القداس القادم

البارت السابع

لا أحد يعرف اللحظة الصغيرة
التِّي ماتت فِيها روحك
ولا أحد يعرف متى
عادت ولا كيف عادت،
ولا أحد يعرف لماذا
تبتسِم بكل هذا الإتساع
وأنتَ وحدك..

رجعت البيت بعد اطول يوم بالجامعة محاضرتين ورا بعض ع طول واجتماع مناقشة بروجيكت ما امداني اتنفس الا وانا راجع محاضرة ثالثة..بطني يستغيث بسابع سما من الجوع والخرفان خلوني بروحي وسحبو مدري عنهم..

سرى بشهقه: انت من?

القاسم:ها ها ها لالا تضحك...

سرى: قبل مسوي فيها البيت فندق نوم ودوام..

القاسم:كيفني..

سرى دق كتفه وقال بجوع: ويش عندك ينبلع?

شاف بيديه ساندوش توه مخلص ومساوي ثنين قال وهو يخطف وحده وياكل منها: يااااالله من زمان عنك وعن طبخك...لذيذ تسلم يدك

القاسم طالعه من تحت لفوق وسرى ياكل متلذذ متجاهل اخوه وينتظر احين هواش سنع بس انصدم للمرة الثانيه يحط يده ع شعره ويكشه وهو يقول: كل كل يعافيك يمكن لا كليت زين تطول شوي...

سرى شرق وكح بقوة
القاسم وهو يناوله الماي: شوي شوي تموت علينا..

سرى وهو يناظره:من عينك ومن خبزتك ذي..ما راضي عادي بنخليها تقتلنا..

القاسم:اعوذ بالله انا ما راضي من قال..

سرى: بعدين شفيه طولي يا زيني 165 اطول من سنافر الكلية...

القاسم وهو يكش شعر سرى: يا زينه سنفور ويهايط..

سرى خزه وبعدين قال: طويل وغصبا عن اللي خلفوك وخلفو اهلك بعد..

القاسم فطس ضحك سرى مكمل ياكل ويخزه قال بعدين كانه توه يتذكر: الا جدي وينه ما اشوفه?

القاسم -هدا شوي-: ما مداه طلع صديقه مساوي حادث وتعرفه..

سرى: يوووه ان شاء الله يكون بخير..

القاسم: شبعت ولا باقي?

سرى بحذر: انت مو كنك مزودها رواقه اليوم ..اعترف بصدق محشش شيء من ورانا متعاطي بالع لك شيء?

القاسم بضحكة:أيي اخووك...

شهق سرى: هيومتي..

القاسم بخزة: مالي انا يا زج...

سرى: شسويت فيه باقي على رفضك?