الفنجان (سقوط الملاك) (مكتملة)

الاصل غالب

الفصل الثاني عشر

الاصل غالب مهما عملت في حياتك من شر ترجع لي اصلك الطيب او الشرير يعني نفترض انك قابلت شخص في حياتك عاملته بطيبه و احترام و قدمت ليه كل حاجه و اهم حاجه هيا انك تسمعه من غير ما تطلع الكلام بره و بعد كده تتصدم انه بقي شخص سيء معاك و اداك ضهره لما احتجت ليه بلاش تزعل او تسأل الان دي طبيعته الخاصه هو كده و مينفعش يتغير و العكس كمان في ناس نفوسها طيبه مهما عملت فيها من تجريح.

بدايه الفصل

صحيت الصبح و قعدت مع سيف شويه فطرنا بعد الفطار
سيف : بابا
انا : عايز ايه
سيف : عايز اطلب منك حاجه بس مكسوف
انا : هو انا قولت لا على حاجه قول عايز ايه
سيف : نفسي في بلي استيشن
انا : بلي استيشن ايه هو ده
سيف : ده لعبه تتوصل على التلفزيون و تشتغل عليه تلعب به
انا : طيب عارف بيتباع فين وله اتصرف انا
سيف : لا عارف
انا : طيب انا ها روح مشوار و ارجع اجيبك و ننزل نجيبه مع بعض
سيف : (اخدني بالحضن) انا بحبك اوي
انا : (طبطبت عليه برقه) و انا كمان يله قايم اللبس و نازل ماشي
سيف : ماشي

روحت الاوضه بتعتي غيرت هدومي و لبست طقم كجول و نزلت اخدت العربيه و كلمت الشايب و رحت الهنجر بتاع امبارح دخلت و هو كان هناك
الشايب : صباح الخير يا علي
انا : صباح النور عملين ايه
الشايب : الواد خالد ده مجنون بجد
انا : ليه
الشايب : عمال يقول من امبارح انه خطبها و هيا خطبته و كلام غريب
انا : بجد
الشايب : ايوه
انا : طيب عايز مقص صوابع
الشايب : ليه
انا : هنهي القصه دي
الشايب : ماشي

دخلت الاوضه اللي هما فيها لقتهم على الارض و مربوطين
ليله : علي فوق انا المانية متعرفش تلمسني اللي بتعمله ده خطر عليك
الشايب : سفير المانيا في مصر صديق ليا يعني سهله
انا : و انتا يا خالد مفيش عندك كلام
خالد : انا انا خطبتها خلاص و كسبت
انا : لا خسرت خلاص انا رجعت سندي
خالد : لا انا متأكد هيا. هيا قالت كده ليا
منة : ياخي فوق بقي شوف احنا فين انتا صدقت حنان دي كانت بتلعب بيك فوق
خالد : انتي بتقولي كده علشان مش بتحبيها صح ايوه صح
انا : كلامها صح شايب
الشايب : ايوه
انا : خالد سلمه لي ابوه خلاص هو خلصان أساساً اما بتاعت الجنسيه فا اقطع صباع رجلها الصغير تأديب ليها
ليله : لا ارجوك بلاش ارجوك هو انا واحشه علشان تعمل فيا كده انا انا انا كنت جدعه معاك
انا : الصباع ده علشان تمشي في الشر تاني و ذنبها ايه فيروز تشككه في شرفها عملت ايه هيا علشان يحصل فيها كده اما منة بقي فا جيه معانا مشوار لحد ابن عمها جاسر نسلم عليه
الشايب : حصل

دخل واحد خلع ليله الجزمه و هيا بترفص من الخوف ثبتها و قص صبعها و قفل عليه بمشبك معين علشان النزيف و هيا بتعيط و شاله خالد و منة و ليله و طلعه بيهم بره حطه كل واحد في عربيه و اتحركه في اتجهات مختلفه منة معانا خالد لي ابوه و ليله لي مستشفي وصلنا فيصل عند عماره طلعنا الدور التاني كان مكتب محامي اسمه جاسر دخلت انا و الشايب و هو ماسك منة كان في سكرتير في الصاله الرجاله اخدته بره و احنا دخلنا الاوضه اللي فيها جاسر
شخص : (قام بسرعه) ايه ده ايه اللي بيحصل هنا
انا : انتا جاسر ابن عمها
شخص : ايه اللي بيحصل
الشايب : رد على الباشا
شخص : ايوه
انا : (شورت لي الشايب رمي منة على كنبه و انا قعدت على كرسي قدامه) اقعد يا جاسر اقعد
جاسر : (قعد) خير جين ليه
انا : الصراحه عندك حاجه تخصني عايزها
جاسر : (ابتسم بثقه و ولع سيجاره) قصدك ايه مش فاهم
انا : قصدي العقدين العرفي اللي عندك
جاسر : ادفع
انا : كام
جاسر : مليون جنية
انا : الف
جاسر : مليون جنيه
انا : الفين
جاسر : (بصوت عالي) هو مزاد بروح امك
انا : الفين جنيه (طلعتهم من جيبي) خدهم
جاسر : علشان تكبرك و علشان انتا شايف نفسك يبقي مليون و نص
انا : انا لسه فلوسي على التربيزه
جاسر : خلاص اتنين مليون جنيه و لو نطقت كلمه تاني ها يبقه ثلاثه
انا : يعني ده اخر كلامك
جاسر : انا نصحتك خلاص ثلاثه مليون جنيه
انا : ههههههههه (بصيت لي الشايب) جميل اوي البتاع ده
الشايب : و كمان مسلي اوي
انا : ها يصعب عليا
جاسر : خلصت يا روح امك النمره بتعتك طيب خليك فاكر كويس انا محامي و مش اي محامي انا عقرب ها تلعب معايا تستحمل تدفع الفلوس تاخد عقدك و خلاص
انا : (اخدت نفس عميق) عارف امي اللي انتا لسه بتقول عنها دي علمتني حاجه عارف ايه اقولك اني العقارب متقدرش تلدع اسد سبحان الله طبعها كده الاسد هو ملك الغابه و انتا دخلت الغابه بتعتي اشرب (قومت) يله يا شايب

اخدت الشايب و طلعنا و هو عمال يشتم فيا و انا مش مهتم خالص نزلت تحت العماره وقفت شويه و جيه ميكروباص نزل منه ممدوح
ممدوح : هيا دي العماره
انا : ايوه الدرو التاني
ممدوح : علي بلاش تحرجني انتا متأكد اني فوق كيلو هروين
انا : كيلو هروين و معاهم 50 الف جنيه
ممدوح : علي انا واخد اذن النيابه على مسؤوليتي الشخصيه
انا : و انا مش ها لبسك في حيطه
ممدوح : طيب (كلم اللي معاه) يله يا رجاله

نزلت الناس من الميكروباص و دخله العماره طلعه الدور التاني لقه باب المكتب مقفول خبطه و فتح ليهم جاسر
جاسر : انته مين
ممدوح : المقدم ممدوح مكافحه مخدرات
جاسر : خير في ايه
ممدوح : في اخباريه انك بتاجر في المخدرات و جين نفتش
جاسر : تفتش مين انتا مجنون ده مكتب محامي
ممدوح : (طلع ورقه ببرود) و ده اذن النيابه مفيش حد فوق القانون ادخله
جاسر : (وقف في وشهم) يدخله فين
ممدوح : بلاش تعطلنا ورقنا مظبوط ابعد عن الطريق
جاسر : على جثتي تدخله
ممدوح (زقه لي جوه و دخله) فتشه المكان حته حتة بسرعه

دخله يفتشه و طلع واحد من الحمام و هو في ايده كيس اسود
امين شرطه : لقينا الكيس ده يا باشا
ممدوح : (فتح الكيس لقي فيه فلوس و كيس هروين) تمام
امين شرطه ٢ : (طلع و هو ماسك منة) لقينا دي كمان جوه
ممدوح : دي قضيه دعاره لوحدها اخوتنا في الآداب يتصرفه فيها
جاسر : دي بنت عمي و الحاجه دي مليش علاقه بيها خالص
ممدوح : الكلام ده في النيابه
جاسر : (بص لي ممدوح بتحدي) ماشي بس مش هانزل من غير كلبش و اتمني اعرف اسم الباشا علشان اشتكيه
ممدوح : اسمي انا طيب انا ممدوح حمدان الصمدي و ها تلبس الكلبش عادي
جاسر : القانون يمنعك انا محامي
ممدوح : محامي يعني عارف اني عناصر الجريمه كمله البضاعه و الفلوس بتاعت الاتجار و كمان عنصر الدس و التخبيء (لف جاسر و فتشه كويس و لبسه الكلبش هو و منة) قضيتي كمله يا محامي يله

شمعه الشقه واخدوهم و نزله بيهم و جاسر عمال يهدد و منة بتعيط لحد ما نزله تحت  و انا واقف ماسك كبايه قهوه عملتها في العربيه و سجاره و لبس النضاره الشمس وله في دماغي
جاسر : (بيكلمني) مش ها سيبك هاخد حقي منك و ها حبسك
انا : (وله في دماغي و مكمل شرب القهوه)

اخدوهم في الميكروباص و مشيه شويه و دخل علينا واحد
الشايب : معاك الشمع
شخص : ايوه
الشايب : طيب يله

طلع الشايب تاني و فتح الشقه من الشمع الاحمر و دخل كان في خزنه في المكتب طلع الشايب سماعه طبيه و بدأ يفتح الخزنه و فتحها و قلب في الورق لحد ما طلع العقد من وسط ورق كتير و رجع الباقي و قفل الخزنه تاني و طلع بره و قفل المكتب و اللي معاه حط عليه الشمع الاحمر و نزل تحت كنت لسه واقف طلعت 500 جنبه
انا : انا لا شوفتك وله انتا شوفتني
موظف : (اخد الفلوس) انا مش هنا أساساً
انا : جدع
موظف : (مشي)
الشايب : (اداني العقدين) اتفضل
انا : (اخدت العقدين) كان ها يضيع ابن الغبي
الشايب : طيب ليه كنت سيبه يولع
انا : مينفعش يا شايب حكم العشره و بعدين انتا لو وقعت في مشكله انا اقف معاك
الشايب : لا لو وقعت في مشكله بلاش تقف جنبي
انا : (طلعت ظرف) أمسك شويه اخضر زي العسل و حلال عليك باقي الهروين
الشايب : بس انا كفايه اوي عليا الاثار و المخدرات
انا : ( مسكت ايده و حطيت الظرف فيها) امسك يا شايب يله سلام

روحت اركب العربيه و رحت على البيت اخدت سيف و رحنا على محل لعب هو بيختار و انا ماشي وره و جينا بلي ستشين و رحت احاسب
موظف : حساب حضرتك الف و نص
انا : (اتصدمت) نعم ليه
موظف : بلي ستشين هو اللي غالي
انا : (بصيت اي سيف لقيه باصص ليا ببراءة شديده) مبسوط
سيف : ايوه
انا : طيب (دفعت الفلوس و انا حاسس اني بتقطع) اتفضل

دفعنا الحساب و طلعنا بره ركبنا العربيه و سيف فرحان جدا و انا متغاظ جدا حقيقي سعاده اشخاص على حساب اشخاص تنين خالص اخدت سيف و رحنا المطعم اول ما دخلت لقيت كرم في وشي
كرم : علي
انا : خير يا كرم
كرم : الست الحجه جوه في مكتبك
انا : امي انا
كرم : ايوه و حماتك كمان
انا : كمان دي ليله عسل (بصيت لي سيف) احنا دخلين على ايام سوده
سيف : و انا ولا اعرفك أساساً انتا خطفني
انا : ماشي يا واطي خليك هنا علشان شكل في حوار مش حابب انك تسمعه
سيف : ايوه و كمان صوت الترقعه على افاك
انا : (ضربته على دماغه ضربه بسيطه) كده مش ها ضرب لوحدي

سبت سيف و اخده كرم و انا دخلت المكتب بتاعي لقيت امي قاعده على الكرسي بتاعي و حنان قدمها
انا : منوره القاهره يا حجه
امي : منوره بيك اقعد
انا : (قعدت قدام حنان) منوره يا طنط
امي : بص يا علي انا عرفت من الدكتوره حنان اللي حصل بينك و بين سندي علشان كده انا جيت
انا : طيب قبل ما تقولي اي حاجه علشان عارف كويس اوي في دماغك ايه انا و رحمت ابويا ما لمستها
امي : انا عرفه و وصلت لي فيروز و اخدتها معايا لي دكتوره و كمان الدكتوره حنان كانت معانا هيا و سندي و باسم و كشفنا عليها و طلعت بنت و انتا مظلوم و عرفت منها الحكايه كلها
انا : تمام وبعدين
امي : عايزك تصالح خطبتك و قدام الدكتوره اهو هيا ها تعتذر ليك
انا : و انا قولتها كلمه لو فتحت الباب تعتبر كل اللي بنا انتهي
امي : يعني هيا فتحت الباب لقت جوه شيخ جامع لي لقت واحده ملط في سريرك
انا : مظلوم ازي متسمعش ليا
امي : علي انتا نفسك شكيت في نفسك صح
انا : (سكت)
امي : خلاص ابن الحرام اللي وقع بنكم حسابه عندي انا و رحمت ابوك لا اربيه
انا : ليه و انا ها ستني انا خلصت من اخر مسمار في ضهري النهارده
امي : (بصت ليا شويه و ردت) طيب خطبتك و اخوها فوق روح اتكلم معاها و صالحها
انا : انتي شيفه كده
امي : ايوه اطلع
انا : طيب

قومت طلعت من المكتب و فضلت حنان و امي
حنان : شكراً يا حجه انك جيتي
امي : (رجعت ضهرها لي وره و ردت ببرود) ها تسافري امته
حنان : اسافر!!!!!!!!
امي : عجبتك جثه عماد جوز فريده في الصندوق على فكره الصندوق اختاري انا زوقي (قامت و مشيت وقفت وره حنان عدل و حطت ايدها الاتنين علي كتافها و كلمتها في ودنها قالت اسم) عرفتي انا وصله لحد فين طيب عرفتي انا اقدر اعمل فيكي ايه انتي عرفه قرار العفو عنك طلع مني انا اصل مش ها ينفع حمت ابني و ام مرات ابني يكون دمها على ايدي ها تعامل ازي مع احفادي دلوقتي اتمني تكوني اتعلمتي الدرس يا دكتوره (بعدت عنها)
حنان : (قامت و مشيت لي الباب و قبل ما تفتح سألت امي) انتي مين انته مين و ابنك ده مين
امي : (ردت عليها و هيا مبتسمه) انا. انا غاده العدوي اما احنا مين فا احنا عيله الصمدي ملوك الصعيد و ابني مين فا ابني ده هو الي انا بحرس عرشه علشان ياخده عرش امير الصعيد (اخدت شنطه ايدها و وقفت جنب حنان و اخدت ايدها في ايد حنان و ابتسمت) نتغده مع بعض النهارده يله

انا اول ما طلعت من المكتب بدأت اتنفس اصل قانون غاده صعب اوي و صعب تكسره كنت خايف منها جداً
انا : كرم فين سيف
كرم : فوق
انا : طيب

طلعت الدور التاني لفيت سيف قاعد مع سندي و باسم انا قربت منهم و انا على وشي ملامح الجد
سندي : (قامت و هيا محرجه) علي
سيف : (وقف) انتا ازي تزعل ماما منك ها ازي لو فاكر اني مفيش راجل يقفلك انا موجود بس ثواني (وقف على الكرسي لحد ما بقي طولي) انا مش ها سمحلك ابدا من هنا و رايح انا موجود يعني متقدرش تزعلها
انا : (لسه باصص ليه ببرود) خلصت كلامك
سيف : (اتحرج) احم ايوه خلصت
انا : انزل من على الكرسي
باسم : علي انا بس
انا : (شاورت ليه بصباعي يسكت و بصيت ليه بعين مليانه شر) اوعي تغلط و تمد ايدك عليا تاني انا عدتها علشان الموقف بس لكن لو في اي موقف تاني ها كسر ايدك فاهم
باسم : (خاف من نظرتي علشان وضحه انها مش هزار) فاهم
انا : شاطر خد البتاع ده في ايدك
سيف : ثواني مين اللي بتاع خد هنا
باسم : (شال سيف و مشي به)
سيف : ياعم نزلني اعرفه غلطه مش ها ضربه
باسم : انتا الكبير
سيف : طيب

بعده عنا نزله تحت و انا قعدت قدام سندي ولعت سيجاره و باصص ليها ببرود و نفسي اصرخ في وشها و اقولها اني مستحيل افكر في حد غيرها
سندي : (كلام في عقلها (صدقني انا اسفه واللهي اسفه مكنتش متخيله اني ممكن حد يعمل كده ارجوك سامحني انا لسه بحبك و اللي جرحني اكتر اني بحبك) بس ردت) انا اسفه ممكن نفتح صفحه جديده
انا : و القديمه نقلب عليها
سندي : لا نحرقها و ننسي انها اتكتب اصلاً و كان فيها الناس الزباله دي
انا : طيب هو انتي شوفتي مني ايه علشان تشكي فيا بلاش انا و نمشي اني كل الرجاله زباله طيب فيروز ذنبها ايه تشكي فيها كنتي صبرتي و سمعتي و كنا دورنا على الحقيقه مع بعض و ده اول مطب في حياتنا طيب و بعدين في ايه لما تلقيني بهتم بسيف اكتر منك ها تعملي ايه ها تزعلي
سندي : مستحيل انا بحب سيف زي ما بتحبه و اكتر
انا : طيب لو شوفتيني قاعد مع واحده ها تطلبي الطلاق مش تعرفي دي مين و انا بعمل معاها ايه
سندي : اتعلمت و محدش بيتعلم ببلاش اوعي تكون فاكر اليومين اللي فاته عده عليا عادي لا واللهي انا كنت بموت كل ثانيه و كل ساعه من غيرك و الاكتر انك خنتني خنت الثقه و الحب اللي حبيته ليك و انا كنت واخده العهد على نفسي اني مفكرش في صنف الرجاله ده غير بعدين انا كنت بموت
انا : متعرفيش انتي الوقت ده عدي عليا ازي او عملت فيه ايه علشان اثبت اني بريء و اني مظلوم مكنش فارق عندي اي حاجه خالص كل حاجه تروح في داهيه كان يفرق عندي هيا نظرتك ليا و احساس فيروز انتي متعرفيش البنت دي كانت عمله ازي يا سندي
سندي : مظلومه زي و زيك كلنا كنا مظلومين الله يلعنهم زباله حد يعمل كده
انا : عندك حق هما زباله
سندي : (بخوف) طيب هو انتا عملت فيهم ايه
انا : (اخدت نفس و غمضت عيني ثواني بالضبط و شوفت فيه كل اللي عملته في اليومين دول فتحت عيني) مش ها يظهره في حياتنا تاني اوعدك حتي الجامعه هما ها يحوله منها
سندي : (بخوف أكبر) عملت ايه
انا : خلتهم يشوفه الوش التاني ليا اللي محبش ان حد يشوفه حتي لو كان انا
سندي : (اخدت نفس و ردت) محدش ضربهم على ايدهم كل واحد عمل حاجه كان بمزاجه و اختياره
انا : عندك حق تعالي ننزل تحت

قومت و انا حزين بجد و قلبي مفطور انا مش كده مش شرير بس كان لزم اعمل حاجه رد الفعل لي زرار ممكن تدوس عليه انك تحول فلوس لي محتاج و ممكن كمان تضرب به قنبله نوويه تنهي بيها البشريه بجد قانون كل فعل ليه رد فعل مساوي له طلع بلح فوقت من سرحاني على صوابع سندي اللي بتلمس ايدي حسيت اني مرتاح ممكن تشوفه اني ده رومانسية زياده بس كل بني ادم محتاج لي حد يطلع معاه كل حاجه حتي الصرخة المكتومه جواك مسكت ايد سندي و عاهدت نفسي اللي عملته مش ها يأثر فيا و مش ها عمله تاني خالص

نزلت تحت كانه قعدين على تربيزه و معاهم سيف و باسم. باسم بيهزر مع امي و أمي كمان بتهزر معاه و حنان قعده مش متخيله الست اللي بكلمه منها تقدر تمسحها من وش الدنيا قدره تكون طيبه و بتهزر
امي : ايه يا ولاد اتعاتبته
باسم : اسمها اتصالحتة
امي : بس يا واد هو في زي عتاب الاحبه اللي يرجع الراجل و الست وشهم منور كده
باسم : ماشي يا ستي بس شكلهم اتخانقه
سيف : تاني لا ده انا اربيكم من اول و جديد
امي : (مسكت سيف من هدومه)
سيف : يا تيته سبيني يا تيته يا ربي انا لزم اربيهم
امي : (سابت سيف)
سيف : (وقف قدامي عند رجلي و بص لي فوق و هو قصير أساساً) اتمني تكونه بخير يا ولاد احم صح كده
انا : اقعد مكانك
سيف : احم حاضر
قعد سيف و الكل فطسان دحك عليه و على اسلوبه بس عمال يرخم عليا و انا نفسي اضربه بس ابني اتغدينا مع بعض و قامت حنان و سندي و باسم يمشه و سيف راح يقعد مع الويتر البنات يموت في قعده البنات
امي : خلصت
انا : ايوه (طلعت ورقه محمد من جيبي) اتفضلي
امي : ايه ده (فتحت الورقه و شافتها و عينك ما تشوف إلا النور البصه في عينها كانت كفيله تخيلي اعيط) و ايه كمان
انا : (اتكلمت و انا خايف) شرب سطر بدوره
امي : (نفس الهدواء بس نظره الشر اكبر و اكبر) تمام تمام انا سمعت من اشرف عن العرض بتاعك لي منصور
انا : و ايه رأيك فيه
امي : ها نكسب ايه
انا : فلوس نسبه 20% على منتج احنا مش حطين فيه جنيه ها ناخد بس و فلوس التصاريح ها ندفعها احنا ها نلمها في خلال سنه او اتنين
امي : طيب يبقي عقد متارخ بعد عشر سنين ها يتفسخ و هو يبقي لوحده
انا : اشمعنا
امي : بعد كده ها يروح يدور على غيرنا و ساعتها محدش ها يرحمه و يطلبه نسبه كبيره ساعتها نقدر احنا نذود النسبه بتعتنا من 20 لي 30 او 40 نقدر نتكلم و رجل على رجل
انا : هيا فكره ممتازة
امي : طيب و انتا مستفيد ايه
انا : رحمت نفسي من مليون إلا ربع في اول الجواز
امي : طيب ليه يعني سهله ادفعها انا
انا : لا كفايه انك جبتي الشبكه
امي : و مين قال اني دفعه حاجه في الشبكه بص يا علي كل قرش جيه من الارض او من المصنع او من المزارع متشال نصيبك فيه على جنب و نصيبك متقسم فلوس جوازك و فلوس تعليمك و فلوس شغل لو عايز تفتح مشروع حتى مصاريف ابنك لحد ما يكمل سن الرشد متشال حتي فلوس دفنتك انا مقسمه كل حاجه ليك و حتي اخواتك عملت معاهم كده
انا : معلش خليها كده خفيف خفيف احسن
امي : براحتك
انا : طيب كلمي مصطفي و محمود عرفيهم يجه يمضه العقد
امي : يابني الارض و المزارع و المصنع و البيت كل حاجه باسمي لحد ما تكمل السن القانون ساعتها اقعد معاكم نقسم كل حاجه
انا : طيب ماشي
امي : (بصت في الساعه) طيب اللحق انا اشوف ابن خالتك يمكن اقتله
انا :براحتك
امي : انا هاقعد معه يومين ماشي بلاش تستناني
انا : اللي تشوفيه يا امي

قامت و انا كمان قومت و اخدت سيف في ايدي و طلعنا بره اخدتني حضن كبير اوي و باست سيف بعد كده ركبت و مشيت و انا اخدت سيف و رجعنا البيت اول ما دخلنا اخد البلي استيشن و جري على الاوضه بتعته و فتح العلبه بوحشية و وصله بسرعه و شغله و قعد يلعب كل ده و انا باصص عليه و فرحان علشان هو فرحان.