الفنجان (سقوط الملاك) (مكتملة)

بدأيه النهايه

الفصل السادس

العين بتشوف كل حاجه حلوه و كل حاجه واحشه بس على حسب مودك و تفكيرك علشان كده و انتا حزين بلاش تشوف حاجه علشان كل حاجه في عينك في لحظتها مش حلوه و تختار غلط انك تبعد عن حجات حلوه بس شوفتها مش حلوه تخسر و اكتئاب و تمل من حياتك و تبدأ في جلسه جلد لي الذات و الذنب مش ذنبك أساساً

بدايه الفصل

قعدين في الكافيه مبسوطين و بعد كده الكل قام يمشي و رجعت انا و محمد و سيف محمد اخد عربيته و مشي و انا طلعت مع سيف فوق علشان نينام و تاني يوم وديته المدرسه بس كان حابب اني اوصله بنفسي وصلته و رحت جامعتي و بعد ما خلصت طلعت على المطعم و قعدت تحت و لقيت واحده ست قعدت قدامي
انا : مش عارف ايه سر حب الناس لي الكرسي ده خير يا هانم
واحده : انا فريده العمري
انا : وبعدين
فريده : انا عمت سيف
انا : و بعدين
فريده : (استغربت) سيف العمري ابن أخويا الي في بيتك
انا : (استغربت) بيتي انا لا حضرتك اكيد غلطانه اللي في بيتي يبقي سيف علي الصمدي
فريده : انا عايزه ابن اخويا
انا : ابن اخوكي الي بتكويه بالنار
فريده : دي مشاكل عائليه ملكش دعوه نحلها احنا (طلعت دفتر شيكات) قول الرقم اللي انتا عايزه خده و اسكت
انا : (ساكت)
فريده : نص مليون
انا : (ساكت)
فريده : ٧٥٠
انا : (ساكت)
فريده : مليون جينه
انا : (مديت ايدي سحبت منها دفتر الشيكات و قفلته) فريده هانم انا راجل محترم مع المحترمين و ابن ناس كمان و متربي بس لو حد قال كلامك ده بقلب عربجي بس احترام انك ست و انا مش بطول لساني على ستات ها قول كلمه واحده بس اتفضلي من غير مطرود
فريده : انتا مجنون
انا : لا انا عاقل جداً
فريده : اوعي تكون فاكر اني هاقعد القعده دي من غير ما اعرف عنك كل حاجه و اهمهم هو حسابك في البنك من بعد ما دفعت مصاريف مدرسه سيف و انتا خلاص كلها كام يوم و حسابك يوصل لي صفر و بعدين مفيش حد في سنك عنده ٢٠ سنه يرفض عرض بمليون جنيه بس لو حابب انا عندي استعداد اوصل العرض لي اتنين مليون جنيه و النهارده ٢٧ في الشهر يعني ثلاث ايام و الشغلين عندك يطلبه مرتبات تدفع منين و انك مفيش معاك فلوس خد الشيك يا علي (فتحت الدفتر و كتبت الشيك) امسك
انا : (اخدت الشيك و حرقته قدمها في الطفايه) ياه كان نفسي اعمل حركه الأفلام دي من زمان جداً احساس ممتع و انتا بتحرق ورقه تمنها اتنين مليون جنيه احساس رهيب فريده هانم شيفه الباب ده اطلعي منه و انسي خالص اسم علي الصمدي و ليكي عليا انا مش ها خلي سيف يكرهك الانه أساساً مش طايق يسمع اسمك اتفضلي من بره
فريده : (قامت و هيا متنرفزه) ها تندم
انا : انا مش بخاف بره

طردت فريده و قعدت افكر الان كلامها صح فعلاً انا الفلوس بتخلص مني و مصاريف الجامعه و المطعم لحد ما يقف على رجله و كمان مصاريف سيف و مصاريف ايدي انا غلبني التفكير لحد الساعه12 بليل قومت اخدت العربيه و رجعت البيت تاني لقيت سيف في وشي
سيف : ايه ياعم انتا بره من اول اليوم
انا : اكلت
سيف : ايوه اكلت انا و طنط جليله
انا : حليت الواجب بتاعك
سيف : ايوه يا سيدي حلته
انا : سيف مش عايزك تقصر في دراستك ماشي
سيف : ماشي يا علي ليك عليا السنه دي اطلع الاول
انا : (اخدته في حضني و بوست راسه) ربنا يخليك ليا يا رب يله ندخل نينام علشان بكره مسفرين
سيف : ماشي يا علي بس هو ممكن طلب
انا : خير
سيف : انا خايف انام في الاوضه لوحدي
انا : عايز ايه يعني
سيف : ياخي خلي عندك دم بقول خايف انام لوحدي خدني جنبك النهارده
انا : (بصيت ليه شويه و هو مبتسم بس شايف في عينه حاجه تاني) سيف قول الحقيقه
سيف : (فكر شويه) طنط فريده جت المدرسه النهارده و قعدت تتكلم معايا وعدتني انها تتغير معايا بس ارجع اعيش معاها تاني
انا : (بصيت لي سيف شويه و انا نار مولعه في دماغي) طيب و انتا عايز ترجع ليها تاني
سيف : لا طبعاً الست دي مش كويسه و اكيد مش ها تتغير
انا : طيب يا حبيبي ها تنام جنبي النهارده
سيف : (ابتسم) ماشي

دخل سيف جوه و انا رحت المطبخ لي جليله
انا : ست جليله عمله ايه
جليله : في نعمه يا بيه
انا : يارب ديمن (طلعت ظرف المرتب) اتفضلي المرتب و انتي اجازه لحد ما ارجع من الصعيد
جليله : خيرك سابق يا بيه خليهم لما ترجع
انا : هو في حد ضامن عمره يا ست جليله ممكن اروح مرجعش يرضيكي اموت و عليا فلوس
جليله : ربنا يخليك يا بيه مش علشاني علشان الواد الغلبان سيف الواد ده بيحبك جداً وله ابوه
انا : و انا كمان بحبه جداً
جليله : طيب اتكل انا على الله الحق اوصل البيت سلام عليكم
انا : و عليكم السلام.

وصلتها لحد الباب و قفلته كويس و تممت على الشبابيك كلها و دخلت انام جنب سيف على السرير و انا نايم على السرير بس بفكر اول مره اشيل مسؤوليه بس مش بتعتي و مش بطولي لا و انا لوحدي عادي لكن لما يكون معاك روح تانيه انتا و هيا في نفس السلسله تبقي صعبه جداً لحد ما سيف اخدني في حضنه و هو نايم بصيت ليه و هو شبه الملائكه نايم حضنته و نمت انا كمان

صحيت تاني يوم على صوت تنطيت جنبي قومت مخضوض لقيت سيف
سيف : اصحي. اصحي علشان نسافر اصحي يا كسول
انا : حاضر يا سيف بطل تنطيت
سيف : اصحي ياعم النايم يله
انا : طيب. طيب

قومت من السرير غسلت وشي و حضرت الفطار ليا و لي سيف و هو دخل ياخد دش و انا دخلت بعده طلعت حضرت شنطه هدومي انا و سيف و لبسنا و نزلنا رحت لي بيت سندي شويه و نزلت مع باسم
انا : صباح الخير
باسم : صباح الزفت على دماغك
انا : يابني بلاش طوله لسانك دي انتا ملاكم ايوه بس انا زيك برده
باسم : انا اصحي الساعه12 الضهر
انا : معلش...... صباح الخير يا سندي
سندي : (بابتسامه) صباح النور يا علي
سيف : ايه مفيش صباح الخير يا سيف
سندي : انتا ابوسك على طول (باست سيف) ياخواتي على العسل
باسم : انتا سيف سمعت عنك كتير من سندي دي صدعتني
سيف : و انا اول مره اسمع عنك أساساً و على فكره انتا رخم و علي يضربك عادي جداً
انا : (اخدته تحت دراعي) ابن ابوك يا واد
سندي : طيب يله
انا : يله اركب وره يا سيف
سيف : ماشي

لفيت اركب فتحت الباب لقيت باسم قاعد جنبي
باسم : مساءك لزيز
انا : مساءك زفت
سيف : (وره و هو قاعد في حضن سندي طلع لسانه ليا) سوق يله بسرعه


اتحركنا على الطريق و وقفنا في بنزيما سيف يدخل الحمام و محمد حصلنا و كان معاه منة بس شكلهم كان غير ما تخيلت خالص منتهي الانسجام تأكدت اني البت دي ليها تأثير عليه كبير جداً بس هو حر محدش ها يحاسب غيره
منة : ايه يا شباب وقفين ليه
سيف : (رجع من الحمام) انا خلصت
منة : مين ده
سيف : انا سيف
منة : ايوه سيف مين بتبيع ايه يعني
سيف : (بص ليها من فوق لي تحت) البلد اتملت شحاتين حقيقي (هات الدكتور علشان يخيط ههههههه) يله يا جماعه

ركبنا كلنا و منة قرفانه من سيف متعرفش انها لو فكرت تزعله ها زعلها و متعرفش كمان اني سندي فكرت في نفس الحاجه طول الطريق و سيف و سندي بيلعبه مع بعض وره و هيا زي الاطفال مشيه معاه عادي جداً لحد ما وصلنا الصعيد و خان الصمدي دخلنا بوابه القصر و نزلنا اخدتهم و دخلنا جوه و امي و اخواتي عرفين اني جي و معايا ضيوف و امي و اخواتي كمان عرفين قصه سيف كويس حكيت ليهم
امي : يا اهلا وسهلا نورته خان الصمدي
انا : منور بيكي يا ست الكل اعرفكم سندي و باسم اصحابي و الاتنين اخوات دي منة صحبتنا اعرفكم يا جماعه مصطفي اخويا الكبير و محمود اخويا الاوسط و دي الحجه امي

رحبه ببعض و قعدنا نتكلم و سيف قاعد و مساك دراعي و عماد غيران من سيف علشان عماد كان حاجه مهمه جداً ليا في الاول و لسه برده بس دي عقول اطفال
امي : عامل ايه يا سيف
سيف : (بص ليا)
امي : على فكره انا عرفك كويس و عرفه عنك كل حاجه حتي كمان عارفه انك بتحب الشوكولاتة و انا عمله حسابي (طلعت شوكولاتة لي سيف) اتفضل
سيف : (اخد الشوكولاتة) شكرا
امي : العفو يا سيدي
انا : حضرته الاوض
امي : ايوه اوضه لي اتنين بنات جنب اوضتي و اوضه باسم جنبك
انا : طب و سيف
امي : سيف مفتكرش انه ها ينام النهارده اكيد ها يقعد يلعب علشان شقي
سيف : لا والله انا مسالم جداً
سندي : يا راجل
سيف : (بصوت واطي بس سمعناه كلنا) اسكتي علشان اخد شوكولاته تاني و اقسمها معاكي ماشي

الكل ضحك عليه
محمود : لا الواد بعد ما قعد مع علي بقي انتهازي جداً
انا : تربيتي فين الغدا يا جدعان
امي : جاهز يا فضيحه
انا : طيب فين علشان الاكل منك واحشني اوي يا عسليه شويه فراخ و حمام و كباب و لحمه مشويه
امي : ثواني و الفول يجهز

ضحكنا كلنا
امي : يله على السفره

قومنا كلنا و رحنا السفره قعدنا ناكل و الشباب كانه مكسوفين بس على مين امي حلفه السفره تتمسح كلها يعني لزم تتمسح خلصنا الاكل و طلعنا فوق ورتهم الاوضه و دخلت انا و سيف الاوضه بتعتي غير هو هدومه و انا كمان هو نام و انا طلعت بره نزلت الجنينه كان الوقت متأخر قعدت فيها شويه و امي نزلت
امي : قاعد لوحدك ليه
انا : لا عادي مفيش حاجه
امي : طيب بكره عايزك تيجي معايا البنك علشان احولك فلوس
انا : لا تمام مش محتاج فلوس دلوقتي
امي : و حسابك اللي قرب يوصل لي الصفر و بعدين انا مش بديك شحاته انتا عارف دي فلوسك نصيبك السنه دي في مكسب المصنع و كمان في مشتري جي لي حاجه مصلحي ها يشتري عشر فدن ارض زراعه و فدانين مباني و محجر
انا : (بفرحه) بجد
امي : ايوه و سنه وله اتنين و نبيع الباقي بس يكون سعرهم زاد شويه
انا : انتي مش عرفه دي جت في وقتها سيف شفطني فلوس
امي : انتا اللي عايز حطه في دار ايتام
انا : مستحيل يا ماما انتي عرفه الواد ده عمل فيا ايه ده غير حياتي و جيه في وقت كنت محتاج فيه حد جنبي
امي : خلاص يبقي بلاش تشتكي من العواقب يابن بطني بس واد زي العسل
انا : و لمض جدا
امي : عارف لوله انه مش ابنك كنت قولت انه ابنك الواد شبهك جدا
انا؛. شبهي في ايه الواد نقصه اتنين فولت و ينور
امي : ههههههه ياهبل مش قصدي على الشكل قعدته على السفره و هو بياكل شبهك جداً
انا : اهبل ماشي مقبوله منك يا غاده
امي : بس عندي سؤال
انا : اتفضلي
امي : انتا عازم اصحابك ليه يعني باسم جي مع اخته مش اخته جيه معاه و ده واضح جدا و البت منة دي مش مرتاحه ليها خالص بصتها لينا و لي محمد
انا : بصي يا ستي (عرفتها حكايه منة و محمد من كلام محمد بس بالتفصيل)
امي : (متغاظه) اه يا ابن الكلب ماشي
انا : انا بقي عايز غاده العدوي تبعد بين الاتنين و انتي كفاءة تعمليها
امي : طيب يا علي و سندي
انا : سندي معايا في الكليه عزمتها بس لزم تيجي مع اخوها علشان عيب اديكي عرفتي يا ستي اطلع انام انا علشان تعبان جدا تصبحي على خير (قومت و ماشي)
امي : اوعي تنسي يا علي انتا خاطب بنت عمك حمدان لمار وله نسيت
انا : انتي صحبه القرار خلاص اخطبيها انتي