فصلية وكسرت خشوم

البارت 3

فصلية وكسرت خشوم
الكاتبة _بدوش آل الشيخ

______
گلتله شلونه وضعَك؟
دمِعت عينةه!
بچة وگآل اليفگدك
الله اليـعينه،
گتله الله يسلمك عوفنا من الراح ،
حطب صارَت الشجرة البيها اسامينآ.

##

احمد :
من عقدلنة الشيخ طلعت وانه ضايج ابد ماجان عبالي رح يصيـࢪ عرسي هيج ، وهيه البنية شذنبها ياربي ..

كملنه شغل بالكاع ورجعنه وحطو غده وفرحه صاحت بيها من كعدت ويانه خطية كسرت خاطري بس ماحجيت اختي اكبر مني ماكدر اردها ، حتى لو ردت اردها ماراح تاخذ الحجي هيه حتى هشام ماتخاف منه ..

وامي وابوي فقرة من اهل ﺎللـٰهَـۃ خطية اذا حجو كلمة بۈجۿﮧ فرحة لو هشام يعني انسبو ونشتمو ، وانه ماالي حجاية محد ياخذ حججي بس ماارضه على سوالف هشام لو فرحة من يجاوزون على امي وابوي ..

خلصنة الغده وانه عيني عليها من شباج المطبخ شفتها خلت طاسة الاكل جدامها بس ماكلت ضلت بس تبجي ..

للعصر وانه اطلع وادخل للبيت واشوفها تشتغل ماكعدت وبس تكعد تصيح بيها فرحة ..

لليل امي وكفت وياي وكلتلي : يمه انه ادري جان بالك عرس تحجي بي كل الديره وڪل جماعتك تيي (تجي) بس شنسوي يايمه هاي قسمتك من رب العالمين ..

كلتها : ونعم بالله يمة

ࢪدت كلتلي : اي يبعد امك وهسه روح ادخل على مريتك واخذها وان شاءلله كل الخير

هزيت راسي اليها وحبيت راسها وكتلها : تصبحين على خير يمة

صبرية : وانته من اهل الخير يمة

راحت امي وانه دخلت للغرفة .. وسديت الباب وراي وهيه جانت كاعده وضامة رجليها لصدرها ولافه روحها بالعباية والحجاب هه ، وتعاينلي ودموعها تجري

تنهدت وكعدت يمها وكتلها : الله ابو الخير
ردت عليه بشهكة : ا..الله اب..و الخير

كلتلها بهدوء : شلونج سندس؟ ماردت خليت ايدي على ايدها الي ترجف وكلتلها : سندس ﻼ انه ولا انتي راضين بهذا العرس مو؟

هزت راسها .. كملت : انتي سامعة "وعسى ان تكرهو شيئا وهوا خيراً لكم" وهذا امر رب العالمين انو يصيـࢪ عرسنة هيج .. احنه لازم نتمم زواجنة والي بي خير الله يقدمة ..

***
سندس
احمد جان هادي كلش حتى حجية بهدوء ، ولمن تم زواجنة شڪد بجيت وشكد دعيت على ماجد وعلى حبيبته بحركة كلب ياربي طفلة شذنبي اتعاقب على سواية غيري ..

خله احمد ايده على جتفي وكال : متوجعه؟

هزيت راسي بـ ﻼ بس اريده يطلع من يمي ابدي اكضه واكتله واكتل ماجد واكتل اهلي لأن ذبوني هنا ومحد سئل عليه ،

كام هوا اخذ هدومة وراح سبح ورد ، وتغطى ونام .. انه خذيت هدومي ورحت سبحت والبيت صنته ذب الابرة تسمع صوتها .. بس صوت الجلاب تعوي ، دخلت سبحت ودموعي تجري خلصت بسرعة وطلعت وبس خليت راسي على المخده غمضت عيوني وغفيت من التعب ..