الفنجان (سقوط الملاك) (مكتملة)

دقات على أبواب الجحيم

الفصل العاشر

الصراع كل واحد فينا جوه صراع كبير جدا حرب ديره بين شيطانه و ملاكه يعني الموظف يقدر يشتغل بما يرضي الله و ممكن يرتشي هنا يجي الصراع ها تعمل ايه ها تمشي صح وله غلط ها تختار اليمين وله الشمال ها تختار الملاك وله الشيطان و خليك فاكر اني محدش ها يختار ليك لا انتا اللي ها تختار بنفسك و اختيارك ها تعيش معاه العمر كله و اللي جي في حياتك نتيجه ليه.

بدايه الفصل

وصلت البيت بليل و شلت سيف طلعت به فوق الاوضه حطيته على السرير و غيرت هدومي و نمت جنبه لحد تاني يوم صحيت فطرت و قعدت شويه في الجنينه و نزلت امي تروح مشوار لحد بيت خالتي و اخدت حياه و محمود و مصطفي نزله المصنع و فضلت انا و جيهان انا بره في الجنينه لقيت لمار جت عليا و لبسه نضاره شمس
لمار : علي ممكن اقعد
انا : اتفضلي يا لمار
لمار : (قعدت قدامي) هو انا واحشه
انا : واحشه!!!!!! لا ليه
لمار : طيب انتا مش عايزني ليه
انا : (اتعدلت في قعدتي) بصي يا لمار انا و انتي عرفين بعض كويس اوي من يوم ما اتولدنا و انتي مش واحشه لا انتا جميله جداً و محترمه جدا و طيبه جداً بس ضحيه
لمار : (خلعت النضارة الشمس و عنيها كانت حمره جداً لون الدم) ضحيه!!!! ضحيه ازي
انا : ضحيه لي نظام عقيم لو مأخدتش بنت عمك تحصل مشكله بس صدقيني مفيش حياه بتقف على حد الناس بتروح و تيجي و الناس بتكمل عادي الناس بتمشي مش عايزك تعلقي نفسك بماضي
لمار : (دمعها نزلت) بس... بس انا اخترتك انتا
انا : و انتي اخترتي حاجه ليها روح و مشاعر بيفكر يعني ليه اختيار و قرار
لمار : (بصوت عالي) انتا ازي تعمل فيا كده
انا : انا مش بعمل فيكي حاجه انتي عملتي في نفسك كل ده متخيله انك بس اللي ليكي قرار و اختيار و حريه مشاعر غيرك لا انتي تختاري و غيرك لا لمار محدش عمل فيكي حاجه انتي اللي عملتي في نفسك كل ده كملي حياتك يا لمار و عيشي الناس بتعيش مش بتقف بكره يجي ابن الحلال اللي تحبك و يشيلك في عينه لكن انا مش ليكي انا اخترت خلاص
لمار : (قامت و الدموع في عنيها) ماشي يا علي و شكراً على النصيحة و صدقني هاعمل بيها سلام يا علي سلام

مشيت لمار و انا فضلت باصص ليها الصراحه حسيت بالذنب بس انا مالي دي غلطه ابوها مش غلطتي انا بس زعلت عليها علشان برده انا بتعتبرها اختي
سيف : بابا يا بابا
انا : (فوقت من السرحان) ها
سيف : سرحان في ايه
انا : (اخدته في حضني) عايز اديك نصيحه
سيف : ارغي ارغي
انا : مش عايزك تعلق حد بيك خلي عندك نظره لي قدام لو ها تقدر كمل مشي ها تقدر خلاص ابعد بس بلاش تعلق حد بقلبك
سيف : مع اني مش فاهم بس ماشي
انا : لما تكبر ها تفهم مش عايزك تفهم لما تجرب عايزك تفهم بدري
سيف : طيب قوم خد دش و اللبس عايز اتفسح
انا : انتا مش بتزهق احنا لفينا البلد كلها
سيف: مش اجازه
انا : نرجع القاهره و افسحك البلد خلصت خلاص
سيف : طيب ماشي


رجعت امي و قعدنا نتغدا و عدي الأسبوع الدنيا فيه تمام مفيش جديد و رتبت اموري علشان ارجع القاهره مع اهلي و جهزنا و سافرنا وصلنا قبلها بيومين طلعنا البيت قعدنا شويه و دخل كل واحد ينام و اخواتي كل واحد طلع الدور بتاعه تاني يوم رحت الشغل و هناك شوفت سندي كانت قعده في الكافيه فوق و معاها فيروز دخلت براحه خالص لمحت ثلاث شباب دخلين عليهم و قعده
شاب : ينفع القمارات يقعده كده لوحدهم
شاب ٢ : ليه و احنا رحنا فين
سندي : انته مين
شاب : عايزن نتعرف عليكم مش اكتر
فيروز : طيب اتفضل انتا و هو من هنا يله
شاب ٣ : ليه بس القمر زعلان ليه احنا بس عايزن نتعرف بس
سندي : بعد اذنكم اتفضله من هنا بدل ما انادم صاحب المكان و ساعتها ها تزعله
شاب : (حط رجل على رجل) و ماله يجي و انا اقفل المكان ده عادي شكلك متعرفيش انا ابن مين
فيروز : اتفضله من هنا لحد دلوقتي بنتكلم بأدب
شاب ٢ : (بوقاحه) و احنا عايزن نشوف قله الادب

انا سامع كل اللي بيحصل و شاورت لي الجردات دول اربعه تبع الشايب اتنين في المطعم تحت و اتنين في الكافيه فوق جم عندي و اتحركت معاهم
انا : خير يا انيسات في مشكله
فيروز : ايوه الناس دي بتعاكسنا
انا : اتفضل يا استاذ انتا و هو دي تربيزه برايفت
شاب : (حاطت رجل على رجل و بص ليا بستحقر) و انتا مين
انا : انا صاحب المكان اتفضله من هنا بالذوق
شاب٢ : يعني ايه يعني انتا عارف احنا ولاد مين
انا : ولاد العفريت اتفضله بالادب بما انكم ولاد ناس علشان مش عايز اقل من حد فيكم اتفضله
شاب : (قام منطور و هو متنرفز) انا ها قفل المكان ده
انا : شكلكم عايزن قله الادب يا رجاله وصلوهم لي الباب

سحبهم الحرس بره الكافيه و انا نضفت الكرسي و قعدت باصص لي سندي
انا : وحشاني يا قمر
سندي : (مبتسمه جداً و بصه بسعاده و كسوف) و انتا كمان
فيروز : طيب اروح انا اشوف حاجه اعملها
سندي : لا اقعدي تروحي فين
انا : انتي مش في الشغل
فيروز : اعمل ايه الباش مهندس اشرف بعتني هنا اقابل واحد و اخليه يمضي على الورق ده
انا : مرتاحه في الشغل وله
فيروز : تمام جدا الحمدلله و المرتب تمام قوي
انا : كويس انه تمام لو عايزه حاجه كلميني ماشي
فيروز : ماشي يا علي واللهي لو ليا اخ او اخت مكنوش ها يعمله كده معايا
سندي : انتي بتقولي ايه بس انتي علشان طيبه ربنا معاكي
انا : المهم انتي وحشاني اوي يا فيروز
فيروز : (استغربت شويه)
سندي : (بكسوف) و انتا كمان يا فيروز وحشاني موت
فيروز : (استغربت اكتر)
انا : مش عارف اعيش حياتي من غيرك يا فيروز
فيروز : (برقت)
سندي : انتي طيبه اوي يا فيروز
فيروز : احم انا اقول بكرامتي بدل ما اتجوزك دلوقتي يا علي
سندي : (بصت ليها بشر) ده انا ادبحك
فيروز : خلاص انتي و هو بلاش استعبط (تلفون الشغل رن) الراجل وصل اقوم انا سلام

قامت فيروز و انا مسكت ايد سندي
انا : بكره نيجي نطلب ايد القمر
سندي : (مكسوفه جداً) بس يا علي بس انا ممكن اضعف دلوقتي
انا : تضعفي ايه ده انتي طلعتي عيني سنه كمله
سندي : انا بس يعني انتا كنت بتستعبط يا علي
انا : و اديني وقعت يا قمر

قعدت احب شويه في سندي و بعد كده اخدتها تروح البيت عندها كان ابوها و امها موجودين و باسم كمان
جمال : تعالي يا سندي عايزك
سندي : خير يا بابا في ايه
حنان : في حاجه انا و ابوكم كنا مخبينها عليكم
باسم : خير يا جماعه انا اتوترت و سندي اهي رجعت
جمال : انا و امكم قررنا ننفصل
باسم : (بصدمه) ايه
سندي : تنفصله ازي يعني
حنان : زي الناس عادي
باسم : ايه هو اللي زي الناس مستحيل
جمال : اهدا يا باسم الموضوع بسيط انا و امكم كنا مقررين ده و انا كنت بعيد و عايش بعيد علشان انا محترم القرار ده بس كان سبب التأجيل هو سندي مكنش ينفع اني احنا ننفصل و نسبها كده و هيا بكره ها تتخطب و كبرت و انتا كمان
سندي : يعني ايه مش قدره افهم ايه السبب
حنان : ده قرارنا و اخدنه مع بعض و خلاص
سندي : ازي قرركم لما هو قرركم قعدين تتكلمه في ايه
جمال : علشان لزم تعرفه كده
حنان : احنا اخدنا القرار خلاص و بنبلغكم به ابوكم بعد الخطوبه ها يطلقني و ها يسافر و انا بعد فرحك ها سافر إيطاليا و انزل هنا سنه و هناك سنه
باسم : انا مش فاهم بتعمله ليه كده لو بنكم مشاكل نقعد كلنا و نحلها مع بعض
جمال : انا اتجوزت على امكم

الصدمه نزلت على باسم و سندي حتي حنان نفسها
جمال : ايوه عملت علاقه مع واحده اجنبيه و اتجوزتها و القانون هناك يمنع تعدد الزوجات علشان كده ها نطلق
سندي : يعني انته ياخده القرار و ندفع احنا تمنه زي ما حضرتك اخدت القرار انك تشتغل بره مصر و تأسس مصنعك بره مصر و تعيش بعيد عنا كل دي قرارتكم انته صح ماشي براحتكم انا مش زعلانه علشان دي مش اول مره تعمله كده انته الاتنين

طلعت فوق و هيا متنرفزه بسبب القرارت اللي بياخدها الاتنين من غير ما يشركهم فيها و في الاخر اللي بيدفع الثمن مش واحد وله اتنين الكل.