كرونيك: انثى_في _الجيش

10

#ﺍﻟﺤﻠﻘﺔ 10
ﻭﺻﻠﻮ ﻫﺒﻄﻮﻫﻢ ﻫﺰﻭﻫﻢ ﻃﻮﻝ ﻟﻠﺘﺤﻘﻴﻖ ﻭ ﻫﻲ ﻣﺎ ﻋﺎﺩﺵ ﺗﻨﺠﻢ ﺗﺎﻗﻒ ﻋﻠﻰ ﺳﺎﻗﻴﻬﺎ ﺍﻣﺎ ﻻﺯﻣﻬﺎ ﺗﻜﻤﻞ ﺗﺮﻛﺰﺕ ﻋﻠﻰ ﺍﺣﻤﺪ ﻭ ﻫﺒﻄﺖ ﺗﻠﻘﺎ ﺍﻵﻣﺮ ﻭ ﺍﻟﻤﺪﺭﺏ ﻳﺴﺘﻨﺎﻭ ﻓﻴﻬﺎ
- ﻟﻲ ﻋﻤﻠﺘﻮ ﺍﻟﻴﻮﻡ ﺣﺎﺟﺔ ﻛﺒﻴﺮﺓ ﻭ ﺑﺎﺵ ﺗﺘﺠﺎﺯﺍ ﻋﻼﻫﺎ ﻧﻌﺮﻑ ﻗﻠﻠﺖ ﻣﻦ ﻗﻴﻤﺘﻚ ﺍﻣﺎ ﺗﺼﻮﺭﺗﺶ ﻫﻜﺎ
- - ﻟﻘﻴﻨﺎ ﺑﺮﺷﺎ ﺍﻧﻮﺍﻉ ﻣﺘﺎﻉ ﺍﺳﻠﺤﺔ ﻭ ﻗﻨﺎﺑﻞ ﻭ ﺧﻄﻂ ﻛﺒﻴﺮﺓ ﺭﺍﺳﻤﻴﻨﻬﺎ ﻛﻞ ﺷﻲ ﺟﺒﻨﺎﻩ ﻣﻌﺎﻧﺎ ﺍﻛﻴﺪ ﻭﺭﺍﻫﻢ ﻋﺼﺎﺑﺎﺕ ﻛﺒﻴﺮﺓ ﻛﺎﻥ ﻳﻌﺘﺮﻓﻮ ﻫﻮﻣﺎ ﺗﻮ ﺗﺘﺤﻞ ﺑﺮﺷﺎ ﻣﺸﺎﻛﻞ
- ﻛﺎﻧﺖ ﺗﺤﻜﻲ ﻣﻊ ﺍﻵﻣﺮ ﻭ ﻓﺮﺍﺱ ﺗﻜﻠﻢ ﺑﺼﻮﺕ ﺗﺎﻉ ﻭﺍﺣﺪ ﻣﻔﺠﻮﻉ
- - ﺍﺳﻜﺖ ﻫﻤﻚ ﻟﻬﻴﺘﻨﺎ ﺑﺎﻟﻜﻼﻡ ﻏﺰﺭﻧﺎﺵ ﻟﺴﺎﻗﻴﻚ ﺷﺒﺎﻫﺎ ﺑﺎﻟﺪﻡ
- - ﺗﻀﺮﺑﺖ ﻓﻴﻬﺎ
- - ﺷﻨﻮﺓ ﻛﻴﻔﺎﺵ ﺻﺎﺭ ﻫﺎﺫﺍ
- - ﻣﻮﺵ ﻭﻗﺘﻮ ﺗﻮﺍ ﺭﺍﻧﻲ ﻭﺍﻗﻔﺔ ﺑﺎﻟﺴﻴﻒ
- ﻫﺰﻫﺎ ﻓﻲ ﺣﻤﻠﺘﻮ ﻟﺒﻴﺘﻮ ﻭ ﺣﻄﻬﺎ ﻋﺎﻟﻔﺮﺵ
- - ﻫﻬﻪ ﻫﺎﺫﻱ ﺑﻴﺖ ﻭﻻ ﺳﺒﻴﻄﺎﺭ ﻭﻳﻦ ﻣﺎ ﺗﺼﻴﺮﻟﻲ ﺣﺎﺟﺔ ﺗﺠﻴﺒﻨﻲ ﻫﻮﻧﻲ
- - ﺣﺘﻰ ﺑﺎﺵ ﺗﻤﻮﺕ ﻭ ﻣﺎﻛﺶ ﻣﻨﻘﺼﺔ ﻣﻦ ﻃﻮﻟﺔ ﻟﺴﺎﻧﻚ
- - ﻫﻬﻬﻪ ﻻ ﻻ ﻣﻮﺵ ﻋﺎﺟﺒﻚ
- - ﻃﻠﻊ ﺳﺮﻭﺍﻟﻚ ﺍﻟﻔﻮﻕ ﻻﺯﻣﻨﻲ ﻧﺪﺍﻭﻳﻚ
- - ﻭ ﻧﺘﻲ ﺗﻔﻬﻢ ﻓﻲ ﺍﻟﺤﺎﺟﺎﺕ ﻫﺎﺫﻱ
- - ﻫﻬﻬﻪ ﻣﻮﺵ ﻧﺘﻲ ﻗﺘﻠﻲ ﻧﻐﺰﺭﻭ ﻣﺎ ﺑﻴﻦ ﺍﻟﺴﻄﻮﺭ ﻃﺒﻘﻮ ﻧﺘﻰ ﻋﻠﻰ ﺭﻭﺣﻚ ﻟﻜﻼﻡ ﻫﺎﺫﻱ ﺣﺘﻰ ﺍﻧﺎ ﻧﻌﺮﻑ ﺑﺮﺷﺎ ﺣﺎﺟﺎﺕ ﺭﺍﻧﻲ
- ﻫﺰ ﺭﺍﺳﻮ ﻳﻠﻘﺎﻫﺎ ﺗﺒﻜﻲ
- - ﺳﺤﺮ ﺷﺒﻴﻚ
- - ﺗﻮﺟﻌﺖ ﺑﺮﺷﺎ ﻭ ﻛﻨﺖ ﺣﺎﺑﺴﺔ ﺩﻣﻮﻋﻲ
- - ﻋﻼﺵ
- - ﻣﺎ ﻧﺤﺐ ﺣﺪ ﻳﺮﺍﻧﻲ ﺿﻌﻴﻔﺔ ﻧﺘﺤﻤﻞ ﻟﻮﺟﻴﻌﺔ ﻭ ﻣﺎ ﻧﺒﻜﻴﺶ ﻗﺪﺍﻣﻬﻢ
- - ﻭ ﻗﺪﺍﻣﻲ ﺍﻧﺎ ﻣﻴﺴﺎﻟﺶ
- ﻏﺰﺭﺗﻠﻮ ﻭ ﺳﻜﺘﺖ ﺳﺮﺡ ﻣﻊ ﻋﻴﻨﻴﻬﺎ ﺭﻏﻢ ﻛﺎﻧﻮ ﺑﺎﻟﺪﻣﻮﻉ ﺍﻣﺎ ﻣﺰﻳﺎﻧﻴﻦ ﺍﻟﻄﻔﻠﺔ ﻫﺎﺫﻱ ﻣﺜﺎﻝ ﻟﻠﺘﻨﺎﻗﺾ ﻛﻞ ﻣﺮﺓ ﺑﺤﺎﻟﺔ ﻣﺎ ﺗﻨﺠﻤﺶ ﺗﻔﻬﻤﻬﺎ ﺍﻣﺎ ﻭ ﺍﺧﻴﺮﺍ ﺿﻬﺮﺕ ﻓﻴﻬﺎ ﺷﺨﺼﻴﺔ ﺍﻟﺒﻨﻴﺔ ﺍﻟﺼﻐﻴﺮﺓ
- ﻭﻗﻒ ﻋﻨﺪ ﺭﺍﺳﻬﺎ ﺣﻤﻠﻬﺎ ﻟﻴﻦ ﺳﻜﺘﺖ ﻭ ﺑﺎﻋﺪ ﺭﺟﻊ ﻗﻌﺪ ﻗﺪﺍﻣﻬﺎ
- - ﺗﻮﺍ ﺍﺭﺟﻊ ﻟﻘﻮﺗﻚ ﺍﻟﻤﺼﻄﻨﻌﺔ ﻻﺯﻣﻨﻲ ﻧﺪﺍﻭﻳﻚ
- ﻋﻤﻠﺘﻠﻮ ﺑﺮﺍﺳﻬﺎ ﺑﺎﻫﻲ
- ﺟﺎﺏ ﻛﻞ ﺷﻲ ﻳﺴﺘﺤﻘﻮ ﻭ ﻳﺪﺍ ﻳﺨﺮﺟﻠﻬﺎ ﻓﻲ ﺍﻟﺮﺻﺎﺻﺔ ﺷﺎﻓﻬﺎ ﺗﻌﺒﺖ ﻭ ﻣﺎ ﻋﺎﺩﺵ ﺗﻨﺠﻢ ﻋﻴﻂ ﻟﻔﺮﻣﻠﻴﺔ ﻏﺎﺩﻱ ﻋﻄﺎﺗﻬﺎ ﺑﻨﺞ ﺭﻏﻢ ﻣﻮﺵ ﺑﺎﺵ ﺗﻨﺠﻤﻮ ﻓﻲ ﻋﻤﺮﻫﺎ ﺍﻣﺎ ﻻﺯﻣﻮ ﻳﻌﻤﻞ ﻫﻜﺎﻛﺔ
- ﻛﺎﻧﺖ ﺭﺍﻗﺪﺓ ﻛﻲ ﺍﻟﻤﻼﻳﻜﺔ ﺷﻌﺮﻫﺎ ﺗﺤﻞ ﻭ ﻫﺎﺑﻂ ﻋﻠﻰ ﻭﺟﻬﺎ ﺿﺎﻫﺮ ﻋﻠﻴﻬﺎ ﺍﻟﺘﻌﺐ ﻭ ﺍﻛﻴﺪ ﻣﺨﺒﻴﺔ ﺑﺮﺷﺎ ﺣﻜﺎﻳﺎﺕ ﻋﻤﺮﻭ ﻛﺎ ﻧﺴﺎ ﻛﻼﻣﻬﺎ ﻭﻗﺖ ﺟﺎﺗﻮ ﻟﻠﺒﻴﺮﻭ ﻣﺎ ﻧﺠﻤﺶ ﻳﺨﺮﺝ ﻭ ﻳﺨﻠﻴﻬﺎ ﺗﻔﻴﻖ ﻓﻲ ﺍﻱ ﻟﺤﻀﺔ ﻭ ﻣﺎ ﻻﺯﻣﺶ ﺗﻜﻮﻥ ﻭﺣﺪﻫﺎ ﻣﺸﺎ ﺟﺎﺏ ﺷﻮﻳﺔ ﻣﺎ ﻋﻨﺪﻭ ﻣﻨﺸﻔﺔ ﻛﻞ ﺷﻮﻳﺔ ﻳﺒﻠﻬﺎ ﻭ ﻳﺤﻄﻬﺎﻟﻬﺎ ﻋﻠﻰ ﺟﺒﻴﻨﻬﺎ ﻟﻴﻦ ﺑﺪﺍﺕ ﺍﻃﻴﺤﻠﻬﺎ ﺍﻟﺴﺨﺎﻧﺔ ﺷﺪﻟﻬﺎ ﻳﺪﻫﺎ ﻭ ﻗﻌﺪ ﻋﺎﻟﻜﺮﺳﻲ ﺑﺠﻨﺒﻬﺎ ﻫﻮ ﺗﺤﻤﻞ ﻣﺴﺆﻭﻟﻴﺔ ﺑﻌﺜﺎﻧﻬﺎ ﻟﻐﺎﺩﻱ ﻣﻦ ﺟﻬﺔ ﺣﺎﺱ ﺑﺎﻟﺬﻧﺐ ﻋﺎﻟﻠﻲ ﺻﺎﺭﻟﻬﺎ ﻭ ﻣﻦ ﺟﻬﺔ ﺍﺧﺮﻯ ﻓﺨﻮﺭ ﺑﻘﺮﺍﺭﻭ ﻭ ﻟﻲ ﻫﻮ ﻣﺎ ﻃﻠﻌﺶ ﻏﺎﻟﻂ ﻓﻴﻬﺎ
- ﻛﺎﻥ ﺳﺎﺭﺡ ﻣﻌﺎﻫﺎ ﻟﻴﻦ ﺩﻕ ﺍﻟﺒﺎﺏ
- - ﻣﻴﺴﺎ ﺷﻨﻮﺓ ﺟﺎﻳﺔ ﺗﻌﻤﻞ ﻓﻲ ﺍﻟﻮﻗﺖ ﻫﺎﺫﺍ
- - ﺍﻧﺎ ﻣﺎ ﻳﺠﻴﺶ ﺍﻧﻲ ﻧﻜﻮﻥ ﻫﻨﺎ ﺍﻣﺎ ﺳﺤﺮ ﺗﺒﺎﺕ ﻣﻌﺎﻙ ﻣﻴﺴﺎﻟﺶ
-- ﺍﻋﺮﻑ ﺍﺵ ﺗﺨﺮﺝ ﻣﻦ ﻓﻤﻚ ﻗﺒﻞ ﻣﺎ ﺗﺤﻜﻴﻪ ﻭ ﺳﺤﺮ ﺷﺮﻓﺘﻨﺎ ﺍﻟﻜﻠﻨﺎ ﺍﻟﻴﻮﻡ ﻭ ﺗﻮﺍ ﺍﺭﺟﻊ ﺷﺪ ﺑﻼﺻﺘﻚ ﺧﻴﺮ ﻣﺎ ﻧﺎﺧﺬ ﻣﻌﺎﻙ ﺇﺟﺮﺍﺀﺍﺕ ﻣﻮﺵ ﺑﺎﺵ ﺗﻌﺠﺒﻚ - ﺑﺎﻫﻲ ﻳﺎ ﻓﺮﺍﺱ ﺗﻮ ﺗﺸﻮﻑ ﺍﺵ ﻧﻌﻤﻞ ﺍﻻ ﻣﺎ ﺍﻧﺪﻣﻚ ﻋﺎﻟﻠﻲ ﻋﻤﻠﺘﻮ ﻣﻌﺎﻳﺎ ﻃﻴﺸﺘﻨﻲ ﻋﻠﻰ ﻃﻮﻝ ﻳﺪﻙ ﺑﻌﺪ ﻣﺎ ﻋﺪﻳﺖ ﺑﻴﺎ ﻭﻗﺘﻚ . ﺳﺎﻳﻲ ﺍﻟﺪﻡ ﻃﻠﻌﻠﻮ ﻟﺮﺍﺳﻮ ﺍﺳﺘﻔﺰﺗﻮ ﺑﺮﺷﺎ ﺩﺯﻫﺎ ﻟﺒﺮﺍ ﻭ ﺟﺒﺪ ﺍﻟﺒﺎﺏ ﻭﺭﺍﻩ ﺷﺪﻫﺎ ﻣﻦ ﻭﺟﻬﺎ ﻭ ﻳﺤﻜﻲ ﺑﻌﺼﺐ . - ﺍﺳﻤﻊ ﻫﺎﺫﻱ ﺍﺧﺮ ﻣﺮﺓ ﺑﺎﺵ ﻧﺤﻜﻲ ﻣﻌﺎﻙ ﺑﺴﻴﺎﺳﺔ ﻭ ﻛﻼﻣﻲ ﻣﺎ ﻋﺎﺩﺵ ﻧﻌﺎﻭﺩﻭ ﻧﺘﻲ ﺗﻌﺮﻑ ﻭ ﺍﻧﺎ ﻧﻌﺮﻑ ﻋﻼﺵ ﺣﻜﻴﺖ ﻣﻌﺎﻙ ﻣﺎ ﺗﻠﻌﺒﻬﺎﻟﻴﺶ ﺩﻭﺭ ﺍﻟﻀﺤﻴﺔ ﺟﻴﺘﻨﻲ ﺗﺒﻜﻲ ﻗﺘﻠﻚ ﻣﺎ ﻧﺤﺒﻜﺶ ﻭ ﻧﺘﻲ ﻭﻗﺘﻬﺎ ﻣﺮﻳﻀﺔ ﻧﺠﻤﺘﺶ ﻧﺮﺍﻙ ﻫﻜﺎﻛﺔ ﺧﺬﻳﺖ ﺑﺨﺎﺗﺮﻙ ﺍﻣﺎ ﻋﻤﺮﻱ ﻻ ﻗﺘﻠﻚ ﻧﺤﺒﻚ ﻭﻻ ﻭﻋﺪﺗﻚ ﺑﺤﺎﺟﺔ ﻭ ﺗﻮﺍ ﻫﺎﻙ ﻟﺒﺎﺱ ﻋﻠﻴﻚ ﻭﻓﺎﺕ ﺍﻟﺘﻤﺜﻴﻠﻴﺔ ﻋﺎﺩ ﺍﺑﻌﺪ ﻣﻦ ﻗﺪﺍﻣﻲ ﺧﻴﺮﻟﻚ ﻫﺎ ﺍﻟﻠﻴﻠﺔ ﺧﻴﺮ ﻣﺎ ﻧﻐﻠﻂ ﻣﻌﺎﻙ