فصيله الشيخ رائد (مكتملة)

البارت 5

هلو فرولاتي 💕
رمضان كريم عليجن.. حبيباتي اشلونه الصيام وياجن... فرولاتي نزلت قصه جديد اسمهة أحببتك من صغري اجتني بنيه وحبت اتقصهة عليكم...
...........................................................
ݪا تلمسو حَتى بـ أعينكم ، أنـهُ يخصني .
......... ✨......... ✨..... ✨.... ✨... ✨..

كعت صبح الساعة 11 راسي حيل يوجعني وعيوني منفوخات من البجي....
نزلت الجوه شفت ماما جاي تطبك وبابا طالع هوه خواني ونسوان اخواني كلمن ملتهية بشغله وخواتي وحده عد زوجة وراء بل كليه.
رحت طلعت للحديقه اشتم هوه شويه وخذني التفكير اذا ماروح اني يعني اخوي يموت واذا اروح يعني ابتعد عن اهلي و مدرستي وراح انظلم واكيد راح ايعذبوني يعني لو اني لو اخوي ياربي انت اعلم بحالي شنو الي راح يصير بيه بس انت الي تعرف افف وين اروح تعبت كلش يعني شنو راح يصير بمستقبلي اذا رحت ويعني راح ازوج واحد ابكد ابو مشوف شي من حياتي واني بعدني طفله مدافهم شي شنو الي منتظرني؟؟

اذن الذان رحت دخلت صليت وخلصت الكيت علي وحسين اجو من شغل وبابه هم سلمت عليهم ورحت اساعد ماما بتحظير الغده اليوم خميس. واني كلش محتارهة يعني مابقى عندي وقت افكر لازم اختار قرار حاسم ينهي كلشي ويصفي الوضع لازم اختار بسرع وقت لان مابقى وقت كلش قليل صبينه الغده وخلصنه رحت ساعدت بغسل الماعين وسويت جاي صبيت الخواني وماما وبابا نسوان اخواني ميحبن يشربن جاي اظهر بس صبح لو بليل..
مشيت الهول جان بابا ديباوع على الاخبار
انطيته جاي
زهراء :تفضل بابا
سلام :شكرا حبيبتي
زهراء :تدلل
ونطيت لماما وخواني هم كلم جانو بصاله
اني هنا كعدت وحجيت...
زهراء :بابا
سلام :عيوني
زهراء :بابا اسمعني ولا تقاطعني تمام
سلام:تمام اسمعج احجي.
زهراء :بابا اني وافقت اروح فصيله علمود احمد لان هوه اخوي وماعنده غيري وهوه خطيه عنده جهال ومرته خلش تعبانه كوه تنام من البجي شنو ذنبهم جهال.
أنغام :ياربي منين اجت هاي المصيبه علينه وين اكدر ادزج ٲنـيہ الناس ماعرفم ولا نعرف فصلهم من اصلهم يايمه وينج تعاي شوفي حالتي لو ابني لو بنتي.. (تبجي بحركه)
سلام:بابا ٲنـيہ ماكدر اوديج الناس مانعرفهم بس كلبي يم اخوج اذا مادزيناج نخسره.
كمت على حيلي..
زهراء :بابا ٲنـيہ بنتك قويه ابنك راح يرجع يالم واني هم وره سنه ارجع معقوله يعني مثل ماجيكم لاخافون اجيكم وحتى ابقى عدكم بـَسہ خل اروح ويرجع احمد سالم..
انغام :ياربي منين اجت هاي المصيبه يابعد امج تهاي بحضني...
شبكتني وكامت تبجي كلش..

...... ستوب اعرف قصير بس شنو اسوي ماكو تفاعل