#ﺍﻟﺤﻠﻘﺔ 5
ﺗﻌﺪﺍﻭ ﺟﻤﻌﺘﻴﻦ ﻓﻴﺴﻊ ﺍﻳﻬﺎﺏ ﻣﺎ ﺣﺎﻭﻟﺶ ﻳﺤﻜﻲ ﻣﻌﺎﻫﺎ ﻭﻻ ﺣﺘﻰ ﻳﺴﺎﻝ ﻋﻠﻴﻬﺎ ... ﻫﻲ ﺍﻟﻴﻮﻡ ﺑﺎﺵ ﺗﻤﺸﻲ ﺗﺪﺭﺏ
ﻋﻤﺮﺕ ﺗﻠﻔﻮﻧﻬﺎ ﻭ ﻗﺎﻣﺖ ﺑﻜﺮﻱ ﺣﻀﺮﺕ ﺍﻟﻔﻄﻮﺭ ﻭ ﺭﺟﻌﺖ ﻟﺒﻴﺘﻬﺎ ﻋﻤﻠﺖ ﺩﻭﺵ ﻭ ﻣﺪﺕ ﻓﺎﻟﻴﺰ ﺑﺎﺵ ﺗﻬﺰ ﺷﻮﻳﺎ ﺩﺑﺶ ﻣﻌﺎﻫﺎ
ﻛﺎﻧﺖ ﻏﺎﻃﺴﺔ ﻟﻴﻦ ﻫﺰﺕ ﺭﺍﺳﻬﺎ ﻋﻠﻰ ﻏﻔﻠﺔ ﺗﺮﺍ ﻓﻲ ﺧﻮﻫﺎ ﺍﻟﺼﻐﻴﺮ ﻭﺍﻗﻒ ﺑﺠﻨﺐ ﺍﻟﺒﺎﺏ ﻭ ﻳﻐﺰﺭﻟﻬﺎ ﻣﺘﻌﻮﺩ ﻳﺠﻴﻬﺎ ﻳﺠﻲ ﻳﺒﻮﺳﻬﺎ ﻭ ﻳﺤﻤﻠﻬﺎ ﻣﺸﺎﺗﻞ ﻫﺒﻄﺖ ﻋﻠﻰ ﺳﺎﻗﻴﻬﺎ ﺑﺎﺵ ﺗﻮﻟﻲ ﻓﺮﺩ ﻃﻮﻝ ﻫﻲ ﻭ ﻳﺎﻩ
- ﺷﺒﻴﻚ ﺭﻭﺣﻲ ﺷﻜﻮﻥ ﻟﻲ ﻏﺸﺸﻚ ﻗﻠﻲ ﺗﻮ ﻧﻮﺭﻳﻚ ﻓﻴﻪ
- ﻭ ﺑﺎﻋﺪ ﻣﺎ ﺗﻤﺜﻲ ﻭ ﺗﺨﻠﻴﻨﻲ ﻭﺣﺪﻱ ﻟﺜﻜﻮﻥ ﺑﺎﺙ ﻧﺜﻜﻲ ﺍﻧﺎ
ﻗﺎﻝ ﺍﻛﺎﻛﺎ ﻭ ﺍﻃﺮﺷﻖ ﺑﺎﻟﺒﻜﺎ ﺍﻣﺎ ﻫﻲ ﺗﻘﻮﺍﺕ ﻋﻠﻰ ﺧﺎﺗﺮﻭ ﺭﺳﻤﺖ ﺿﺤﻜﺔ ﻣﺼﻄﻨﻌﺔ ﻭ ﻗﺎﺗﻠﻮ
- ﻭ ﺍﻧﺎ ﺷﻜﻮﻥ ﺑﺎﺵ ﻳﻘﻮﻳﻨﻲ ﺑﻌﺪ ﺭﺑﻲ ﻏﻴﺮﻙ ﺷﻮﻑ ﺍﻧﺎ ﻣﺎﻧﻴﺶ ﺑﺎﺵ ﻧﺒﻘﺎ ﺑﺮﺷﺎ ﺍﻣﺎ ﻧﻮﻋﺪﻙ ﻛﻴﻒ ﻧﺠﻲ ﻧﺠﻴﺒﻠﻚ ﺑﺮﺷﺎ ﺣﺎﺟﺎﺕ ﻣﺰﻳﺎﻧﻴﻦ
- ﻫﺄﻩ ﻣﺎ ﻧﺤﺐ ﺷﻲ ﺍﻗﻌﺪ ﻧﺘﻲ ﻣﻌﺎﻳﺎ ﻳﺰﻱ
- ﺍﻣﺎﻥ ﻳﺎ ﺭﻭﺣﻲ ﻫﺎﻧﻲ ﺍﻧﺎ ﻧﺤﺐ ﻧﻤﺸﻲ
- ﺍﻣﻤﻢ ﻣﺘﺎﻛﺪﺓ
- ﺍﻱ ﺍﻱ ﻣﺘﺎﻛﺪﺓ ﻭ ﺯﻳﺪ ﻣﺎﻧﻴﺶ ﺑﺎﺵ ﻧﺒﻘﺎ ﺑﺮﺷﺎ ﻭ ﻧﻮﻋﺪﻙ ﻛﻞ ﻟﻴﻼ ﻧﺠﻴﻚ ﻓﻲ ﺍﻟﻤﻨﺎﻡ
- ﻭ ﺗﻠﻌﺐ ﻣﻌﺎﻳﺎ
ﺗﺤﻤﻠﺘﻮ ﻭ ﻫﻲ ﺗﻀﺤﻚ ﻗﺪﺍﺵ ﻣﺤﻼﻫﺎ ﺑﺮﺍﺀﺓ ﺍﻟﺼﻐﺎﺭ ﺗﻤﻨﺎﺕ ﻓﻲ ﺍﻟﻮﻗﺖ ﻫﺎﺫﺍﻛﺎ ﺗﺮﺟﻊ ﺻﻐﻴﺮﺓ ﻭ ﺗﻨﺴﺎ ﻛﻞ ﺷﻲ
ﻫﺰﺕ ﺩﺑﺸﻬﺎ ﻭ ﻫﺒﻄﺖ ﺗﻠﻘﺎﻫﻢ ﻗﺎﻋﺪﻳﻦ ﻋﻠﻰ ﺍﻟﻄﺎﻭﻟﺔ
- ﺳﺤﺮ ﻋﻴﺶ ﺑﻨﺘﻲ ﻣﺎﺯﺍﻝ ﺍﻟﻮﻗﺖ ﻗﺪﺍﻣﻚ ﺳﻴﺐ ﻋﻠﻴﻚ ﻣﺎﺯﻟﺖ ﺻﻐﻴﺮﺓ ﻣﺎ ﺗﺘﺤﻤﻠﺶ ﻣﺴﺆﻭﻟﻴﺔ ﻛﻞ ﺷﻲ
- ﺳﻴﺐ ﺍﻟﻄﻔﻠﺔ ﺧﺬﺍﺕ ﻗﺮﺍﺭﻫﺎ ﺑﺎﻟﻚ ﺗﺨﺮﺟﻨﺎ ﻣﺎﻟﻔﻘﺮ ﻟﻲ ﺍﺣﻨﺎ ﻓﻴﻪ
- ﻫﻬﻬﻪ ﻫﺎﻭ ﺟﺎﻭﺑﻚ ﻓﻲ ﺑﻼﺻﺘﻲ ﺍﻳﺎ ﻧﺨﻠﻴﻜﻢ ﺗﻮﺍ ﻣﺎ ﻋﺎﺩﺵ ﺑﻜﺮﻱ ﻣﺸﺎﺕ ﺑﺎﺳﺘﻬﻢ ﻭ ﺧﺮﺟﺖ ﺗﻌﺪﺍﺕ ﻟﻤﺤﻄﺔ ﺍﻟﻜﺎﺭ ﻗﻠﺒﻬﺎ ﺧﻼﺗﻮ ﻓﻲ ﻫﺎﻛﺎ ﺍﻟﺤﻮﻣﺔ ﺍﻟﺼﻐﻴﺮﺓ ﺧﻼﺗﻮ ﻓﻲ ﺑﻴﺘﻬﺎ ﻭ ﻣﻊ ﺍﻻﻧﺴﺎﻥ ﻟﻲ ﺣﺒﺘﻮ ﻭ ﻫﺎﻧﺖ ﻋﻠﻴﻪ ﻋﺸﺮﺓ ﺳﻨﻴﻦ ﻫﻲ ﺗﻮﺍ ﺑﻼ ﻗﻠﺐ ﻫﺪﻓﻬﺎ ﺗﻌﺎﻭﻥ ﻋﻴﻠﺘﻬﺎ ﺍﺻﻼ ﺧﺴﺮﺕ ﻗﺮﺍﻳﺘﻬﺎ ﺍﻏﻠﻰ ﺣﺎﺟﺔ ﻓﻲ ﺣﻴﺎﺗﻬﺎ
ﻣﺎ ﺳﺘﻨﺎﺗﺶ ﺑﺮﺷﺎ ﻭ ﺟﺎﺕ ﺍﻟﻜﺎﺭ ﻫﺒﻄﺖ ﻭ ﻛﻤﻠﺖ ﺧﺬﺍﺕ ﺗﺎﻛﺴﻲ ﻭﺻﻠﺘﻬﺎ ﻭﻳﻦ ﺍﻟﺜﻜﻨﺔ ﻫﺒﻄﺖ ﻭ ﻗﻠﺒﻬﺎ ﺑﺎﺵ ﻳﺨﺮﺝ ﻣﻦ ﺑﻼﺻﺘﻮ ﺧﻮﻑ ﻭ ﺭﺑﺜﺔ ﻟﻘﺎﺕ ﺑﺮﺷﺎ ﻳﺴﺘﻨﻮ ﻭ ﻛﻞ ﺯﻭﺯ ﻭﻻ ﺛﻼﺛﺔ ﻣﻊ ﺑﻌﻀﻬﻢ ﻛﺎﻥ ﻫﻲ ﻭﺣﺪﻫﺎ ﻭ ﻣﺎ ﺗﻌﺮﻑ ﺣﺪ
ﺗﻌﺪﺍ ﺍﻟﻮﻗﺖ ﻣﺎ ﺣﺴﺘﺶ ﺑﻴﻪ ﺧﺎﺗﺮ ﻣﺤﻬﺎ ﻣﺎ ﻛﺎﻧﺶ ﻣﻌﺎﻫﺎ ﻣﺎ ﻓﺎﻗﺖ ﻛﺎﻥ ﻛﻲ ﺗﺤﻞ ﺍﻟﺒﺎﺏ ﻭ ﺑﺪﺍﻭ ﻳﺪﺧﻠﻮ ﺍﻟﻜﻞ ﻭ ﺑﺎﻟﻄﺒﻴﻌﺔ ﺗﻔﺘﻴﺶ ﻗﺒﻞ ﻧﺤﺎﻭﻟﻬﻢ ﺍﻟﺘﻠﻔﻮﻧﺎﺕ ﻭ ﺧﻠﻮﻟﻬﻢ ﺍﻻﺯﻡ ﻓﻲ ﺍﻟﻼﺯﻡ ﺑﺎﻋﺪ ﺟﺎﻫﻢ ﺷﻜﻮﻥ ﻭﺭﺍﻫﻢ ﻭﻳﻦ ﺑﺎﺵ ﻳﺒﻘﺎﻭ
- ﻓﻴﺪﻛﻢ ﻧﺺ ﺳﺎﻋﺔ ﺗﻨﻀﻤﻮ ﺩﺑﺸﻜﻢ ﻛﻞ ﺣﺪ ﻭ ﺧﺰﺍﻧﺘﻮ ﻭ ﺑﺎﻋﺪ ﺗﺘﻠﻤﻮ ﺍﻟﻜﻞ ﻓﻲ ﻭﺳﻂ ﺍﻟﺴﺎﺣﺔ ﺍﻟﻜﻮﻟﻮﻧﻴﻞ ﻳﺴﺘﻨﺎ ﻓﻴﻜﻢ ... ﻣﺸﺎﺕ ﻧﻀﻤﺖ ﻛﻞ ﺷﻲ ﻭ ﺧﺮﺟﻮ ﺷﺪﻭ ﺍﻟﺼﻒ ﺟﺎ ﺣﻜﺎ ﻣﻌﺎﻫﻢ ﻓﻬﻤﻬﻢ ﺍﻟﻘﻮﺍﻋﺪ ﻭ ﺷﻨﻮﺓ ﻻﺯﻡ ﻳﻌﻤﻠﻮ ﻭ ﻣﺎ ﻳﻌﻤﻠﻮﺵ ﻋﻄﺎﻫﻢ ﺍﻭﻗﺎﺕ ﺍﻟﺘﺪﺭﻳﺐ ﻭ ﻛﻞ ﺷﻲ
- ﻧﻀﻦ ﻛﻼﻣﻲ ﻣﻔﻬﻮﻡ ﺗﻮﺍ ﻭﻗﺖ ﺍﻟﻔﻄﻮﺭ ﻧﺤﺐ ﺍﻟﻨﻈﺎﻡ ﻭ ﺍﻻﻧﻈﺒﺎﻁ ﻓﻲ ﺍﻟﺼﻒ ﻟﻲ ﺗﻔﻮﺗﻮ ﻭﺟﺒﺔ ﻳﺘﺤﻤﻞ ﻣﺴﺆﻭﻟﻴﺘﻮ ﻋﻨﺪﻛﻢ ﻋﺸﻴﺔ ﻛﺎﻣﻠﺔ ﺗﺮﺗﺎﺣﻮ ﻓﻴﻬﺎ ﻭ ﻣﻦ ﻏﺪﻭﺓ ﺍﻟﺼﺒﺎﺡ ﻳﺒﺪﺍ ﺍﻟﺘﺪﺭﻳﺐ
ﻣﺸﺎﺕ ﻗﻌﺪﺕ ﻋﻠﻰ ﺍﻟﻄﺎﻭﻟﺔ ﻣﺎ ﻏﺰﺭﺗﺶ ﺣﺘﻰ ﻟﻠﻄﺒﻖ ﻗﺪﺍﻣﻬﺎ ﺭﻏﻢ ﻣﺎ ﻛﻼﺕ ﺷﻲ ﻣﺎﻟﺼﺒﺎﺡ ﺍﻣﺎ ﺗﻮﺍ ﺗﺤﺐ ﻛﺎﻥ ﺗﺮﻗﺪ ﻭ ﺗﺮﺗﺎﺡ
- ﺷﻨﻮﺓ ﻟﻼ ﻣﺎ ﻋﺤﺒﺘﻜﺶ ﺍﻟﻤﺎﻛﻠﺔ ﻭﻻ ﺗﺎﻛﻞ ﺧﻴﺮ ﻣﻨﻬﺎ ﻓﻲ ﺩﺍﺭﻛﻢ
- ﺳﺎﻣﺤﻨﻲ ﺗﺤﻜﻲ ﻣﻌﺎﻳﺎ
- ﺿﺎﻫﺮﻟﻲ ﻓﻤﺎﺵ ﻣﻨﻚ ﺯﻭﺯ ﻭ ﻋﻴﻨﻴﺎ ﻟﺒﺎﺱ ﻋﻠﻴﻢ ﺍﻣﺎ ﺍﻟﺘﻜﺒﺮ ﻣﻮﺵ ﺑﺎﻫﻲ
- ﺍﺳﻤﻊ ﻧﺘﻲ ﻣﺎ ﺣﻜﻴﺘﺶ ﻣﻌﺎﻙ ﻣﺎ ﺗﻜﻠﻤﻨﻴﺶ ﻛﻮﻝ ﻟﻲ ﻗﺪﺍﻣﻚ ﻭ ﻓﻜﻨﻲ ﻫﺎ ﺍﻟﻨﻬﺎﺭ
أنت تقرأ
كرونيك: انثى_في _الجيش
Fanfiction#انثى_في_الجيش #منقولة #الكاتبة_مجهولة #انثى_في_الجيش الحلقة 1 كانت سارحة في دنيا اخرى لين تهزت و تنفضت مالفجعة وقت تكلم البروف _ وين سارحة سيادتك عندي ساعة نكلم فيك _ ديزولي ميسيو _ وينو كتابك _ نسيتو في الدار _ كتابك تنساه أما منقالة الاولاد لي...
