جلس بجوار امه في الشرفه لتنحني ورد وهي تضع القهوة أمامهم فتنسدل خصلات شعرها الذي تماوجت خصلاته وأعطته هيئه كثيفه جذابه اجتذبته كما أصبح كل شيء يجذبه لها يوما بعد يوم ....انتبه لحديث والدته التي قالت : مش ان الاوان بقي يافريد
عقد حاجبيها باستفهام وهو يمد يده يأخذ فنجان القهوة من ورد :أوان ايه ؟
عقدت هاله حاجبيها باستنكار : فريد .... انت هتعمل زي العيله الصغيرة مراتك
ارتجفت يد ورد بينما نظر فريد لأمه التي أخذت تضحك قائله: كل ما اقولها نفسي في حفيد وشها يحمر ويخضر وتترعش تقولش بنت بنوت لسه مش واحدة متجوزة بقالها سنتين
عقدت ورد حاجبيها واحمر وجهها لتنفلت ضحكه امه وشاكستها وهي تقول : اهي احمرت تاني
نظر فريد تجاهها باستمتاع بينما تسرع بالانسحاب الي غرفه اخواته الفتيات
نظرت لها هاجر :في ايه مالك ياورد ؟
عقدت حاجبيها هاتفه :والله ماانا هكلمها تاني....
نظرت لها هايدي باستفهام : مين ماما ولا هديل ؟
قالت وهي تعض علي شفتيها : ماما هاله
ضحكت هديل قائله : عملت لك ايه ؟
قالت ورد بتعلثم : من الصبح قاعده تتكلم في... في.....الحاجات دي ودلوقتي اهي قالت قدامه كمان
ضحكت هايدي قائله : وفيها ايه هي اتكلمت قدام حد غريب .....امه وبتتكلم معاه
غمزت لها هديل وتابعت : وبعدين مكسوفه اوي ليه كدة ...علي أساس يعني فريد مش بيقل أدبه ده انا هموت واعرف حصل ايه امبارح لما طلعت فجاه ...؟
وكزتها ورد وقد احمرت وجنتيها: بطلي سخافه وقله ادب
قالت هاجر بعقلانيه مزيفه وهي تزجر اختها الصغرى :بس بقي مالوش دعوة بيها
٠٠٠تعالي يارورو احكيلي انا ...
عقدت ورد حاجبيها : بس بقي ياهاجر ...
ضحكت هاجر بمرح :مش هسيبك الا لما تقولي... طبعا كنتي خايبه وقاعده مكانك
تعالت ضحكتها بينما تابعت تقليدها :لا والنبي يافريد متقربش ....بلاش
ضحكت باقي الفتيات لتسالها هايدي :طيب قوليلي انا....؟
زجرتهم ورد بخجل لينقذها صوته منهم : ورد
أسرعت خارج الغرفه :نعم
:انا ماشي
سألته :انت مش هتطلع؟
:لا
:طيب خدني نطلع الاول وبعدين امشي
نظر لها باستفهام :في ايه؟
قالت بخجل :اصل.. اصلهم بيغلسوا عليا
قال بمكر :بيغلسوا في ايه ؟
احمر وجهها
يعني... يعني بيقولوا...صمتت و هزت كتفها :اهي غلاسه وخلاص
قراءه ممتعه بقلم رونا فؤاد
قريبا الجزء الاول ...ايه رايكم وتوقعاتكم
