#ﺍﻟﺤﻠﻘﺔ 7
ﻛﺎﻧﺖ ﺗﺒﺪﻝ ﻓﻲ ﺩﺑﺸﻬﺎ ﻟﻴﻦ ﺟﺎﺕ ﺑﻨﻴﺔ
- ﺷﻜﻮﻥ ﺳﺤﺮ ﻫﻨﺎ
- ﺍﻧﺎ ﺗﻔﻀﻞ
- ﺍﻟﻤﺪﺭﺏ ﻳﻌﻴﻄﻠﻚ ﻗﺎﻟﻚ ﺍﻳﺠﺎﻧﻲ ﻟﻠﺒﻴﺮﻭ
ﺳﻤﻌﺖ ﺍﺳﻤﻮ ﺗﻨﻄﺮﺕ ﺣﺎﺕ ﻭﺍﻗﻔﺔ
- ﻋﻼﺵ ﻳﻌﻴﻄﻠﻬﺎ ﺷﻴﺤﺐ ﻣﻨﻬﺎ
- ﻧﻌﺮﻓﺶ ﻫﻮ ﻗﺎﻟﻲ ﻗﻠﻬﺎ ﺗﺠﻲ ﻭ ﻛﺎﻫﻮ
ﺿﺤﻜﺖ ﺳﺤﺮ ﻏﺰﺭﺕ ﻟﻴﻬﺎ ﺑﺘﻤﻘﻌﻴﺮ ﻭ ﺧﺮﺟﺖ ﻭ ﺧﻠﺘﻬﺎ
ﻛﺎﻥ ﻗﺎﻋﺪ ﻋﺎﻟﻜﺮﺳﻲ ﺩﺍﻳﺮ ﻟﻠﺤﻴﻂ ﺳﻤﻊ ﺍﻟﺒﺎﺏ ﻛﻴﻒ ﺩﻕ ﻋﺮﻓﻬﺎ ﻫﻲ ﻗﺎﻟﻬﺎ ﺑﺎﺵ ﺗﺪﺧﻞ
- ﻳﻲ ﺍﻗﻌﺪ
- ﺍﻟﻬﻢ ﻫﺎﺫﺍ ﻛﻴﻔﺎﺵ ﻋﺮﻑ ﻟﻲ ﺍﻧﺎ ﻣﺎﺯﻟﺖ ﻭﺍﻗﻔﺔ
ﺩﺍﺭﻟﻬﺎ ﺑﺎﻟﻜﺮﺳﻲ ﺿﻴﻖ ﻋﻴﻨﻴﻪ ﻭ ﻏﺰﺭﻟﻬﺎ
- ﻋﺎﻭﺩ ﺷﻘﻠﺖ
- ﻗﺘﻠﻚ ﺣﺎﺟﺘﻚ ﺑﻴﺎ ﻫﻜﺎ ﻗﺎﻟﻮﻟﻲ ﺗﻔﻀﻞ
- ﻟﻲ ﻋﻤﻠﺘﻮ ﺑﻜﺮﻱ ﺻﺪﻣﺘﻨﻲ ﺑﻴﻪ ﺍﻟﺤﺮﻛﺎﺕ ﻫﺎﻛﻢ ﻣﺎﺯﺍﻝ ﻋﻠﻴﻬﻢ ﺑﻜﺮﻱ ﻛﻴﻔﺎﺵ ﻋﺮﻓﺘﻬﻢ ﻭ ﻭﻳﻦ ﺗﻌﻠﻤﺘﻬﻢ
- ﻣﺎﻟﻠﻲ ﺍﻧﺎ ﺻﻐﻴﺮﺓ ﺗﺤﺐ ﺗﻔﺮﺣﻨﻲ ﺍﺣﻜﻴﻠﻲ ﻋﺎﻟﺠﻴﺶ ﻫﺎﺫﺍﻛﺎ ﻋﺸﻘﻲ ﻭ ﺍﻛﺜﺮ ﺣﺎﺟﺔ ﻧﺤﺒﻬﺎ ﻛﻨﺖ ﻛﻞ ﻣﺎ ﻧﻜﻤﻞ ﺍﻟﻘﺮﺍﻳﺔ ﻗﺒﻞ ﺍﻟﻮﻗﺖ ﻧﻤﺸﻲ ﻟﻘﺎﻋﺔ ﺍﻻﻋﻼﻣﻴﺔ ﻧﺸﻮﻑ ﻓﻴﺪﻳﻮﺍﺕ ﺗﺪﺭﻳﺐ ﺗﻮﺍ ﻧﻌﺮﻑ ﺍﺳﺎﻣﻲ ﺍﻟﺴﻼﺡ ﺍﻟﻜﻞ ﻭ ﺑﺮﺷﺎ ﺣﺎﺟﺎﺕ ﺗﻌﻠﻤﺘﻬﻢ ﻭ ﺍﻟﺘﺪﺭﻳﺐ ﻫﻨﺎ ﺭﺍﻫﻮ ﻣﺎ ﻗﺎﻋﺪ ﻳﺰﻳﺪﻧﻲ ﻓﻲ ﺷﻲ
- ﺍﻣﺎ ﻧﺘﻲ ﻋﻨﺪﻙ ﺛﻘﺔ ﺯﺍﻳﺪﺓ ﻓﻲ ﺭﻭﺣﻚ ﻧﻨﺼﺤﻚ ﺗﻐﺰﺭﺵ ﺑﺮﺷﺎ ﺍﻟﻔﻮﻕ ﺭﻗﺒﺘﻚ ﺗﻮﺟﻌﻚ
- ﻫﻬﻪ ﺗﺨﺎﻓﺶ ﺣﺘﻰ ﻧﻄﻴﺢ ﻧﻌﺎﻭﺩ ﻧﻘﻮﻡ ﻭ ﺍﻟﻔﺎﻳﺪﺓ ﺭﺍﺳﻲ ﻋﺎﻟﻲ ﻭ ﻋﻤﺮﻱ ﻣﺎ ﻧﻬﺒﻄﻮ
- ﺻﻐﻴﺮﺓ ﺑﺮﺷﺎ ﻋﺎﻟﻜﻼﻡ ﻫﺎﺫﺍ
- ﺍﻟﺪﻧﻴﺎ ﺗﻜﺒﺮ ﻭ ﺍﻟﻌﻤﺮ ﻣﺎﻫﻮ ﺍﻻ ﻣﺠﺮﺩ ﺭﻗﻢ
- ﺣﺒﻚ . ﻟﻠﺠﻴﺶ ﺧﻼﻙ ﺗﺒﻌﺪ ﻋﻠﻰ ﺩﺍﺭﻛﻢ ﻭ ﻧﺘﻲ ﺻﻐﻴﺮﺓ ﺻﺤﻴﺢ ﺍﻟﻌﻤﺮ ﺭﻗﻢﺍﻣﺎ ﻳﺒﻘﺎ ﻳﺤﻜﻢ ﺯﺍﺩﺍ
- ﺍﻧﺎ ﺗﻤﻨﻴﺖ ﻧﻜﻤﻞ ﺍﻟﺒﺎﻙ ﻭ ﻧﺪﺧﻞ ﺑﻘْﺮﺍﺩ ﺍﻗﻮﻯ ﺍﻣﺎ ﻓﻤﺎ ﺣﺎﺟﺎﺕ ﺍﻗﻮﻯ ﻣﻨﺎ
- ﻭ ﺷﻨﻮﺓ ﻟﻲ ﻣﻨﻌﻚ ﻣﻦ ﺍﻧﻚ ﺗﻜﻤﻞ ﺗﻘﺮﺍ
- ﺳﺆﺍﻟﻚ ﻫﺎﺫﺍ ﻣﻀﻄﺮﺓ ﻧﺠﺎﻭﺏ ﻋﻠﻴﻪ
- ﻻ ﺑﺮﺍﺣﺘﻚ
- ﺳﺎﻣﺤﻨﻲ ﻣﺎﻻ ﻛﺎﻥ ﻛﻤﻠﺖ ﺣﻜﻴﺖ ﺍﻧﺠﻢ ﻧﺨﺮﺝ
ﺣﺴﻬﺎ ﺍﻫﺎﻧﺔ ﻓﻲ ﻛﻼﻣﻬﺎ ﺍﻭﻝ ﻣﺮﺓ ﺣﺪ ﻳﺤﻜﻲ ﻣﻌﺎﻫﺎ ﻫﻜﺎ ﺍﻣﺎ ﻫﻮ ﺳﺎﻟﻬﺎ ﻳﻌﻨﻲ ﻳﺴﺘﺎﻫﻞ
- ﺍﻭﻙ ﺍﺧﺮﺝ ﺍﺻﻼ ﻣﺎ ﻧﺴﺘﻨﺎﺵ ﻣﻨﻚ ﺟﻮﺍﺏ ﺑﻄﺒﻴﻌﺘﻜﻢ ﺗﻤﻮﺗﻮ ﻋﺎﻟﻔﻠﻮﺱ ﻧﺮﻣﺎﻝ ﺗﻀﺤﻜﻮ ﺑﻜﻞ ﺷﻲ ﻋﻠﻰ ﺧﺎﺗﺮﻫﺎ
ﻫﺰﺕ ﺭﻭﺣﻬﺎ ﻭ ﺧﺮﺟﺖ ﻭﻗﺖ ﻭﺻﻠﺖ ﺑﺠﻨﺐ ﺍﻟﺒﺎﺏ ﺗﻠﻔﺘﺘﻠﻮ
- ﻣﻤﻜﻦ ﻛﻼﻣﻚ ﺻﺤﻴﺢ ﺍﻣﺎ ﺣﻄﻬﺎ ﻓﻲ ﺑﺎﻟﻚ ﻓﻤﺎ ﺣﺎﺟﺎﺕ ﺍﻛﺒﺮ ﻣﻦ ﺍﻧﻬﺎ ﺗﺘﺤﻜﺎ ﻫﻲ ﺗﺘﺤﺲ ﻛﺎﻫﻮ ﻭ ﻣﺎ ﻋﺎﺩﺵ ﺗﻐﺰﺭ ﻛﺎﻥ ﻗﺪﺍﻡ ﻋﻴﻨﻴﻚ ﺩﻳﻤﺎ ﺍﻗﺮﺍ ﻟﻲ ﺑﻴﻦ ﺍﻟﺴﻄﻮﺭ ﺧﺎﺗﺮ ﻣﻮﺵ ﻛﻞ ﺍﺑﻴﺾ ﻣﺰﻳﺎﻥ ﻭ ﻣﻮﺵ ﻛﻞ ﺍﻛﺤﻞ ﻳﻌﻨﻲ ﺧﺎﻳﺐ ﺳﺎﻋﺎﺕ ﺍﻟﻀﻮ ﺑﺮﺷﺎ ﻳﻌﻤﻲ ﻭ ﺳﺎﻋﺎﺕ ﻓﻲ ﺿﻼﻡ ﺍﻟﻠﻴﻞ ﺗﻠﻘﺎ ﺭﺍﺣﺘﻚ ﻭ ﻣﻬﻤﺎ ﻛﺎﻧﺖ ﺍﻟﺴﻤﺎ ﻛﺤﻠﺔ ﻧﺠﻤﺔ ﻭﺣﺪﺓ ﺗﻨﺠﻢ ﺗﻀﻮﻳﻬﺎ ... ﻟﻴﻠﺘﻚ ﺯﻳﻨﺔ
ﺑﻘﺎ ﺑﺎﻫﺖ ﻣﺎ ﻓﻬﻢ ﺷﻲ ﻛﻼﻣﻬﺎ ﻓﻴﻪ ﺑﺮﺷﺎ ﻣﻌﻨﻰ ﻭ ﺣﺎﺟﺎﺕ ﻣﺨﺒﻴﺔ ﺍﻣﺎ ﻧﺠﻤﺶ ﻳﻔﻬﻢ ﺑﻘﺎ ﺑﺮﺷﺎ ﺳﺎﺭﺡ ﻣﻌﺎﻫﺎ ﻭ ﺑﺎﻋﺪ ﻓﺎﻕ ﻋﻠﻰ ﺭﻭﺣﻮ
- ﻧﺎﻗﺼﻨﻲ ﻛﺎﻥ ﺑﺎﺵ ﻧﻌﺒﻲ ﻣﺨﻲ ﺑﻜﻼﻡ ﻭﺣدة ﻓﺮﺧﺔ ﻛﻴﻔﻬﺎ
أنت تقرأ
كرونيك: انثى_في _الجيش
Fanfiction#انثى_في_الجيش #منقولة #الكاتبة_مجهولة #انثى_في_الجيش الحلقة 1 كانت سارحة في دنيا اخرى لين تهزت و تنفضت مالفجعة وقت تكلم البروف _ وين سارحة سيادتك عندي ساعة نكلم فيك _ ديزولي ميسيو _ وينو كتابك _ نسيتو في الدار _ كتابك تنساه أما منقالة الاولاد لي...
