Minsan ko ng ipinangako, na kaya kong iwan ang lahat para lang sa'yo.
Aanhin ko ang karangyaan at kayamanan kung wala ka naman sa tabi ko?
Pero bakit ngayon, ikaw 'tong pinipiling iwan ako?
Paano na tayo? Paano na ang ikaw at ako?
Kulang pa ba na sabihin ko na mahal kita?
Ano pa ba ang dapat kong gawin, huwag mo lang ako iwan?
Ano pa ba ang kulang para ako'y maging sapat na sa iyo?
Ikaw ang lahat sa akin, pero bakit parang kulang pa ako sa iyo?
Matagal na tayo sa relasyong binuo natin,
Umasa ako sa pangakong binitawan mo kasama ng iyong matamis na halik,
Maaring mga bata pa tayo noong unang beses mong inamin ang saloobin mo sa akin,
Pero bakit kung kailan tayo'y tumanda na, tila ikaw ang bumitaw sa atin?
Lahat naman binigay ko na, lahat naman ginawa ko na,
Ipinaglaban kita sa mundo ko, pero para sa'yo tila'y kulang pa
Kailan ba ako magiging sapat sa iyo?
Kailan ba ako magiging sapat sa mundo mo?
Mahal kita, pero tila kulang pa ang puso ko para sa iyo,
Mahal mo ako, pero ako'y iiwan mo.
Sapat ba ang mahal lang natin ang isa't-isa,
Kahit pa magkaiba ng ating mundo?
Ilang beses tayong nag-away, nagkatampuhan at ang kapatawaran,
Normal lang naman sa isang relasyon ang minsa'y hindi pagkakaunawaan.
Pero bakit parang napagod kang ipaglaban kung anong meron tayo?
Lagi kong tanong sa sarili, mali ba ako?
Sa panaginip may ikaw at ako, sa panaginip masaya tayo.
Kung hindi na ako magising bukas sana ako'y maalala mo.
Kung hindi magiging tayo sa panahon na ito,
Baka sa susunod na buhay aasa pa rin ako, Sa ikaw at ako.
Note : Poetry is also used in my book 'The Only Hope for Me is You'
YOU ARE READING
Under the Stars I Write
Poetry[A POETRY COLLECTION] "Under the stars I write, Under the moon so bright. In the darkness of my heart, I hold on to the light. Thoughts in my head written in paper and pen. Voiceless words composed of memories by fate." - Hannah Redspring [PUBLI...
