القداس القادم

البارت الرابع

"سأخبرك سراً ..
في كل صباح .. أشتاقك بجنون
لا أعلم ما السرٌ الخفي خلف ذلك..!
ولكن أدق تفاصيل صباحي تنبض بك !
تهذي بك !
تغتابك !
كل دقيقه تذكرك لي وتسرد حكايه من مشاعرك "
حمقاء هي تلك الدقائق ..
تظنٌني نسيت ...!
ولا تعلم بأني أعيشك في كل ثانيه ...
وفي كل صباح"

راكن: وين سرى اليوم بعد ما يداوم؟

جهاد: مدري شايفني امه انا؟

راكن وهو يلعب بفونه: طيب طيب اعصابك شفت اخر اخبار ال..سرى

جهاد رفع راسه وشاف سرى جاينهم قال: الحمدلله انقاذ.

سرى: حي الله شوفكم..

جهاد:وشوفك..

وحضنه وهو يقول: يا مطول الغيبات هات الغنايم..

سرى وهو يطلع من عناقهم: تدوم غيباتي دام بتشتاقون...كلن لاهي بحاله...

راكن: حال الدنيا...

جهاد: هاها ...كيف صرت?

سرى: تمامن جدا..امك شصار عليها شخبارها خالتي?

جهاد: الحمدلله احسن كم يوم وتطلع من المستشفى..

سرى: الحمدلله..

راكن: سرى كيف تعورت ويش صار?

سرى...

هيام كان نازل من قسمه لابس للدوام
و الفون بيده و الضحكة شاقة وجهه
فجاه طار الفون من يده و صوت القاسم يقول: جيب اشوف...

هيام: قسووووووم هاته...

القاسم وهو يرفعه عنه: وش السالفه الكايده اللي شاغلتنك وانا اكلمك و شاقتلك وجههك شق..

هيام: مالك خص فيني مااااالك خص..

القاسم: اهاا انزين بشوف..

هيام وهو يحاول يجيب جهازه من يدين اخوه..القاسم ثبت هيام وجهه للجدار ولوى ذراعه لظهره وبدا يقرا المحادثات و عيونه مفتوحه

الاسم مسجل "فتنة"

القاسم بعصبية: منو هاذ..

هيام: مالك دخل..

القاسم: سالتك وما اكرر سوال..

هيام وهو يتالم: تالمني...قلت مالك دخل..

القاسم وهو يضغط على ذراعه بقوة ويرص على اسنانه قرب شفايفه جنب اذنه وهمس بعصبية: تكلم لا انت ولا هو تشوفون الخير..