فصلية وكسرت خشوم

البارت 5

فصلية وكسرت خشوم
للكاتبة _بدوشة آل الشيخ

..
خاطرچ #مڪسور ليش؟ أنتيـﮧ التلعلع ضحڪتچ
صايرة مَشهد #حزين 😔💔؟.

______________

احمد
توني وصلت للبيت ولاگوني هشام وشاطي وتحمدولي بالسلامة .. ودخلنة للبيت واشوف فرحه دفعت سندس وطيحتها بالكاع .. سودنت انه سندس حامل هاي ماتفكر شبيها ..

ركضت لسندس كومتها وصحت بفرحه : شنوو هلصلافة تدرررين بيهاا حامل تجين تدفعينها هيج ،لا صار شي بابني لو بيها عبالج ارحمج؟

فرحه بخزره " شدعوووااك يخوية جاي متحامي ماتكلي وبعدين من يمته صاير تصيح وتعلي صوتك علمود خلك فصلية كح.. بت فكور؟

احمد " سمعيني زين چلمة فصلية مااريد اسمعها مره ثانيه هنااا هاي مرتي وام ابني وانه مااخلي جنس مخلوق يجاوز لو يمد ايده عليها فااااهمة؟

گومت سندس من الگاع وعانتني امي ودخلتها لحچرتنه كعدتها ؏ الفراش وطلعت وصحت بوسطتهم " وحگ علي يافرحه هاي اخير مره اعديها المره الجاية وچدام الكل اطيح حضج لا مديتي ايدج على مرتي ومو تكولين احمد ماكال ..

فرحه تخوصرت وكلت بحده " امهات السحوره سونها وگلبنگ مووو اي مبين مثل عين الشمس ذاباتلك واحد ها كبره وخلتك ماتشوف چدامك وتدافعلها سيفين سيفين

احمد بصياح " انچبي ولچ وكتلچ انه والاريده تفكين حلكچ ونحچين وانه اعلمج ... عفتهم ودخلت لحجرتي .. واسمعها تسب وتغلط وتفشر عل سندس ..رادت سندي تكوم ماخليتها وانه كعدت يمها حضنت جسمها بيدي وكتلها " شلونج حبيبتي بس لا توجعتي من دفعتج؟

سندس خليت راسي ع صدره وحضنته بسرعه وكلت بدموع " احمد والله انه اخافن منها ليش حاچيتها هيج هسه تشد وياي وانه ..انه خايفه لا من تروح تكتلني لو...

احمد .. خليت ايدي ع شفايفها مسكتها " لا تحچين هيج عمري انتي .. انه مو مكرن لو مطي واخلي الراح والجاي يحجي على مرتي وام ابني .. اوعدج من اليوم ورايح لا فرحه ولا غيرها يطلع لسانه لو يمد ايده عليج .. لتخافين وانه بضهرج ..

سندس " چلماته كلش فرحتني وحمدت ربي واخيراً احمد حبني وصار سند اليه وكام يوكف بوجه كلمن يحجي عليّه ، هذا الشي لجنت اتمناه دوم ولحمدلله تحقق .. حببَ وجهي وتلمس بطني الكبرانه .. وكام كايل " حبيبتي ضلي هنا لا طلعين انه اروح اسلح واجي .. بس كوليلي اول خو ما متوجعه عاد اكل لامي تجيب الجده (القابلة) تفحصج

خليت ايديناتي ع خدوده ، حب بطن چف ايدي .. كتله ; لا تخاف حبيبي مابيه شي ، هسه اروحن اصبلك غده من ايديه وناكل سوا شرايك

باسني بشفايفي وكال " لا حبيبتي هسه أنه أكل لـ حليمة تجيب الاكل وتجي .. ردت احجي مخلاني وكام اخذ هدومة وراح للحمام ، اوف شراح يخلصني من لسان فرحه .. شوية ورد ودخلت وراه حليمة وجايبه صينيه بيها اكل .. بوسها بخدودها وتشكرها وطلعت .. خله صينة الاكل جدامي وبدا ياكل ويوكلني بأيده ..