الفنجان (سقوط الملاك) (مكتملة)

الفصل الاول

الفصل الاول

صباح الخير او مساء الخير عليكم على حسب انتا فاتح امته احب اعرفكم بنفسي انا عبدالرحمن محمد جمال كاتب دي مش اول مره اكتب بس اول مره انشر الي بكتبه ديمن كنت شايف اني افكاري مجنونه و صعب انها تقبل من حد لحد ما فكرت اني اجرب و اديني بجرب في البدايه القصه دي مفيش ليها تصنيف ثابت لا القصه فيها (اكشن و كوميدي و كمان درامه و غموض و رومانسيه) نبدأ القصه بتعتنا بمقدمه


المقدمه

مكان جميل فيه اشجار و زرع و نهر جميل بيلعب جنبه طفل صغير فرحان مش حاسس بحاجه او بخوف همه الوحيد انه يعيش  في سعاده مش اكتر كل الي هو عايزه انه يبتسم و يرسم الابتسامه علي وشوش الناس تعب الطفل من اللعب و نام تحت شجره كبيره و قال (حلوه الدنيا جداً) مكنش عارف اني في حد بيسمع الارض اتهزت من تحته زي ما يكون زلزال و طلع من تحت الارض حاجه شكلها شكل انسان
الطفل : (بخوف) انتا مين
الكائن : انا. انا الدنيا
الطفل : (ابتسم كا عادته) انتا جميل جدا
الدنيا : انا
الطفل : (حرك دماغه) ايوه اوي كمان
الدنيا : (ضحكت بستهزاء) انتا جربت تتعامل مع البشر
الطفل : ايوه
الدنيا : طيب جربت شر البشر
الطفل : و انا اجرب شر البشر ليه انا طيب معاهم علشان كده هما طيبين معايا
الدنيا : (بصت بحزن لي الطفل) شكلك بريء صعب جدا الي ها عمله فيك
الطفل : و انتا تعمل فيا حاجه واحشه ليه أسهل تعاله اللعب معايا

الطفل ساب الدنيا و رجع يكمل لعب تاني و الدنيا بصه ليه بحزن شديد جدا

اسف طولت عليكم تعاله نشوف القصه يا جماعه
بدايه الفصل


اعرفكم بالشخصيات
علي محمد راضي الصمدي : بطل الحكايه كلها و هو الطفل الي كان ماشي في الدنيا سعيد علي شاب زي ما يتقال عنه ابن ناس و من عيله كبيره جدا اسمها عيله الصمدي عنده ٢٠ سنه ايوه عزيزي القارء البطل سنه صغير بس المشاكل بدأت معاه و هو صغير برده و الاحداث بدأت سنه 2000

علي لبس جلبيه فلاحي و قاعد في الغيط من ارضهم اصل هما عندهم ارض كتير ملكهم و ملك عيله الصمدي الي هيا اكبر عيله في قريه تابعه لي مركز تابع لي محافظه المنيا هما اكبر عيله في المحافظه كلها قاعد علي و مريح شويه من الشغل بص في ساعه ايده
انا : يا نهار اسود انا اخرت ده امي ها تنفخني

قومت بسرعه و لفيت الشال علي وشي و رحت علي قصور الصمدي (دي مجموعه قصور كل قصر ليه جنينه و كلهم حولهم سور كبير) دخلت جوه السور و الغفر محدش فيهم عرفني علشان الشال رحت على قصر محمد الصمدي ده ابويا و ده البيت الي عايشين فيه دخلت جوه من باب خلفي لي القصر رحت الاوضه بتعتي خلعت هدومي الي كنت شغال بيها و دخلت الحمام الخاص بالغرفه اخدت دش و رميت الهدوم في  الغساله بسرعه لبست بيجامه البيت و الباب خبط
انا : ادخل
صفاء : (عمتي صفاء هيا مش عمتي هيا شغاله في القصر وصلت القصر ده و هيا بنت ١٨ سنه مع امي يوم ما اتجوزها ابويا امي عندها حكم مينفعش تقول عليها شغاله لا صفاء دي عمتكم و مقامها من مقام اكبر واحد فينا) علي يا ولدي انتا رجعت امته
انا : لسه واصل يا عمتي
صفاء : يابني عرف الحجه. امك عمرها ها تقول لا
انا : انتي عرفه يا عمتي لو امي عرفت سبب شغلي الاساسي ها تزعل و انا بحب اعمل الحاجه دي ليا مش لزم حد يعرفها
صفاء : ربنا معاك يا ولدي و ينصرك و يديك علي قد نيتك الصالحه
انا : امين يا رب
صفاء : يله يا ولدي الحجه بتسأل عليك
انا : انا نازل اهو وراكي

طلعت صفاء و انا سرحت شعري و رشيت برفان و نزلت تحت كانت امي و اخواتي قعدين و كمان مرات اخويا
اعرفكم باخواتي مصطفي الصمدي (مهندس بترول بس مش شغال بالشهاده مصطفي هو رأيس مصنع الصمدي لي الاغذيه و المصنع ده غير كل الاملاك لي العيله الي هيا شرك بين العيله ما عدي أرضنا إلى ورثنا عن ابونا المصنع ملكيه خاصه بينا احنا هو متجوز مصطفي اخويا بس مش من نفس الام بس امي مكبره في كل حاجه يعني الي ميعرفش يقول اني احنا اخوات من الام و امي بتحبه جدا اكتر مني انا و محمود تقريباً )
محمود الصمدي (اخويا الوسطاني محمود عنده ٢٧ سنه خريج حقوق بس برده مش شغال بيها محمود ماسك مزارع المواشي بتعتنا و مش متجوز)
جيهان اسماعيل الصمدي (بنت عمي اسماعيل و اسماعيل هو كبير العيله و كان عمده البلد بتعتنا بس هو متوفي من سنه و نصف و مهندسه زي جمال و متجوزين حب طفوله و كده)
عماد مصطفي الصمدي (ده العسل كله الواد ده انا بعشقه عشق ابن مصطفي الوحيد و هو عنده ١٠ سنين)
نيجي لي الزغلول الكبير غاده هانم العدوي امي و لما اقول غاده العدوي فا انا بقول أعظم ام و مع الاحداث ها تعرفه ليه
انا : ايه مش ها نتغده وله ايه يا بني ادمين
امي : اقعد يا واد
انا : ماشي يا عسله
مصطفي : علي
انا : خير يا ابو عماد
مصطفي : انزل بكره معرض المفروشات نقي المكتب الي يعجبك و جهزت اوضه في المصنع تكون مكتبك
انا : مصطفي موضوع ده مقفول عندي
مصطفى : (بصوت عالي) عللللللي سفرك لي القاهره موضوع مقفول مفيش سفر
انا : ليه انا عايز اسافر انا اخدت سنه اوله في جامعه هنا علشان ارضيكم لكن بعد كده انا هاعمل الي انا عايزه و اللي يريحني انا
مصطفى : يا علي انتا ليه عايز تكون ديمن مختلف كل شباب العيله دخله جامع اسيوط و اتخرجه منها يا جامعه بني سويف انتا عايز تروح بعيد ليه
انا : علشان ها كون مرتاح هناك
محمود : يا علي براحه شويه دلوقتي اسيوط لينا حبايب في الجامعه هنا و هناك نعرف نعمل الي احنا عايزنه و كمان لو حصلت مشكله و انتا طول عمرك بتاع مشاكل
انا : يا جماعه عايز اكون براحتي
جيهان : انتا اهو براحتك يا علي
مصطفي : بص لو فضلت هنا ها شتري ليك عربيه جديده مديل السنه و النوع الي تختاره
انا : دي رشوه يعني
مصطفي : (بابتسامه الانه حس اني مقتنع) ايوه
انا : (اتنرفزت جدا عشان شايف اني بعمل كد علشان اطلع بمصلحه) و انا مش موافق يا باش مهندس
جيهان : طيب ايه يا حجه (امي مش بتحب كلمه ماما او طنط) رأيك
امي : (بصت لينا ببرود) علي انا حضرت بيت و عربيه و كمان المحل الي طلبته في القاهره
مصطفي : انتي بتقولي ايه يا ماما (هو الوحيد الي بيقول لي امي يا ماما و هيا بتحبها منه)
امي : لما الكبير يغلط لزم الم وراه تعرض على اخوك رشوه يا مصطفي مقام اخوك عندك و وجوده جنبك عربيه

الكل سكت و كمل اكله و هو ساكت خالص


في مشهد اخر

و هو فيلا في حي راقي جدا جدا من احياء القاهره
بنت جميله جدا اسمها سندي قاعده قدام كمبيوتر بتتكلم مع اصحابها على برنامج الياهو مع واحده صحبتها اسمها ليله
ليله : بجد يا سندي
سندي : ايوه بجد ماما وافقت اني ادخل الجامعه معاكم
ليله : كويس جداً بدل ما اكون لوحدي
سندي : اهو يا ستي انا معاكي و كمان خالد و مني
ليله : طيب خالد كان كلمني في حاجه كده
سندي : ايه هيا خير
ليله : خالد عايز يرتبط بيكي
سندي : ليله الموضوع ده مقفول عندي انا مش بتاعت ارتباط و الكلام الفاضي ده فهميه كده وله افهمه انا و انتي عارفه اسلوبي
ليله : ليه بس خالد ده شاب ظريف
سندي : لي نفسه و لي روحه مش ليا و بعدين انا كنت بتمشي معاه في النادي في مره اتعاكست و هو عمل عبيط
ليله : راجل اوبن ميند مش بلطجي
سندي : و انا مش عايزه بلطجي عايزه راجل يغير عليا يحميني مش راجل نص لبه يشوف حببته بتتعاكس يقف يتفرج او يعمل مش سامع باسم المكانه الاجتماعيه و مش ها نزل مستوايه لي الناس دي
ليله : يا بنتي افهمي
سندي : ليله اقفلي القصه دي عايزه ادخل انام
ليله : ماشي يا سندي براحتك
سندي : سلام
ليله : سلام

قفلت الشات روم و طفت الجهاز و راحت السرير بتعها علشان تنام و هيا في منتهي البرائه مش عرفه القدر مخبي ايه ليها و الصراحه القدر مش مخبي ليها شويه

المشهد الرئيسي

تاني يوم يصحي بطلنا من النوم و حياتي بتمشي زي ما رسمها بالظبط او زي ما كان متخيل انه راسم اخد دش و غير هدومه و صلي الفجر حاضر و لبس و هو مجهز شنطه هدومه و كمان ملفه الخاص نزل تحت و كان أهل البيت موجودين
محمود : يابني لسه بدري ارجع عن القرار ده
انا : محمود انتا عارف لما اخد قرار لزم انفذه
مصطفي : (بشده في الكلام) خلاص يا محمود اخوك مقرر
انا : انتا عارف يا مصطفي
امي : (بحنيه) ربنا معاك يابني
انا : (بوست ايد امي) انا عايش و ها عيش بدعوه منك انتي
صفاء : ربنا يوقف ليك ولاد الحلال يا علي
انا : امين يا عمتي..... يله اتكل انا

طلعت بره القصر و رحت اركب عربيتي الجديده و كانت بي ام دبليو مودل سنه  2000 حطيت الشنط بتعتي و ركبت رحت عند فيلا مش بعيده و ضربت كام كلكس نزل من الفيلا ابن خالتي و اخويا في الرضاعه محمد منتصر محمد اساسا طالب في الكليه دي بس هو في تانيه
محمد : يخربيتك صحيت البلد كلها
انا : انتا الي مش راضي تنزل
محمد : اديني نزلت بس ايه العربيه الجامده دي
انا : هديه خالتك غاده
محمد : ماشي يا عم (حط الشنط بتعته و ركب جنبي)
انا : بص يا عم انتا هناك اوعي جو وصلني و وديني و جبني
محمد : لا خلاص الحج منتصر جاب عربيه ليا على فكره مش امك بس الي تعرف تجيب هدايه الحج منتصر جامد برده
انا : ماشي يا ابن الجامد هههههه بس ربنا يستر متكنش عربيه من الحرب العالميه
محمد : لالا يا عم ابويا شرير بس مش اوي كده
انا : طيب

اتحركنا من قدام بيت محمد و مسكنا الطريق لي القاهره انا سايق و محمد ياخد مكاني شويه لحد ما وصلنا القاهره وصلنا لي الجامعه علي طول دخلنا جوه و كان الورق واصل و جاهز رحت مضيت شويه ورق بس و دخلت على سنه تانيه علي طول كانت زحمه و طلبه كتير جيه تقدم خلصت ورقي و رحت مع محمد علي كافتيريا الجامعه دخلت و قعدنا ولعت سيجاره و قام محمد يجيب قهوه و رجع
محمد : ممكن اعرف انتا رافض تيجي تقعد معايا ليه في الشقه
انا : يا عم علشان اكون براحتي
محمد : ليه ناوي تجيب نساء في الشقه ههههههه
انا : هههههه لا ياعم انا مش زيك انتا عارف
محمد : ماشي يا ابن خالتي طيب و المحل الي طلبته
انا : ده مش محل ده بيت دورين في المعادي ناوي افتح الدور الاول مطعم خمس نجوم و الدور التاني كافيه
محمد : بس ده سطح يابني
انا : عارف بس ها يكون مكان مفتوح و غير كده ها يكون في مظله علشان الشمس و المطر في الشتاء
محمد : هيا فكره غير كده جديده (في الوقت ده كانت جديده) و مش معموله غير في كافيه واحد بس
انا : عارف علشان كده ناوي اعملها.... هو مفيش حمام هنا
محمد : في بس في المبني التاني
انا : طيب ها روح و راجع
محمد : رايح فين
انا : بسأل على الحمام ها كون رايح فين يعني رايح مجلس الامن
محمد : خلاص خلاص ابو شكلك محدش يعرف يخلص منك الكلمه باتنين

سبت محمد و انا بدحك و انا ماشي خبط في واحده وش في وش و كانت مسكه كبايه قهوه اتكبت عليا كلها و انا كنت لبس تي شرت ابيض مع البن حاجه الله اكبر يعني مفيش التي شرت باظ خالص
واحده : مش تفتح
انا : (مغمض عيني و ها نفجر علشان مش بحب لبسي يكون مش نضيف تمالكت اعصابي) حصل خير يا انسه
واحده : (بصت لي لبسي و القهوه الي وصلت لحد وشي فوق اتحرجت) انا اسفه بجد
انا : (ابتسمت ليها) حصل خير يا انسه بعد اذنك

سبتها و انا ماشي بس بمد في المشي لحد ما وصلت لي العربيه فتحت جبت قميص تاني و ساعه علشان القميص و رحت على الحمام بسرعه غيرت هدومي و رجعت التي شيرت مكانه و رجعت تاني الكافتيريا لقيت محمد قاعد مع شله شباب
انا : اخرت عليك
محمد : (بستغراب) ايه ده انتا غيرت
انا : معلش قهوه وقعت علي التي شرت
محمد : طيب احب اعرفك على اصحابي خالد و ليله و منة اعرفكم يا شباب علي محمد الصمدي ابن خالتي و اخويا و صديقي
خالد : اهلا يا علي تشرفنا
انا : الشرف ليا
محمد : اقعد يابني اقعد
انا : (قعدت و ولعت سيجاره)
خالد : انتا لسه سنه اوله يا علي
انا : لا سنه تانيه لسه محول جديد
منة : انتا ليه حولت
انا : عادي حبيت اني اروح بعيد شويه
ليله : (بعين حمدي الوزير المتحرش) كويس انك زهقت علشان نشوف العينات دي
انا : (طنشت كلمتها)

دخلت علينا بنت
ليله : ايه يا بنتي اخرتي ليه
واحده : معلش القهوه و انا راجعه بيها خبط في واد كده و اتكبت عليه بس كان ايه موز الصراحه
ليله : ايوه بقي يا سندود انحرفنا
واحده : بس يا بت الصراحه عليه غمازات قمر
خالد : (سمع كلام ليله و قرر يغير عليها اتكلم بعصبيه) خلاص يا سندي في ايه
محمد : طيب يا شباب مش تعرفوني على الوشوش الجديده انتي جديده هنا يا سندي
سندي : ايوه في سنه اوله
ليله : ده محمد يا ستي من الشله من الصعيد و ده (رجعت بضهرها لي وره علشان كانت مغطيه عليا و هيا مش شيفاني) علي محمد الصمدي ابن خالت محمد و طالب جديد بس هو داخل علي تانيه
سندي : (بصت عليا و وشها احمر من الكسوف)
انا : (ابتسمت ليها علشان الموقف محرج اساسا) اهلاً يا سندي
سندي : (محرجه اكتر من الابتسامه بتعتي) اهلاً يا علي
ليله : (كلمت سندي بصوت واطي) في ايه مكسوفه ليه
سندي : (ردت عليها بنفس الطريقه) ده الي خبط فيه و انا جيه
ليله : (بصوت عالي و صدمه) الموز

كلنا سمعنا صوتها و انا اتحرجت اكتر و كمان سندي و خالد كان قاعد بياكل في نفسه انته عرفين ليه بس انا كا علي معرفش ههههههه قعدت ساكت
منة : بس مش شايفين بقعه قهوه على اللبس
انا : انا غيرت معايا لبس في العربيه غيرت منه
محمد : لا مش علشان احنا لسه وصلين من المنيا بس لا الباشا مستر برفكت يعني بيمشي و معاه طقم في العربيه لي المواقف الي زي دي
خالد : (بقرف) بجد و على كده فيها جلاليب فلاحي
انا : (بصيت ليه بغرور) ايوه
خالد : (بقرف) يعععع فلاح يعني
انا : (ابتسمت بتكبر) ايوه فلاح و بنزل الارض بنفسي
خالد : طيب يا حبيبي ارجع تاني علشان هنا مش مكانك
انا : انتا شايف اني الجلبيه الفلاحي حاجه بلدي صح
خالد : (بتكبر) طبعا
محمد : (بتحذير) خاااااالد
انا : ( مسكت ايد محمد علشان يسكت) عارف انا كل فصل صيف او شتاء لزم اشتري طقم جديد الطقم ده مكون من ستين جلبيه الواحده بس منها تكلفني تفصيل بس الف جنيه (سنه الف ده مش مبلغ صغير لا ده مبلغ ضخم) قيس على كده الصيف شوف انا بلبس اللبس انتي انتا بتقول عليه بلدي بكام و انتا بتلبس اللبس الكاجول بكام
خالد : (دمه محروق) مش بلبس على فكره
انا : (بنفس البرود) عارف بس انتا الي حسبتها كده لما استهزئت بلبسي (بصيت لي محمد) ها تروح معايا وله
محمد : (باصص لي خالد بقرف) لا جي معاك
انا : (قومت و انا مبتسم) تشرفت بمعرفتكم سلام

سبتهم و مشيت و محمد معايا لحد العربيه ركبنا و اتحركنا و هما لسه مكانهم
ليله : واو هو الصعيد في الحجات الحلوه دي
منة : في بس زي الواد ده لا يعني هو غير محمد خالص محمد لو في ايده ايه يسيبه و يجي جري لكن ده واد راسي و عاقل و الابتسامه مش مفارقه واشه
ليله : (ليله اساسا المانيا و بتدرس في مصر اختار اسم ليله ليها علشان تكون طبيعيه وسط الناس في مصر) لو في من علي بس يكون الماني تبقي عظمه بجد بس اشطا مصري مصري مش ها تفرق
منة : سندي يا سندي سرحانه في ايه
سندي : (فاقت من السرحان) ها لا وله حاجه عادي
ليله : بعد اذنك يا خالد بلاش تعامل علي باسلوب واحش
خالد : (بغيره واضحه جدا) اشمعنا يعني (كان نفسي هنا اقول متغاظ شكلك يلاا مننا متغاظ  بس الاغنيه دي مش موجوده غير في عشرين واحد و عشرين نفقد مصداقيتنا عزيزي القارء)
ليله : علشان يقعد شويه أصله عسل اوي
خالد : براحتكم (قام) يله يا سندي اوصلك
سندي : (باستغراب) توصلني!!!!! اشمعنا
خالد : علشان محدش يديقك في الطريق
سندي : من امته يا خالد (بحزم) خالد اتفضل انتا انا اعرف ارجع بيتي لوحدي اتفضل

بص ليها خالد شويه و كان ها يعيط من الكسوف و مشي
سندي : ليله
ليله : عيوني
سندي : انتي صحبتي و اختي بس لو فكرتي مره تانيه تعرفي حد كلمه انا قولتها عليه في ضهره ها تشوفي مني وش كرهه مش كويس
منة : ايه يا بنات شدين على بعض ليه
سندي : يرضيكي انتي احكي ليها على حاجه و هيا تطلعها بره
منة : الصراحه لا
سندي : اهو انا امبارح كنت بتكلم معاها عن خالد و قد ايه هو مش راجل اجي النهارده اشوف اسلوبه معايا متغير خالص اكيد مش من فراغ
منة : بصي لو اتغير علشانك خلاص كويس
سندي : كويس ماشي بس لو متغير علشان نفسه مش علشاني انا لو متغير علشاني يعني ممكن يتغير علشان واحده احلي مني
منة : في ايه يا بت انتي هو في احلى منك (وصف سندي هيا قصيره ١٦٠ سم بشرتها بيضاء شعرها باللون الاصفر و عيون خضره شبه الاجانب اكتر يمكن اكتر من ليله نفسها)
سندي : ايوه انا مخلوقه جميله بس في اجمل مني بصي يا بنات لو ها بص لي راجل لزم يبص لي سندي مش شكل سندي ايه
ليله : انا مش فهمه دماغك لحد دلوقتي
سندي : عمرك ما تفهمي الي بفكر فيه ابداً انا ماشيه

قامت سندي مشيت و منة سرحانه
ليله : منة في ايه يا بنتي
منة : مش مرتاحه لي الواد الي اسمه علي
ليله : اشمعنا
منة : محمد لو انا قعده عمره ما يقوم اشمعنا دلوقتي
ليله : علشان علي زعل من كلام خالد علشان كده قام مشي معاه اوعي تنسي كلمه محمد لما عرفنا عليه أخويا و ابن خالتي
منة : مش عرفه مش مرتاح ليه خالص
ليله : انتي عندك وسواس قهري يا بنتي
منة : ها تشوفي بكره تقولي منة قالت الواد ده مش ها يجي من وره غير المشاكل
ليله : (بخبث) طيب الي يبعد علي عن طريق محمد
منة : ازي
ليله : دي بتعتي انا

المشهد الرئيسي

وصلت محمد لحد الشقه بتعته و طلعت انا على البيت بتاعي في القاهره دخلت جوه و نزلت الشنط و ركنت العربيه اخدت دش و رتبت الهدوم في الدولاب و قعدت قدام التلفزيون لحد ما تلفوني رن كان قدري محمد
انا : عايز ايه انا لسه سيبك
محمد : يابني تعاله ننزل بليل
انا : لا يا عم بليل مش نازل
محمد :اشمعنا
انا : ها نام ياعم تعبان جدا
محمد: انتا جي القاهره علشان تنام
انا: معلش خليها بكره علشان النهارده مريح شويه بكره ننزل اعدي على مكتب الديكور اشوف المهندس الي  ها يشتغل في المطعم و ننزل
محمد : ماشي يا محمد نتقابل بكره
انا : ماشي سلام
محمد : سلام

قفلت مع محمد و كلمت امي اطمن عليها
امي : اهلا يا واطي
انا : وحشاني يا حجه
امي : و انتا اكتر يا كلب ها وصلت و ارتحت
انا : ايوه يا ستي تمام
امي : طيب عملت ايه في الجامعه
انا : خلاص خلصت ورقي و الدنيا تمام رايح بكره اشوف مهندس الديكور
امي : طيب يا حبيبي ها تنزل النهارده
انا : لا يا ماما مريح
امي : طيب يا روح امك عارف يا علي بعد كل ده لو طلعت بماده واحده بس هاعمل فيك ايه ها علقك زي سيخ الشاورما ماشي يابا
انا : هههههه ماشي يا سيد المعلمين
امي : يله اقفل دلوقتي سلام
انا : سلام

قفلت مع امي التلفون

في مشهد اخر


امي بعد ما قفلت معايا
محمود : ها يا ماما
امي : محمود انسي حياه
محمود : لا يا ماما مش ها نسي حياه علشان بحبها
امي : طيب يا حبيبي انتا بتحبها و بعدين
محمود : اتجوزها
امي : (بصت لي محمود شويه و بعد كده ابتسمت) طيب يا ابن بطني اجهز نروح نزور خالتك النهارده
محمود : (قام بسرعه) بجد يا ماما
امي : (مبتسمه) ايوه يا حبيبي يله روح جهز نفسك
محمود : (باس ايد امي) جرى

طلع محمود لي الاوضه بتعته جري يلبس
امي : صفاء هاتي عده القهوه
صفاء : (جابت صينيه عليها عده القهوه و الفناجين) اتفضلي
امي : (فتحت العلبه و بتعمل القهوه و هيا سرحانه)
صفاء : مالك يا حجه
امي : ولاد محمد الصمدي متعبين اكتر من محمد الله يرحمه نفسه
صفاء : الله يرحمه
امي : (خلصت القهوه) امسكي تعالي اقعدي جنبي
صفاء : (قعدت و مسكت القهوه) خير يا حجه
امي : دلوقتي علي سافر القاهره و محمود مصمم يتجوز حياه و مصطفي ملهي في الشغل الي رغم انه مسكه من زمان بس يغرق في شبر مايه
صفاء : طيب الباش مهندس مصطفي و شغال رغم اني بيكسب بس مش المكسب الي هو و محمود عمل معملش الي في دماغه في دماغه و مش ها يسيب حياه ابداً
امي : و الحيوان الي سافر ده انا عرفه انه ها يعمل مشاكل كتير اوي
صفاء : ليه بس ده علي طيب
امي : انا مش بخاف غير من الطيب لسه اخضر في الدنيا و الي زي علي يوم ما حد يدوس على الضل بتاعه يقلب قلبه مش حلوه
صفاء : ندعي ليه و ربنا اكيد معاه
امي : امين يا رب

قعده شربه القهوه و امي طلعت تلبس و جهزت نزلت تحت محمود كان مستني اخدته و محمود جهز واجب محترم و ركبه العربيه و راحه على بيت خالتي علياء خالتي علياء هيا اخت امي الصغيره و ام محمد  تبقي اخت امي التوئم بس توفت و هيا بتولد محمد خالتي  متجوزه عمو عمر كان صاحب ابويا من وهما صغيرين و حتي عمو منتصر ابو محمد عمر يبقي لواء جيش على المعاش وصله هناك و خبطه فتحت الشغاله
الشغاله : (بفرحه) حجه غاده ازيك يا حجه ليكي واحشه
امي : اذيك يا بت عمله ايه
الشغاله : تمام يا حجه
امي : فين البت علياء
الشغاله : اتفضلي انده ليها دلوقتي

دخله و قعده في الصالون و شويه و نزلت خالتي بسرعه من فوق و اخدت امي بالحض
علياء : غاده وحشاني يا غاده
امي : و انتي اكتر يا حببتي عمله ايه
علياء : الحمدلله عامل ايه يا واد يا محمود
محمود : كويس يا خالتي انتي عمله ايه
علياء : تمام بس لو بتسأل يا كلب
امي : خلاص يا علياء الواد كبر على الكلام ده
علياء : ماشي اقعده اقعدة

قعده
امي : فين جوزك يا علياء
علياء : (بتوتر) عمر عمر عمر راح مشوار و جي
امي : (بصت في عنيها شويه) ماشي
علياء : تشربي ايه يا غاده
امي : انتي عرفه مش بشرب غير القهوه
علياء: ثواني و اعملها بايدي
امي : فين بنتك
علياء : حياه نيمه
امي : (ابتسمت) ماشي
علياء : (راحت المطبخ)
امي : محمود
محمود : ايوه يا ماما
امي : اياك تتكلم مع خالتك في حاجه
محمود : (باستغراب) ليه
امي : اسمع كلامي و انتا ساكت احنا هنا نزور خالتك
محمود : بس
امي : (بلهجه هجوميه) مفيش بس اسمع و انتا ساكت

رجعت خالتي و معاها القهوه
علياء : اتفضلي يا حببتي وحشاني اوي يا غاده حتي حياه كمان بتسأل عليكي
امي : لا هو باين اوي
علياء : (بكسوف) اشرب يا محمود يا حبيبي عامل ايه يا واد و عامل ايه في شغلك
محمود : تمام يا خالتي انا و ماما كنا عايزن عمو عمر علشان انا يشرفني اطلب ايد بنت حضرتك حياه
امي : (طول عمرك غبي زي خالتك) طبعاً يا علياء ده شيء يشرفني
علياء : (بصه لي محمود لي امي) اييييييي

قطع الكلام صوت نزول على السلم و كان عمر جوز خالتي
عمر : احنا مش موافقين
محمود : ليه بس يا عمو هو في احسن مني لي حياه
عمر : (ببرود) ايوه
محمود : (مستغرب و متنرفز جدا) مين هو ده
عمر : واحد و مفتكرش اني ده يفرق عندك انا مش ها جوزك بنتي وله احط ايدي في ايدك انتا او حد من اخواتك او عيله الصمدي كلها
امي : طيب (قامت و خلعت خاتم جوزها من ابويا و حطته في ايد عمر) ماشي يا عمر انتا عندك حياه و الخاتم بتاعي في ايدك خليك فاكر اني طول عمري برجع علشان اخد الحاجه بتعتي يله يا محمود

امي اخدت محمود و مشيت و عمر حط الخاتم على التربيزه قدامه و مسك راسه من الصدمه الكبيره و فضل رايح جي رايح جي رايح جي
علياء : في ايه يا عمر متوتر ليه
عمر : مصيبه دي مصيبه (شاور على الخاتم)
علياء : ليه بس و بعدين انا مش فهمه الحركه دي
عمر : عرفه اخر مره اختك خلعت الخاتم ده كان لي سمر الصمدي مرات إسماعيل ابو جيهان سمر وقفت قدمها و قالت على جثتي اجوز بنتي لي ابنك و بعدها باسبوع راحت سمر زي الكلبه علشان تجوز جيهان لي مصطفي اختك لو خلعت خاتم محمد يبقي في مصيبه و الخاتم ده هو الحاجه الوحيده الي بتفكرها بجوزها معني كده انهي مش واقف قدام غاده مرات محمد الصمدي كده انا واقف قدام غاده جمال العدوي عرفه اختك عمله ازي محدش يقدر يقف قدام غاده اختك
علياء: طيب انتا رافض ليه فهمني من قبل ما يموت محمد و انتا مش طايق اسم الصمدي
عمر : الي بيني و بين محمد يخصني انا و محمد
علياء : طيب فهمني انتا مش عايز تجوزهم لي بعض ليه
عمر : مش ها تفهمي يا علياء انتي مش فهمه حجم المصيبه الي احنا فيها

في مشهد اخر

وصلت امي و محمود البيت و دخله امي مبتسمه و محمود بوزه شبرين و غضبان
امي : مالك يا واد فيك ايه
محمود : مش فاهم عمي عمر مش موافق ليه
امي : ملكش دعوه ها يجي بنفسه لحد عندي
محمود : بجد يا ماما
امي : مش علشان سواد عيونك يا محمود علشان انا رحت لحد بيته يعمل زي النسوان و يستخبي مني و غير كده يخلي اختي تكذب عليا انا ماشي يا عمر الكلب انا ها ربيك يله روح اطلع نام علشان الشغل بكره يله
محمود : ماشي يا ماما (باس ايد امي) تصبحي علي خير
امي : و انتا من اهله


المشهد الرئيسي

يوم تاني صحي فيه البطل من النوم على الضهر صلي الصبح و الضهر و اخد دش و غير هدومه و نزل اخد عربيته و راح على مكتب المهندس بتاع الديكور و ظبت كل حاجه
حماده : بص يا استاذ علي انا هاعمل شغل محصلش بس كل حاجه و ليها التكلفه بتعتها
انا : انا فاهم يا باش مهندس مفيش عندي مشكله بس اهم حاجه اعمل افتتاح بدري
حماده : الروف ها يكون كافيه يعني ممكن نعمل حاجه اسمها نجيله صناعي لسه نزله جديد زي النجيله العاديه بس بتكون بلاستيك و نعمل شويه شغل بالقزار من الاجناب و الدور الي تحت ها تكون الواجهه ثلث طوب و ثلثين قزاز و الالوان حضرتك عايزها ايه
انا : اسود في دهبي
حماده : (فكر شويه و طلع كتالوج) الرسومات عايزها كده
انا : (بصيت لي الرسومات) انا عايز الرسمه دي
حماده : تمام يا فندم احنا ها نخلص التشطيب في خلال اسبوع و الانوار و اللايت ياخد منا يوم
انا : تمام يا باش مهندس و انا بعد بكره ها يوصلك اول دفعه من حسابك
حماده : تمام يا علي بيه احنا ها نبدأ من بكره الصبح بس حضرتك ها تسيب المفتاح
انا : (طلعت المفتاح) اتفضل ها نتقابل بكره بإذن الله
حماده : ان شاء الله

طلعت من المكتب و كلمت محمد
انا : ايه يابني
محمد : صباح الفل يا علوه
انا : انتا فين يا اخر صبري
محمد : في النادي
انا : نادي من امته يا معفن
محمد : ههههههه من يومي اسمع تعاله نفطر مع بعض هنا
انا : طيب انا جي في السكه
محمد : طيب انا مستني

عند محمد في النادي قاعد مع اصحابه
ليله : ايه جي
محمد : ايوه
خالد : طيب ها يدخل ازي
محمد : عادي من البوابه
خالد : ياعم محدش بيدخل هنا بعربيه و لو مش مشترك مستحيل يدخل
محمد : يابني انتا ايه محسسني انك بتتكلم عن عيل صغير ده علي يابني
خالد : لو مين برده مش ها يدخل
منة : يا محمد صعب
محمد : طيب انا هاعمل معاكم رهان لو انا كسبت تحاسب منة على الفطار و انتا تديني ١٠٠ جنيه ممضيه منك و كاتب فوق اسمك انا حمار ماشي
خالد : طيب لو انتا خسرت
محمد : لو انا خسرت ادي كل واحد فيكم ١٠٠ جنيه ممضيه باسمي و عليها كلمه انا حمار
خالد : انا موافق
ليله : طلعوني بره الرهان ده و علقه معايا
محمد : و انا موافق
خالد : و انا كمان

طلعه الفلوس و كله مضي و شاله الفلوس دي مع ليله نص ساعه و وصلت انا
انا : ايه اخرت
محمد : (مبتسم) الصراحه قولت مش ها تعرف تدخل
انا : عيب عليك
محمد : و دخلت العربيه
انا : طبعا يعني اركنها بره
ليله : انتا دخلت ازي
انا : عادي عم محمد هو الي دخلني
محمد : طيب كلم عمك انتا
انا : انتا عارف عمي رخم
خالد : و انتا عمك شغال ايه علشان يدخلك
انا : عمي انا
خالد : لا خيالك
انا : عمي حمدان مدير امن القاهره
محمد : ههههههه ايدك على الرهان يا لولو
ليله : حقك (ادته الفلوس)
محمد : تسلم يا قمر
انا : رهان ايه ده
ليله : ده رهان بين محمد و خالد و منة و الي يكسب ياخد من التاني فلوس مكتوب عليها انا حمار و ممضي عليها
انا : اممم طيب هات الفلوس يا محمد
محمد : عيني
انا : (اخدت الفلوس الي كان ماضي عليها خالد و هو متوتر فاكر اني ها حتفظ بيها بس قطعتها قدامه) عيب يا محمد عيب احنا مش عيال صغيره
محمد : (فهم انا بفكر في ايه) كلامك ماشي يا ابن خالتي ايه مش ها نفطر يا منة اوعي تنسي انتي لي عزمه انتي خسرتي الرهان
منة : اخركم سندويتش جبنه
انا : سندويتش جبنه لا ياعم انا اروح اكل في بتنا اكرم ليا
ليله : انتا بس قول عايز تفطر ايه و منة تحاسب برده
منة : يا جزمه بعتيني في ثانيه

دخلت علينا سندي
سندي : صباح الخير يا شباب عملين ايه
ليله : اخرتي يعني
سندي : فتشه العربيه بره و صدعوني
خالد : ايه ازي يفتشوكي
سندي : ياعم اقعد انتا نفسك بتتفتش
انا : لو سمحت لو سمحت
ويتر : ايوه يا فندم
انا : ايه ياعم كنت بتعزي
ويتر : (استغرب) نعم يا فندم
انا : ايه ياعم بهزر معاك عادي وله انتا مش بتحب الهزار
ويتر : (ابتسم) لا يا فندم تحت امرك
انا : الامر لله واحده بص اظبط لينا فطار علي زوقك
ويتر : فطار كامل
انا : كامل لي ست اشخاص
ويتر : تمام يا فندم تحبه بعد الفطار ايه
انا : عندكم بن كويس
ويتر : ممتاز يا فندم
انا : طيب بعدها عايز فنجان قهوه
محمد : و انا قهوه
ليله : عصير برتقال
منة : ممكن بيبسي
خالد : بيبسي
سندي : لا وله حاجه
ويتر : تمام يا فندم دقايق و الاكل يكون جاهز
انا : ماشي شكرا

مشي الويتر
محمد : مش ها تبطل اسلوبك ده
انا : ليه يابني
محمد : مش اي حد تهزر معاه يا علي
ليله : ايوه ده مش من مستواك اصلاً
انا : (ابتسمت) بصي يا ليله الي انتي شيفاه مش من مستوايه ده مش شغال علشان حابب الشغل لا هو شغال علشان ضغوط الحياه عليه كبيره لو مش كبيره مكنش قبل باي شغل و جه اشتغل هنا ينزل طلبات لي الناس مهما كان مستواهم ايه عرفه لو ام علي سمعتك كانت عملت فيكي ايه امي عندها التعبان الشقيان احسن مليون مره من اي حد تاني
محمد : وحشاني الست دي والله
انا : طيب كلمها علشان لو فضلت كده انتا عارف
محمد : (مسك ودنه) لالا خلاص اكلمها

جيه الفطار و فطرنا كلنا مع بعض و بعدها خلصنا
انا : الحمدلله الاكل تحفه
ويتر : في اي تعليق على الاكل يا فندم
انا : لا الاكل حلو شكراً
ويتر : تمام يا فندم

مشي و انا ولعت سيجاره و لقيت حد حط ايده على كتفي
شخص : انتا علي محمد
انا : (استغرب الان شكله يخوف راس بني آدم و جسم عضلات) ايوه انا علي الصمدي خير
شخص : اتفضل معايا
انا : خير انتا مين
شخص : انا الحارس الشخصي لي أسر باشا ابو المجد الباشا عايز يشوفك
انا : طيب انا معرفش الباشا بتاعك اقبله فين
شخص : الباشا جي النادي دلوقتي بس هو طلبك
انا : طيب يشرف الباشا بتاعك

مشي الحارس و وقف على جنب بس عينه عليا
محمد : مين أسر ابو المجد
انا : وله اعرف
محمد : (طلع تلفونه)
انا : ها تعمل ايه
محمد : ها كلم عمي اشرف (اشرف نائب في مجلس الشعب و عضو في الحزب الوطني)
انا : لالا فكك مش محتاجه و بعدين ممكن يكون سوء تفاهم نعمل حوار من وله حاجه
ليله : ليه لا
انا : ها يكون حوار من وله حوار

بعد شويه جيه الحارس ده تاني
الحارس : الباشا وصل اتفضل
انا : ماشي

قومت معاه و رحنا لي تربيزه قاعد عليها راجل في سن الخمسين و لبس بدله شيك و نضاره شمس و ماسك جرنال و حوليه حراسه كبيره اول ما قربنا فتشوني انا مش فاهم في ايه وله ليه كل ده
أسر : (لسه باصص في الجرنال) انتا علي
انا : ايوه انا علي الصمدي انتا مين
أسر : انتا متسألش قدامك ملف فيه عقد بيع ها تبيع البيت الي انتا ها تفتحه مطعم على ٢٠٠ الف جنيه
انا : البيت يساوي فوق النص مليون جنيه
أسر : ده الي عندي و ده لي مصلحتك
انا : (واقف قدامه ولعت سيجاره) بص انتا لا تعرفي وله انا اعرفك انا قاعد بارد و بتأمر و تتأمر متخيل اني ها وافق
أسر : (بص ليا و طبق الجرنال) انتا عندك كام سنه يابني
انا : ٢٠ سنه
أسر : انتا من سن ابني بص بيع البيت و خد الفلوس
انا : طيب انتا مستفيد ايه من البيت ده
أسر : صاحب البيت ده انا عرضت عليه اني اشتريه البيت بمليون جنيه بس هو رفض و عاند معايا و انا محدش يعاند معايا
انا : طيب انا عرضت عليه مليون جنيه و رفض و هو كان عنيد بس انتا وقعت في ملك العند انا مش ها بيع خالص سلام

سبته و لفيت وشي رحت قعدت على التربيزه
ليله : و ده عايز ايه
انا : عايز يشتري المطعم بتاعي
محمد : اشمعنا
انا : على كلامه صاحب البيت الي قبلي عاند فيه و رفض البيع و هو جي ليا انا و بتكلم بصيغه امر
محمد : طيب بيع عادي
انا : محمد لما تروح تشتري حاجه من حد هو الي يجي لي عندك وله انتا ترحله و لما تتكلم يكون من غير تهديد
محمد :طيب انتا
انا : محمد اوعي تقول كلم حد انا جي بعيد علشان مطلبش من حد حاجه
محمد : براحتك يا علي بس انا عامل عليك
سندي : هو انتا ها تفتح مطعم
انا : ايوه مطعم و كافيه
سندي : مبروك
منة : ما تيجي نروح حته نقعد فيها او نتمشي
انا : عايز حد يجي معايا اختار شويه حاجت في الديكور
محمد : انا جي معاك
انا : لا انتا الزوق بتاعك بلح
ليله : طيب انا ممكن اجي معاك
انا : ماشي
محمد : روحي معاهم يا سندي
سندي : اوكي
انا : طيب نتحرك

دفعنا الحساب و طلعنا بره اخدت العربيه و معايا ليله و سندي و ليله قعده جنبي
انا : انتي منين يا ليله اصل لهجتك مش مصري اوي يعني
ليله : انا من المانيا بس عشت في مصر سنه و نص
انا : اه و انتي يا سندي
سندي : من المعادي
ليله : انتا بابك شغال ايه يا علي
انا : الحج ابو على كان مهندس بس الله يرحمه متوفي من زمان
ليله : اه اسفه
انا : لا عادي
سندي : كان مهندس ايه
انا : كيميائي
سندي : زي بابا يعني اصل بابا مهندس كيميائي بس اخد شويه دراسات و ابحاث في الطاقه النووي
انا : تمام

وصلنا لي مكان تجهيز المطاعم محل متخصص في الحاجات دي و دخلنا و كل شويه هما يختاره حاجه انا كان نفسي اختار زيهم والله بس مش عارف (نصيحه عزيزي القارئ لو نازل تشتري حاجه مع ست انسي فكره انك تختار حتي لو الحاجه دي ليك انسي انتا اخرك تدفع بس)
سندي : علي يا علي
انا : ايوه
سندي : اللون الاحمر الناري ها يمشي مع اللون الدهبي و الاسود
ليله : لا اللون الاصفر اقرب لي الدهبي
سندي : بالعكس الاصفر اقرب لي الدهبي بس مش لي الاسود
ليله : الاسود يليق على اي حاجه
سندي : بس مش الأصفر
انا : طيب هو انا ممكن اختار ده لو مش ها يزعلكم
سندي : اتفضل
انا : اللون الاحمر ها يكون ممتاز لي المطعم و اللون الاصفر برده ها يمشي مع الكافيه الدور التاني
ليله : لا اللون الاصفر يمشي على الاتنين
انا : بالعكس اللون الاحمر الناري تحفه جدا و انا بحبه و اللون الاصفر ها يمشي مع الدور التاني
بائع : ها يا فندم اخترت
انا : اه عايز ١٠٠ مفرش مطرز باللون الاصفر و ٢٠٠ مفرش مطرز باللون الاحمر الناري يجهزه امته
بائع: ياخده ثلاث ايام
انا : ممتاز جدا شكراً
بائع : العفو
انا : اتفضله

مشينا و ليله برده ركبت قدام و هيا سكته
ليله : ممكن الولاعه
انا : انتي بدخني
ليله : عندك مانع
انا : لا ابداً ده سؤال اتفضلي الولاعه

فضلت ساكته لحد ما وصلتهم تاني لحد النادي نزلت ليله و ركبت عربيتها و نزلت سندي كمان تركب عربيتها و انا كملت لحد اخر الشارع و اخدت الملف و راجع تاني لقيت سندي وبتصرخ  وقفت العربيه و نزلت بسرعه لقيت واحد فاتح مطوي
انا : (رايح جري)
حرامي : اثبت يا روح امك
انا : خد الفلوس و امشي
حرامي : لا المزه تلزمني
انا : خد الفلوس و امشي
حرامي : انتا مش بتسمع اخدها معايا
انا : (ضربته برجلي وقع على عربيه مسكت ايده الي فيها المطوي وخبطها على الكبوت وقعت من ايده و خبطه بونيه في التانيه لحد ما زقني و طلع يجري) ها جيبك (ميلت جبت الشنطه الي وقعه على الارض) انتي كويسه
سندي : (مسحت دمعها) ايوه
انا : طيب المره الجيه لا قدر الله  لو حصلت حاجه زي دي سيبي الشنطه واحد زي ده مش بيكون في واعيه
سندي : شكرا يا علي
انا : يله اتفضلي اركبي عربيتك وله تحبي اوصلك
سندي : لالا شكرا مش عايزه اتعبك
انا : لا مفيش تعب اتفضلي
سندي : (ركبت العربيه) شكراً مره تانيه
انا : طيب اتفضلي

اتحركت سندي و انا رحت ركبت العربيه و اتحركت انا كمان رحت لي محمد الشقه و كان معاه خالد الوقت كان دخل على العشاء
انا : ايه يا رجاله
محمد : ادخل ادخل
انا : (دخلت)
محمد : طلبين عشاء جي
انا : ايوه
محمد : انا داخل اغير هدومي
خالد : اشطا

دخل محمد جوه
انا : خالد ممكن نتكلم في حاجه
خالد : اتفضل
انا : بص انا لا اعرفك وله انتا تعرفني صح
خالد : صح
انا : انتا اتكلمت معايا باسلوب واحش امبارح
خالد : صح
انا : طيب انا مش عايز مشاكل انا جي هنا اكون حياه جديده و اعيش مرتاح مش عايز مشاكل خالص علشان كده انا بتكلم معاك دلوقتي علشان نصفي الجو بنا
خالد : ماشي يا علي وله كأن حاجه حصلت
انا: طيب يا خالد
محمد : (طلع من جوه) ايه يا رجاله الكلام على ايه
انا : على زهق
خالد : و انا كمان بتعرف تلعب كوره يا علي
محمد : يابني علي رياضي اساسا
خالد : انتا مفيش حاجه مش بتعملها
انا : اعمل ايه يعني الزهق مش حلو كنت اللعب رياضه اقراء كتب كتير
خالد : لعبت ايه
انا : كوره و كوره سله و بوكس انا اخدت مدليا في رياضه الملاكمة
خالد : طيب بعد بكره في ماتش مهم تبع فريق الجامعه انا الكابتن بتاعه تيجي
انا : جي

وصل الاكل و محمد حاسب عليه قعدنا اكلنا و بعد كده مشينا طلعت على البيت و فتحت الباب و انا بفتحه و مش مدي خوانه لقيت حد خبطني بالرجل في ضهري وقعت على الارض جيت اقوم قليت اربعه حوليا نزله ضرب فيا بالرجل و عصيان كبيره دخل أسر ابو المجد من الباب
أسر : انا مش نصحتك اديك رفضت النصيحة
انا : (مش عارف ارد عليه من كتر الضرب الي اخدته)
أسر : (بص لي وشي الي كله دم و ابتسم) جدعان يا رجاله شغل عالي جدا (كلمني) اسمع يابني قدامك لحد اول الاسبوع تيجي و تمضي غير كده الرجاله دي ها تيجي ليك زياره تانيه و تالته لحد ما تيجي زي الكلب راكع و تمضي يله يا رجاله

اخد رجلته و مشي و انا فضلت على الارض مكاني


المشهد العام


الدنيا : شوفت شر البشر
الطفل : (متغاظ) بس ليه
الدنيا : علشان انته بشر لزم تعمله كده في بعض انتا لسه طفل صغير
الطفل : (ملامح السعاده الي على وشه اتمسحت) لا انا مش طفل صغير اوعي تنسي اني بطل
الدنيا : هههههههههه لا مش ناسي بالعكس انا سعيد جدا انك بطل اصل الابطال هما الاغبيه كفايه انهم يدخله الحرب معايا و انته الي بتده ليا المتعه بجد انا سعيد انك من الابطال البس يا بطل


يتبع....