فصلية وكسرت خشوم

مشاهد

الكاتبة _بدوشة آل الشيخ

فصلية وكسرت خشوم
مشـاههد .

***

سندس : كاعدة انه واختي الصغيرة جاي اضفرلها شعرها
وامي ومرت اخوي جاي يطبخن الغدة على الحطب

شوية وصار صياح واسمع صوت ابوي وخواني وعمي عالية
طلعن امي ومرت اخوي بسرعة حتى يعرفن الصار
انه خليت اختي بحضني واباوع عليهم
اسمعهم يكولون ..

ابوي : سود الله وجهك انته وابنك منين جبتولنه هالطلابة هاي ..شلون نخلص هسة ولك احنه حتى سلاح نفس الوادم ما عدنه

عمي : واني شمدريني يا خوية ..هذا ابني الله لا يوفقه هو الي ورطني ..ونهب بت الوادم وهسة كالوا اذا ما تنطونه فصلية ووياها ١٠٠ دينار

كال اخوي : ومنين نجيب كل هاي الفلوس واحنه منيلنه بنات نطي

كال عمي : لازم نلكه حل لأن انطونه مهله لليلة اذا ما رجعنالهم الخبر راح يدكونه والله يعلم شكد ياخذون دم حتى نخلص

باوع ابوي الي وكال : ماعندي غيرها ..

اخواني : سندس ؟؟

***

سندس :كعدت كضيت راسي وانه ابجي وابجي لحد ما حسيت دموعي خلصن وعيوني بعد ماشوف بيهن

واجتلي بتي حضنتني  وضلت تبجي على بواجيي 

باوعت عليهم وعلى باب الصريفة وسمعتهن يجيمن حتى يخبزن ..والبقيات يحلبن الدواب
وهنا قررت قرار ..كافي ..لهنا وبس ..مستحيل اضل سندس الفصلية ..راح ارجع سندس المدلله

وراح اندم كل واحد ضلمني بيوم وغثني ولو بكلمة الا ابجيهم على زمانهم

بتهم مرتاحة ويه ابن عمي وانه متعذبة  ..لا كافي اجه دوري هسة

***

احمد : انتم كلكم ما تحبونها ولا تحترمونها والي ما يحترم مرتي وام جهالي انا ما احترمه وخل اشوف واحد منكم يتكربلها ويأذيها بشيء
الا اراويكم نجوم الضهر ..

هاي سندس كلبي والي يرشها بماي ما يلوم الا روحه وهاي انه حذرتكم ..وانتم بعد بكيفكم

فرحة : على بختك خوية شنو اشتغلت السحورة وخلتك تتجاوز على اهلك ..ولك هي شنو كلها خلك فصلية وجبناها بعد ما ابن عمها سوى المكسورة ونهب بتنا ..شنو نسيت انته ..ترى مو بس هي عدها
السلف متروس ك...

وماحست الا سفطها براشداي فر وجها فر

****

هاي المشاهد البسيطة والقصة حلوة وممتعة
شاركوني بتعليقاتكم ورئيكم