القداس القادم

البارت الرابع عشر

"ابعد"

همس سرى وهو يحاول بيده يبعد أيهم اللي لصقه بالجدار جنب سيارته وهمس بصوت واطي اكثر
"مو منك مني لاني صدقت كذاب نفسك"

قالها من تحت انفاسه وهو يتذكر اتصال ايهم وصوته وهو يهمس له انه تعبان في المواقف..

أيهم ويده على شفة سرى قال: اشتقت لهم..

سرى تلون وجهه وقال بعصبيه: شتخربط انت.. اقول لك ابعد قبل لا احد يجي و يفهم غلط..

ايهم:من متى سنفوري يهتم بكلام الناس، قصدك لا يفقدك الحب ويفهم غلط..

سرى: محد له خلق يحارشني غيرك مو كل الناس منحرفه نفسك لعلمك بس..

ايهم: افتخر بالمدح؟

سرى بخنقه: ايهم اقصر الشر وابعد اخلاقي لحالها مالها خلقك..

انحنى اكثر وهمس: ليش انا لا وباقي العالم حلال، ليش تناظره وكأنه سبيلك و تختنق جنبي من اللي حظه طاح فيك وعجز يقوم واللي حظه فيك قايم عيي يقعد فهمني ليش...

سكت سرى وبعدها نزل راسه وقال: تكفى ابعد.. ما اريد اللي بيننا يطيح أكثر..

أيهم مسك ذقنه ورفعه وقال: خلتني بصبر لييين تختارني بين الحشود واتاري الصبر عنك محال..

وحط شفايفه عند اذنه وهمس: سنفوري تراني طحت فيك ومحد سمى علي.. تكفى..

وبعدها حرك وجهه وهو يحس بطرف شفته على خدوده قبل ما يلصقهم بشفته ولسبب يجهله هو رفع يدينه وحاوطه وتمسك بشعره وعمق بوستهم وفجاة بدأ فونه يرن بصوت عالي وجلس بسرعه...

مروان بصوت كله نوم: حسبي ربي سرو كم منبه مساوي..

رفع سرى الفون وحصله جده والساعه ٧.٤٠ بسرعه رمى الفون بدون ما يرد وركض للحمام.. سكر الباب و طالع تحت للحظة ورجع يطالع وجهه
"حلم!"

.

.

وصل الجامعة متأخر يدوبه يركض يدخل المحاضرة اعتذر ألف مرة وجلس جنب راكن اللي مستغرب من تأخره، سرى يا يسحب يا أول واحد مافي شيء اسمه متأخر وطول الكلاس كان وجهه ممتقع بألوان الطيف وكل شوي يكش شعره وجهاد يناظره وراكن يطالعه ويرجع يطالع جهاد "الولد جن"  همس راكن..

بعد الكلاس وهم في الكافتيريا قال جهاد: سرو ليش تأخرت؟

سرى: روان الكلب طفى المنبه صحيت على اتصال جدي للفطور..