حزام الصمت "

11

روايه حزام الصمت (توأم الروح 💛)

الحلقه 11
لتفتح تلك الفاتنه عيناها بعدم تصديق ناظره لوالدها الذي كان يتوقع رده الفعل تلك
مالك وقد ظهر عليه الكبر : قولت ليكي مش هتصدقي
غسق : لا يا بابا انا مبكذبش كلامك ابدا انا بس متفاجئه دي كانها روايه ب الظبط
مالك ناظرا للفراغ : حتي انا حاسسها كدا بس والدتك هيا الي بتاكدلي الحلم دا بسبب المكان دا اتجمعنا
غسق : قصتكم غريبه بحلم ب قصه زيها
مالك بضحك :صدقينا الاختبار كان صعب كدا مش سهل فا قبل ماتتمني لازم تكوني قد الامنيه
لتدخل عليهم امرأه شبيهه لغسق لحد ماا
وهي چونچيا
تبتسم وتتحدث بغيره : قاعدين بتتكلمو من غيري
خونه
مالك ببسمه ونظره عاشقه : كنت بحكي لغسق قصه حبنا يا عضاضه
چونچيا بضحك : هوا حكالك اي ب الظبط
غسق تشد زراعها ببطئ وتجلسها بجوارهم : حكالي كل حاجه وعن حزام الصمت النهارده اكدلي انها مش حدوته ولا حكايه خرافيه دي حقيقه
يا اماليا ياقمر انتي
اماليا بضحك : ثبتيني المهم مش هتروحي الدار
غسق : هروح بس كنت بسمع الحكايه
مالك : معرفش عمي مشغلك معاه ازاي
غسق : جدو محمد دا قلبي من جوه هوا لما فتح دار التحفيظ حب يعمل مكان للبنات الكبار وكدا واكمني خاتمه القرآن تحت ايده فشغلني معاه
وبعدين لسا نص ساعه علي معاد فتح الدار لسا معايه وقت
تجد هاتفها يرن برقم مسجل جدو محمد قلبي انا
مالك يهز راسه علامه لفقدان الامل في ابنته
لتضع الهاتف علي اذنها : حبيبي والله لسه بجيب ف سرتك القلوب عند بعضها
محمد : هششش بس اي راديو اشتغل انا مش قايلك تيجي بدري يابت
لتبتلع غسق ريقها
وينظر لها والدها بشماته وتضحك والدتها
لتكمل : انا ف الطريق اهو
محمد : طريق اي انا لسا مكلم جدك سامر وقالي انك كنتي بتدوري علي مشمشه ( القطه بتاعتها)
غسق لنفسها بصوت عالي اهو الحج سامر دا الي جايبني ورا
وتكمل : ياحج محمد الحج سامر بينسي عنده زهايمر اصلا متخدش بكلامه ومشمشه كلت قلم الروج ف كنت بجري وراها بس
محمد : يارب صبرني عليكي
يستمع لضحك مالك : يامالك ارحمني من البت دي انا طردتها من الشغل مش عاوز مساعدتها
والنصيبه التانيه وهج قرفوني
غسق بزعل مصطنع : بقى كدا يا حج محمد وانا الي جيت علي نفسي وقبلت اكون زوجه تانيه
واقف قصاد حته القمره لولا
محمد : فوضت امري لله
مالك بضحك : الله يكون ف عونك. الاتنين يشلو
ليغلق محمد
وتقف غسق : يلا السلام عليكم بقى ورايه مشاغل
اماليا بضحك : هتروحي تموتي عمو محمد وتيجي صح
غسق بصدمه مصطنعه : متقوليش كدا دا انا رايحه ازهقه بس
الا صح زيزو جاي النهارده هوا والمزه ولا
مالك ينفجر في الضحك
اماليا ب معاتبه : يابت عيب دا عمك و خالتك
بتقولي اي انتي
وتنظر لمالك : انت ساكت ليهاا
مالك بجديه مصطنعه : بنت عيب انتي حياله عندك 24 سنه استني تكملي25  بس
وبعدين انحرفي
غسق : حبيبي ياحج
اماليا تضع يدها علي جبهتها بفقدان امل
لتغادر غسق
ويحتضن مالك اماليا : كنا بنهزر معاكي
اماليا بضحك : عارفه بس حبيت اتقمص الدور
مالك : والله مجنونه
---- في غرفه غسق
تقف امام المرآه تضع النقاب علي وجهها لتكمل ما ينقصها فجمالها فاتن فقررت ارتدائه حتي لا تلفت الانتباه اليها
ولاكن تظهر عيناها الساحره الزرقاء لتذيدها جمالا علي جمالها
تلتقط الهاتف
وتتصل بصديقه عمرها وابنة عمها وهج
: صباح الخير يا عجله
وهج : وعليكم السلام يا كلب البحر
غسق : وصلتي الدار
وهج : ايعقل بردو
انا مستنياكي في العربيه قدام الباب
غسق : صحباااي
لتغلق الخط
وتقبل جدها وجدتها
وتخرج لتجد وهج تنتظرها بسيارتها
ويتجهو الي الدار
(غسق مالك الدمنهوري
25  سنه
تشبه والدتها الي حد كبير
درست بكليه الطب
منتقبه 
( وهج
25 سنه ومتخرجه من نفس جامعه غسق

تشبه والدتها نبري
منتقبه
لها عياده خاصه بهم افتتحوها بعد التخرج. فهم متخرجين من طب اطفال
---------------- في قسم الشرطه
تحديدا مكتب الرائد غافر سامي
شاب في اوائل الثلاثين
عند النظر اليه تجد شاب هادئ سنه لا يظهر عليه فشكله اصغر من سنه
ليقطع شروده
طرقات استطاع تمييزها
: ادخل يا ثائر
يدخل شاب في نفس سن غافر
بوجه بشوش
تقدم وجلس امام غافر
: انا مليت
لينظر له غافر ببرود : اي الجديد
ثائر : طب متيجي ناخد اجازه
غافر : مش قادر تستني خلاص فرح احمد قرب وهناخد كلنا
ثائر : مش قادر وزياده الخير خيرين
غافر : ايوا يعني والمطلوب
ثائر : تقوم معايه نقدم طلب اجازه
غافر : شركه فينوس الليد هيا
انت لو روحت لسياده اللواء هيعلقكك علشان اخر مهمه عملتها
ثائر : عملت اي انا واحد تعب من الجري ورا المجرمين و راح ماك ياكل كفر يعني
غافر : حاشالله يا اخ ثائر
ولا اي حاجه
والمجرمين هربو
ثائر : جبت الدلائل ولا مجبتهاش
غافر : لا جبتها بصراحه عملت الي عليك وزياده
ثائر يقف : هتقوم معايه ولا
غافر : لا هروح مقدرش افوت الي هيحصل لازم اقف اصور
ينظر له باستحقار
ويمشي امامه
-- في مكتب اللواء
جلسو امامه
اللواء ل ثائر : اؤمرني يا رافع راسي يا مشرف المديريه يبتاع مااك
ثائر : مش عارف مالكو ومال ماك لو كنتو جعانين كنتو قولولي وانا اجيب ليكم معايه
اللواء بسخريه : طول عمرك بتحب الخير
انت بتسطعبت يابني هتشلني بقى تروح تاكل وانت بتعمل المهمه
حرام عليك جبتلي السكر من يوم ما اشتغلت هنا دا انا بفكر اتقاعد بسببك
ثائر : بسببي انا حرام عليكو ولله كنت جعان اعمل اي طب اعمل المهمه ازاي وانا جعان هاا افرض وقعت اغمي عليا من الجوع
اللواء : هتشلني الله يخرب بيتك انت عاوز اي قول وخلصني
ثائر : اجازه انا وغافر علشان لم يكمل كلامه
اللواء : اعتبر نفسك خدتها من النهارده معي اننا منقدرش نستغني عن غافر بس اترحم من زنك
ثائر : حبيبي ولله
اللواء : غور ف داهيه يلا
ليجري للخارج
ويخرج ورآه غافر
ثائر بصوت عالي : اخيرا مرواااااح
غافر لم يعد يحتمل لينفجر ضحكا
ويذهب ورائه
وكل شخص يرآه يودعه ويخبره بحصوله علي اجازه والجميع يضحك علي حديثه فمنذ تعين وهوا يضحك جميع من يعمل
يصعدو سيارت غافر
ليشغل السياره
ثائر : علي ماك بسرعه
غافر : يخربيتك انت جعان
مش لسا واكل شورما ولا انا نسيت
ثائر : واكلها من ربع ساعه يعني خمسه عشر دقيقه
غافر : انا اسف ليك
---- في دار تحفيظ القرآن
محمد : نورتو والله تاعبين نفسكم ليه كنت هجيب العيال واجيلكم انا
غسق : ودي تحصل بردو
وهج : ياحج محمد احنا نجيلك لو ف الصين
محمد بستخفاف : واضح دا انا ف الشارع الي وراكم وبتتاخرو صين اي بس
غسق : فرفش كدا بس
وهج : اختارت واحده فينا ولا لسا
محمد بضحك : انتو مش هتبطلو
غسق : لما نشوف هتختار مين فينا زوجه تانيه
محمد : ولا واحده فيكم انا طايقكم كدا
وبعدين انا جدكم ياكلبه منك ليها
غسق : كسرت قلبي
وهج : ومش هعرف اصلحه تاني
محمد : الصبر يارب
------------------
"الكاتبه مي _ محمد "