فصيله الشيخ رائد (مكتملة)

البارت 12

هلاو بناتي اشونجن فدوه الجن بنوتاتي اتفاعلن بل قصه ترى عذرني لان اتخر بتنزيل القصه.  

بنات فدوه سون مشاركه للقصه لصديقاتجن بنات عمتجن خل يقرن وياجن😂
.............

عم رائد ابو حسين: خويه جاين احنه بشكله واتمنى ماتردنه خايبين..
ابو رائد: خيرك خويه اطلب عيوني امرر..
ابو حسين:سالماتت عيونك..
رايدين نور لـ حسن...
ابو رائد : والله يخوي مدري شكلك ٲنـيا بنسبه الي وين الكه احسن منكم بس الراي راي البنيه مو راي لان مو انا راح ازوج هيه راح تزوج خل اخذ بشروهة ودلك خبر انطينه وكت..
ابو حسين : خويه الوكت كله الك. ها بويه رائد مالك شور بسالفه.
رائد:واللّــھہ ماطول ابوي موجود ماله داعي رائي ف مثل مكال ابوي ناخذ شورهة بل اول.
ابو حسين:هاي هيه عيني...
رائد:بيه الخير ان شاء الله.
الجميع : ان شاء الله..

زهراء سمعتهم جنت اريد اخد الصينيه بس أتراجعت من سمعت خطبو نور صراحة ضجت لان راح تروح من يمي وابقى وحدي بهل بيت مثل الخبله فكلت اروح اكله لو لا ضليت حيرانه فكلت خلي اسكت احسن همه يكلولهة
ورجعت دخلت

رائد:
شفت حسن والولد كاعدين فكعدت سمه جان اشوي مستحي فكتله
هاا ولك رايد اختي..
حسن:هـ.ها اي جا شبيه بنت عمي ورايدهة.
حسين:ولك رائد مامصدك من كال ابوي راح نخطبهة اله طار لاغده اتغده  فرحان كل اشوي ليمته انروح خبصنه خبص.
رائد:هاا ولك عاشكهة..
حسن:دكافي الخاطر الكعبه ااي بويه احبه يلا عندك مانع..
رائد وحسين :لا منو عنده مانع وضحكو
اندكت الباب وكام رائد يفتحة

فتح الباب والكه زهـراء : هذا الكيك
رائد:اي عاشت اديج.
زهراء :الف عافيه /رائد :اللّــھہ يعافيج
ودخل

......

زهراء :
خليتلهم كيك لكيت عنده هوايه خليت الهم بصحونه و دزيته الهم دكيت الباب طلعلي رائد معرف احساس يجي من اشوفه احس فخر رغم صالي وياهم فد اسبوعين احس روحي مو غريبه عنهم احس مهمه اهلي من زمان رغم يعني بسرعه اتقبلوني صح اشوي رائد احسه يكون كره بكلبه الي و مرات يستفزني  بـَسہ معاملته وحترامه كلش حلو ..

راحو عمامه وكعدنه بل هول كلنه اجمعنه.

ابو رائد :بوبه نوره..
نور:ها يابه.
ابو رائد: اليوم اجه عمج وخطبج الحسن وراي رايج محد يجبرج شكلتي عندج وقت فكري بي لاتتسرعين.

زهراء :احسه استحت كلش وفرحانه وكبل كمزت للغرفه صراحة حبيت انو يصير هيج موقف بيه نو يجي ابوي ويكلي اليوم فلان اجه وخطبج مني وراي رايج واخذ وقت اتفكرين، من ذكرت ابوي صارت الدمعه بطرف عيني كلش بس احد يكلي اشبيج اطكه بيج. فحصرت نفس حتى ماابجي وكمت بسرعه وره نور.

رائد:من كال ابوي لنور انو خطبها حسن كبل كمزت مدري حسيت بشعور كلش حزين انو راح افقد نور اختي وضحكتهه فنتبهت لزهراء شارده ودمعه بعينه صراحة استغربت حسيت بيه شي فمن شفتهة كامت وراحت وره نور معرف كبل اترخصت من اهلي وكمت رحت لغرفتي انام لان راسي احسه مصدع.

نور:ولج زهـراء اجه خطبني لج فرحانههه يمه كلبي احس ديركص.
زهراء :الف الف مبروك يروحي.
نور:اللّــھہ يبارك بيج يـ؏ـمريہ. واللّــھہ مومصدكه اجه خطبني...
زهراء :شنو اظاهر زواج عن حب.
نور:اي امس تعارت وياه كتله لشوكت يعني راح اخلص سادس وانت لهسه ماخاطبني لو تضحك عليه. وسديت الجهاز بوجه واليوم اجه خطبني واللّــھہ فرحانهههه.
زهراء :ياا طلع بيج البله واني اكول فقيره نور طلعت نور ام راسين بيه حظ.. وضحكنه
.
.
.
.
.
.
.

.

.
.
.

نور
بعد ما مر اسبوع قربت الامتحانات وزهراء راحت استلمت البطاقه واني وياه صدك فرحت انو راح ندرس سوه ونمتحن سوه.
فجنه ندرس ع اليوتيوب مادخلنه دورات وجان رائد هوه يدرسنا رياضيات اشوي قوي بي  واني جنه طرشه بل انكليزي والعربي وزهراء جان قويه بل انكليزي وسطل بل عربي اشكد شنه نقره ونرجع اليوره..

6:12
زهراء

جنت اراجع للمتحان السلاميه فجانت سهله الاسلاميه لان ٲنـيہ مظبطه المواد بس خايفه من العربي والكيمياء.

بدلت وكملت لكيت نور منتظرتني طبعن ماشتريت ملابس خذت من نور.
رحت امتحنت وجان السئله زينه يعني فكملنه يوم وره يوم منا لمن وصلنه للفرنسي اخر يوم فكلش تعبت ونفسيتي صارت زفت ابجي بليل واروح للمتحان احس نفسي كلشي مقاريه والخوف منا  وصلنه اني ونور جنت دراجع وي البنات و نور بسرعه وكعت ماعرف دخت اشوي وشفت المديره فوك راسي انطتني مي وكالت.
المديره : ليش يماما تجن بدور ريوك اتريكن وتعالن.
زهراء : ان شاء الله ست.  اشوي ورن جرس دخلنه طبعن جانت اسئله الفرنسي صعبه بشكل  حسيت نفسي ممجاوبه وطلعت ابجي.
نور:هاا لج شبيج ترى عادي اكو دور ثاني لاتخافين.
زهراء :نور رحمه لربج اسكتي مالي خلكج انتي ثانيه..

اجه رائد وخذانه واني مطايقه ادنيا كله وضايجه وكلبي محترك.
رائد: ها شلونجن بل امتحان
نور:يعني بس حظرت المدام متنرفزه كلش بس اتكله هلاو تعيط بيك..
رائد:يلا بيه الخير( وضحك عليهن)
واللّــھہ ذكرتني بيام سادس جنه نطلع نضحك حتى لو ممجاوبين وانتن تبجن وتطلعن مجاوبات..
نور :ههه هيه كله هيج والله بس احنه اشطر منكم.
رائد:كلنه نفس العقل... جانت ابد زهـراء مو يمنه وضايجه وعيونه و خشمه وخدودهة حمر من البجي صدك ضجت عليه كلت بلكي اطلع معدل زين.

.........  
بنات صدكني معندي وقت انزل الجن بس احاول اسوي الجن وقت وان شاء الله بل اسبوع الجن بارتين لو بارت بس خل افرغ اشوي تمام 💗💗😩