#ﺍﻟﺤﻠﻘﺔ 4
- ﺑﺎﻫﻲ ﻭ ﻧﺘﻲ ﻭﻋﺪﺗﻨﻲ ﻣﺎ ﺗﺨﻠﻴﻨﻴﺶ ﻣﻬﻤﺎ ﺻﺎﺭ
- ﺍﻧﺎ ﻃﻮﻝ ﻋﻤﺮﻱ ﻣﻌﺎﻙ
- ﻣﺎﻻ ﺭﺍﻧﻲ ﺧﺒﻴﺖ ﻋﻠﻴﻚ ﺑﺮﺷﺎ ﺣﺎﺟﺎﺕ ﻭ ﺍﻟﻴﻮﻡ ﻻﺯﻣﻚ ﺗﻌﺮﻑ ﻛﻞ ﺷﻲ ... ﺍﻧﺎ ﻣﻦ ﻋﺎﻳﻠﺔ ﻓﻘﻴﺮﺓ ﺑﺎﺑﺎ ﻋﻨﺪﻭ ﺑﺮﺷﺎ ﺑﻄﺎﻝ ﻭ ﺍﻟﻘﻮﺓ ﻟﻲ ﺗﺮﺍ ﻓﻴﻬﺎ ﻋﻨﺪﻱ ﺭﺍﻫﻲ ﻛﻠﻬﺎ ﺗﻤﺜﻴﻞ ﺧﺎﺗﺮﻧﻲ ﺿﻌﻴﻔﺔ ﻭ ﻓﻴﺴﻊ ﻧﺒﻜﻲ
- ﺳﺤﺮ
- ﺍﺳﻜﺖ ﻋﻴﺸﻚ ﺧﻠﻴﻨﻲ ﻧﻜﻤﻞ
ﻫﻲ ﺗﺤﻜﻲ ﻭ ﻫﻮ ﻣﺼﺪﻭﻡ ﻣﺎ ﺗﺼﻮﺭﺵ ﻣﻨﻬﺎ ﻫﺎﺫﺍ ﺍﻟﻜﻞ ﺍﺻﻼ ﻛﺎﻥ ﻗﺎﻟﺘﻠﻮ ﺭﺍﻫﻮ ﻋﺎﻭﻧﻬﺎ
- ﻋﻼﺵ ﻫﺎﺫﺍ ﺍﻟﻜﻞ ﻭ ﺍﻧﺎ ﺷﻨﻮﺓ ﺑﺎﻟﻨﺴﺒﺔ ﻟﻴﻚ ﻻﻫﺎ ﺍﻟﺪﺭﺟﺔ ﺗﺮﺍ ﻓﻴﺎ ﻏﺮﻳﺐ
- ﺳﺎﻣﺤﻨﻲ ﻣﻮﺵ ﻫﺎﺫﺍ ﺍﻟﻤﻬﻢ ﺍﻧﺎ ﺣﺒﻴﺖ ﻧﻘﻠﻚ ﺭﺍﻧﻲ ﺑﺎﺵ ﻧﺒﻄﻞ ﻗﺮﺍﻳﺔ ﻭ ﻧﺒﻌﺚ ﻣﻄﻠﺐ ﻓﻲ ﺍﻟﺤﺎﻛﻢ
- ﻫﻬﻬﻪ ﻻ ﻧﺘﻲ ﻋﻨﺪﻙ ﺍﻟﺴﺨﺎﻧﺔ ﻫﺎﺫﺍﻛﺎ ﻟﻲ ﻣﺎﺯﺍﻝ ﻣﺮﺗﻲ ﺗﺨﺪﻡ ﻭﺳﻂ ﺍﻟﺬﻛﻮﺭﺓ ﻃﺤﺎﻥ ﻗﺪﺍﻣﻚ ﺍﺳﻤﻊ ﻟﺤﻜﺎﻳﺔ ﻫﺎﺫﻱ ﺗﻨﺴﺎﻫﺎ ﻓﻬﻤﺖ ﻭﻻ ﻧﻌﺎﻭﺩ ﺗﻜﻤﻞ ﻗﺮﺍﻳﺘﻚ ﻭ ﺍﻧﺎ ﻧﻌﺎﻭﻧﻚ
- ﺍﻳﻬﺎﺏ ﺧﺬﻳﺖ ﻗﺮﺍﺭﻱ ﻭ ﺳﺎﻳﻲ
- ﺳﺤﺮ ﻛﺎﻥ ﺗﺨﺪﻡ ﺍﻟﺨﺪﻣﺔ ﻫﺎﻛﻲ ﺍﻧﺎ ﺗﻨﺴﺎﻧﻲ ﻫﺎﻧﻲ ﻧﺒﻬﺖ ﻋﻠﻴﻚ ﻭ ﻫﺎﺫﺍ ﺍﺧﺮ ﻛﻼﻡ ﻋﻨﺪﻱ
- ﺗﺼﻮﺭﺗﻚ ﺗﺎﻗﻒ ﻣﻌﺎﻳﺎ
- ﻳﺎ ﺍﻟﺨﺪﻣﺔ ﻳﺎ ﺍﻧﺎ ﻭ ﻧﺘﻲ ﺍﺧﺘﺎﺭ
- ﻫﺎﺫﻱ ﻣﺼﻠﺤﺔ ﻋﺎﻳﻠﺘﻲ
- ﻭ ﻣﺼﻠﺤﺘﻚ ﻧﺘﻲ ﻣﺎ ﺧﻤﻤﺘﺶ ﻓﻴﻬﺎ
- ﺍﻳﻬﺎﺏ ﺍﻧﺎ ﻣﺎﻧﻴﺶ ﺑﺎﺵ ﻧﺘﺮﺍﺟﻊ ﻋﻠﻰ ﻗﺮﺍﺭﻱ ﻧﺘﻲ ﺑﺎﺵ ﺗﺒﻘﺎ ﻣﻌﺎﻳﺎ ﻭ ﺗﻜﻮﻧﻠﻲ ﺳﻨﺪ ﻭﻻ
- ﻫﻬﻬﻪ ﺑﺮﺍ ﺍﺧﺪﻡ ﺍﺍﻣﺎ ﺍﻟﻮﺟﻪ ﻫﺎﺫﺍ ﺗﻨﺴﺎﻩ
ﺟﺎ ﻣﺎﺷﻲ ﺷﺪﺗﻮ ﻣﻦ ﻳﺪﻭ ﺍﻣﺎ ﻫﻮ ﻧﻄﺮﻫﺎ ﺧﻼﻫﺎ ﺗﺒﻜﻲ ﻭ ﺭﻏﻢ ﺍﻭﻝ ﻣﺮﺓ ﻳﺮﺍ ﺩﻣﻮﻋﻬﺎ ﺍﻣﺎ ﻏﺮﻭﺭﻭ ﻛﺎﻥ ﺍﻗﻮﻯ ﻣﻦ ﻛﻞ ﻣﺎ ﻳﻨﺠﻤﺶ ﻳﺘﺮﺍﺟﻊ ﻓﻲ ﻛﻠﻤﺘﻮ
ﺑﻘﺎﺕ ﺳﺎﻛﺘﺔ ﺗﻐﺰﺭ ﻟﻠﺒﺤﺮ ﺑﺎﻋﺪ ﻫﺰﺕ ﺳﺎﻛﻬﺎ ﻭ ﺗﻌﺪﺕ ﻟﻠﺒﻴﺒﻠﻴﻨﺎﺕ ﻋﻤﻠﺖ ﺍﻧﺴﻜﺮﻳﺒﺴﻴﻮﻥ ﻟﻠﻜﻨﻜﻮﺭ ﺣﻄﺖ ﻧﻮﻣﺮﻭ ﺗﻠﻔﻮﻧﻬﺎ ﻭ ﺑﺎﻋﺪ ﻃﻮﻝ ﻟﻠﺪﺍﺭ ﻟﻌﺒﺖ ﺷﻮﻳﺔ ﻣﻊ ﺧﻮﻫﺎ ﻭ ﺭﻗﺪﺕ ﻣﺎﻻﺭﺑﻌﺔ ﺗﺎﻉ ﺍﻟﻌﺸﻴﺔ ﺍﻟﺘﻌﺐ ﻟﻲ ﻛﺎﻥ ﻓﻲ ﻗﻠﺒﻬﺎ ﻣﺎ ﻳﺪﺍﻭﻳﻪ ﻛﺎﻥ ﺍﻟﻨﻮﻡ ﻋﺎﻻﻗﻞ ﺗﻬﺮﺏ ﺷﻮﻳﺎ ﻣﻦ ﻋﺎﻟﻤﻬﺎ
ﺗﻌﺪﺍﺕ ﺍﻻﻳﺎﻣﺎﺕ ﻛﻞ ﻳﻮﻡ ﺗﻌﻤﻞ ﺭﻭﺣﻬﺎ ﻣﺎﺷﻴﺔ ﺗﻘﺮﺍ ﻋﻠﻰ ﻋﻴﻨﻴﻦ ﺍﻣﻬﺎ ﻭ ﺑﻮﻫﺎ ﻭ ﻫﻲ ﺗﻘﻌﺪ ﻣﻘﺎﺑﻠﺔ ﺍﻟﺨﺪﻣﺔ ﻣﺘﺎﻉ ﺍﻳﻬﺎﺏ ﺗﺤﺐ ﺗﻤﺸﻴﻠﻮ ﺗﺤﻜﻲ ﻣﻌﺎﻩ ﺍﻣﺎ ﻻ ﻫﻮ ﻣﺎ ﺣﺴﺶ ﺑﻴﻬﺎ ﻭ ﻣﺎ ﻓﻬﻤﻬﺎﺵ ﺯﺍﻳﺪ ﻟﻲ ﺗﻌﻤﻞ ﻓﻴﻪ
ﻛﺎﻧﺖ ﻗﺎﻋﺪﺓ ﻓﻲ ﺑﻴﺘﻬﺎ ﻟﻴﻦ ﺻﻮﻧﺎ ﺗﻠﻔﻮﻧﻬﺎ ﻧﻮﻣﺮﻭ ﻣﺎ ﺗﻌﺮﻓﻮﺵ ﻗﻠﺒﻬﺎ ﺩﻕ ﺯﻋﻤﺎ ﺗﺨﻄﻒ ﻫﺰﺕ ﺗﻠﻘﺎﻩ ﻣﺎﻟﺜﻜﻨﺔ ﻳﻄﻠﺒﻮ ﻓﻴﻬﺎ ﻗﺎﻟﻮﻟﻬﺎ ﻟﻲ ﻫﻲ ﺑﻌﺪ ﺟﻤﻌﺘﻴﻦ ﻻﺯﻣﻬﺎ ﺗﻤﺸﻲ ﺑﺎﺵ ﺗﺒﺪﺍ ﺍﻟﺘﺪﺭﻳﺐ ﻋﻴﻨﻴﻬﺎ ﺩﻣﻌﻮ ﻣﺎﻟﻔﺮﺣﺔ ﻣﺎ ﻛﺎﻧﺘﺶ ﺗﺘﺼﻮﺭ ﺑﺎﺵ ﺗﺰﻫﺮ ﻣﻌﺎﻫﺎ ﺍﻟﻤﺮﺓ ﻫﺎﺫﻱ
ﻛﺎﻧﺖ ﻫﺎﺑﻄﺔ ﻟﻴﻦ ﻋﺮﺿﺘﻬﺎ ﺍﻣﻬﺎ
- ﺗﻮﺍ ﻛﻨﺖ ﺟﺎﻳﺘﻚ ﺑﻮﻙ ﺣﺎﺟﺘﻮ ﺑﻴﻚ
ﻣﺸﺎﺕ ﻟﻠﺼﺎﻟﺔ ﺗﻠﻘﺎﻫﻢ ﺍﻟﻜﻞ ﻣﻠﻤﻮﻣﻴﻦ ﻗﻌﺪﺕ ﺣﺬﺍﻫﻢ ﻭ ﺗﻜﻠﻢ ﺑﻮﻫﺎ
- ﻃﻮﻝ ﻋﻤﺮﻱ ﻋﺎﻃﻴﻚ ﺣﺮﻳﺘﻚ ﻭ ﻣﺎ ﺣﺎﺳﺒﺘﻜﺶ ﺍﻣﺎ ﺗﻮﺍ ﻓﺘﺖ ﺣﺪﻭﺩﻙ ... ﻭﻳﻦ ﻗﺎﻋﺪﺓ ﺗﻤﺸﻲ ﺟﻤﻌﺘﻴﻦ ﻛﺎﻣﻠﻴﻦ ﺗﺨﺮﺝ ﻣﻦ ﻫﻨﺎ ﺗﻘﻮﻝ ﻧﻘﺮﺍ ﻟﻴﻦ ﻳﻄﻠﺒﻨﻲ ﺍﻟﻤﺪﻳﺮ ﻭ ﻳﻘﻠﻲ ﺑﻨﺘﻚ ﻏﺎﻳﺒﺔ
ﺧﺬﺍﺕ ﻧﻔﺲ ﻏﻤﻀﺖ ﻋﻴﻨﻴﻬﺎ ﺑﺎﺵ ﺗﻬﺪﻱ ﺭﻭﺣﻬﺎ
- ﻛﻨﺖ ﺟﺎﻳﺔ ﻧﺤﻜﻲ ﻣﻌﺎﻙ ﻓﻲ ﻧﻔﺲ ﺍﻟﻤﻮﺿﻮﻉ ﻣﺎﻧﻴﺶ ﺭﺍﺟﻌﺔ ﻧﻘﺮﺍ ﺑﺎﺑﺎ ﻧﺘﻲ ﺗﺮﺍ ﻓﻲ ﺿﺮﻭﻓﻨﺎ ﻭ ﺍﻧﺎ ﻣﺎ ﻋﺎﺩﺵ ﺍﻧﺠﻢ ﻧﻜﻤﻞ ﻫﻜﺎ
- ﺷﻨﻮﺓ ﻟﻼ ﻣﻮﺵ ﻋﺎﺟﺒﺘﻚ ﻋﻴﺸﺘﻨﺎ ﻣﺎﻻ ﺷﻨﻮﺓ ﺑﺎﻟﻄﺒﻴﻌﺔ ﻧﺘﻲ ﺗﻮﺍ ﻭﻟﻴﺖ ﺗﺴﺘﻌﺎﺭ ﺑﻴﻨﺎ ﺗﻘﻠﻴﺶ ﻟﻘﻴﺖ ﻭﺍﺣﺪ ﺑﻔﻠﻮﺳﻮ ﻭ ﺗﺤﺐ ﺗﺎﺧﺬﻭ
- ﻻ ﺍﻣﺎ ﺑﻌﺜﺖ ﻓﻲ ﻛﻨﻜﻮﺭ ﺟﻴﺶ ﻭ ﺍﻟﺠﻤﻌﺔ ﺍﻟﺠﺎﻳﺔ ﺍﻧﺸﺎﻟﻠﻪ ﻧﺒﺪﺍ ﺍﻟﺘﺪﺭﻳﺐ
- ﻭﻭﻭﻩ ﻋﻼﺵ ﺑﻨﻴﺘﻲ ﻋﻤﻠﺖ ﻓﻲ ﺭﻭﺣﻚ ﻫﻜﺎ ﻭ ﺍﻧﺎ ﺍﺧﺮ ﻣﻦ ﻳﻌﻠﻢ ﻋﻼﺵ ﻣﺎ ﺣﻜﻴﺘﺶ ﻣﻌﺎﻳﺎ ﺷﻨﻮﺓ ﺫﻧﺒﻚ ﻧﺘﻲ ﺗﺘﺤﻤﻞ ﻏﻠﺘﻄﻨﺎ
- ﺳﻜﺘﺶ ﻳﺎ ﻣﺮﺍ ... ﻗﻠﻲ ﻧﺘﻲ ﻓﻴﻬﺎ ﻓﻠﻮﺱ ﻫﺎﺫﻱ
- ﺍﻱ ﺍﻭﻝ ﻣﺮﺓ ﻣﺎ ﻧﺨﻠﺼﺶ ﺍﻣﺎ ﺑﺎﻋﺪ ﻳﺼﺒﻮﻫﻢ ﺍﻟﻜﻞ ﻣﻊ ﺑﻌﻀﻬﻢ
- ﻛﺎﻫﻮ ﻣﺎﻻ ﺭﺑﻲ ﻳﺴﻬﻞ
- ﻫﻬﻬﻪ ﻋﻴﺸﻚ
ﺿﺤﻜﺖ ﺑﻮﺟﻴﻌﺔ ﻭ ﺭﺟﻌﺖ ﻟﺒﻴﺘﻬﺎ ﺣﻄﺖ ﺍﻟﻜﻴﺖ ﻭ ﺑﻘﺎﺕ ﺗﺘﻔﻜﺮ ﺟﺎ ﻋﻠﻰ ﺑﺎﻟﻬﺎ ﺍﻳﻬﺎﺏ ﻫﺒﻄﻮ ﺩﻣﻮﻋﻬﺎ ﻓﻴﺴﻊ ﻣﺎ ﻣﺴﺤﺘﻬﻢ ﻭ ﺭﺟﻌﺖ ﺭﻗﺪﺕ
أنت تقرأ
كرونيك: انثى_في _الجيش
Fanfiction#انثى_في_الجيش #منقولة #الكاتبة_مجهولة #انثى_في_الجيش الحلقة 1 كانت سارحة في دنيا اخرى لين تهزت و تنفضت مالفجعة وقت تكلم البروف _ وين سارحة سيادتك عندي ساعة نكلم فيك _ ديزولي ميسيو _ وينو كتابك _ نسيتو في الدار _ كتابك تنساه أما منقالة الاولاد لي...
