الفنجان (سقوط الملاك) (مكتملة)

السعاده

الفرح و السعاده هما ايه بالظبط محدش عارف كلنا فكرين الفرحه و السعاده انك تعمل حاجه حلوه ليك طيب و الباقي ها يسيبك سعيد اصل الناس اصبحت اوحش بكتير من زمان كله عايز يسرق السعاده اللي في ايد غيره مش عرفين اني ده رزقه مش رزق حد تاني.

بدايه الفصل

خلصنا موضوع الشقه و رجعت البيت تاني و سيف قاعد قدام الزفت بلي ستيشن من ساعت ما طلعت دخلت الاوضه عنده
انا : (متنرفز) سيف
سيف : (مش مركز معايا) ايه
انا: انتا قاعد كده من امته
سيف : مش فاكر من بدري
انا : طيب سيب الزفت اللي في ايدك ده و قوم اتغدي انتا سايب غداك ليه
سيف : مش عايز اكول مش جعان
انا : اسمع الكلام و سيب الزفت ده قوم ريح عينك
سيف : اخلص الماتش ده بس ثواني
انا : (شديت فيشه الكهربه) ده رقم كام تلعبه النهارده قوم ريح عينك
سيف : (اتنرفز) يا بابا عايز اكسب
انا : تكسب ايه
سيف : افهمك اللعبه دي يا تلعب لوحدك يا تلعب مع حد لو لعب لوحدك قدام الجهاز و ده سستم و هو عمال يكسب و انا محدش يكسبني
انا : طيب انتا عايز تكسب الجهاز صح
سيف : ايوه
انا : الجهاز مش بيتعب من التفكير لكن انتا بني ادم يعني بتتعب من التفكير يبقي نعمل ايه نريح نفسنا و ناكل كويس علشان نعرف نفكر
سيف : (بتوسل) طيب طيب جيم واحد بس
انا : ماشي جيم واحد بس موافق بس لو خسرت بكره مفيش بلي ستيشن ماشي
سيف : موافق انا متأكد اني هاكسب
انا : طيب شغله

شغل سيف الجهاز و انا فضلت جنبه بتفرج عليه الماتش كله لحد ما خسر
انا : شوفت دي نتيجه انك تكون مش مركز لزم تركز و تهدي و تفكر
سيف : طيب جيم تاني
انا : لا و يله اطلع كول معايا و ارجع نام يله

طلعت و سيف حصلني بس و هو مدايق و مرهق جداً قعدنا ناكل مع بعض و بعد الاكل دخلت انام و هو كمان دخل ينام زي القتيل و تاني يوم اخدته معايا اليوم كله علشان يتفسح معايا و مع سندي خلصت كل حاجه تبع الخطوبه و رتبت الدنيا كلها و قعدنا اسبوع كامل وصل اخواتي من البلد و امي رجعت من عند محمد بعد ما اطمنت عليه و قعدنا شويه و نزلت جبت بدلتي و سيف صمم يلبس واحد زي بتعتي برده و يوم الخطوبه رحنا الفندق بدري كان موجود الحلاق في الجناح بتاعي الباب خبط فتح سيف و كان محمد ابن خالتي
محمد : (دخل و بص ليا و هو مكسوف) الف مبروك يا عريس
انا : (ابتسمت ليه) الله يبارك فيك يا اخويا عبال فرحك كده يا رب
سيف : مش كفايه شعر عمو محمود عايز احلق
محمود : هههه بس يا صداع
سيف : لا يا عم الحج انتا قعدت كتير
محمود : مش عجبك
سيف : ايوه
محمود : خلاص يا جماعه سيف مش ها يحضر الخطوبه
سيف : خطوبه مين اللي مش ها حضرها ده انا قبل العريس
انا : كده طيب انا موافق على كلام محمود
سيف : براحتك وافق لو سمحت ممكن المقص
الحلاق : اتفضل
سيف : (اخد المقص) يا رب قويني علي الشر
انا : رايح فين
سيف: هيا مش البدل بتعتكم في الدولاب برده
محمود : ايوه ليه
سيف : (فتح المقص و قفله مرتين) ها سلم عليهم
انا : انا شايف اني سيف مهم في الخطوبه و لزم يحضر صح
محمود : ايوه صح
سيف : (عدل لياقت القميص بتاعه) كويس انكم عرفين قيمتي
انا : طبعا و هو ينفع لزم نعرف

قعدنا نهزر شويه و دخل سيف يحلق و انا بعده و كمان محمد و كل واحد لبس بدلته و انا خلصت لبسي و طلعنا بره مشينا في الممر رحت الجناح بتاع سندي و خبطت فتحت ليا فيروز بس كانه قفلين بقفل الفنادق يعني الباب مش مفتوح اوي
انا : افتحي يا فيروز
فيروز : لا فال وحش تشوف عروستك بالفستان
انا : ده في الفرح مش الخطوبه
فيروز : مليش دعوه امك قالت كده تحب اكسر كلامها لا يابا انا عندي كرامه عايزه احافظ عليها
انا : كلنا عايزن نحافظ على كرامتنا قدام امي بس عادي افتحي
سندي (وقفت مكان فيروز مستخبيه مني) انزل تحت يا علي
انا : انزل فين مش لما اشوف القمر الاول
سندي : بعد اذنك انزل بدل ما غاده تعلقك انا بقولك اهو
انا : انا محدش يعرف يعمل معايا حاجه افتحي
محمود : (من وره) اخلص يا عم روميو
انا : بس يابني (كلمت سندي) افتحي و متخفيش انا امي بعرف اتكلم معاها افتحي
سندي : بس كده ماشي

قفلت الباب علشان تعرف تفتح القفل و اتفتح الباب لقيت امي في وشي و هيا مسكه حزام الشنطه بتعتها
امي : بتقول حاجه يا اسمر اللون
انا : (بصيت ورايا لقيت الكل طلع يجري حتي سيف نفسه) انا بس عايز اشوف العروسه لو ممكن
امي : لا انزل تحت القاعه استني
انا : طيب ابص بصه واحده
امي : انزل تحت
انا : (بصيت في الارض) اللي تشوفيه يا حجه بعد اذنك
امي : اذنك معاك يا اخويا

قفلت الباب في وشي و دخلت جوه كانت فيروز و سندي وقفين و بيدحكه
سندي : ايوه يا غاده يا سيطره
امي : احنا جمدين برده
سندي : (اخدتها بالحضن) انتي طيبه اوي يا غاده
امي : طول عمري يا جزمه يله كملي لبس الفستان يله

دخلت سندي تكمل لبس و احنا نزلنا تحت نرحب بالمعزيم و واقف مع مصطفي و محمود و سيف جنبي و اللي ليه ضيف راح يسلم عليه و انا واقف باصص في الساعه كل شويه ابص فيها لحد ما سمعت صوت الزفه و سندي جيه و مسكه ايد ابوها و سلمها ليا و قعدنا على الكوشه و الناس بتبارك شويه و ترقص شويه اتفتح البوفيه و قعدنا ناكل و بعد البوفيه خليت الدي جي ينزل اغاني عيد ميلاد و دخلت تورته كبيره عليها صوره سيف و ١١ شمعه لي عيد ميلاده و سيف اول ما شافها اخدني بالحضن جامد اوي انا و سندي احتفلنا بعيد ميلاده و خلصنا الخطوبه و طلعنا من القاعه و رجعت البيت