فصيله الشيخ رائد (مكتملة)

البارت 32

هلا هلاو بنوتات رجعت من جديد ان شاءلله تكونون بخير  اعرف كلش تخرت بس مثل متعرفون مشاغل الحياه فراح ابدي اكمل القصه قبل الدوم وك بنوتات احبكم ♥♥♥ اذا قل التفاعل اشرد وماكمل القصه 🤡

.................................. تذكّر...................................
نور:
اني مجنت منتبها لمن دخل فجنت احجي احس غيرت اشوي وهوه دخل وسلم على زهراء وهيه راحت اني كبل كمت طلعت ملابسي اغير الفستان اريد اشغل نفسي ماريد اباوع اله ابد وهوه اجه حاصرني بين الكنتور وهوه كدامي احس انفاسه تظرب بركبتي كلبي يدكك ماعرف اشبي فاا هوه مد ادي وطلع ملابسه واني بعدني بنص بين ادي وهوه ومخلي راسه على كتفي اني جمدت ماعرف شنو اسوي.
سحبت نفسي بسرعه

نور:انت شبيك انت جاي تسوي
حسين:شنو سويت اني خذت ملابسي بيهم شيي
نور: اي لعد خليني اوخر وانت اخذهم
حسين:باعي انتي مو صرتي زوجتي كمتي تتحكمين بتصرفاتي اني شنو اسوي الي حق وكي
نور:ميفيد وياك الحجي ابد
رفعلي تك حاجب وكنه ما عجبه كلامي واني رحت كعدت ع الجرباية اكلب بجهازي شفت رساله من رائد كاتبلي
مبارك ياعروس  بل رفاه والبنين يلا شوكت اصير خال.
اني شفت هيج رساله وكمت ابجي من صدك وحسن دخل للحمام يسبح احس اكو ثقل بكلبي اريد اخلص من هذا الثقل احس نفسي انغصبت على هذا الزواج
مو هوه هذا الزواج الي حلمت بي اني وحسن مو اني الي جنت انتضر يوم يوم على هذا الزواج شنو الي تغير ليش هيج حياتنه انكلبت  ميه وثمانين لهدرجه كام يكرهني وكرهني بي شنى السبب الي خلاه لان شافني وذاك معقوله لهدرجه مفكرني رخيصه انو احب احد غيره معقوله حسن هيج يفكر ببه اني حب طفوله. وحب المراهقه هيج مستحيل يفكر بيه هيج اكيد مستحيل.
اني داحجي هيج وي نفسي ودموعي وحده تنزل مسحت ادموعي وسمعت صوته يصيح الي رحت يمه وتقبلت الواقع خلاص اني زوجت وكعت بهل مصيبه لازم اتقبل كلشي لان محد يفيد البنت غير بيت زوجهه مو الناس تكول هيج مو خلو هل فكره براس البنات لان محد يدافع اله واني اعرف رائد يحبنه ويخاف علينه بس اذا عرف بسالفه مالي راح يكتلني.
وحسن الي ستر عليه.  صح اني مغلطانه بس هوه يبقى الي حفظني وحفظ ماي وجهي. 
يمكن لحد لان انتم ما فهمتو السالفه شنو وليش هيج حسن يكرهني( راح تعرفون الاحداث مع الوقت)
رحت يمه وسمعت شنو يريد مني
حسن:  نور المنشفة ع جرباية نسيت اخذهه.
نور: رحت جبتها واني ساكته ودكيت الباب
هوه فتح الباب فتح على عرضهاا اني بقيت صافنه هذا من صدك نزع المستحهة اعيوني نطن اني شفتهه بلايه ملابس.
: نور:  شنو انت ماتستحي هوه بس مد يدك لو اله تفتح الباب
حسين:  ليش استحي ومنين استحي منج قابل ماشفتي شي بليل  وغمزلي.
نور:  انت شنو تحجي من صدك، 
ذبيت المنشفه علي ورجعت لمكاني هذا من كل عقله يحجي هيج عزا بعينه صخنت والله متت بمكاني
..
زهراء:
صار الغده وخلو بل كاع فرشو سفره شكبرى لان هواي ناس باقيه عدهم. بقينه عدهم للعصر ونور ابد ماطلعت بقت شوي وطلعت النه مبدله لابسه بدله فظي واسود تجنن وطويله وهيه حلوه ومايعه عبالك اميره صح نور ملامحها ملامح عاديه بس اعيونها مسحوبات وحلكه منفوخ الي شوفها عبالها مسويهه فلر. كعدت ع الكرسي وعمتي بقت يمها كعاده واني هم يمهم اشوي وكال الي انطيني جهازي بل جنطهه اتصلت بـ رائد
رحاب:  ها يمه رؤدي شنو ما ناوي تجي تاخذنهه.
رائد:  حجيه عندي شغل هسه انتظرني فد اشوي ورجع اتصل بيكم واخذكم.
رحاب:  هاي هيه انت من تخلص رمش علينه حتى نحظر رواحنه.
رائد:  هاي هيه يمه في امان الله
رحاب:  الله وياك يمه مودع.
يمهه زهيره كومي لمي غراضنه وحضري روحج اخاف رائد يجي ياخذنة كال عندي شغل اخلصه واجي
زهراء:  هاي هيه اني محضره كلشي بس نلبس عبايتنه ونطلع ماعدنه شي.
رحاب:  خوش يما، 
رحات عمتي يم نور وتبوس بيها وتبجي ونور تبجي بحضنه الي كول راح تسافر مو مزوجه وعد عمامهه.
بس من تشوفنهاا من صدك تبجي يعني انت غصبن ما عليك تبجي يعني تحسهه الوداع صعب خو نور الخشم يصب والعيون اصب عبالك نهر دجله واني هم ودعتها وانطيتها واجب وهيه تبجي هم. بهاي الحضه اذكرت اشلون ودعت اهلي وكمت ابجي وياهن ع الواهس كلنه بل هوى سوه
اشوي ورمش رائد ل عمتي وطلعنه عمتي ركبت بل صدر يمه واني وره هوه شاف عيونه عمر طكهه ضحكه كال شبيجن شنو جنتن تتباجن. بس لا سويتنها مناحه عد العالم.
عمتي كرصته وكالت
:  والك هاي شمعت كلبي شلون انام وهيه مو بلبيت يبوو بنيتي ولا جني زوجتها.
رائد:  يبوو شقصه حجيه ترى هيه ما راحت للحرب راحت لبيت زوجها هاي تالي كل بنيه تروج وتمشي لبيت زوجها قابل تبقى عد اهله وانتي ما زوجتيها لناس غربه لعمامها واهلهه ناس منه وبينه ويخافون الله هذا ربج كريم هسه يرزقها بطفل وتكمل فرحتهم.
رحاب:  ان شاءلله بحق الحسين هيج ويجيني طفل ويصيحلي بيبي صارت عله بكلبي لا رويد يجيبلي طفل ولا قحطان الكسر ظهري.
هنا رائد سكت من سمع اسم اخوه احسه انفتح جرح كلبه الي كوه لملمة.
رد رائد:  الله كريم يماا الله كريم
وصلنه للبيت نرلنه وهوه شال الجنط دخلهمم للبيت
واني خذت الجنطه مالتي منه وصعدت للغرفه دخلت سبحت وطلعت لكيته كاعد يصلي
رحت ع المرايه كعدت امشط.. ورحت صليت وره
نزلت سويت عشى خفايف صويت صاج وياه ببسي وهل شغلات اجيت عمتي ونزل رائد وعمي كعدنه ناكل
ابو رائد:  ها شيخهه شلونهه نور شخباره
رحاب:  والله الحمدلله الله تممهه على خير
ابو رائد:  الحمدلله،  اكلج بويه هذا شنوه يمطك بل حلك جديده هل اكلهه.
زهراء:  عمو هذا اسمه صاج اي هوه على صلصه بل جبن فهيج يمطكك بل حلك هوه عجبك لو لا.
ابو رائد:  بويهه شحلاتهه جنه العافيه مثل وجه رحوبه
هوه كال هيج ورائد مات ضحك يكول بعدهم شباب ويتغرلون بس من صدك ضحكت عليهم شحلاتهم وشحلات كلامهم صح همهة كبار بس ابد ما مبين عليهم هيج كبار جنهم عصافير الحب.
كملنه وشلت الماعين غسلتهم وكملت سويت الهم جاي لان همه ابد وره كل وجبه جاي.
صبيت الهم جانو كاعدين ع الاخبار ويجحون على السياسة عمي ورائد  اجيت انطيتهم جاي وانيي هم على الواهس وياهم
وحجو بخصوص داعش غزو قوات الجيش وماتو هواي شهداء
( الله يرحم جميع شهداء)
اشوي اجاى اتصال كمز من مكانه  خذه عمي ومشو طلعو يركضون اريد افتهم سالفه شنو خذى سويج سيارته وطلع يركض هوه وعمي 

اني وعمتي  هم كمزت وره اريد افهم شكو شبي هيج شبي كلبي بقى يماا اتصل بي وناكو
اشوي واتصلت عمتي بحسن.
وحجالنه سالفه كلهه
عمي ابو رائد عنده محل سيارات يعني معرض سيارات
رحاب:  يمه شكو شبي رائد وعمك طلعو يركضون ما فهمت سالفه.
حسن: واحد الله لا ينطي حارك المعرض  والناس جاي اطفي بي  والحارس  خابر لرائد وخابرني انا هسه بطريق من انخلص انخابركم ادعيلنه عمه
ولحد الان ما طفى الحريق اذا وصل لسيارات يصير انفجار.
رحاب:  يما سوده بجهج رحاب سوده بجهج.
من الله لاينطيك ياولد الحرام يما دخيلج يام البنين استري علينه وستري فريخاتنه يماا وليداتي دخيلج يا رقيه بنت الحسين دخيله جايتج. لا ترديني.

اني كاعده وكلبي يمهم  كلبي مامرتاح وينج يماا الحكيني اريد اتصل بهلي بلكي يفزعون وياهم بس اخاف رائد مايقبل شلونن بيهه بقيت افتر بلبيت
اشوي ودك الجهاز على عمتي كبل ردت
وكامت تدك وتلطم وتكول راح الولد وراح اصير ارمله وهيه بعز شبابهه
اني سمعت هيج متت بمكاني شنو  منو مات اكله هية وهيه ابد ما جاوبني بس تلطم وتمول راح الولد
اريد افهم ماكو ابد متت بمكاني الدم ما جاي احسه يوصل لكلبي..
عمهه عليج الله منو مات احجيل يعمه ابوس ايدج
رحاب:  يماا راح راح راح سوده بجهي راح...

.
.............
بنات اسفه علو تاخير بس شاركو البارت حتى الكل يدري ويقره احبكم تفاعلو ♥♥🤡🤡 اعرف اني طماعه بس شسوي اريد تفاعل بنوتاتتت 😏😉😉😉
الكلمه: 1217