#الحلقة 23
ﻣﺸﺎﻟﻬﺎ ﺷﺪﻫﺎ ﻣﻦ ﻳﺪﻫﺎ ﻟﻴﻦ ﻫﺒﻄﺖ ﺍﻟﺪﺭﻭﺝ ﻏﺰﺭ ﻟﻴﻬﺎ ﻓﻲ ﻋﻴﻨﻴﻬﺎ ﺳﺮﺡ ﻣﻌﺎﻫﺎ ﺷﻮﻳﺎ
- ﻣﺤﻼﻙ
- ﻫﻬﻪ ﻧﺘﻲ ﺍﺣﻠﻰ ﻭ ﻫﻴﺎ ﻓﻴﺴﻊ ﻣﺎ ﻋﺎﺩﺵ ﺑﻜﺮﻱ
ﺧﻼﺗﻮ ﻭ ﻣﺸﺎﺕ ﻟﻠﻜﺮﻫﺒﺔ ﻣﻼ ﻣﻬﺒﻮﻟﺔ ﻫﺎﺫﻱ ﻭ ﻫﻮ ﻗﻌﺪ ﻳﻌﺎﻧﻲ ﻓﻴﻬﺎ ﻃﻮﻝ ﻋﻤﺮﻭ ﻳﻠﻮﺝ ﻋﻠﻰ ﻣﺮﺍ ﺭﺯﻳﻨﺔ ﺑﻤﺨﻬﺎ ﺗﻌﺮﻑ ﺍﺵ ﺗﻌﻤﻞ ﺟﺎﺕ ﻫﻲ ﻗﻠﺒﺖ ﺍﻟﻤﻮﺍﺯﻳﻦ ﺍﻟﻜﻞ
ﺗﻌﺪﻭ ﻻﺣﻠﻰ ﺑﻮﺗﻴﻚ ﻫﺒﻂ ﻭ ﻳﺎﻫﺎ ﺍﻟﻴﺪ ﻓﻲ ﺍﻟﻴﺪ
- ﺍﺧﺘﺎﺭ ﻟﻲ ﺗﺤﺐ ﻭ ﻟﻲ ﻳﺴﺎﻋﺪﻙ ﻳﻬﻤﻨﻲ ﺗﻜﻮﻥ ﻣﺮﺗﺎﺣﺔ
- ﻻ ﻣﺤﺴﻮﺏ ﻣﺰﻳﺔ ﻣﺎﻙ ﺭﺍﺟﻠﻲ ﻭﻻ ﻧﺴﻴﺖ
- ﻫﻬﻬﻪ ﻣﺎ ﻧﺴﻴﺘﺶ
ﻛﻞ ﻣﺮﺓ ﺗﻘﻠﺒﻬﺎ ﻣﻦ ﺭﻭﻣﺎﻧﺴﻴﺔ ﻟﻤﺴﺎﻃﺔ ﻳﺎ ﺗﺘﺒﻬﻠﻞ ﻳﺎ ﻫﻲ ﺑﺎﻟﺮﺳﻤﻲ ﺑﻮﻫﺎﻟﻴﺔ
ﺧﺬﺍﺕ ﺍﻧﻮﺍﻉ ﺍﻟﺪﺑﺶ ﺍﻟﻜﻞ ﻣﺮﺍﻭﻝ ﻃﻮﺏ ﻛﺎﻟﺴﻮﻧﺎﺕ ﺟﻴﺒﺎﺕ ﺭﻭﺏ ﺣﺎﺻﻞ ﻗﺮﻳﺐ ﺗﻔﺮﻍ ﺍﻟﺒﻮﺗﻴﻚ ﺑﺎﻋﺪ ﻫﻮﺕ ﻛﻞ ﺷﻲ ﻭ ﻏﺰﺭﺕ ﻟﻠﻔﻮﻧﺪﻭﺱ
- ﺭﻳﺘﻮ ﻫﺎﺫﺍﻛﺎ ﺗﻮ ﻳﺨﻠﺼﻚ ﺍﻳﺎ ﺑﺎﻱ
ﺷﺎﺥ ﻋﻠﻴﻬﺎ ﺿﺤﻚ ﺧﻠﺺ ﻭ ﺧﻠﻂ ﻋﻼﻫﺎ ﻟﻠﻜﺮﻫﺒﺔ
- ﻛﻤﻠﺖ
- ﺍﻳﻪ
- ﻭ ﺷﺒﻴﻚ ﺗﻘﻮﻝ ﻟﻠﻤﺮﺍ ﻫﺎﺫﺍﻛﺎ ﻋﻨﺪﻳﺶ ﺍﺳﻢ
- ﻧﺴﻴﺘﻮ
- ﻣﺘﺎﻛﺪﺓ
- ﺍﻱ
- ﻣﺎﻻ ﺍﻧﺴﺎ ﺩﺣﺪﺡ ﻛﻨﺖ ﺑﺎﺵ ﻧﻬﺰﻙ ﻟﻐﺎﺩﻱ
- ﻳﺎ ﺍﻣﺎﻥ ﺍﻣﺎﻥ ﺧﻠﻴﻨﺎ ﻧﻤﺸﻮﻱ ﺑﺎﻫﻲ ﺳﺎﻣﺤﻨﻲ ﻧﻔﺪﻟﻚ ﻣﻌﺎﻙ ﻧﺘﻲ ﻓﺮﺍﺱ
- ﺷﻜﻮﻥ ﻓﺮﺍﺱ
- ﺭﺍﺟﻠﻲ
- ﻫﺎﻭ ﺗﺴﺮﺡ ﻟﺴﺎﻧﻚ ﺍﻣﺎ ﺑﻄﺒﻴﻌﺘﻲ ﻣﺎ ﻛﻨﺘﺶ ﺑﺎﺵ ﻧﻬﺰﻙ ﺍﻟﻔﺎﻳﺪﺓ ﻛﻲ ﻗﻠﺘﻬﺎ ﻭ ﻛﺎﻫﻮ
ﺑﻮﺯﺕ ﺷﻔﺎﻳﻔﻬﺎ ﻛﻲ ﺍﻟﺼﻐﺎﺭ ﻭ ﺩﻭﺭﺕ ﻭﺟﻬﺎ ﻟﻠﺸﺒﺎﻙ ﻛﺎﻥ ﺷﺎﺩ ﺿﺤﻜﺘﻮ ﺑﺎﻟﺴﻴﻒ ﺍﻣﺎ ﻋﻤﻞ ﺭﻭﺣﻮ ﻣﺎ ﻓﻴﺒﺎﻟﻮ ﺑﺸﻲ
ﺩﻳﻤﺎﺭﺍ ﺍﻟﻜﺮﻫﺒﺔ ﺩﻳﺮﺍﻛﺴﻴﻮﻥ ﺍﻟﺴﻴﺒﺎﺭﺍﺕ ﻛﻤﻠﻮ ﺷﺮﺍﻭ ﻛﻞ ﺣﺎﺟﺔ ﻧﺎﻗﺼﺘﻬﻢ
- ﺣﻂ ﻫﺎﺫﻱ ﺯﺍﺩﺍ
- ﻳﺎ ﺑﻨﺘﻲ ﻳﺰﻱ
- ﻻ ﻻ ﻣﺎ ﻳﺰﻳﺶ ﺷﺪ ﻧﺤﺐ ﺑﺮﺷﺎ ﻋﺼﻴﺮ ﺍﻧﺎ
ﺳﺎﻋﺘﻴﻦ ﻭ ﻫﻲ ﺗﻬﺰ ﻫﺎﺫﻱ ﺗﺤﻂ ﻟﺨﺮﺓ ﺷﻴﺤﺘﻠﺔ ﺭﻳﻘﻮ ﻭ ﺍﺧﻴﺮﺍ ﻭﺻﻠﻮ ﺑﺎﺵ ﻳﺤﺴﺒﻮ ﺍﻟﻘﻀﻴﺔ ﻭ ﻳﺨﻠﺼﻮ
- 154 ﺩﻳﻨﺎﺭ ﺧﻮﻳﺎ
- ﻻ ﻻ ﻣﺎﺯﺍﻝ
- ﺷﺒﻴﻚ ﺳﺤﺮ ﺷﻨﻮﺓ ﻟﻲ ﻣﺎﺯﺍﻝ
ﻣﺪﺕ ﺍﻳﺪﻫﺎ ﻟﺠﻴﺒﻬﺎ ﺟﺒﺪﺕ ﺑﺎﻛﺎﻭﺍﺕ ﺷﻜﻼﻃﺔ ﻓﺎﺭﻏﻴﻦ
- ﻛﻤﻞ ﺍﺣﺴﺐ ﻫﺎﺫﻡ ﻛﻠﻴﺘﻬﻢ ﻭ ﺍﻧﺎ ﻧﻘﻀﻲ
ﻫﺰﺕ ﺭﺍﺳﻬﺎ ﺗﻠﻘﺎﻩ ﻳﻘﺤﺮﻟﻬﺎ ﻭ ﻟﺜﺎﻧﻲ ﻣﺮﺓ ﺗﻬﺮﺏ ﻟﻠﻜﺮﻫﺒﺔ ﻭ ﺗﺨﻠﻴﻪ
نكمل 💜
أنت تقرأ
كرونيك: انثى_في _الجيش
Fanfiction#انثى_في_الجيش #منقولة #الكاتبة_مجهولة #انثى_في_الجيش الحلقة 1 كانت سارحة في دنيا اخرى لين تهزت و تنفضت مالفجعة وقت تكلم البروف _ وين سارحة سيادتك عندي ساعة نكلم فيك _ ديزولي ميسيو _ وينو كتابك _ نسيتو في الدار _ كتابك تنساه أما منقالة الاولاد لي...
