الفنجان (سقوط الملاك) (مكتملة)

إن دقت الابواب واجب الرد عليها

الفصل الحادي عشر

دقت ابواب الجحيم و قد جاء الرد من الطرف الآخر فا لا يوجد متصل بدون مجيب (هذا الفصل قد يحتوي علي بعض المشاهد العنيفة قد لا تتناسب مع فأه معينه من القراء الاقل من 18 سنه).

بدايه الفصل

صحيت الصبح و انا نازل قعدت ادور على مفتاح الشقه افتكرت اني مش لقيه من امبارح و جليله هيا اللي فتحتلي طنشت الاني بضيع مفاتيح كتير اوي علشان كده مفتاح العربيه لوحده و مفتاح البيت لوحده اخدت نسخه تانيه من البيت و نزلت رحت المطعم قعدت شويه من العمال نضحك و نهزر و بعدها الكل راح يشوف شغله و قعدت انا ماسك ورقه و قلم و بعمل قائمه المعازيم اي الفرح علشان تكون جهزه وصل عم اشرف عم محمد ابن خالتي
انا : صباح الفل يا عمو
اشرف : صباح النور يا علي عامل ايه
انا: تمام يا عمو اتفضل
اشرف : (قعد) انا اتكلمت مع صاحب العماره و ها نروح نقابله
انا : طيب اشرب حاجه الاول
اشرف : مره تانيه مستعجل النهارده
انا : طيب يله

قومت انا و عم اشرف طلعنا بره ركبت معاه عربيته و طلعنا على المنيل وصلنا العماره كانت حاجه محترمه جدا و شيك جدا دخلنا العماره كان عليها امن كتير رحنا على مكتب في الدور التاني دخلنا الفراش لي مكتب واحد شكله شيك و هو راجل شعره ابيض و وشه عليه تجاعيد
اشرف : منصور بيه
منصور : حج اشرف اخبارك ايه يا باشا
اشرف : تمام يا منصور بيه احب اعرفك علي الصمدي
منصور : الصمدي تعرف اللواء حمدان الصمدي
انا : عمي
منصور : يا اهلا وسهلا اتفضله تشربه ايه انا عارف قهوتك يا اشرف بيه
انا : يبقي قهوه مظبوط
منصور : (رفع سماعه التلفون و طلب القهوه) عامل ايه يا اشرف بيه
اشرف : تمام يا باشا
منصور : انا تمام بس حبايب الدخليه مطلعين عيني شويه
اشرف : ليه
منصور : علشان المصنع
اشرف :انا قولتلك رخص
منصور : علشان بكره و بعده اطلع و اللقي مليون سكينه تدبح فيا لا
اشرف : براحتك

دخل الفراش بالقهوه و حطها و طلع
اشرف : علي كان عايز شقه عندك هنا
منصور : بص انا مش بسكن اي حد هنا في البرج ده علشان انا ساكن هنا بس انتا جي مع اشرف بيه غير كده انتا ابن عيله الصمدي فا موافق
انا : و علشان كده انا مصمم اسكن هنا علشان حضرتك مختار السكان بنفسك
اشرف : طيب علي ها يدفع الفلوس على دفعتين
منصور : ماشي نص الفلوس بس النص التاني بعد سنتين بسعر الوقت ده
أنا : لا بسعر القديم
منصور : صعب
انا : طيب انا عندي لي حضرتك عرض جميل جدا بس سؤال هو مصنع حضرتك نشاطه ايه
منصور : اغذيه مجمده
انا : جميل جدا ده من حظي بص يا باشا احنا عندنا مصنع في الصعيد باسم مصنع الصمدي لي الاغذيه العرض هو البضاعه اللي تطلع من عندكم ها تشيل اسم مصنع الصمدي و بدل ما هيا بضاعه من غير اسم و مش موثوق فيها يتحط ليها اسم و بدل ما تبيع بسعر ارخص تقدر تبيع بسعر كبير براحتك
منصور : (بص ليا شويه و رد) و انتا ها تكسب ايه
انا : انا. انا مجرد سمسار و مش هاخد فلوس لا انا هادفع ثمن الشقه زي ما قولنا على مرتين بس المره الجيه كمان سنتين بس بسعر النهارده
منصور : طيب دي فيدتك و اصحاب المصنع ايه
انا : مكسب اصحاب المصنع هو المصنع ده يكون باسمهم و تاخد كل ورق الضد اللي تطلبه و مقابل الاسم ها ناخد نسبه من الارباح هيا 30%
منصور : 10
انا : 25
منصور : 15
انا : 20
منصور : موافق
انا : طيب تمام نمضي العقد بتاع الشقه يكون ابتدأي و بعد اسبوع اصحاب المصنع يكونه هنا نمضي العقد بتعهم و العقد النهائي بتعنا و تقبض فلوسك
منصور : موافق يا علي و انا مجهز العقود (طلع العقود) امضي و اكتب بياناتك
انا : (اخدت العقود و القلم كتبت بياناتي و مضيت) اتفضل امضي
منصور : (كان كاتب بياناته مضي بس) نسختك
انا : شكرا
منصور : جبت الواد ده منين
اشرف : من عيله الصمدي متوقع يعني
منصور : (بص لي الورقه) لا مش اي حد ده ابن محمد الصمدي كمان الله يرحم ابوك يابني كان دماغ
انا : الله يرحمه
اشرف : نتكل احنا علشان علي عنده شغل و انا كمان
منصور : (سلم علينا) شرفته

سلمنا عليه و طلعنا ركبت مع عم اشرف
اشرف : عرفت منين انه عنده مصنع اغذيه اكيد مش صدفه و عرفت منين انه ها يوافق
انا : البركه في الشايب يا عم اشرف
اشرف : الشايب طيب انتا كسبت ايه
انا : كسبت اني اجلت معاد القسط التاني بسعر النهارده سعر بكره مش مضمن أساساً يعني ممكن يقطم ضهري كده احسن
اشرف : علي غير كده
انا : ههههههه ماشي يا عم اشرف كسبت اني احنا لينا فرع تاني من المصنع هنا مصاريف التسجيل ها ندفعها احنا بس مصاريف الإنشاء هو كده كدة دفعها الانه مصنع مبني أساساً و كمان نسبه 20% من غير اي تعب
اشرف : و اشمعنا النسبه دي أساساً انتا كنت عايز 30
انا: انا عايز 20 بس عرضت ده علشان عارف انه ها يفاصل و كمان كان عارض عليه عمار الديب يدخل معاه بس عمار الديب حالته الصحية لا تسمح و ملهوش وريث مضمون غير بنت و لو بنت انتا عارف لزم اخوات عمار يورثه معاها و ده ها يعمل مشاكل و تضارب مصالح كبير اوي
اشرف : انتا دماغك سم كل ده عرفته من الشايب
انا : ايوه الشايب نفعني جداً
اشرف : علي اللي زي الشايب اخره يخلص لينا شغلنا الوسخ لكن لا صديق وله شريك وله حتي تعتبره صحبك
انا : مش محتاج تحذير يا عم اشرف انا عارف كده كويس
اشرف : طيب ها وصلك المطعم و اتحرك انا فين فيروز من الصبح مش بينه
انا : تلقيها هنا وله هنا تظهر دلوقتي.