فصلية وكسرت خشوم

البارت 2

فصلية وكسرت خشوم
للكاتبة _بدوش آل الشيخ

..
#شالوا 💔
واليجيب اخبارهم #مات

-------------

سندس : كلش نصدمت من سمعتهم كال ابوي انه لروح فصلية

صاحت امي : شني دكول يبو مسعود صدج تتكشمر انه مانطي بتي فصلية نوب يشبعوها كتل شني ولله نجوم السمة اگربلكم

اتنهد ابوي وصاح بأمي وهوا مابيده شي : شسووي يعني شسووي اذا ابن عمها سواله مصيبة الها اول ماالها تالي يعني عبالج انه ينطيني كلبي انطي بنيتي فصلية .. اذا مانطيناها لح تصير الدم للرچاب ، ونخسر حتى ولدنه

كعدت امي على الكاع تبجي وايدها على راسها رحت انه وخواتي يمها وكمنة نبجي ،
شني ينطوني فصلية يمه چـأ ماابقى يمكم بعد وكمت ابجي

شبكتني امي وكالت وهي تبجي : اطير لابن عمج يايمة من عساها بحضه وبخته وعساه مايتنهة وي ذيج الكح.. الشردت وياه من عساهم بجهنم يحتركون ، اخخ يابوية شون افاركج يايمة ..

كمنه لمن شبعنة بجي كلش ، نوب اجه اخوي مسعود .. كال باجر ياخذوني فصلية .. انه متت خوف وبجي بعدني زغيرة وماعرف شي ياربي وناس ماعرفهم شرايين خيرين ﺎللـٰه ﻼ ينطيك يماجد بشنو ورطتني الله لا يهنيك

وصكد مشه اليوم بسرعة واليل خلص وانه على فرد دمعه .. واجه اخوي مسعود والدمعه بعيونه كال رح ياخذوني ..

ودعت امي وابوي واخواني وانه على شويه واطيح على وجهي اكل ماماكلة والبارحة امي سولفتلي عن العرس وشيسوون بي انه ماجنت اعرف ومن الخوف ضليت بس اذب من راسي ، وابجي ..

طلعنة انه وااخوي وابوي وبس ﺎللـٰهَ ليدري شرح يصيـر وياي .......

***
احمد
اتفقو اخر شي على الفصلية وال100 دينار واحنه گلنا دم هبية مهدور وين ما نلكاها نكتلها لأن بهذلتنه ونزلت روسنة

چنه باليل كاعدين كلنة يم الجانون ، عمامي وابوي واخواني
وامي كاعده تصب جاي ، كال عمي عبود ودمعته نزلت : ااخ يابوية ياهبية شسويتي بية نزلتي راسي بين الوادم

صاح اخوي هشام : كافي ياعمي والله لاخاذلك حكك من عيونها واخليها تتندم وانعل ابوها لابو الخلفوها

صاحت امي : ياا ولك هويشم مو عمك جاعد شمالك

صاح بيها بعصبية وهوا يلف السبحه على ايده :   وشماله ابوها اعمه اطرم مايعرف يربيها شافت اخوانها حمير وابوها مايحجي شردت ..عض على صبعه وكمل .. ااخخ كون اكضج بالعباس ادفنج وانتي عايشة

خله ايده على جتف اخوي حليم وگله : انته بس تكبر اريدك ترميها خاف انه اموت وصية هاي

هز حليم راسة وكلاله : اي اي اذبحها والله بس ليشہ؟