#عشق_المسيح

البارت الاول

#عشق_المسيح

#بقلمي_زهراء_الموسوي
،،،،،،،،،،،،،،،،،،،،،،،،،،،،،،،،،،،،،

:- واكفة بالبلكونة والجو حيل بارد وينزل ثلج لفيت نفسي اكثر بالمشمر مالته، شميته وغمضت عيوني وأجت كول

ذكرياتنة وأيامنة الي چنة بيها سوة وحزنة وفرحنه نزلن دموعي بقهر وآلم:- ااااااااه اااااه وشكم ااااااااه أگول بعد

ليش عفتني يروحي ليش تحرمني منك لييييش مو تگول انتي النفس الي يصعد وينزل مو گتلي امووت لو افترقنة

لعد لييييش سويت هيچ ليييييييش والرب اعشقك ليييييش هيچ سويت بية ليييش تأذيني وتبعدني عنك لييييش...

:- هيلانة كافي دموع ليش تسوين بنفسچ هيچ ياعيني

هيلانة:- جرجيس انته مجاي تحس بالنار الي بگلبي ومجاي تحس بية اني داموت كل يوم الف موتة وهوة بعيد عني

هوه مفكر لو بعدني وسوة هيچ راح اكرها لا والرب ديزيد عشقي اله اكثر وأكثر ومو بس هوه الي ديتعذب

وديعاني من مرضة الي ميقبل يگول شنو هوة اني داعاني اكثر منة الفراق يقتل..

جرجيس:- بحسرة..هيلانة اني اكثر واحد يحس بيچ لئن نفس النار الي مشتعلة بگلبچ هيه بگلبي واني يمكن

اكثر منچ علة الاقل انتي اكو أمل ترجعين المحبوبچ بس اني...ماكمل ونزلت دمعته

هيلانة:- تقربت يمة ومسحت دمعتة بأيدي وحضنته..هشش جرجيس انسة كولشي..غيرت الموضوع..صدووگ

جرجيس انتة مو وعدتني نطلع اني وياك نتونس لعد وين وعدك هااا لو غلست عيني

جرجيس:- والرب حقة لمن يبعدچ عنة

هيلانة:- ليش حقة؟

جرجيس:- هيچ انسي ماكو شي ويلة روحي جهزي نفسج حته نطلع..

هيلانة:- رحت جهزت نفسي واني مالي نفس اطلع بس ردت جرجيس يغير جو وينسة جرحة، كملنة وطلعنة نزلنة وصلنة يم السيارة ودگيت رجل اله اني اسوق..

جرجيس:- لچ هيلانة كبرتي وبعدچ علة نفس عقلچ شوكت تعقلين بعد صدگ لو گالت الطول طول النخلة والعقل عقل الصخلة هههههه

هيلانة:- لاااااا لهنااااا وبس يعني ما ناوي تنساهه مووو

جرجيس:- ببتسامة..مستحيل انساهه

هيلانة:- واني اگول خطية ماريد اسئلة عله حبهم وأذكرة بيها بس معلية هسه تحچيلي كووولشي شلون عرفتها وحبيتها الحد ما افترقتو بالتفصيل