#عشق_المسيح

البارت الخامس

#عشق_المسيح

#بقلمي_زهراء_الموسوي
،،،،،،،،،،،،،،،،،،،،،،،،،،،،،،،،،،،

عمر:- اسمعيني وهاي گدام اخوچ راح احچي وانتي تختارين وماريد لا شفقة ولا اكسر خاطرچ لئن هاي حياتچ ومن حقچ

تختارين، هيلانة اني الحادث أثر علية وأحتمال..اختنگ سكت شوية وأخذ نفس وگال..احتمال مايصير عندي جهال بعد..

هيلانة:- لمن سكت نزلت ادية وباوعت اله كمل حچية وشهگت بصوت عالي متحملت اسمع الباقي ونزلت اركض

وچان اوگع علة وچهي من الدرج رفعت راسي بثگل شفت الدم ينزل من وچهي للأرض رأسن اغمة علية، فتحت عيوني

لگيت نفسي بالمستشفى ويمي ماما وبابا وجرجيس لمن شافني فتحت عيوني گام يضحك عليه وگال...

جرجيس:- خوفتينة عليچ عبالنة صار بيچ شي طلع جرح بسيط حته ميستاهل خياط هههههه لعد شگد جبانة من شوية دم اغمة عليج

سدن:- شبيچ يا ماما غير تنتبهين لمن تنزلين هبطتينة عليچ

يسوع:- عوفو بنيتي ولتحچون وياهه المهم مبيها شي هسه..

هيلانة:- رجعنه للبيت ودخلت الغرفتي قفلت الباب ونفجرت بالدموع بقيت ضايعة وماعرف شسوي وعقلي مشوش

والتفكير موتني، عمر بهاذة وضعة ماگدر اتخلة عنة وحبي للأطفال هم من حقي احس بالأمومة وبنفس الوقت احب

عمر، كل اختيار اصعب من الثاني، صار اليل ودزو علة حته اتعشة بس مارحت مالي نفس اكل شي طلع الصبح واني

دموعي مانشفن مارعف شوكت غفيت، فزيت علة صوت الباب دينك فتحت عيوني الساعة بـ8 الصبح گمت فتحتة وطلعت ماما....

سدن:- يووم شوية وحنطلع الكركوك تردين تروحين ويانة لو تبقين يم سيلين

جرجيس:- خلي تبقة يم سيلين

هيلانة:- باوعت اله وگلت..ماريد اريد اروح وياكم ما ابقة وحدي هنا

جرجيس:- هيلانة

هيلانة:- والرب ماعلية اروح وياكم ماتبقوني هنا وترحون

يسوع:- روحي جهزي نفسچ باباتي..

هيلانة:- رحت سبحت عسريع ودخلت للغرفة لگيت جرجيس گاعد من شافني گال..

جرجيس:- هيلانة متأكدة تردين تروحين

هيلانة:- اي اريد اروح

جرجيس:- وشقررتي؟

هيلانة:- جرجيس اني مستحيل اعوف عمر بهل وضع وهسه الطب اطور وأكيد اكو علاچ اله

جرجيس:- عمر  ٪1 يگدر يتعالچ يعني ماكو أمل فكرتي زين؟

هيلانة:- اي فكرت وهاذة قراري وكولشي بيد الرب