#عشق_المسيح

البارت الثاني

#عشق_المسيح

#بقلمي_زهراء_الموسوي
،،،،،،،،،،،،،،،،،،،،،،،،،،،،،،،،،،،،

:- خلي اخذچ ونروح بعييييد عن كل العالم

لبابة:- بشهگة..جرجيس هدني وأمشي كافي اعليك فوادة اعرف لو شرديت وياك ما راح يخلونة نرتاح بحياتنة

وما اريد انزل راس اهلي حته لو ظلموني روح وأمشي راح يگعدون بغلاتي امشي وهدني لاتزيد همومي...

جرجيس:- عفتها ومشيت وكل ما التفت الگاهه علة نفس وگفتها وتشهگ ما اتحملت ورجعت اركض حضنتها

اقوة وهية هم حضنتني وتشهگ ودموعها علة ملابسي ما تحملت ونزلن دموعي بستها براسها ومشيت ودموعي

علة خدي امشي وشهگاتها بأذني اسمعهن صعدت بالسيارة ونفجرت بالبچي، اصعب شي هوة الفراق وخاصتن

اذا شخص تعتبرة كلشي بحياتك وچنت متأمل او متأكد مو متأمل راح يصير الك بس بعدين تعكس وياك الدنيا

ومثل ميگولون اهل الجنوب (ينلچم گلبك) وهاي اني انلچم گلبي بفراگها، ضايع وماعرف شسوي ولا اگدر ارجع

لبابة گلبي الحضني ولا اگدر اعوفها وأمشي نزلت راسي علة لستيرن ودموعي ينزلن، طلع الضوه وبدت تجي ناس

خليت وطلعت بوچهي لدهوك يم اهل امي بقيت شهرين عازل نفسي الى مافد يوم طلعت افتر بالجبال وگعدت

يم الشلال وصافن بالمي وأذكر كل سوالفها وكلماتها الجنوبية الغريبة لو من احچي بغدادي وتعيط بية وتگلي

احچي بلهجتنة حته افهم اعليك اكثر واني گوة اجمع الكلمات وأحچي مثلها، فزيت من صفنتي وحسيت بأيد

علة جتفي رفعت راسي طلع عمر وخضير هم جاي ويا..

خضير:- شسالفة ياخوية صدگ چذب شسويت بينة صار شگد ندور عليك والبارحة يلة عرفنة انته هنا وأجيناك شصاير وياك وليش مختفي لا تسئل ولا تخابر

عمر:- جرجيس، باوع بعيوني

جرجيس:- رفعت راسي وباوعت بعيونة

عمر:- ماريد اشوف عيونك هيچ حزينات گلي شصاير وياك وهيچ صاير حالك، لاتنزل راسك حط عينك بعيني وحچيلي

جرجيس:- شحچيلك مثلاً

عمر:- الي مأذيك ومسوي بيك هيچ

خضير:- احچي كلشي جرجيس ترة احنة اخوتك مو غربة فرغ همومك وحچي ليش هيچ ضعفان ومتغير