#عشق_المسيح

البارت الثالث

#عشق_المسيح

#بقلمي_زهراء_الموسوي
،،،،،،،،،،،،،،،،،،،،،،،،،،،،،،،،،،،

هيلانة:- مرت الأيام ونجحت صرت خامس اعدادي ولمن صارت العطلة قررنة نطلع سفرة لدهوك يم اهلها الماما

وفعلاً جهزنة غراضنة الي نحتاجها ورحنة چان الطريق كووولش حلوو وصلنة لدهوك ورحبو بينة وچانو كولش

فرحانين بزيارتنة الهم، مر علة سفرنة لدهوك يومين وصدقاء جرجيس عمر وخضير لمن عرفو احنة بدهوك اجو ورانة

واني من شفت عمر ابتمست وهوه چان وين ما امشي نضراته تلحگني، صعدنة ع جبل واني لازمة جرجيس خايفة

كوولش وهوه يضحك علية تقربت لنهاية الجبل وباوعت شفت الجبل كوووولش عالي وهواي مسافة بينة وبين الأرض

حضنت جرجيس وگمت اعيط وأبچي اريدة يرجعني الماما وهوه ميت من الضحك علية چان يگول عمر...

عمر:- يول جرجيس نزل اختك لا يوگف گلبها والنوب شلون ازوجها چنت عبالي بس حلوة طلعت مايعة وترفة ماتتحمل المرتفعات و.....قاطعه

جرجيس:- انچب احسلك عمررر

خضير:- صدگ انچب وسكت اشو انة ماترضة اجيب طاري اختك ليش يابة

عمر:- دجيب طاريها وشوف شسوي بيك

خضير:- يعني حلالن عليكم وحرامن علينا...

هيلانة:- اني ابچي وخايفة لا اوگع وهذول يتعاركون لمن عطت بيهم وبجرجيس يلة سكتو رجعني جرجيس يم ماما ورجع الهم رحت حضنتها وأبچي..

سدن:- شبيچ ابچي يا أمي

هيلانة:- يووم جرجيس صعدني ع جبل ويخوف اجيت اوگع

سدن:- هههههه شگد جبانة

هيلانة:- يووووم حته انتي تضحكين علية

سدن:- اي لعد ليش ما اضحك اذا انتي صدووگ جبانة

هيلانة:- عفتها تحچي ومن الخوف والهبطة غفيت بحضنها وما گعدت لمن صار اليل فزيت محد موجود بالبيت عدلت

شعري وطلعت من البيت اعرف همه قريبين ع بيت لئن يومية يطلعون النفس المكان يتعشون، سديت الباب

ولتفتت صار عمر بوچهي شهگت وگلت..شسوي هناااا

عمر:- ما اريد اسوي شي وأهلچ مايعرفون بي بس اريد اخذ الكلمة منچ قبل ما ابدي بأي خطوة