فصلية وكسرت خشوم

البارت 6

فصلية وكسرت خشوم

الكاتبة _بدوشة آل الشيخ

____________

ڪولولھہ ڪصَيتھہ الشـعَر !
ذاَڪ لعشـڪـنيـَي لخـاطرھہ : )
_______________

مروه
رجف جسمي حيل وانه اسمع حس امي يم باب الچن .. باوعت لـ حليم وعيوني متروسه دموع .. مسح دموعي واشرلي اسكت ..
راح بسرعه لبد ورا الكشاش(القش) وانفتح الباب عاينتلي امي وكالت

" وسم الحسن طيحتي كلبي ادري حماره لابده هنا شني؟

مروه " م..مو ه..هاا اجيت اجيب ال..البيض .. وانتي شرجعج مو عساس ترحين لسندس؟

ام سعدون " اي عساس اروحن وايه (اجه) ابوج كلي خليها على باجر فردنوب .. ماكتيلي شعدج لابده

مروه .. خذيت سلة البيض ودفعت امي تطلع لا تشوف حليم وتنطبگ السمه على الكاع " مالابده بس من دخلت الهوا سد الباب .. يلا تعي خل نطلع

بلكوه طلعت امي مره تكول اريد اشوف لدجاجه مكعدينها مره لفريخات .. اف الحمدلله تعدت هيج .. اجو ابوي واخواني ودخلو للبيت وانه ضالة بلبستان اريدن اطلع حليم ضل لابد بالچن .. عاينتلهم محد برا ورحت ركاض

سمعت طكطكه فتحت الباب ودخلت لكيت حليم يتعارك وي الديچ هههه " هههه هاي شبيك حليم

حليم " ولچ هذا ديچكم ابن چلب كلاني صارله ساعه يصير وينگر بيه كلت لا يجي واحد

مروه " هههه استغرب لان اول مره يشوفك لا وهم بيتهم حكه هههه

حليم " اي ضحكي شهامج حابستني هنا صارلج ساعه وي الديوچه والدجاجات

مروه " چا شسوي شوفت عينك امي اجت .. يلا هسه روح اكيد اهلك استبطوك وراك روحه باجر ..

اگترب مني وكال " كلشي يهون للحلوه مالتي .. رح اشتاگلج .. حببني براسي واتاكدت محد برا وطلع راح لبيتهم .. اووف من هسه شتاگيتله .. الله يرجعه الي بالسلامة .. هيج وتصير صدك واهِلنه يرضون ونعرس ونضل سوا .. هاي معجزه اتمنى تحقق ..

_____________

سندس
مرت الايام وهدوء ماكو شي يذكر ..غير طلعات فرحه لماتخلص ومن تجي الفلوس والهدوم اشكال والوان لو لديرم ولكحل لمايطيح من عينها والله خايفه لا تسوي شي اهو وشعليه نارها تاكل حطبها ، لا تخاف من ابو لا من اخو كلشي تسوي ..

كاعده انه ارضع بأنوار .. وسمعت هوسة عاينت واشوفن جايبين الكمية .. بس هواي انه ادري همه عايله جبيره بس مو چن هذا هواي؟ گاربت مال الـ 40 نفر والله كلش هواي .. يلا شعليه انه ..

نيمت بتي وطلعت شفت مصفطين تناك الدهن وجياس الطحين والتمن والشكر وغير البقيه لصابون والعدس ..

اشرت فرحه على جياسة عازلتهن بحد وكالت " هذني راح اخذهن ابيعهن خوش

صبرية " خلي الوادم تاكل المن بايعتهن؟