فصلية وكسرت خشوم

البارت 4

فصلية وكسرت خشوم
الكاتبة _بدوش آل الشيخ
____

لـو يــحبونه صــدك ما تيـهـونـهه
ولـا حـچو چـلمــات خـشنــه وضيعـونــهه .

******
سندس : ههه يمه شمالج منين احبل

طكتني على راسي وكالت : منين بعد غير مـטּ ريلج؟

غديت حمره من المستحه من عرفت گصد امي .. سكتت ماحجيت ..شوي وكتلها : چـأ ماكبرت بطني هوا شني بسرعه احبل

ضحكت عليه وكالت : ههه يمه بعدج بالبداية ماتكبر بطنج هسه .. بس الحباله والنساواة مبينه بويهج يمة وانتي تكولين ذبين من راسج وضهرج يوجعج هذن اعراضها

خليت ايدي على بطني وكلتلها : بس يمة انه ماريده هناك فرحه شابعتني صكع ودمغ واحمد مايحجي وياها شلون احبل وهيه تريدني اشتغل من صبح لليل؟

تحسرت امي وكالت : شنسوي يايمة نطير لمويجد الكو.. وذيج الكح... من عملو عملتهم وطاحت بخفيف الذنوب .. من عساهم ﻼ تهنو ولا نسعدو بجاه الحبيب المصطفى .

نوب ࢪدت كالت : ليش شماله احمد مايحجي وج خاف يطلع عاشگ ومو بحالج ، وهاي البرعه شمالها وياج؟

سندس : مادري أذا عاشك لو ﻼ ومايهمني اصلا ، وهاي فرحه مخليه دوبها من دوبي يمه صدكين حتى حركتني بالجاي ..

انه ماسيطرت على روحي دموعي كامت تجري وضليت احجي لأمي جنت شلون المتحمله كوه ونفجرت .. خطية امي ضلت تبجي من شافتي الحرك لبرجلي ..

لليل اجو ابوي واخوي مسعودن وتفاجئو من شافوني وخطية دموعهم ضلت تجري مشتاگيلي بگد مامشتاگتلهم ..

كاعدين على العشه وخطية امي تحير شتخلي جدامي الروبه والحليب وتمن ماخلت شي .. وانه ابد مااكليت منضر ابوي وامي واخوتي جدامي شبعني بدي بس اضل اتناوعلهم واشبع عيوني من كعدتهم الحلوه

كال ابوي :شمالج بويه ماتاكلين .. بالج شي نجيبه الج

سندس : ﻼ بويه الله يخليك انه شبعانه كلساع امي تنطيني شي

ࢪدت امي بضحكة : ههه ابو مسعود البنية حبله وماتشتهي تاكل

غدت حمره من المستحه يا شمالها امي تحجي جدام ابوي واخواني وللـۿ فشله ، ضحكو ابوي ومسعود من شافوني ستحيت منهم ..
مرت ايام وانه عد اهلي عمتي بعد ماجت وراي وانه كلت من يرد احمد ارجع ، بيوم من الايام كعدت وانه فرحانه بكعدتي بين امي وابوي وخوتي احسن روحي ࢪدت اليه وانه بيناتهم

وانه هلايام كلساع ادوخ ومااكل ماشتهي امي تكلي هاي النساة بينت بيج وانه ابد ولا دايرة بال للجاهل لبطني افتر وي خواتي ..

كعدت على راگ النهر وضليت صافنه ، واجه احمد على بالي معقوله انه هسه على باله لو شتاگلي؟ يا شمالج يسندس هسه هوا وينه وين الاشتياگ بالحرب والضيم ..