبران هو من قبل شكله حلو بس هسه حسيته كبر واني صار كم يوم مشايفته ضليت صافنه عليه انتبه عليه ورفع حاجة يعني شكو ...
نزلت عيني ورحت للمطبخ خلصت فقرة الغدة ورتبنه كلشي بمكانة وشجن اساعد واسوي واصب جاي خبصت روحها تركض كدام عمة .تالي عمه حجت وياها ...
زهرة: عيوني انتي عروس اليوم ارتاحي وباجر عود تعالي اذا تحبين هسه اني  اسوي كلشي ...
شجن : شعندي قابل اصلا اتونس بالشغل ..
زهرة : هاج لعد ودي الجاي ..
اخذت الصينية وراحت للهول رحت وراها من باب الفضول اريد اشوف بابا شنو تصرفاته يمكن لو غير واحد متزوج ما انتبه هيج بس لان بابا احسه مالتنه واجتي وحده غريبه تشاركنة بيه طبيت وكعدت هيه وزعت الجاي شجن: تفضل ابو حسام عيوني ..
محمد: غالية خيتي الله ليصغرج ان شاءالله ...
وزعت للكل وصلت لبابا ..
اخذ الاستكان بدون ميباوع عليهة وهيه رادت تاكله بنضراتها ..
صادق: مشكورة ..
شجن: تدلل تاج راسي..
حجيت بس بصوت ناصي شبسرعة صار تاج راسج وانتي البارحه عرفتية ...
حسام: ديري بالج راح يطكج عرج ...
انداريت وشفته كاعد بصفي ويضحك هذا شوكت اجه ولا انتبهت هلكد ممركزة ويه شجن ..
رسيل : هاا ..
حسام : علاه شبيج راح تطكين ترة ابوج تزوج ما باك ...
رسيل: وانت شكو شعليك بيه اطك اموت شلك دخل وثاني شي اني ما احجي وياك. ..
حسام: ديلا عيني هسه اني الميت عليج وعلى حجايتج...
درت وجهي ونفخت بضوجه...
ورة شوية كالت عمة ..
زهرة: لو جايات البنات ليش ما جوي على الغده خطية...
ام شجن: والله يستحن يجن ...
زهرة : حروح اجيبهن واجي خطيه يتغدن هنا شو اكل وخير من الله وهم يغيرن جو ..
ام شجن: انتي تعبانه هسه هذا الوليد يجيبهن شسمك يمة ..
حسام: حسام ..
ام شجن: يحفظك لشبابك وينطيك العافية تكدر تجيب البنيات هنه هنا بعد كم بيت مو بعيد...
زهرة: كوم حسام اني وياك نروح ...
الكل استغرب من تصرفها شلون حسام شاب ويروح لبنات للبيت وهنه وحدهن بيه ومراهقات هاي انحسبت نقطة ضد بيت شجن .
خلص اليوم ورجعنة لبيتنه يابيتنه اللي راح تشاركنة بيه وحده غريبه صعدنه فوك وهمة بقو جوة .
رسيل: رنودة شو هادئة شبيج اليوم لا حجيتي ولا جيتي سلمتي..
ريناد: وهو منو بحالي اذا سلمت واذا اجيت كلمن ملتهي بروحة...
رسيل: كلنا نحبج انتي ليش هيج تفكرين منو مثل دلالنة شو بابا اي شي نأشر عليه ثاني يوم يمنة اذا مو نفس اليوم انتي ليش هيج صايرة قبل مجنتي هيج ..
Surprising Things Men Found Attractive 50 Years Ago
ريناد: ماكو شي ليضل بالج ..
رسيل: يلا نامي حبيبتي لتفكرين با افكار موحلوة تصبحين على خير ..
ريناد : وانتي من اهله ..
نمنة ومنعرف شنو منتضرنة بالايام الجاية
كعدت الصبح ساعة ستة اول مرة بحياتي اسويها واكعد وحدي ما اعرف الليل كله ممرتاحة وما اعرف شلون اتصرف وية وضعنة الجديد وسكوت ريناد حيرني .
اول منزلت طلع بابا من غرفته مبين هو هم منايم ...
باوعتله ابتسمت ...
رسيل: صباح الخير حبيبي ،،
حضنتة وبسته ..
صادق: صباح العسل اليوم حبيبي كاعد من وكت مو من عوايدج .
رسيل: دنكت راسي وكتله مكدرت انام زين ...
صادق: تعالي ياروح ابوج امشي نطلع برة  ماطول الجو زين .
رسيل : يلا ...
طلعنة برة بالحديقة الجو بيه برودة الشمس مو كلش قوية . كاعدين وعبالك استحي احجي ويه بابا وهاي اول مرة هيج يصير بيه هو انتبه عليه عبالك قراني بابا كلش نبه خصوصا بالاشياء اللي تخصنه .
صادق: رسيل بابا حياتنة تبقى مثل ما هي ما يتغير اي شي ولتفكرين هواي ،،لا عبالج راح اتغير عليكم او يقل حبكم بكلبي لو اهتمامي بيكم اني مثل ما اني واي شي يضوجكم اي كلمة تسمعوها متعجبكم تعالو كلولي ما اريد تضمون اي شي عليه ترة ازعل اذا عرفت بعدين ...
رسيل: الله يخليك النه بابا ...
صادق: الله يخليكم الي ويحفظكم من كل سوء، حجيتي ويه اختج وضعها معجبني البارحة بس ساكتة ومنعزله ...
رسيل: حجيت والله بابا بس هيه كتومة متفتح كلبها لاي احد ...
ضحك وكال..
صادق: نسخة امها هاي نفس الاطباع اتذكر اول متعرفت عليها بالمطار جانت كوة تحجي وياية وخشمها يابس وتحجي بعنتكة وميعجبها العجب .
رسيل: بس انت عجبتها وماما  جانت تموت عليك ...
صادق: بعديش بعد خمس سنوات شلعت كلبي وركضتني وراها يلا قبلت بيه ...
جر حسرة ممزوجه بألم وكال ،
صادق : تاليها راحت مني بسرعة...
كمت كعدت على رجلية وحضنتة ...
رسيل: صدك بسرعة ماما راحت ما شبعنة منها ولا من حنانها والله يابابا عبالك حلم .مرات اصفن اكول شيصير لو ليهسة عايشة ...
صادق: هذا امر الله بنتي كومي خلي ندخل جوة طلعت الشمس وصارت حارة ..
دخلنة جوة وبدينة نحضر بالريوك
صادق: كعدي اختج تجي  تتريك ويانة
رسيل : تمام ..
بطلعتي انفتحت بابا الاستقبال اللي صارت غرفة شجن وطلعت منه شجن معناها بابا نايم بغرفتة مو يمها.......
يتبع ......