#ﺍﻟﺤﻠﻘﺔ 2
ﻭﺻﻠﻬﺎ ﻟﺪﺍﺭﻫﻢ ﻭ ﺭﺟﻊ ﺷﺪ ﺧﺪﻣﺘﻮ ﻛﺎﻧﺖ ﺩﺍﺧﻠﺔ ﺗﻀﺤﻚ ﻣﻬﻤﺎ ﻳﺼﻴﺮ ﻣﺎ ﺗﺨﻠﻲ ﻋﻴﻠﻴﺘﻬﺎ ﻳﺤﺴﻮ ﺑﺸﻲ ﺍﻣﺎ ﻛﻴﻒ ﺍﻟﻌﺎﺩﺓ ﻋﺮﺿﻮﻫﺎ ﺑﺎﻟﻤﺸﺎﻛﻞ ﻣﺎﻟﺒﺎﺏ ﺗﺴﻤﻊ ﻓﻲ ﺣﺲ ﺍﻣﻬﺎ ﻭ ﺑﻮﻫﺎ ﻳﺘﻌﺎﺭﻛﻮ ﻋﺮﺿﻬﺎ ﺧﻮﻫﺎ ﺍﻟﺼﻐﻴﺮ ﻓﻲ ﺍﻟﺒﺎﺏ ﺗﺤﻤﻠﻬﺎ ﻭ ﻫﻮ ﻳﺒﻜﻲ
- ﻗﻠﻮ ﻣﺎ ﻳﻀﻠﺒﻬﺎﺙ ﻋﻼﺙ ﺑﺎﺑﺎ ﻳﻜﻠﻬﻨﺎ ﻭ ﺩﻳﻤﺎ ﻳﻀﻠﺐ ﻓﻲ ﺍﻣﻲ ( ﻗﻠﻮ ﻣﺎ ﻳﻀﺮﺑﻬﺎﺵ ﻋﻼﺵ ﺑﺎﺑﺎ ﻳﻜﺮﻫﻨﺎ ﻭ ﺩﻳﻤﺎ ﻳﻀﺮﺏ ﻓﻲ ﺍﻣﻲ )
ﺷﺪﺗﻠﻮ ﺭﺍﺳﻮ ﺑﻴﻦ ﺍﻳﺪﻳﻬﺎ ﻣﺴﺤﺘﻠﻮ ﺩﻣﻮﻋﻮ ﻭ ﻫﻲ ﺗﺘﺒﺴﻢ
- ﻻ ﻳﺎ ﺭﻭﺣﻲ ﻫﻮ ﻣﺎ ﻳﻜﺮﻫﻨﺎﺵ ﺑﺎﻟﻌﻜﺲ ﺷﻜﻮﻥ ﻛﺒﺮﻧﺎ ﺍﺣﻨﺎ ﻭ ﻭﺻﻠﻨﺎ ﻫﻨﺎ ﺍﻣﺎ ﻫﺎﺫﻱ ﺣﻜﺎﻳﺎﺕ ﻣﺘﺎﻉ ﻛﺒﺎﺭ ﺯﻳﺪ ﺑﺎﺑﺎ ﻳﺤﺐ ﺍﻣﻲ ﺑﺮﺷﺎ ﻭ ﺍﻧﺎ ﻧﻌﺮﻑ
- ﺍﻣﻤﻢ ﺣﺘﻰ ﺍﻧﺎ ﻧﺤﺒﻮ ﺑﺮﺛﺎ ﺑﺮﺛﺎ
- ﻋﻴﺸﻠﻲ ﺍﻟﺒﻄﻞ ﻟﻲ ﻳﻔﻬﻢ ﻫﻮ ... ﻫﻴﺎ ﻧﻄﻠﻌﻮ ﻟﺒﻴﺘﻨﺎ
ﺗﻌﺪﺍﺕ ﺑﺠﻨﺐ ﺑﻴﺖ ﺍﻣﻬﺎ ﻭ ﺑﻮﻫﺎ ﺗﺴﻤﻊ ﻓﻴﻪ ﻛﻴﻔﺎﺵ ﻳﺤﻜﻲ ﻣﻌﺎﻫﺎ ﻗﻠﺒﻬﺎ ﻭﺟﻌﻬﺎ ﻋﻠﻴﻬﺎ ﻭ ﻋﻠﻰ ﺭﻭﺣﻬﺎ ﻭ ﻋﻠﻰ ﺧﻮﻫﺎ ﻟﻲ ﻣﺎﺯﺍﻝ ﻣﺎﻫﻮ ﻓﺎﻫﻢ ﺷﻲ ﻣﺎﻟﺪﻧﻴﺎ
ﺑﺪﻟﺖ ﺩﺑﺸﻬﺎ ﻭ ﻋﻴﻄﺘﻠﻮ ﺣﻄﺘﻮ ﻋﻨﺪﻫﺎ ﺗﻠﻌﺒﻠﻮ ﻋﻠﻰ ﺷﻌﺮﻭ ﺗﺤﺐ ﺗﻌﻮﺿﻠﻮ ﺍﻟﺤﻨﺎﻥ ﻟﻲ ﻣﺎ ﺣﺴﺘﺶ ﺑﻴﻪ ﻭ ﻫﻲ ﺻﻐﻴﺮﻫﺎ ﻣﺎ ﺗﻨﻜﺮﺵ ﻟﻲ ﻭﺍﻟﺪﻳﻬﺎ ﻳﺤﺒﻮﻫﺎ ﺍﻣﺎ ﺑﺎﻟﻤﺸﺎﻛﻞ ﺣﺪ ﻓﻴﻬﻢ ﻣﺎ ﺭﻗﺪﻫﺎ ﻋﻨﺪﻭ ﻧﻬﺎﺭ ﻭﻻ ﻗﺎﻟﻬﺎ ﺭﺍﻧﻲ ﻧﺤﺒﻚ
- ﺛﺤﺮ ﺫﻋﺖ
- ﺑﺎﻫﻲ ﻳﺎ ﺭﻭﺣﻲ ﺍﺑﻘﺎ ﻫﻨﺎ ﻧﻤﺸﻲ ﻧﺤﻴﺒﻠﻚ ﺣﺎﺟﺔ ﺗﺎﻛﻠﻬﺎ ﻭ ﻧﺠﻲ
ﺩﺧﻠﺖ ﻟﻠﻜﻮﺟﻴﻨﺔ ﻣﺎ ﻟﻘﺎﺗﺶ ﻓﻄﻮﺭ ﺍﻟﻔﺮﻳﺠﻴﺪﺍﺭ ﻓﺎﺭﻏﺔ ﻛﻲ ﺍﻟﻌﺎﺩﺓ ﺗﻮﺍ ﺑﻮﻫﺎ ﺳﺘﺔ ﺷﻬﻮﺭ ﺑﻼ ﺧﺪﻣﺔ ﻭﻭ ﺍﻟﻔﻠﻮﺱ ﻟﻲ ﻛﺎﻧﻮ ﻣﺨﺒﻴﻨﻬﻢ ﻭﻓﺎﻭ ﺗﻨﻬﺪﺕ ﻭ ﻣﺪﺕ ﺷﺮﻛﺘﻬﺎ ﻟﻲ ﻛﺎﻧﺖ ﻓﻲ ﺭﻗﺒﺘﻬﺎ ﻫﺎﺫﻱ ﺍﻭﻝ ﻛﺎﺩﻭ ﻣﻦ ﺍﻳﻬﺎﺏ ﻭﻋﺪﺗﻮ ﻣﺎ ﺗﻨﻴﺤﺎﺵ ﺟﻤﻼ ﺍﻣﺎ ﺳﺎﻋﺎﺕ ﺍﻟﻀﺮﻭﻑ ﺗﻜﻮﻥ ﺍﻗﻮﻯ ﻣﻨﺎ
- ﺳﺎﻣﺤﻨﻲ ﻳﺎ ﺭﻭﺣﻲ ﺧﻠﻔﺖ ﺑﻮﻋﺪﻱ ﺍﻣﺎ ﺍﻟﺤﺐ ﻋﻤﺮﻭ ﻣﺎ ﻛﺎﻥ ﺫﻫﺐ ﻭ ﺧﻮﺍﺗﻢ ﺣﺒﻲ ﻟﻴﻚ ﻓﻲ ﻗﻠﺒﻲ ﺍﻛﺒﺮ ﺑﺒﺮﺷﺎ
ﺧﺮﺟﺖ ﻟﻠﻌﻄﺎﺭ ﺗﺎﻉ ﺍﻟﺤﻮﻣﺔ ﻣﺎﻟﻠﻲ ﺷﺎﻓﻬﺎ ﺩﻭﺭ ﻭﺟﻬﻮ
- ﺳﻼﻡ ﻋﻢ ﻳﻮﺳﻒ
- ﻳﺴﻠﻤﻚ ... ﺷﻮﻑ ﺑﻨﺘﻲ ﺍﻟﻜﺮﻳﺪﻱ ﻣﺘﺎﻋﻜﻢ ﻛﺜﺮ ﻭ ﺑﻮﻙ ﻭﻳﻦ ﻣﺎ ﻧﺤﻜﻲ ﻣﻌﺎﻩ ﻳﻘﻠﻲ ﻫﻮﻣﺎ ﻳﺎﺧﺬﻭ ﻫﻮﻣﺎ ﻳﺨﻠﺼﻮ
- ﻓﻬﻤﺘﻚ ﻭ ﻋﻨﺪﻙ ﺍﻟﺤﻖ ﺧﻮﺫ ﻫﺎﺫﻱ ﺷﺮﻛﺔ ﺫﻫﺐ ﺑﻴﻌﻬﺎ ﺧﻮﺫ ﻟﻲ ﺗﺴﺎﻟﻬﻮﻟﻨﺎ ﻭ ﺧﻠﻴﻨﻲ ﻧﻘﻀﻲ ﺑﺎﻟﺒﺎﻗﻲ
- ﻻ ﻣﻮﺵ ﻫﻜﺎ ﻗﺼﺪﺕ
- ﻫﺎﺫﺍ ﺣﻘﻚ ﻭ ﺍﺻﻼ ﻛﺎﻥ ﻣﺎﻛﺶ ﺑﺎﺵ ﺗﺎﺧﻮﻫﺎ ﻣﺎﻛﺶ ﺑﺎﺵ ﺗﺨﻠﺺ
ﻛﻤﻠﺖ ﻗﻀﺎﺕ ﺑﺮﺷﺎ ﺣﺎﺟﺎﺕ ﻧﺎﻗﺼﻴﻨﻬﻢ ﻟﻠﺪﺍﺭ ﻭ ﺭﻭﺣﺖ ﺣﻄﺘﻬﻢ ﻓﻲ ﺍﻟﻜﻮﺟﻴﻨﺔ ﻭ ﻃﻠﻌﺖ ﻟﺒﻴﺘﻬﺎ ﺗﻠﻘﻰ ﺧﻮﻫﺎ ﻳﺴﺘﻨﺎ ﻓﻴﻬﺎ
- ﺛﺒﻴﻚ ﻟﺘﻮﺍ
- ﻛﻨﺖ ﻧﺠﻴﺒﻠﻚ ﻓﻲ ﺣﺎﺟﺔ ﺑﺎﻫﻴﺔ ﺷﻮﻑ
ﺟﺒﺪﺕ ﻣﻦ ﻭﺭﺍﻫﺎ ﻳﺎﻏﺮﻁ ﻭ ﻛﺎﻳﻚ ﻭ ﺷﻜﻼﻃﺔ
ﻗﺎﻡ ﻳﻨﻘﺰ ﻣﺎﻟﻔﺮﺣﺔ ﺣﺘﻰ ﻫﻮ ﻗﺪﺍﺵ ﻣﺎ ﺫﺍﻗﻬﻤﺶ ﺑﺪﺍ ﻳﺤﻤﻞ ﻓﻴﻬﺎ ﻭ ﻳﺒﻮﺱ ﺑﺎﻋﺪ ﻛﻤﻞ ﻭﻛﻠﺘﻮ ﺭﻗﺪ ﻭ ﻫﺒﻄﺖ ﻫﻲ ﺗﺤﻀﺮ ﻓﻲ ﺍﻟﻌﺸﺎ.
أنت تقرأ
كرونيك: انثى_في _الجيش
Fanfiction#انثى_في_الجيش #منقولة #الكاتبة_مجهولة #انثى_في_الجيش الحلقة 1 كانت سارحة في دنيا اخرى لين تهزت و تنفضت مالفجعة وقت تكلم البروف _ وين سارحة سيادتك عندي ساعة نكلم فيك _ ديزولي ميسيو _ وينو كتابك _ نسيتو في الدار _ كتابك تنساه أما منقالة الاولاد لي...
